Morgunblaðið - 18.08.1996, Blaðsíða 5

MORGUNBLAÐIÐ
SUNNUDAGUR 18. ÁGÚST 1996 B 5
KLASSISKIR tón-
listarmenn líta
jafnan niður á
' poppara og popp-
arar leggja að sama skapi
iðulega fæð á þá sem leggja
stund á sígilda tónlist. Þeir
eru þó til sem virðast jafn-
vígir á hvort tveggja; geta
eins sökkt sér í flókið sam-
spil tóna og hljóma og til-
einkað sér einfaldleika
poppsins, þar sem það eitt
skiptir máli að segja ein-
falda sögu á sem einfaldast-
an hátt. Þeir Kjartan Ólafs-
son og Pétur Jónasson eru
líklega þekktastir sem iðk-
endur sígildrar tónlistar;
Kjartan sem tónskáld og
Pétur sem gítarleikari, en
hafa fleiri járn í eldinum;
fyrir skemmstu kom út með
þeim diskurinn ég, ég, ég
undir nafninu ErkiTónlist
sf. þar sem þeir félagar
flytja dægurlög af léttustu
gerð úr eigin smiðju.
Þeir Pétur og Kjartan
eiga að baki margra ára
nám í klassískri tónlist, en
líkt og svo margir aðrir hófu
þeir opinbera tónlistariðkan
sína í poppinu; voru báðir
meðal annars _í hljómsveit-
inni Pjetri og Úlfunum, sem
naut mikillar hylli á sinni
tíð. Þá var græskulaust
popp þeirra aðal, þó síðustu
ár hafi Kjartan fengist við
tyrfnar tónsmíðar og tölvu-
forritun, en Pétur hefur
meðal annars heimsótt
þorra reykvískra skólabarna
og leikið fyrir þau aðgengi-
lega sigilda tónlist á vegum
Skólaskrifstofu Reykjavík-
urborgar, aukinheldur sem
hann hefur ferðast um land-
ið með undir merkjum Tón-
listar fyrir alla með þeim
Martial Nardeau og Guð-
rúnu Birgisdóttur.
ErkiTónlist
Kjartan rekur útgáfuna
ErkiTónlist sf. sem festi fyr-
ir stuttu kaup á tölvu sem
hægt er að hljóðrita á. Tölv-
an er keypt til að taka upp
og vinna að þróun tölvutón-
smíðaforrits Kjartans,
Calmus. Diskurinn sem hér
ber á góma er tekinn upp á
tölvuna þó tónlistin sé hand-
spiluð, en í vændum er að
taka upp alvarlega diska
„sem eru ill- eða óseljanleg-
ir, annan með raftónlist,
sem selst mjög lítið, og svo
annan með klassískum gít-
arleik, sem selst aldrei,"
segir Kjartan í sneið til Pét-
urs og hlær, en flýtir sér
að bæta við að það sé aðeins
bjartara yfir slíkri útgáfu
en raftónlistinni. „Þá kvikn-
aði sú hugmynd að gefa út
disk með aðgengilegri tón-
list og selja meðal annars
tii að fjármagna að hluta
hina diskana."
Pétur segir að lögin séu
flest ný af nálinni, en einnig
séu eldri lög í bland. „Við
ákváðum bara að beita fyrir
okkur postmodernisman-
um,“ segir Kjartan og kím-
ir, „og fara ekki í þá tónlist
sem ber hæst núna, sem er
ekkert nema enn ein útgáfa
af minimalisma. Við gerðum
bara það sem okkur datt í
hug á hveijum degi, lögin
eru ólík þó sameiginlegt ein-
kenni þeirra sé hve melódísk
þau eru.“
Þeir félagar segja að út-
gáfan sé hvíld fyrir þá, lög-
in séu einföld að allri gerð
og vísi til fyrri tíma í poppi.
„Það hefði verið ósköp lítið
Tekió upp ó tölvu
EINFALDLEI
Leið margra tónlistar-
manna liggur fró popp-
inu í klassík; eftir að
hafa streðað við frumstæða gítarhljóma og hrynsyrpur leita menn
í ótt að flóknari tónlist og veigameiri. Árni Matthíasson komst að
því að þeir Kjartan Olafsson og Pétur Jónasson hafa ókveðið að
snúa aftur í poppið, að minnsta kosti í bili.
popptónlist og myndum
aldrei gefa þetta út ef svo
væri.“
í hefðbundnu útgáfuferli
er vinnan rétt að hefjast
þegar tónlistin loks kemur
út, framundan er strembin
vinna við að kynna hana,
koma inn í útvarp og helst
að ferðast um með hljóm-
sveit. Þeir félagar segjast
og velta því fyrir sér að fá
til liðs við sig trymbil og
annan gítarleikara til að
leika á einhveijum tónleik-
um og kynna plötuna sem
víðast. „Ef við ákveðum að
setja saman sveit verður
hún að vera góð og þá er
eins víst að við spilum á ein-
hvetjum böllum. Þetta er
allt hluti af því að gefa út
plötu, gaman og vinna sam-
tímis, en við erum langtífrá
að leggja klassíkina á hill-
una,“ segja þeir ákveðnir.
Eins og getið er á næsta
plata að vera með elektrón-
ískri tónlist sem þeir félagar
vinna saman að hluta,
Kjartan semur en Pétur tek-
ur þátt í að flytja. Á popp-
disk þeirra eru þrjú brot úr
því verki, „sem einskonar
innskot“.
Kjartan segir að það hafi
verið heillandi verkefni að
vinna piötuna; „að fara í
þennan einfaldleika, ein-
faldleika sem jaðrar við að
vera næf. í gegnum tónlist-
arsöguna koma alltaf sveifl-
ur, tónlistin fer í díónýsískar
flækjur og allt verður
samkrullað og síðan í appól-
ónískan fasa þar sem allt
er einfalt og tært og þessi
ofureinfaldleiki heillar.“
„Lögin eru einföld og byggj-
ast á sterkum laglínum,"
skýtur Pétur inní, „og ekki
mikið útsett, ekki beint
hrátt en nálægt því. Þetta
er líka þannig í klassíkinni;
það sem er einfalt er flott
og þarf alls ekki að vera
neikvætt. Það má því ekki
skilja það sem svo að það
sé eitthvað slæmt að poppið
sé einfalt, það getur verið
erfítt að gera einfalda hluti
vel.“
ÉG, ÉG ÉG; Kjartan Ólafsson, PowerPC og Pétur Jónasson.
Morgunblaðið/Ásdís
mál að gera þyngri plötu,
en við vildum taka okkur
einskonar sumarfrí," segir
Kjartan og Pétur bætir við
að það sé mikil hvíld og
gaman að bregða sér í ein-
falda tónlist, en dagleg iðja
þeirra hefur verið klassísk
tónlist, að semja eða flytja
aukinheldur sem þeir kenna
báðir.
Ekld popp sem aóalstarf
Pétur segir þá ekki sjá
neitt því til fyrirstöðu að
taka upp fyrri iðju að ein-
hveiju leyti, að iðja eitthvað
við poppið, en ekki segjast
þeir vilja stefna í popp sem
aðalstarf. „Á síðasta ári lék
ég inn á plötu með klass-
ískri tónlist,“ segir Pétur,
„núna er það þessi tónlist
og næst á dagskrá er sóló-
diskur; ég er starfandi tón-
listarmaður og nota það sem
ég kann. Við erum ekki að
setja ofan við að gefa út
Platan er tekin upp heima
í stofu hjá Kjartani á nýja
PowerPC Macintosh-tölvu
sem ErkiTónlist festi kaup
á til að taka upp plötur sem
þessa, eins og getið er í
upphafi. Kjartan segir að
það hafi tekið smátíma að
ná tökum á tækninni en
þegar það var komið hafi
allt gengið eins og í sögu;
„við unnum upptökurnar
hratt og vel. Það tók sinn
tíma að semja lögin, stóð
reyndar mest á textunum,“
segir hann og hnippir í Pét-
ur sem semur alla texta
nema einn, „en þegar þeir
voru komnir tókum við þetta
upp á skömmum tíma, yfir-
leitt var ekki nema ein taka
af hveijum kafla fyrir sig.“
Hann segir að það hafi kom-
ið sér skemmtilega á óvart
hvað hljómur heppnaðist vel
þrátt fyrir frumstæðar að-
stæður og ljóst að upptöku-
tækni sem þessi eigi eftir
að auðvelda enn að taka upp
plötur á ódýran og einfaldan
hátt.
Pétur Jónasson er þekkt-
ur fyrir flest annað en texta-
gerð og segir að það hafi
tekið tíma að komast í gang
við að semja. „Síðan gekk
þetta harla vel,“ segir hann
hróðugur en Kjartan flissar.