Morgunblaðið - 20.08.1996, Síða 40

40 ÞRIÐJUDAGUR 20. ÁGÚST 1996
MORGUNBLAÐIÐ
Dýraglens
( t?AP ER SAST A€> HANN S£SA
s\jtLS/CEYTT/4STI HER I Hj
éö helpae>hann\ / f>A£>, e<ú
TIZí^OUI^
BUNDlNN
VIÐ HVOO.
IÐ 'A &ÍLN
V/A
HAAiS
=!<^rrwcr^ Ji ov iVgúVr ou7"W>,t4
Tommi og Jenni
?ow!Pow!Fow!
Pow!Fow!pow!
I PIPN T THINK IT
10A5 P0SSIBLE..Y00R
STORIES ARE 6ETTINS
DUMBER ALL TWETIME!
It was a dark and
stormy night.Suddenly,
ail sorts of shots
rang out!
7-/«)
Það var dimm óveðursnótt... Púff! Púff! Púff! Ég hélt að þetta væri Ekkert er útilokað ...
Skyndilega glumdu við alls Púff! útilokað . . . sögurnar
þinar verða stöðugt
asnalegri!
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Námskeið söngmálasljóra
Hvar var
kórfólkið?
Frá Guðrúnu Sigurðardóttur:
ÞAÐ er þoka og súld á Suðurlandi.
Hellisheiðin grá og skyggnið Iélegt.
En mér liggur á að komast austur,
engan tíma má missa. Til Skálholts
er ég komin um kl. 9.30 laugardag-
inn 15. júní sl. Ég hraða mér inn
í skólann, geng á hljóðið og auðvit-
að var þar allt komið í fullan gang.
Ingveldur Hjaltested þegar byijuð
að raddæfa hóp af áhugasömu fólki
hvaðanæva af landinu. Ekki var um
að villast: árlegt kirkjukóranám-
skeið söngmálastjóra, hið 22. í röð-
inni, var hafíð. Stundaskráin þétt
sett eins og venjulega og enginn
tími látinn fara til spillis. Eftir upp-
hitun hjá Ingveldi skiptast á radd-
kennsla og kóræfingar þar sem
aðallega eru við stjórnvölinn organ-
isti og kórstjóri Skálholtskirkju,
Hilmar Örn Agnarsson, röggsamur
og hress, og söngmálastjórinn
Haukur Guðlaugsson, ljúflyndur og
þrautseigur. Samstarf þeirra er með
miklum ágætum og þrátt fyrir mis-
munandi starfsaðferðir (eða
kannski vegna þeirra) tekst þeim á
ótrúlega skömmum tíma að laða
fram þann samhljóm, sem nauðsyn-
legur er til að bæði þátttakendur
og hlýðendur njóti söngsins.
En fyrir fleiru þarf að sjá en
tónlistaræfingum því svengdin seg-
ir gjarnan til sín við slíka iðju og
borðstofan í Skálholtsskóla er vin-
sæl mjög og menn láta ekki bíða
eftir sér þegar að matmálstíma
kemur enda einvalalið í eldhúsinu
og maturinn gómsætur eins og
endranær.
Að loknum kvöldverði á laugar-
dagskvöld hlýddum við á yndislega
tónleika þeirra Gunnars Kvaran,
sellóleikara, og Selmu Guðmunds-
dóttur, píanóleikara, í Oddsstofu.
Dagurinn endaði svo á sama hátt
og hann byijaði, með bænastund í
kirkjunni, sem séra Kristján Valur
Ingólfsson, rektor skólans, stjórnaði.
Sunnudagurinn hófst með morg-
unmat og að honum loknum stóðu
æfingar til undirbúnings messunni
til hádegis en messað var kl. 14.00.
Þar predikaði staðarprestur, séra
Guðmundur Óli Ólafsson, og þátt-
takendur á námskeiðinu önnuðust
tónlistarflutning. Námskeiðslok
voru síðan að lokinni kaffidrykkju.
Þessi frásögn mín hefst á laugar-
dagsmorgni en námskeiðið byijaði
á fimmtudagskvöldi og var æft all-
an föstudaginn að venju. Á föstu-
dagskvöldið var síðan einstaklega
vel heppnuð og skemmtileg kvöld-
vaka að sögn þeirra sem þar voru.
Sú skemmtun fór nú fram í Odds-
stofu við sumarbúðirnar en ekki í
Aratungu eins og jafnan hefur ver-
ið, vegna þess hversu fámennt var
á námskeiðinu að þessu sinni.
Kem ég þá loks að upphaflegu
tilefni þessa greinarstúfs, sem var
undrun mín yfir því hversu miklu
færra kórfólk sótti þetta námskeið
en ávallt áður; þetta einstaka tæki-
færi, sem söngmálastjóri veitir okk-
ur sem störfum í kirkjukórum til
að koma saman, fá fræðslu og leið-
sögn hæfra manna og kvenna, æfa
skemmtileg viðfangsefni, fá stóra
og vandaða möppu fulla af áhuga-
verðu tónlistarefni til að taka með
heim og síðast en ekki síst til að
kynnast öðru fólki með sömu
áhugamál.
Ég er búin að taka þátt í æði
mörgum námskeiðum í Skálholti og
alltaf komið heim fullviss þess að
þarna sé unnið mikilvægt og gott
starf. Starf sem miðar að því að
fegra guðsþjónustuhaldið í kirkjum
landsins og auka á hátíðleika þess
og þar með að laða fólk að kirkj-
unni.
í formálsorðum sínum að áður-
nefndri möppu með tónlistarefni
sem þátttakendur námskeiðsins
fengu segir söngmálastjóri m.a.
....en vægi tónlistarinnar í kirkj-
unni felst einmitt í því að vera í
þjónustu þess (orðsins) og dýpka
skilning manna á þeim göfuga boð-
skap sem þar er geymdur. Oll kór-
verk sem birtast í þessari bók eiga
að stefna að þvi markmiði, því í
kirkjunni skal fegurðin ríkja. Úr
kirkjunni eigum við að koma betri
en þegar við fórum þangað inn og
því á allt að vera þar vandað og
vel gert.“
Haukur Guðlaugsson og allt það
frábæra fólk sem hann hefur feng-
ið sér til fulltingis hefur svo sannar-
lega lagt sitt lóð á vogarskálina til
eflingar kirkjulegu starfi um allt
land.
Það er von mín að kirkjukórafólk
láti sig ekki vanta á næsta nám-
skeið hjá söngmálastjóra. Af því
verður enginn svikinn.
GUÐRÚN SIGURÐARDÓTTIR,
formaður Kirkjukórasambands
Sslands.
FRÁ kirkjukóranámskeiði í Skálholti.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan liátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.