Morgunblaðið - 21.08.1996, Blaðsíða 3

MORGUNBLAÐIÐ
MIÐVIKUDAGUR 21. ÁGÚST 1996 C 3
FRÉTTIR
Morgunblaðið/Þorgeir Baldursson
AÐ ÝMSU þarf að dytta og hér sést Þórir Jakobsson, vélstjóri, skera í sundur skó á hlera.
Tæp 14 þúsund tonn
á Flæmska hattinum
FREMUR rólegt er nú yfir rækju-
veiðum á Flæmska hattinum en
menn binda vonir við að veiði glæð-
ist þar þegar líða fer á haustið.
Rækjuveiðar á Flæmingjagrunni
hafa aukist með hverju árinu frá
því að íslendingar hófu þar veiðar
og nú er svo komið að veiðarnar í
ár eru nær helmingi meiri en þær
voru á sama tíma í fyrra. Sjómenn
segja þó að afli sé tregari en áður
en mun fleiri skip eru á veiðunum
og afkastageta þeirra hefur aukist
til muna þar sem sífellt fleiri toga
nú með tvö troll. Þegar mest var í
sumar voru um 30 íslensk skip á
Flæmska hattinum en þeim hefur
fækkað nokkuð að undanförnu og
nú eru þar 19 skip að veiðum.
íslensk skip á Flæmingjagrunni
veiddu rúm 13.905 tonn af rækju á
fyrstu sjö mánuðum ársins en á
sama tíma í fyrra höfðu íslensk
skip veitt alls um 3.100 tonn af
rækju á Flæmska hattinum en þá
hófust veiðar ekki fyrr en í apríl. í
júlí veiddust um 3.533 tonn af rækju
en mest hefur veiðst í júní á þessu
ári, alls 4.333 tonn og til saman-
burðar má nefna að í júní í fyrra
veiddust um 871 tonn á Hattinum.
Alls veiddu íslensk skip tæp 7.500
tonn af rækju á Flæmingjagrunni í
fyrra sem var þrefalt meiri veiði en
árið 1994 en þá veiddust um 2.400
tonn. Verðmæti aflans í fyrra var
um 1.3 milljarður króna.
Dalborg EA frá Dalvík hefur ver-
ið á Flæmska hattinum einna lengst
íslenskra skipa. Skipverjar á Dal-
borgu komu síðast heim til íslands
nú í júlí eftir rúmlega tveggja mán-
aða úthald. Þeir eru að sögn ánægð-
ir með dvölina á Hattinum en aflinn
hefði að öllu jöfnu mátt vera meiri.
Þorgeir Baldursson, skipverji á Dal-
borgu, tók myndir af skipsfélögum
sínum á Hattinum í sumar.
SKIPVERJAR á Dalborgu EA hnýta fyrir trollpokana en langflest íslensku skipanna
á Flæmska toga með tvö troll.
mm.
HELGI Jakobsson frá Dalvík var eftirlitsmaður um borð í Dal-
borgu EA og sést hér við mælingar sínar, einbeittur á svip.
THOR Skordal, færeyskur háseti um borð í Dalborgu EA, flokk-
ar japansrækju af kostgæfni.
Kjöt af hval og sel
slær í gegn í Noregi
HVALKJÖT og selkjöt hafa slegið í gegn í Noregi og er eftirspurnin
í selnum miklu meiri en framboðið. Verðið er þó svipað og á öðru kjöti.
Kílóið af hvalkjötsbuffinu kostar um 1.000 kr. ísl. og um 800 kr. í selnum.
Við upphaf hvalvertíðarinnar neituðu helstu kaupendur hvalkjötsins
að greiða það verð, sem sjómenn settu upp, um 270 ísl. kr. fyrir kílóið,
en vegna mikillar eftirspurnar létu þeir undan og greiddu loksins um
340 kr. fyrir kg.
Selfangaramir þurftu aldrei að standa í neinu prútti um verðið og
fengu það, sem þeir settu upp, enda var eftirspurnin miklu meiri en
framboðið. Þykir selkjötið bragðgott, meyrt og auðvelt í matreiðslu.
Þarf fólk helst að leggja inn pöntun strax til að vera öruggt um að
fá selkjöt á næstu vertíð, að minnsta kosti þar til veiðarnar verða aukn-
ar verulega.