Morgunblaðið - 21.08.1996, Blaðsíða 8

MIÐVIKUDAGUR 21. ÁGÚST1996
Dyttað að í
kvótaleysi
ÚTGERÐARMENN á stærri bát-
um, sem búnir eru með kvótann,
hafa sumir hverjir brugðið á það
ráð að láta menn sína mála skip-
in í stað þess að segja þeím upp
tryggingu. Eitt þeirra skipa er
Hamar SH 224 frá Rifi sem hér
fær allsherjar andlitslyftingu.
Morgunblaðið/ÞrösUir Heiðar
Tilraunir með að beita
net að hefjast í Noregi
NET eru ólík öðrum veiðarfærum að
því leyti, að með möskvastærðinni má
ráða miklu um það hve stóran fisk þau
taka. Þau eru hins vegar dýr og neta-
missir algengur og því skiptir það veru-
legu máli hve mikið fæst í hverja trossu.
í Noregi eru nú að hefjast tilraunir með
beitu í neti og er vonast til, að það
geti orðið til að auka aflann, fækka
trossunum og stytta þann tíma, sem
þær eru í sjó. Takist vel til gæti það
kannski útrýmt því óorði, sem oft hefur
farið af netafisknum.
Kemur þetta fram í norska sjáv-
arfréttablaðinu Fiskaren en það er
Arild Engás hjá hafrannsóknastofnun-
inni í Björgvin, sem stendur fyrir til-
rauninni. I sambandi við hana ætlar
svo fyrirtækið AS Plast og Verktoy
að gera tilraunir með sjálfvirkan lyktar-
dreifi og á hann að hafa sömu áhrif
og beitan, að laða að fiskinn og auka
þar með aflann. Hugsanlega gæti
lyktardreifirinn gagnast vel á línunni
einnig og þegar sóst er eftir lifandi fiski
í gildrur.
Vildu ekki netaflsk
Netin eru eitt algengasta veiðarfærið
hjá norska bátaflotanum en um þau eða
netafiskinn standa þó stöðugar deilur.
Sem dæmi má nefna, að á síðustu vor-
vertíð í Finnmörk neituðu flest fisk-
vinnslufyrirtækin að taka við netafiski
þótt hann sé yfirleitt stærri en annar
fiskur og þar með hentugri í salt.
Engás segir, að á síðasta áratug hafi
verið gerðar tilraunir með beitu í neti
en þótt þær hafi lofað góðu, hafi þeim
ekki verið fýlgt eftir. Vandinn við venju-
lega beitu sé hins vegar sá, að lyktin
hverfi að mestu á fyrsta hálftímanum.
Nú eigi hins vegar að steypa beituna í
uppleysanlegt hlaup, sem komið verður
fyrir í netinu.
Beitarhegðun könnuð
Auk þessa hefur Engás staðið fyrir
rannsóknum á beitarhegðun fisks með
því að koma fyrir í honum litlum send-
um. Komið hefur í ljós, að djúpt úti af
Björgvin er fiskurinn athafnasamastur
í um tvo tíma á morgnana og síðan
aftur í nokkru skemmri tíma á kvöldin.
Þessi vitneskja getur komið sér vel og
sagt mönnum hvenær best sé að leggja
netin.
Afli á íslandsmiðum 1905-1996
1905 1910 1915 1920 1925 1930 1935 1940 1945 1950 1955 1960 1965 1970 1975
1990 1995
Afli á Islandsmiðum 1905-1996
Afli íslendinga og útlendinga (Svæðiva)
(Miðað er við almanaksár nema fyrir 1996,
sem eru bráðabirgðatölur fyrir fiskveiðiárið
95/96 þegar einn mánuður er eftir af þvij
1905 1910 1915 1920 1925 1930 1935 1940 1945 1950 1955 1950 1965 1970 1975 1900 1905 1990 1995
FÓLK
Ráðinn
útgerðarstjóri
á Húsavík
• KRISTJÁN Björn Garð-
arsson, deildarverkfræðingur
hjá Iðntæknistofnun á Akur-
eyri, hefur
verið ráðinn
sem útgerðar-
stjóri hjá
Fiskiðjusam-
lagi Húsavík-
ur frá og með
1. september
nk. Stefnt er
að samein-
ingu FH og útgerðarfélagsins
Höfða hf. á Húsavík, sem ger-
ir út frystitogarana Kolbeinsey
og Júlíus Havsteen og rækju-
bátinn Kristey. Gerðir hafa
verið starfslokasamningar við
þáKrislján Ásgeirsson, fram-
kvæmdastjóra Höfða hf., sem
láta mun af störfum um ára-
mótin, Helga Krisljánsson
fjármálastjóra, sem hætturer
störfum, og Tryggva Finns-
son, sem nú er að láta af starfi
framkvæmdastjóra FH, en í
hans stað kemur Einar Svans-
son, fyrrum framkvæmda-
stjóri Fiskiðjunnar-Skagfirð-
ings.
Krisiján Björn er innfædd-
ur Akureyringur, fæddur 15.
janúar árið 1953. Hann tók
farmannapróf frá Stýrimanna-
skólanum í Reykjavík árið
1973, lauk varðskipaprófi ári
síðar og starfaði sem stýri-
maður á flestum gerðum skipa
upp frá því. Hann lauk námi
í útgerðartækni frá Tækni-
skóla íslands árið 1985 og fór
þá til Danmerkur þar sem
hann lauk BS-prófi í vélaverk-
fræði frá Álaborgarháskóla
árið 1988. Þá hélt hann vestur
um haf til Bandaríkjanna og
lauk meistaranámi í iðnaðar-
verkfræði frá Bradley Uni-
versity í Illinois-fylki árið
1991. Frá 1991-1993 gegndi
hann stöðu framkvæmdastjóra
fyrir Iðnþróunarfélag Norður-
lands vestra og síðan þá hefur
hann veitt forstöðu skrifstofu
Iðntæknistofnunar íslands á
Akureyri og samhliða verið í
hálfri lektorsstöðu við Háskól-
ann á Akureyri. Eiginkona
hans er Helga Alfreðsdóttir,
þroskaþjálfi hjá Svæðisskrif-
stofu um málefni fatlaðra á
Norðurlandi eystra, og eiga
þau þijú börn.
Kristján Björn
Garðarsson
Kvótasalan
fær liðsauka
Árni
Guðmundson
• ARNI Guðmundsson,
fyrrverandi sölustjóri Kvóta-
markaðarins hf., hefur söðl-
að um og
tekið til
starfa á
Kvótasölunni
ehf. í Hafn-
arfirði. Að
sögn Svav-
ars Þor-
steinssonar,
fram-
kvæmdastjóra Kvótasölunn-
ar, hefur Árni víðtæka þekk-
ingu og reynslu í kvótasölu-
málum og því um öflugan
liðsauka að ræða.
Að sögn Svavars verða á
næsta fiskveiðiári enn frem-
ur gerðar breytingar á við-
skiptaháttum Kvótasölunn-
ar. Tekið verði upp útboð-
skerfi þar sem kaupendur
geti fengið sendar til sín
upplýsingar á faxi um þann
kvót sem er til sölu hverju
sinni. Þeir sendi tilboð sín
tilbaka og kvótinn sé síðan
seldur hæstbjóðanda.
Stjórn Union
Islandia skipuð
• SÍF, Sölusamband ís-
lenzkra fiskframleiðenda,
hefur skipað fimm manna
stjóm í dótt-
urfyrirtæki
sínu Union
Islandia í
Barcelona á
Spáni, eftir
að samstarf-
inu við Cop-
esco þar í
borg var slit-
ið. SÍF hefur því tekið sölu-
mái í Katalóníu og annars
staðar á Spáni í eigin hendur.
Áður vour í stjórn Copesco
SÍF þeir Gunnar Örn Krist-
jánsson, framkvæmdastjóri
SÍF, Sighvatur Bjarnason,
stjórnarformaður SÍF, og
Geir Siguijónsson, einn
stjórnarmanna í félaginu. Þeir
sitja í stjórn Union Islandia,
en þeim til halds og trausts
hafa bætzt þeir Karl Njáls-
son, fiskverkandi úr Garði,
og Pétur Pálsson, starfs-
bróðir hans frá Grindavík.
Stjórnin hefur ekki skipt með
sér verkum. Framkvæmda-
stjóri fyrirtækisins er Úlfar
Steindórsson.
Úlfar
Steindórs-
Barbecue-steiktur
steinbítur
STEINBÍT hefur ef til vill ekki verið gefinn nógu
mikill gaumur sem matfiskur á hversdagsborðið enda
K-Tf-WnTTni ekki frýnilegur á að líta. Óhætt er
®***""»j***l þó að fullyrða að fiskur þessi kemur
á óvart eftir að hafa fengið matreiðslu eftir kúnstar-
innar reglum. Hann Brynjólfur Sigurðsson, kokkur á
Kringlukránni, er einn þeirra sem kann að með-
höndla steinbít lystavel. I réttinn, sem ætlaður er fyr-
ir fjóra, þarf:
800 g roðlaus og beinlaus
steinbítur
34 dl Hickory barbecue-sósa
hveiti
salt
pipar
óiifuolla
Skerið steinbítinn í hæfilega stóra bita og veltið upp
úr hveiti. Setjið olíuna á pönnu og hitið vel. Penslið
steinbítinn með barbecue-sósu og steikið fiskinn I um
það bil tvær mín. á hvorri hlið. Að steikingu lokinni
er gott að setja 1 msk. af barbecue-sósu á hvem fisk-
bita fyrir sig. Kryddið með salti og pipar. Meðlæti er
auðvitað eftir smekk hvers og eins, en hægt er að
hugsa sér ferskt iceberg eða kínakál, t.ómata, agúrkur
og papriku. Með grænmetinu má hafa sinnepsdress-
ingu, sem búin er til úr einurn hluta af majonesi á
móti einum hluta af sætu sinnepi.