Morgunblaðið - 22.08.1996, Blaðsíða 2

2 B FIMMTUDAGUR 22. ÁGÚST 1996
MORGUNBLAÐIÐ
EJS sinnir
upplýsinga-
væðingu
fyrirtækja
liJS hf. hefur sett á laggirnar sér-
staka deild, MSF Lausnir, sem ætl-
að er að aðstoða fyrirtæki í upplýs-
ingavæðingu sinni. Deild þessari er
ætlað að leiðbeina fyrirtækjum um
hvernig standa beri að upplýsinga-
væðingu þeirra og að setja saman
og aðstoða við aðlögun þess hug-
búnaðar sem fyrirtækið þarf, að því
er segir í frétt frá EJS.
Deildin sækir nafn sitt til þeirrar
heildarsýnar sem Microsoft hefur
mótað í upplýsingamálum fyrir-
tækja og nefnist MSF eða „Micro-
soft Solutions Framework". MSF
:er ætlað að leiðbeina fyrirtækjum
og stofnunum við að innleiða, hanna
og stjórna viðskiptakerfum framtíð-
arinnar og auka nýtingu og skil-
f virkni upplýsingakerfa.
EJS er opinber samstarfsaðili
Microsoft á Islandi og fékk fyrir-
tækið nýlega viðurkenningu sem
„Microsoft Solutions Provider".
Deildarstjóri hinnar nýju deildar
EJS er Asgrímur Skarphéðinsson.
____________________VIÐSKIPTI_____________________________________
Frumvarp um breytingu ríkisbankanna í hlutafélög kynnt í ríkisstjórn fljótlega
Viðskiptaráðherra með
þxjár leiðir tíl skoðunar
VIÐSKIPTARÁÐHERRA mun á næstunni
leggja frumvarp fyrir ríkisstjórn þar sem kveðið
er á um að ríkisbönkunum, Landsbanka og Bún-
aðarbanka, verði breytt í hlutafélög. Viðskipta-
ráðherra skipaði samráðsnefnd viðskiptaráðu-
neytis, fjármálaráðuneytis og Seðlabanka fyrr á
þessu ári til að semja frumvarp um slíkar form-
breytingar á bönkunum. Nefndin skilaði tillögum
sínum í frumvarpsformi til ráðherra í mai og
hafa þær verið til skoðunar í viðskiptaráðuneyt-
inu síðan. Stefnt er að því að leggja frumvarpið
fram á Alþingi við setningu þess í haust.
Samkvæmt heimildum Morgunblaðsins fela
tillögurnar í sér þrjár leiðir, sem nefndin telur
færar til að gera ríkisbankana að hlutafélögum.
Munurinn á þessum leiðum felst aðallega í því
að mismunandi er hvar ábyrgðin á framkvæmd-
inni liggur.
í fyrstu tillögunni er gert ráð fyrir að stofnuð
verði tvö hlutafélög um ríkisbankana eða að
hvorum banka um sig verði breytt í hlutafélag.
Stjórnum og starfsmönnum bankanna verði síð-
an falið að annast vinnu vegna formbreyting-
anna. Ábyrgðin á framkvæmdinni myndi því
liggja innan bankanna sjálfra. Verði þessi leið
farin er ekkert því til fyrirstöðu að þessi hlutafé-
lög verði stofnuð fljótlega, t.d. um næstu áramót.
Önnur tillagan felur það í sér að stofnuð verði
tvö hlutafélög, eitt fyrir hvorn banka, sem myndu
hvort í sínu lagi undirbúa formbreytingu. Að
þeirri vinnu lokinni yrði bönkunum síðan „rennt“
inn í þessi félög. Þarna myndu stjórnendur félag-
anna tveggja en ekki viðkomandi banka bera
ábyrgð á framkvæmdinni.
Eignarhaldsfélag ríkisbankanna?
Þriðja leiðin kveður á um að ríkið stofnaði
eitt eignarhaldsfélag, sem sett yrði yfir báða
bankana. Auk þess að annast vinnu vegna form-
breytinganna myndi það t.d. athuga hvort rétt
væri að sameina útibú eða gera aðrar breyting-
ar á bönkunum, sem bætt gætu rekstur. Að
þeirri vinnu lokinni yrðu tvö hlutafélög stofnuð,
eitt fyrir hvorn banka, sem tækju við hlutverki
þeirra. Annað hvort yrði eignarhaldsfélagið síðan
lagt niður en einnig kemur til greina að það
færi áfram með hlut ríkisins í bönkunum. í þessu
dæmi myndi stjórn eignarhaldsfélagsins bera
ábyrgð á framkvæmdinni. Þessi aðferð tæki
væntanlega lengstan tíma af þeim þremur sem
hér hafa verið nefndar.
Viðskiptaráðherra vildi ekkert tjá sig um til-
lögurnar í samtali við Morgunblaðið. Hann hefur
haft þær til skoðunar síðan í maí en búist er
við því að hann muni fljótlega leggja fram til-
lögu um það í ríkisstjórn hvaða leið hann telji
vænlegast að fara. Lífeyrismál starfsmanna
bankanna og hvernig þeim verður hagað eftir
væntanlega formbreytingu er afar viðkvæmt
mál en nefndin setti fram ýmsar hugmyndir þar
að lútandi. Hafa þær verið til gaumgæfilegrar
skoðunar í viðskiptaráðuneytinu og er ljóst að
mikil áhersla verður lögð á að leysa það mál í
góðri sátt við starfsmenn bankanna.
Stefnt er að því að leggja frumvarpið fram á
Alþingi í haust.
Góðir möguleikar
á vistrænum
byggðakjömum
BRESKI sérfræðingurinn, Patrick
Gribbin, telur Island eiga mikla
möguleika á uppbyggingu vistrænna
svæða. Á umræðufundi á Sólheimum
í Grímsnesi í gær kynnti hann að-
standendum átaksverkefnis um vist-
ræna byggðakjarna drög að skýrslu
um stöðu valinna byggðarlaga á
þessu sviði.
Að sögn Patricks eru möguleikar
íslands miklir á sviði vistrænnar
byggðar. „Á íslandi er neysla mat-
væla miklu öruggari en víðast annars
staðar vegna þess hversu matvælin
eru laus við eiturefni. Lífræn ræktun
á grænmeti er stunduð á nokkrum
stöðum á landinu og lítið vantar upp
á að allt lambakjötið sem er fram-
leitt sé lífrænt ræktað. Aftur á móti
þarf að bæta frárennslismálin á flest-
um stöðum.
Byggðakjarnar sem vilja taka upp
vistræna framleiðslu þurfa að lag-
færa þau til þess að vera viðurkennd-
ir sem slíkir. Náttúruauðæfi landsins
eru gríðarleg. Öll raforkan og jarðhit-
inn ásamt hreinum jarðvegi bjóða upp
á óþijótandi möguleika. Þetta þarf
þjóðin að nýta sér,“ segir Patrick.
Eykur útflutningsmöguleika
Baldvin Jónsson, verkefnisstjóri
Áforms, segir að þrátt fyrir að lag-
færingar á frárennslismálum séu
frekar kostnaðarsamar, margborgi
sig að koma þeim í lag. „Ef þeim
verður komið í gott horf getum við
horft til útflutnings á vottuðum
matvælum og fengið raunhæft verð
fyrir framleiðsluna."
Gróðurhúsaeigendur sýna líf-
rænni ræktun sífellt aukinn áhuga
og útlit er fyrir að fleiri komi til
með að bætast í hóp framleiðenda
lífræns ræktaðs grænmetis hér á
landi.
Sólheimar í Grímsnesi hafa allt
frá stofnun heimilisins árið 1930
framleitt lífrænt ræktað grænmeti.
Nýlega var heimilinu boðinn aðgang-
ur að alheimssamtökum vistrænna
samfélaga, fyrst islenskra byggða-
kjarna.
Óðinn Helgi Jónsson, fram-
kvæmdastjóri Sólheima, segir að
staðurinn sé að mestu sjálfum sér
nógur. „Við ræktum okkar eigið
grænmeti, rekum verslun, erum með
skógrækt og hér er jafnvel banki. Á
vinnustofunum eru framleiddar
mottur og töskur úr efnisafgöngum.
Pappír er endurnýttur og þannig
mætti lengi telja. Hér hefur aldrei
verið notað eitur í skógræktinni og
hún er lífræn líkt og grænmetisfram-
leiðslan,“ segir Óðinn.
Morgunblaðið/Guðrún
ÓÐINN Helgl Jónsson, Baldvin Jónsson og Patrick Gribbin í
gróðurhúsi á Sólheimum í Grímsnesi.
Morgunblaðið/Ásdls
Ný verslun með
skrifstofuhúsgögn
NÝ VERSLUN, EG skrifstofu-
búnaður, hefur verið opnuð að
Armúla 20. Þar eru á boðstólum
skrifstofu- og fundarhúsgögn
og segir eigandi verslunarinnar,
Einar Gylfason, að markmiðið
sé að bjóða ávallt gæðahúsgögn
á góðu verði. „Við leggjum sér-
staka áherslu á að hafa ávallt
gott úrval af skrifborðum, stól-
um, skjalaskápum og fundar-
húsgögnum. Við flytjum inn
húsjgögn frá Danmörku, Noregi
og Italíu og höfum m.a. fengið
umboð fyrir hina þekktu Haag
skrifborðsstóla. Þeir eru heims-
þekktir fyrir góða hönnun og
vandaðan frágang og framleið-
andi tekur m.a. ábyrgð á hæðar-
pumpunni eins lengi og sjálfur
stóllinn endist. Þeir hafa ekki
verið seldir áður í verslunum
hérlendis en hafa um 40% mark-
aðshlutdeild í Noregi,“ segir
Einar.
Einar þekkir vel til verslunar
með skrifstofuhúsgögn en hann
vann áður hjá Pennanum og síð-
ar hjá GKS áður en hann opnaði
EG skrifstofubúnað.
Kína vegur
þyngst í við-
skiptahalla
Bandaríkj-
anna
KÍNA hefur nú í fyrsta sinn í sög-
unni náð því að eiga mestan hlut
í viðskiptahalla Bandaríkjanna. Þar
með hefur Kína tekið við hlut-
verki, sem um langt árabil hafði
verið á höndum útflutningsstór-
veldisins Japans.
Stjórnmálaskýrendur segja
þessa þróun geta orðið til að
íþyngja samskiptum Kína og
Bandaríkjanna enn frekar og auka
á þrýsting af hálfu Bandaríkjanna
að það sem þar á bæ sé álitið vera
ósanngjarnar takmarkanir á inn-
flutning bandarísks varnings verði
aflétt.
Spáð af hagfræðingum
Hagfræðingar höfðu spáð því að
til þessa myndi koma, þar sem
Kína hefur á undanförnum misser-
um verið að auka útflutning hröð-
um skrefum á meðan Japan hefur
opnað heimamarkað sinn í síaukn-
um mæli fyrir innflutningi.
Viðskiptahalli Bandaríkjanna við
Kína náði í júnímánuði 3,3 milljörð-
um bandaríkjadala, eða um 221
milljarði króna. Þetta er um 40 af
hundraði heildarhallans, sem lækk-
aði þó verulega frá því í maí, úr
10,5 milljörðum dala niður í 8,1
milljarð. Á sama tíma hefur við-
skiptahallinn við Japan dregizt
saman; hann var kominn niður í
3,2 milljarða dala í júni, sem er
veruleg lækkun samanborið við
hallann ári áður, sem var 5,3 millj-
arðar dala.
Helgast lækkunin á hallanum
gagnvart Japan fyrst og fremst af
því að löngu samdráttarskeiði lauk
þar eystra, sem hefur m.a. haft í
för með sér að eftirspurn eftir inn-
fluttum afurðum hefur stóraukizt.
Einnig er talið að aukninguna á
hallanum gagnvart Kína megi að
hluta rekja til flutninga á fram-
leiðslu og fjárfestingum frá öðrum
löndum SA-Asíu til Kína.
Hagfræðingar álíta, að þessar
tölur um lækkaðan viðskiptahalla
muni bæta um hálfu prósentustigi
við þann 4,2% hagvöxt, sem búið
var að spá fyrir Bandaríkin á þessu
ári.