Morgunblaðið - 23.08.1996, Blaðsíða 20

20 FÖSTUDAGUR 23. ÁGÚST 1996
LISTIR
MORGUNBLAÐIÐ
Nýjar bækur
• PRENTHÚSIÐ hefur hafið út-
gáfu á flokki bóka byggðum á sjón-
varpsþáttunum Ráðgátur („The
X-fiIes"). Ráðgátur fjalla um verk-
efni sem bandaríska alríkislögregl-
an glímir við, en tveir útsendarar
hennar hafa sérhæft sig í rannsókn-
um á óútskýranlegum, dularfullum
og oft og tíðum ótrúlegum málum
sem ríkisstjómin og alríkislögreglan
vilja láta leysa hratt áður en al-
menningur kemst að sanneikanum
og skelfing grípur um sig. Þetta
eru málin sem flokkuð hafa verið
undir bókstafinn „X“.
Fyrsta bókin er komin út og nefn-
ist hún Skuggaverur og er hún
skrifuð af spennusagnarithöfundin-
um Charles Grant. I þessari sögu
f ara Scully og Mulder til Fort Dix
í New Jersey til að rannsakaein-
kennileg morð. Hermenn hafa verið
myrtir á dularfullan hátt í þessum
rólega bæ.
Stefnt er að útgáfu þessara bóka
með nokkurra mánaða millibili.
------» ♦ ♦------
Jasstónleik-
ar á Jómfrú-
artorginu
NÆSTSÍÐUSTU jasstónleikar
veitingahússins Jómfrúin verða
næstkomandi laugardag milli kl.
16-18 á Jómfrúartorginu milli
Lækjargötu 4 og Hótels Borgar.
Það er tríó Ara Haraldssonar sem
kemur fram skipað þeim Ara Har-
aldssyni, saxófón, Sebastian Mot-
ini, trommur, og Tómas R. Einars-
son, bassi.
Tónleikarnir fara fram á Jómfrú-
artorginu bak við Smurbrauðsveit-
ingahúsið Jómfrúin, Lækjargötu 4,
Reykjavík.
Austurstræti 17,4. hæð,101 Reykjavík,
sími 56 20 400, fax 562 6564
SUÐURUM HÖFIIM!
Nýjustu, stærstu og glæsilegustu
skemmtiferðaskip heimsins - Umboð á
íslandi - CARNIVAL CRUISE LINES:
IMAGINATION, INSPIRATION,
FASCINATION, SENSATION og
DESTINY, stærstu farþegaskip
heimsins. Einstakt sértilboð á nokkrum
brottfórum í ágúst, sept. og okt. Láttu
drauminn rætast í tengslum við
draumadvöl á DÓMINIKANA.
Verð frá kr. 50 þús. á mann
í 7 daga siglingu.
TÖFRAR AUSTURLANDA
Ferðaævintýri ævi þinnar!
STÓRA AUSTURLANDAFERÐIN
5.-23. okt. Perlurnar BALI,
SINGAPORE, HONG KONG,
BANGKOK, LONDON. Fá sæti laus.
HEIMSKLÚBBUR
INGOLFS
TÖFRAR1001 NÆTUR
17. okt.-6. nóv.
BANGKOK, RANGOON, MANDALAY,
PHUKET, BAHRAIN, LONDON.
Einstök, spennandi og heillandi
lífsreynsla. Hágæðaferðir á
tækifærisverði núna.
Fararstjórar: Ingólfur Guðbrandsson
og Jón Ormur Halldórsson, dósent,
stjórnmálafræðingur.
CARNIVAL CRUISES UMBOfl Á Í8LANDI
FEROASKRIFSTOFAN
PRIMA^
Morgunblaðið/Guðlaugur Albertsson
DAVID Pizarro og Ragnar Björnsson leika á orgel Grundar-
fjarðarkirkju.
Fjórhent á ferð
um landið
SVO virðist sem tvíleikur á orgel
vaxi að vinsældum nú um stund-
ir. Fyrr í sumar léku bresk-banda-
rísku hjónin Andrews og Fishell
tvíleik á orgel Hallgrímskirkju og
nú eru þeir Ragnar Björnsson og
bandaríski orgelleikarinn David
Pizarro á tónleikaferð um landið
og leika tvíleik á orgel. Á efnis-
skránni eru verk eftir Bach,
Hándel, Þorkel Sigurbjörnsson og
fleiri. Fyrstu tónleikarnir voru
haldnir á Grundarfirði, þar sem
meðfylgjandi mynd var tekin á
mánudagskvöldið. Orgelleikar-
arnir héldu áfram ferð sinni og
léku á Hvammstanga og Hólma-
vík. Næstu tónleikar verða á Dal-
vík mánudagskvöldið 26. ágúst
kl. 20.30 og síðan verða haldnir
tónleikar í Hóladómkirkju þann
27. ágúst kl. 20.30. Sjöttu tón-
leikarnir verða á Akranesi þann
31. ágúst kl. 17, sjöundu í Eyrar-
bakkakirkju þann 1. september
kl. 20.30 og þeir síðustu í Dóm-
kirkjunni þann 2. september
kl.20.30.
Æskilegt er að tónleikagestir
geti séð orgelleikarana og eru tón-
leikastaðirnir valdir með það í
huga. Þar sem því verður ekki við
komið verður komið fyrir sjón-
varpsskermi niðri í kirkjunum, svo
gerlegt sé að fylgjast með handa-
og fótaburði orgelleikaranna.
Handverkið er
í góðu lagi
LIST OG
HÖNNUN
Py rit G 15
SKART
Ilena Constantíneanu, Helle Lövig
Espersen, Anders Leed Christensen,
Guðbjörg Kristán Ingvarsdóttir, Kar-
ina Noyons, Mette Vivelsted Mette
Saabye. Opið virka daga 10-18, laug-
ardaga 10-14. Lokað sunnudaga.
Til 25.8. Aðgangur ókeypis.
GULLSMIÐJA Pyrit G 15 á
Skólavörðustíg 15, kynnir hóp út-
skriftarnema frá „Instutet for
Ædelmetal", en þeir fengu ferða-
og sýningarstyrk frá norrænu ráð-
herranefndinni til að fara með sýn-
ingu til íslands og Finnlands.
Mjög vel og snyrtilega er staðið
að þessari kynningu í hinu þokka-
fulla húsnæði, þótt maður hefði
óskað að fá annað upp í hendurnar
en einungis heft blöð. Hins vegar
eru upplýsingarnar á þeim skilvirk-
ari en gengur og gerist hér í borg,
sem auðveldar skoðandanum að
setja sig inn í hugmyndirnar á bak
við sköpunarferlin. Og eins og seg-
ir „hafa skartgripahönnuðirnir ný-
útskrifuðu leitast við að skapa nýj-
ungar í danskri skartgripahönnun,
með því að vinna á óhefðbundinn
hátt með form og efnivið, notkun
og annað. Eðli verkanna hefur í för
með sér, að maður kemst ekki hjá
því að taka afstöðu til hvers og eins
skartgrips og til þess boðskapar,
sem sá setn skartgripinn ber sendir
frá sér.“
Ekki skyldu menn þó láta þessa
dálítið kyndugu stefnuyfirlýsingu
aftra sér frá að skoða sýninguna,
því handverkið er f góðu lagi og
hér er ekki um um tiltakanlega
róttæk vinnubrögð að ræða. Minnir
mann helst á það hve það þarf
GÍSLI Snær Erlingsson tekur við verðlaunum í Giffoni á Ítalíu
Benjamín dúfa
verðlaunuð
KVIKMYNDIN Benjamín dúfa eft-
ir Gísla Snæ Erlingsson hefur nú
verið sýnd á kvikmyndahátíðum
víða um heim og hlotið 5 viður-
kenningar.
Um síðustu helgi fór fram í
Haugasundi í Noregi veiting
Amanda verðlaunanna en til þeirra
voru tiinefndar 12 kvikmyndir, þar
af tvær frá íslandi, Cold Fever og
Benjamín dúfa.
í byijun júní var haldin í fýrsta
sinn í Varna í Búlgaríu alþjóðleg
hátíð kvikmynda sem fjalla um
börn og unglinga. Þar fékk Benj-
amín dúfa tvenn fyrstu verðlaun,
bæði af hálfu alþjóðlegs dómstóls
og einnig af hálfu dómnefndar sem
einungis var skipuð börnum.
í Giffoni á Italíu er haldin ár
hvert kvikmyndahátíð sem á eftir
Feneyjahátíðinni er sú þekktasta
þar í landi. Valið var til hátíðarinn-
ar úr nærri 400 kvikmyndum og
hlutu 14 myndir náð fyrir augum
dómnefndar, þar á meðal Benjamín
dúfa. Myndin fékk tvenn verðlaun
frá Salernoborg, ein fyrir bestu
mynd og ein fyrir bestan leik.
Á 14. alþjóðlegu kvikmyndahá-
tíðinni í Poznan í Póllandi sem
BENJAMÍN dúfa vekur víða
athygli.
haldin var 22.-28. apríl hlaut Gísli
Snær Erlingsson sérstaka viður-
kenningu fyrir leikstjórn sína á
kvikmyndinni.
Aðstandendur Alþjóðlegrar
kvikmyndahátíðar barna og ungl-
ingamynda, sem var haldin í 13.
sinn í Malmö í Svíþjóð í lok mars
fóru fram á að fá að sýna Benjam-
ín dúfu sem opnunarmynd hátíðar-
innar.
Á kvikmyndahátíðinni í Berlín
var kvikmyndin valin í 13 mynda
úrtak kvikmynda sem fjalla um
börn og unglinga og hlaut lofsam-
leg ummæli.
Tónleikar í Kornhúsinu
ÁRBÆJARSAFN verður opið helg-
ina 24. og 25. ágúst frá kl. 10-18.
Laugardagurinn verður eins og áð-
ur helgaður bömum og verður dag-
skrá fyrir þau kl. 15.
Á sunnudeginum kl. 16 verða
tónleikar í Kornhúsinu. Flutt verða
lög tónskáldsins Sigvalda Kalda-
lóns. Flytjendur em Sigvaldi Snær
Kaldalóns og Anna Margrét Kalda-
lóns. Textablaði um Sigvalda Kald-
alóns verður útbýtt.
Að öðru leyti verður hefðbundin
dagskrá.
*
HALSMEN, hönnuður Helle Lövig Espersen.
mikið hugrekki til að vinna í sígild-
um vinnubrögðum í skólum nú til
dags, en slík er útilokað að úrelda
hvað sem allri nýjungagirni viðvík-
ur. Einnig má minna á, að skart
hefur haft boðskap að flytja frá
ómunatíð og helst því meiri sem
þeir em eldri.
Það sem öðru fremur gefur þess-
um tilraunum gildi er svo einmitt
hve vinnubrögðin að baki gripanna
em traust og vönduð og hve stefnu-
mörkin eru klárlega skilgreind í
knöppu máli. Hugmyndirnar eru
sóttar víða að, svo sem til atóms-
ins, moldarinnar, tilvistarinnar,
náttúmaflanna, grundvallarlög-
mála hrings og kross í töfrabrögð-
um, rúms forms og skugga, afbök-
unar á formum, línua líkamans ...
Á stundum er eins og full mörk-
uð hugmynd hafi skapað of mikil
heilabrot og það hafi komið niður
á útfærslunni og þeim óþvingaða
yndisþokka sem er eðal skapandi
handverks. Höndlast helst er hug-
myndir verða til milli handanna,
eðlilega og ósjálfrátt.
I heild er þetta markverð sýning
sem lofar góðu og vonandi tekst
hinu unga fólki ætlan sín, að skapa
nýjungar í danskri skartgripahönn-
un - og íslenzkri um leið ...
Bragi Ásgeirsson