Morgunblaðið - 23.08.1996, Side 1

BLAÐ ALLRA
LANDSMANNA
KNATTSPYRNA
Pttfttmtltfafcifc
1996
FOSTUDAGUR 23. AGÚST
BLAD
Morgunblaðð/Jón Svavarsson
íslendingarnir
ætla sér áfram
BIRGIR Leifur Hafþórsson frá Leyni á Akranesi
lék best af íslendingunum þremur sem nú taka
þátt í Evrópumóti áhugamanna í golfi í Karlstad
í Svíþjóð. Birgir Leifur lék fyrsta hringinn í gær
á 72 höggum, einu yfir pari vallarins. Félagi hans
úr Leyni, Kristinn G. Bjarnason, lék á 74 höggum
og Björgvin Sigurbergsson úr Keili var á 75 högg-
um.
„Við ætlum okkur allir að komast áfram og
keppa seinni tvo dagana," sagði Björgvin í sam-
tali við Morgunblaðið í gær, en keppendum verður
fækkað eftir tvo fyrstu hringina. Það eru um 150
kylfingar mættir til leiks í Karlstad og undanfar-
in tvö ár hefur verið skorið niður í kringum 150
höggin, þannig að Björgvin og Kristinn virðast
báðir alveg á mörkunum.
Björgvin sagði völlinn langan ogtalsvert erfið-
an, sérstaklega síðari níu holurnar. Hann hóf leik
á 10. braut i gær og gekk illa í byrjun. „Það var
eitthvað vesen með kylf usveininn þannig að ég
gat ekkert hitað upp og byijaði illa, en það lagað-
ist,“ sagði Björgvin. Birgir Leifur sló útaf á fjórðu
brautinni, 475 metra langri, en fékk siðan örn
með næsta bolta og endaði því vel, fékk par á
holuna.
Ekki höfðu allir lokið leik í gær þegar Morgun-
blaðið ræddi við félagana en það virtist sem um
tíu kylfingar væru á parinu og 15 einn yfir. Bestu
skor gærdagsins átti Finni, hann iék á fjórum
xmdir pari, 67 höggum.
Bibercic ekki meira
með Skaganum
MIJHALO Bibercic mun væntanlega ekki leika
meira með Skagamönnum í sumar. Gunnar Sig-
urðsson formaður Knattspyrnufélags ÍA, sagði á
blaðamannafundi I gær að hann sæi ekki annað,
eins og staðan væri þessa stundina, en að hann
léki ekki lengur með. „Mikki [Mijhalo] kom til
mín rétt áður en við fórum til Moskvu og sagðist
vilja hætta vegna þessað hann væri óánægður
með Guðjón þjálfara. Ég spurði hvers vegna núna
og hann sagðist vera hættur að brosa og hættur
að skora,“ sagði Gunnar í gær. „Ég á ekki von á
að hann fari neitt nema heim til sín,“ bætti formað-
urinn við.
Þrettán ára fór
holu í höggi
HAUKURINGI Hjaltalín, 13 ára Hafnfirðingur
og nýgræðingur i golfíþróttinni, fór holu í höggi
á Hvaleyrarvellinum á þriðjudagskvöldið. Haukur
Ingi dró upp „dræver" fyrir börn á teignum á
þriðju holu, sem er par þrír og 130 metra löng
og draumahöggið varð að veruleika. Haukur Ingi
og félagar hans urðu að hætta leik eftir 13. hol-
una þar sem of skuggsýnt var orðið.
FRJALSIÞROTTIR
Á sjöundu milljón
fyrir heimsmet
Fyrirliðarnir
í nýjum
hlutverkum
ÓLAFUR Þórðarson, fyrirliði
Skagamanna, og Hlynur Stefáns-
son, fyrirliði Eyjamanna, brugðu sér
í ný hlutverk í Fjölskyldu- og hús-
dýragarðinum í gær. Verið var að
kynna bikarúrslitaleik ÍA og ÍBV
sem fram fer á sunnudaginn á
Laugardalsvelli og í tengslum við
leikinn fá áhorfendur frítt í garðana
tvo með því að framvísa miðanum
á leikinn. Forsala að leiknum hefur
gengið vel og mikið stendur til
vegna leiksins, meðal annars verður
Tryggvagötunni lokað fyrir leikinn
þannig að fjölmargir stuðnings-
menn IBV geti komið saman og
undirbúið sig fyrir keppnina við
Skagamenn í stúkunni. Það var
ekki annað að sjá í góðviðrinu í gær
en Ólafi færust mjaltirnar vel og
Hlynur gætti bikarsins vandlega á
meðan.
Primo Nebiolo forseti Alþjóða
fijálsíþróttasambandsins hefur
greint frá því að þeir íþróttamenn
sem setja heimsmet á heimsmeistara-
mótinu í Aþenu í Grikklandi á næsta
ári fái greiddar 6,7 milljónir króna
hver. „Við höfum gengið frá samn-
ingum við fjársterka aðila til þess
að standa straum af þessum greiðsl-
um,“ sagði Nebiolo í vikunni. „Við
höfum einnig ákveðið að íþrótta-
mennirnir fá sömu greiðslur á heims-
meistaramótinu árið 1999.“ Hann var
ekki fáanlegur til að nefna hveijir
það væru sem ætluðu að standa
straum af þessu, en sagðist vonast
til að hægt yrði að útvíkka þessa
hugmynd og heimsmethafar fengju
einnig greitt fyrir að setja heimsmet
á ýmsum stórmótum sambandsins.
Þessi ákvörðun er mikil breyting
á stefnu sambandsins, en hingað til
hefur ekki verið mikið um peninga-
greiðslur til íþróttamanna, í það
minnsta opinberlega. Þó hafa verið
í boði greiðslur til íþróttamanna fyr-
ir þátttöku í árlegu „gullmóti" í
Zúrich. Þar hafa mótshaldarar haft
úr um 40 milljónum króna að spila
til að greiða bestu fijálsíþróttamönn-
um fyrir þátttökuna, einnig rúmlega
300 milljónir króna til að skipta á
milli þeirra sem sett hafa heimsmet
í mótinu. Þetta hefur orðið til þess
að ár hvert koma flestir bestu frjáls-
íþróttakappar samtímans saman á
Zúrich mótið og leggja sig alla fram
um að bæta heimsmetin. Ekki má
gleyma því að á undanförnum heims-
meistaramótum hafa aliir sigurveg-
arar fengið nýja Mercedes Benz bif-
reið að launum.
Þessi yfirlýsing hefur vakið spurn-
ingar um hvort fremstu fijálsíþrótta-
menn heims muni ekki sniðganga
þau mót þar sem ekki er greitt fyrir
að setja heimsmet og um leið ein-
beita sér að færri mótum en áður.
Mikið íhúfi
hjá KR
DREGIÐ verður í dag í 1. umferð
Evrópukeppni bikarhafa þar sem
KR-ingar eru meðal þátttakenda.
Liðunum 32, sem eftir eru í keppn-
inni, er skipt í tvo hópa, A og B,
þar sem annars vegar eru saman í
hópi liðin, sem tryggðu sér þátt-
tökurétt í undankeppninni og hins
vegar liðin, sem koma beint inn í
1. umferðina. Getur lið úr hópi A
einungis dregist gegn liði úr hópi B
og þýðir það því að KR-ingar geta
einungis dregist gegn einhveiju af
eftirtöldum liðum:
AEK (Grikklandi), AGF (Dan-
mörku), AIK (Svíþjóð), Barcelona
(Spáni), Benfica (Portúgal), Cercle
Brúgge (Belgíu), Fiorentina (Ítalíu),
Galatasaray (Tyrklandi), Kaisers-
lautern (Þýskalandi), Liverpool
(Englandi), Lokomotiv Moskva
(Rússlandi), Nimes (Frakklandi),
Paris St. Germain (Frakklandi),
PSV Eindhoven (Hollandi), Sion
(Sviss), Sturm Graz (Austurríki).
FRJÁLSÍÞRÓTTIR: 50 ÁR SÍÐAN GUIMNAR HUSEBY VARÐ EVRÓPUMEISTARI / C2