Morgunblaðið - 29.08.1996, Blaðsíða 23
MORGUNBLAÐIÐ
FIMMTUDAGUR 29. ÁGÚST 1996 23
ERLENT
HJÓNAVÍGSLU aldarinnar kölluðu fjölmiðlar brúðkaup Karls Bretaprins og Díönu prins-
essu, sem fram fór 1981. Var myndin tekin á svölum Buckingham-hallarinnar að vígslu lokinni.
Karl velji milli krún
unnar og Camillu
Reuter
DÍANA prinsessa bar trúlofunar-
hring sinn í gær.
London. Daily Telegraph. Reuter.
SKILNAÐI lafði Díönu og Karls
Bretaprins var fullnægt að lögum
í gær, rúmum 15 árum eftir glæsi-
lega hjónavígslu í Westminster
Abbey-kirkjunni sem sýnd var í
beinni sjónvarpsútsendingu víða
um heim. Er þvi Karli frjálst að
taka saman við ástkonu sína Cam-
illu Parker Bowles en ný könnun
sýnir þó, að meirihluti biskupa og
vígðra presta vill að hann velji
milli krúnunnar eða hennar.
Hvorki Díana né Karl mættu
fyrir dómi í London í gær, þar sem
endanlega var gengið frá lögskiln-
aði þeirra, en þau höfðu verið skil-
in að borði og sæng um þriggja
ára skeið. Ritari lögfræðings Karls
afhenti skilnaðarumsóknina sem
var stimpluð á staðnum er hann
hafði innt af hendi 20 punda
greiðslu. Var það 5.029 skilnaðar-
málið sem dómstóllinn gengur frá
á þessu ári.
Díana var mjög hýr á brá er hún
mætti skömmu síðar til hádegis-
verðar í höfuðstöðvum enska þjóð-
arballettsins í London en hún er
verndari hans. Eftir því var tekið
að hún hafði á hendi hring þann
er Karl gaf henni er þau opinber-
uðu trúlofun sína árið 1981.
Hermt er að við skilnaðinn hafi
Díana hlotið 17 milljóna punda
meðgjöf frá Karli, rúmlega 1.700
milljónir króna. Hefur hún áfram
afnot af Kensington-höllinni í
London sem verður heimili henn-
ar. Hins vegar er hún svipt titlin-
um „hennar konunglega hátign“
við skilnaðinn sem þýðir sam-
kvæmt siðavenjum hirðarinnar,
að hún verður að hneigja sig fyrir
sonum sínum Vilhjálmi og Harrý,
sem er 11 og 14 ára, og öðrum
meðlimum konungsfjölskyldunn-
ar, Ji. á m. Karli prins.
Astir tókust með Karli og Cam-
illu Parker Bowles er hann var
21 árs, en skömmu eftir að hann
fór til skyldustarfa í breska flotan-
um árið 1973 trúlofaðist hún og
giftist siðan nánum vini hans,
Andrew Parker Bowles. Hermt
er að það hafi fengið mjög á Karl.
Camilla var honum samt ætíð
mjög hjartfólgin og komið hefur
í ljós, og hann reyndar játað í sjón-
varpsviðtölum, að hjónaband
þeirra Díönu var ekki margra ára
gamalt er hann og Camilla hófu
lautarferðir. Þau eru sögð sam-
rýmd og deila sömu áhugamálum,
ólíkt því sem átti við um Karl og
Díönu. Er Camilla sögð mjög ver-
aldlega sinnuð og einna ánægðust
að vera í reiðbuxum frá morgni
til kvölds. Vinir hennar segja hana
það mikla sveitakonu, að hún sé
ófeimin við að stökkva af baki og
skvera sér í kvöldkjól án þess að
faraí bað.
Kúariða úr
sögunni
2001?
London. Reuter.
BRESKIR vísindamenn spáðu því
í gær að kúariða í nautgripum
myndi hverfa á næstu árum og
vera úr sögunni árið 2001. Þeir
viðurkenndu þó að þeir gætu
ekki sagt til um hvort hætta
væri á að menn myndu veikjast
vegna neyslu á sýktu kjöti.
I grein í tímaritinu Nature kemst
hópur vísindamanna að þeirri niður-
stöðu að varla sé von á því að
hægt verði að útrýma kúariðu fyrr
nema með mikilli slátrun nautgripa.
„Það dregur hratt úr faraldrinum
jafnvel þótt nautgripum sé ekki
slátrað. Það eru góðu fréttirnar,“
sagði Christl Donelly, tölfræðingur
við Oxford-háskóla.
Donnelly sagði að núverandi
stefna stjórnvalda varðandi slátrun
gripa myndi ekki bera mikinn
árangur. „Það er einungis verið að
fleyta ofan af. Ef gera ætti eitthvað
sem bæri verulegan árangur yrði
að drepa nánast allt,“ sagði Donn-
elly.
Vísindamennirnir sögðust einnig
vera búnir að slá því föstu hversu
mörg dýr hefðu sýkst á sínum tíma.
Alls er talið að kjöt af um 446
þúsund nautgripum hafi verið selt
áður en sala á sýktum líffærum var
bönnuð árið 1989.
«VARNERS»
ULLARPEYSUR OG
JAKKAPEYSUR
AÐUR 3980,-
1 980
*
ULLARPEYSUR
MARGIR LíTíR
_ ( bressn
* VMANNy
HNEPPTAR ULLARPEYSUR 2490,-
LAUGAVEGI 18 B - REYKJAVIK