Morgunblaðið - 29.08.1996, Blaðsíða 35

I MORGUNBLAÐIÐ
FIMMTUDAGUR 29. ÁGÚST 1996 35
AÐSENDAR GREINAR
KYNNING í Kópavogs Apóteki
Ráðherra
spriklar í alneti
SAGT er að biskupar
hafi áður sent frá sér
umburðarbréf sem
hétu þannig nafni á
latínu að landslýðurinn
kallaði bréfin bullur
upp á íslensku. Þá var
talað um bullur bisk-
upsins og nutu þau víst
lítillar virðingar. Síðan
hafa valdsmenn ekki
sent frá sér bullur
þannig að talið sé til-
tökumál; varla veit
nokkur maður lengur
hvað er umburðarbréf.
Nú hefur tækni tölv-
unnar haldið svo inn-
reið sína að hún er sögð á öðru
hveiju heimili og flestir menn
sprikla í alnetinu einhvern dagspart
samkvæmt skoðanakönnunum sem
sagt er frá í þessu blaði. Fremstur
meðal jafningja í þeim hópi er sjálf-
ur menntamálaráðherrann og fer
einkar vel á því að hann hafi þarna
nokkra forystu. Hann hefur nú tek-
ið upp þá iðju sem oft er talin þjóð-
legust af öllu; að uppvekja gamla
siði/ósiði. Þykja þeir stundum þeim
mun betri sem þeir eru lengra frá
okkur í tímanum, svo undarlegt sem
það kann að vera. Þannig þykir það
stundum best sem svokölluð þróun
siðmenningar mannkyns eða þjóðar
hefur strikað út með ærnu erfiði.
Nú hefur Björn Bjarnason mennta-
málaráðherra ákveðið að senda
þannig frá sér umburðarbréf; að
þessu sinni á alnetinu. í alnet sitt
veiðir hann undirsátana hvern af
öðrum. Nýjast fékk þjóðgarðsvörð-
urinn á Þingvöllum að kenna á því
að hafa ekki „verið virk í störfum
sínum“. En hún hafði leyft sér að
andmæla hans hátign. Heimild mín
er umburðarbréf á alnetinu frá ráð-
herranum en bréfið ber yfirskrift-
ina: „Núpsferð — Þingvallaauglýs-
ing“. Þar talar sá sem valdið hefur
því ráðherrann er auk ráðherra-
starfanna formaður Þingvalla-
nefndar.
I alnetsbréfinu „Afsagnir — áróð-
ursfréttir — þjóð-, lista- og kirkju-
hátíð“ fá starfsmenn
skólanna á baukinn.
Um það er dæmisaga
á alnet i Björns sem
þýðir: Ef starfsmaður
menntamálaráðuneyt-
isins andar því út úr
sér að honum líki svo
illa ráðstöfun ráðherr-
ans að hann vilji helst
hætta. Nú, þá skal sá
hinn sami hætta og
það strax. Þetta skrif-
aði ráðherrann 17nda
júní, á sjálfan þjóðhá-
tíðardaginn. Undir-
menn ráðherrans í
Ríkisútvarpinu fá líka
heldur betur til tevatnsins í sama
bréfi.
Reyndar kemur þar fram að hon-
um er sérstaklega uppsigað við fjöl-
miðla yfirleitt; þó finnst honum
Morgunblaðið verst. í umburðar-
bréfinu „Fjárhagsvandi — forseta-
hátíð — sumarfrí" tekur hann
Vinnubrögð ráðherrans,
segir Svavar Gestsson,
minna á gömlu umburð-
arbréf biskupanna.
Morgunblaðið til bæna; leiðari þess
um fjárhagsvanda háskólans sé
„síður en svo frumlegur“. Viðhorf
leiðarahöfundarins sé „gamaldags
viðhorf, kerfislegt og staðnað".
Raunar skilur ráðherrann ekki að
eigin sögn „að Morgunblaðið sjái
ástæðu til að gagnrýna, að ráðherra
leggi áherslu á að opinberar stofn-
anir eins og Háskóli íslands hagi
starfsemi sinni í samræmi við fjár-
lög. Er þá Bleik brugðið, frá því
að ég sat og skrifaði leiðara í það
ágæta blað.“ í þessari tilvitnun
koma fram þær upplýsingar, sem
koma vissulega fáum á óvart, að
ráðherrann skrifaði leiðara sína sitj-
andi.
Morgunblaðið hefur líka breyst
Svavar Gestsson
því Bleikur er hættur að skrifa leið-
ara þess og spriklar í staðinn í alnet-
inu.
Vinnubrögð ráðherrans minna á
hin gömlu umburðarbréf biskup-
anna. En meðal annarra orða, að
öllu gamni slepptu og í fullri al-
vöru: er það eðlilegt að ráðherra,
hver sem það er, vegi að undir-
mönnum sínum úr launsátri alnets-
ins eins og menntamálaráðherra
hefur gert í sumar? Morgunblaðið
getur svarað fyrir sig og því er
engin vorkunn en starfsmönnum
ráðuneytisins og Þingvallanefndar
er vorkunn. Þessu fólki er brugðið.
Höfundur er þingmaður fyrir
Alþýðubandalagið í Reykjavík.

-kjarni málsins!
%
VICHY
LABORATOIRES
V HEILSULIND HUÐARINNAR
%
X
PUMA og CREBLET
úlpurnar komnar
Vind- og vatnsheldar
með útöndun
Frábært verð:
Barnastærðir 6.990 og 7.990 kr.
Fuliorðinsstærðir 8.990 kr.
MARAÞON, Kringlunni, sími 581 1323.
MARKIÐ, Ármúla, sími 568 8860
SPORTVER, Akureyri, sími 461 1445.
ÚTILÍF, Glæsibæ, sími 581 2922
AUSTFIRSKU ALPARNIR, Egilsstöðum,
sími 471 2533.
te
S
x
u.
63
te
TRUIR ÞÚ Á ENDURHOLDGUN ?
Kringlunni, sími 581 1323
Akureyri, sími 461 1445
Við kynnum nýju. endursköpuðu ALL STAR 2000
körfuboltaskóna — fyrstu meiriháttar breytinguna í 78 ár á
vinsælustu körfuboltaskóm allra tíma.
Við selduni 500 milljónir para af upphaflegu ALL STAR
körfuboltaskónum, sem notaðir hafa verið af sögufrægum
stjömuleikmönnum N.B.A.-deildarinnar eins og Dr. J og
Larry Bird, sem lyftu körfuboltafþróttinni á hærra svið.
Nú er nýi ALL STAR 2000 skórinn mættur til leiks. Hann
sameinar hátækni nútíma körfuboltaskógerðar og klassískt
yfirbragð og áferð fyrirrennarans.
MARAÞON
Gáðu að CONVERSE ALL STAR ðkktamerklnu - það tryggir gœðln.
ALL STAR 2000 skórinn er sálin í leik hvers stjörnuleikmanns.
SPORTVER
Okkur þykja það
mikil tíðindi fyrir
íþróttaheiminn að
þessir frábæru skór
séu nú gengnir í
endumýjun lífdaga
og finnst ástæða til
að kynna það á
veglegan hátt.