Morgunblaðið - 30.08.1996, Blaðsíða 6

6 FÖSTUDAGUR 30. ÁGÚST 1996
MORGUNBLAÐIÐ
FRÉTTIR
Stöð 3 riftir samningum við bandaríska myndlyklaframleiðandann Veltech
Unnið að því að auka
hlutafé um 300 milljónir
Stöð 3 hefur rift samningum við banda-
ríska myndlyklafyrirtækið Veltech og er
fyrirséð að dráttur verður á að stöðin hefji
ruglun á útsendingum. í kjölfarið hafa
verið valdir nýir afruglarar frá evrópsku
fyrirtæki og jafnframt er unnið að 300
milljóna kr. hlutafjáraukningu. Þorsteinn
Víglundsson ræddi við forráðamenn
Stöðvar 3, þá Gunnar Hansson og Heimir
Karlsson. Þeir segja að stefnt sé að því
að rugla útsendingar í byrjun nóvember.
GUNNAR Hansson, stjórnarformaður íslenska sjónvarpsins,
og Heimir Karlsson sjónvarpsstjóri Stöðvar 3.
ISLENSKA sjónvarpið hf., eig-
andi Stöðvar 3, er nú að ganga
frá samningum um kaup á
nýju evrópsku afruglarakerfi fyrir
útsendingar stöðvarinnar. Jafn-
framt hefur samningum við banda-
ríska fyrirtækið Veltech, sem upp-
haflega hafði verið samið við um
kaup á afruglarakerfi, verið rift,
þar sem fyrirtækinu hefur ekki
tekist að leysa þau tæknilegu
vandamál sem fylgdu aðlögun kerf-
isins að evrópsku sjónvarpskerfí.
Gunnar Hansson, stjómarfor-
maður íslenska sjónvarpsins, sem
Árvakur hf. útgáfufyrirtæki Morg-
unblaðsins er hluthafi í, segir að
samkvæmt upphaflegum samning-
um hafi bandaríska fyrirtækið átt
að afhenda afruglarana um síðustu
áramót, en hins vegar hafi afhend-
ing þeirra dregist úr hófi vegna
tæknilegra örðugleika.
„Þeir voru með lausn sem virk-
aði á Bandaríkjamarkaði og þeir
töldu mjög auðvelt að breyta þeirri
lausn yfir á PAL-kerfið sem notast
er við í Evrópu. Síðan leið og beið
og loforð um að þetta væri að koma
bárust stöðugt, en þetta urðu ein-
tóm svik. Við vorum orðin mjög
langeygð eftir þessu en ástæðan
fyrir því að við vorum tilbúin til
þess að teygja okkur í tíma var sú
að þessi tækni sem þarna var í
boði hafði mikla yfirburði umfram
aðra valkosti."
Leit hafin að nýju kerfi
síðastliðið vor
Gunnar segir að stöðin hafi hins
vegar sent tvo menn á sýningu í
Evrópu sl. vor til þess að kynna
sér aðra möguleika í stöðunni og
í framhaldi af því hafi verið haft
samband við stóran evrópskan
framleiðanda afruglarakerfa. „Við
fengum bráðabirgðatilboð frá þeim
fyrir þremur mánuðum, sem við
gátum þá haft í bakhöndinni ef svo
myndi fara að við gæfumst upp á
bandaríska framleiðandanum.
Samið hafði verið um S-band og
UHF-afruglara. S-band lausnin
virkaði eins og til var ætlast og
var þá hafist handa við að dreifa
þeim afruglurum. Þegar kom að
því að afhenda UHF-gerðina kom
babb í bátinn og fyrirtækið gat
ekkiafhent þá lausn sem við vildum
sjá. í kjölfarið riftum við samningn-
um við þennan framleiðanda og
ætlum okkur að höfða mál vegna
vanefnda," segir Gunnar.
Að sögn Gunnars var búið að
greiða inn á þetta afruglarakerfi
en tap fyrirtækisins vegna þess
felist þó að mestu leyti í því að
hafa ekki getað hafið ruglun á
dagskrá sinni.
Hann segir að samhliða riftun
samningsins hafi þráð-
urinn verið tekinn upp
að nýju i viðræðunum
við evrópska fyrirtækið.
„Við ætlum að bjóða upp
á þáttasölu eða „Pay-
per-view“ eins og það
nefnist á ensku og þetta evrópska
fyrirtæki hefur upp á að bjóða
lausn með öllum möguleikum þar
að lútandi. Þáttasala er kerfi þar
sem að fólk getur pantað sér mynd-
ir og valið úr eftir hendinni. Sam-
kvæmt áætlun sem gerð er í sam-
vinnu við framleiðandann verður
byijað að rugla í byijun nóvember-
mánaðar," segir Gunnar.
Hlutafjáraukning lykilatriði
fyrir framhaldið
Þessi vandamál með afruglara-
kerfi Stöðvar 3 hafa haft það i för
með sér að sjónvarpsútsendingar
hennar hafa verið sendar út órugl-
aðar frá upphafi, en útsendingar
hófust hinn 24. nóvember á síðasta
ári. Af þessum sökum hefur heldur
ekki verið hægt að innheimta nein
áskriftargjöld meginhluta undan-
gengins árs.
Gunnar segir að þetta sé búið
að vera mjög erfiður tími. „Eins
og gefur að skilja hafa tekjurnar
ekki verið mjög miklar á þessu
tímabili og þar af leiðandi var
ákveðið að fara þess_ á leit við nú-
verandi hluthafa í íslenska sjón-
varpinu hf. að veita heimild til að
auka hlutafé fyrirtækisins um allt
að 300 milljónir króna.
Sú heimild iiggur nú fyrir og
hlutaíjársöfnun er í fullum gangi.
Hluti af núverandi hluthöfum mun
bæta við sig hlutafé en síðan erum
við að leita að nýjum
góðum fjárfestum til að
takast á við þetta verk-
efni sem framundan er.
Þessi hlutafjáraukn-
ing er lykilatriði í dag,
því við þurfum aukið
hlutafé til að geta tekist á við þetta
stóra verkefni og það er það sem
við erum að leita eftir úti á mark-
aðnum. Við höfum fengið góðar
viðtökur og við vonumst eftir því
að geta lokið því innan tíðar.“
Hlutafé íslenska sjónvarpsins í
dag er 250 milljónir króna að nafn-
virði en verður 550 milljónir króna,
verði af þessari hlutafjáraukningu.
Vinna síðustu mánaða ekki
alfarið í súginn
Gunnar segir að þó svo að þessir
tæknilegu örðugleikar með afrugl-
arakerfíð hafí valdið fyrirtækinu
verulegu fjárhagstjóni, líti hann
ekki á þetta tímabil sem eintóma
sóun. Á móti komi að búið sé að
koma upp mjög öflugu dreifíkerfi
og hafi um 28.000 heimili nú feng-
ið aðgang að loftneti frá Stöð 3 auk
þess sem áætlað sé að um 10-15
þúsund heimili til viðbótar hafi að-
gang að örbylgjuloftneti og geti því
náð sendingum stöðvarinnar.
„í öðru lagi er stöðin búin að
vera með opna dagskrá í allan
þennan tíma og fjöldi fólks hefur
fengist að kynnast þessari dagskrá
og því hefur sú kynning, sem ella
hefði þurft að eiga sér stað, þegar
farið fram, enda sýna markaðs-
rannsóknir að mikill áhugi er hjá
þeim, sem hafa verið að horfa á
stöðina, að gerast áskrifendur,“
segir Gunnar.
Þá segir hann fyrir-
tækið hafa á þessum
tíma komið sér upp góðu
neti efnisbirgja, sem
fært hafi stöðinni góða
samninga. Einnig hafi
starfslið stöðvarinnar
fengið góða þjálfun á þessum tíma
í útsendingum, umsjá dagskrár og
áskriftarmálum.
Stefnt að því að opna fyrir
þáttasölu í desember
Gunnar segir að byijað verði á
því að rugla þær rásir sem sent
er út á í dag, og í kjölfarið verði
síðan farið að huga að sendingum
á þáttasöluefni. Gért sé ráð fyrir
því að þær útsendingar geti hafist
í byijun desember og að þremur
til fjórum rásum verðij varið til þess-
ara útsendinga, en íslenska sjón-
varpsfélagið ásamt Bíórásinni hf.,
sem er að stærstum hluta í eigu
sömu aðila og íslenska sjónvarpsfé-
lagið, hefur leyfi til að senda út á
átta örbylgjurásum.
Gunnar segir að þegar hafi verið
gengið frá samningum um efni í
þáttasöluútsendingarnar og ljóst
sé að afruglarakerfið sem verið sé
að ganga frá samningum um, geti
sinnt þeim útsendingum.
Gunnar segir að áhersla verði
lögð á að vera með nýtt og gott
efni í þáttasölusendingunum. „Þeg-
ar kvikmynd er sett á markað líða
sex mánuðir áður en hægt er að
setja hana á myndband og síðan
aðrir sex mánuðir áður en hægt
er að senda hana út í þáttasölu-
kerfi.
Sex mánuðum síðar er síðan
heimilt að senda hana út á áskrift-
arstöðvum eins og Stöð 2 og aðal-
rás Stöðvar 3 eru. Því höfum við
velt því fyrir okkur hvers vegna
Stöð 2 hefur talið það fréttnæmt
að gera samninga við kvikmynda-
gerðarfyrirtæki um sýningarrétt á
myndum sem hægt er að sýna í
þáttasölu löngu áður.“
Að sögn Gunnars er myndlykill-
inn fyrir þessar sendingar sá hinn
sami og fyrir útsendingar Stöðvar
3 og því sé nauðsynlegt að vera
áskrifandi að Stöð 3 til að ná þess-
um sendingum. Gunnar segist bú-
ast við því að þessari þjónustu verði
tekið mjög vel, enda fylgi því mik-
il þægindi að geta pantað sér kvik-
mynd í gegnum síma.
Heimir Karlsson, sjónvarpsstjóri
Stöðvar 3, segir að tilkoma þátta-
sölusjónvarpsins muni breyta miklu
um þá dagskrá sem stöðin hafi upp
á að bjóða. „Það má kannski segja
að menn hafi haldið að sér höndum
að sumu leyti á meðan afruglara-
málin voru ekki komin í höfn. Hins
vegar má segja að öllum spilum
hafi ekki verið spilað út enn.“
Hann segir að í dagskrármálum
sé verið að kanna ýmsa möguleika,
m.a. með aukna innlenda dagskrár-
gerð í huga. Þá sé einnig verið að
skoða ýmsa möguleika á frekari
útfærslu þáttasölusjónvarpinu, m.a.
með innlent dagskrárefni í huga.
Byrjað að innheimta áskrift
Stöð 3 hefur þegar hafið inn-
heimtu á áskriftargjöldum þrátt
fyrir að útsendingar stöðvarinnar
séu enn í opinni dagskrá. Gunnar
segir að fyrirtækið hafi í raun ekki
séð sér fært lengur að innheimta
engin áskriftargjöld.
„Við höfum nú undir lokin lent
í miklum hremmingum og því
ákváðum við að byija að innheimta
áskriftargjald hjá okkar áskrifend-
um, sem þá hjálpar okkur yfir
þennan erfiða hjalla. Það er hins
vegar engin spurning um að við
munum umbuna þessum hópi fyrir
að hafa tekið þátt í að
hjálpa okkur á þessum
erfiðu dögum og vik-
um.“
Heimir segir þetta
hafa mætt góðum skiln-
ingi hjá langflestum
áskrifendum stöðvarinnar og bætir
því við að fólk meti það greinilega
að hafa fengið að horfa á sjón-
varpsstöðina án endurgjalds und-
anfarna mánuði, og að auki fengið
loftnetsbúnaðinn frían. Það sé því
tilbúið að koma til móts við stöðina
með þessum hætti.
Heimir segir að þrátt fyrir erf-
iðleika undangengina mánuði sé
engan bilbug að finna á starfsfólki
Stöðvar 3. „Starfsfólk okkar er líka
enn fullt af krafti, orku og metn-
aði, enda hefur það orðið vart við
gríðarlega jákvæð viðbrögð frá al-
menningi. Þetta staðfestir þá trú
okkar að mikill áhugi sé fyrir hendi
hjá fólki á dagskrá Stöðvar 3.“
Mál höfðað
vegna van-
efnda
Hlutafjár-
aukning lykil
atriði
Síðumúla-:
fangelsið
lagt niður
DÓMSMÁLARÁÐUNEYTIÐ hefur
að tillögu Fangelsismálastofnunar
ríkisins ákveðið að leggja niður
fangelsið í Síðumúla 28. Fangelsið
hefur verið lokað í tilraunaskyni sl.
þijá mánuði. Á meðan hefur gæslu-
varðhald að mestu farið fram í
fangelsinu á Litla-Hrauni.
í skýrslu fangelsismálanefndar
til dómsmálaráðherra árið 1992
kemur fram að húsið hafi upphaf-
lega verið hannað og byggt til að
vera bílaþvottastöð og geymsla fyr-
ir lögregluna í Reykjavík. Síðumúla-
fangelsið hafi verið tekið í notkun
árið 1972.
Ýmislegt er talið mæla gegn
áframhaldandi notkun hússins, s.s.
léleg loftræsting og klefar, slæm
aðstaða starfsfólks og mikil við-
haldsþörf. Sveiflur í fangaijölda
valdi því að erfitt sé að gera rekstr-
aráætlanir og fangelsið sé ákaflega
kostnaðarsöm rekstrareining.
Fangelsismálanefnd leggur til að
Síðumúlafangelsið verði lagt niður
þegar gæsluvarðhaldsdeild hafi ver-
ið komið á fót í nýju afplánunar-
fangelsi. Nefnd á vegum Evrópu-
ráðsins um varnir gegn pyndingum
og ómannlegri eða vanvirðandi
meðferð eða refsingu (CPT-nefnd-
in) tók undir það í skýrslu sinni
árið 1994.
Með nýju fangelsi á Litla-Hrauni
varð fyrst raunhæfur möguleiki á
að hrinda þessu í framkvæmd.
Gæsluvarðhald flyst því að mestu
leyti til Lita-Hrauns og hefur verið
útbúin séraðstaða þar að því er
segir í fréttatilkynningu frá dóms-
og kirkjumálaráðuneytinu.
Nýtt fangelsi á Tunguhálsi
Fram kemur að með lokun fang-
elsisins gefist möguleikar á að hag-
ræða rekstri fangelsiskerfisins í
heild. Stefnt sé að því að selja eign-
ina og renni söluandvirði til bygg-
ingar nýs gæsluvarðhalds- og af-
plánunarfangelsis á Tunguhálsi í
Reykjavík. Undirbúningur að bygg-
ingu þess er hafinn og miðast áætl-
anir við að það verið risið um alda-
mótin.
------» ♦ ♦----
Þriggja bíla
árekstur í
Hvalfirði
ÞRIGGJA bíla árekstur varð í Hval-
ijarðarbotni uppúr hádegi í gær.
Að sögn lögreglunnar í Borgar-
nesi voru tildrög árekstrarins þau
að ökumaður fólksbíls stöðvaði á
miðri brúnni yfir Botnsá vegna fýls-
unga framundan. Næsti ökumaður
á eftir áttaði sig ekki á því að bíll-
inn fyrir framan var kyrrstæður og
keyrði aftan á hann. Á hann skall
svo þriðji bílinn.
Engin slys urðu á fólki og lítið
eignaitjón. Trébrúin var blaut og
hál.