Morgunblaðið - 01.09.1996, Blaðsíða 8

8 SUNNUDAGUR 1. SEFfEMBER 1996
MORGUNBLAÐIÐ
FRETTIR
Halldór Ásgrímsson utanríklsrábherra í oplnbera
helmsókn tll Kóreu:
Tímar mikilla
tækifæra ^
sTCr^UAJD
ÞAÐ kemur sér vel að bændur eru hættir að bera skít á tún og gamli leisí Gráni er á lausu...
Griffill auglýsir lægra verð á skiptibókamarkaði
Engin viðbrögð hjá öðr-
um bókaverslunum
RITFANGAVERSLUNIN Griffill
auglýsir nú áður óþekkt kjör á náms-
bókum, eins og segir í heilsíðuaugiýs-
ingu hér í blaðinu á þriðjudag. Starfs-
menn annarra skiptibókamarkaða
sem Morgunblaðið ræddi við segjast
þó ekki hafa trú á að stefni í verðstríð.
í auglýsingunni er birtur saman-
burður á kjörum á skiptibókamörk-
uðum nokkurra bókaverslana í
Reykjavík. Þar kemur fram að Griff-
ill greiðir 50% af verði nýrrar bókar
fyrir notaða bók á skiptibókamarkaði
en hinir skiptibókamarkaðimir
greiða 45%. Griffill selur sömu bók
út á 60% af verði nýrrar en hinar
verslanirnar selja hana aftur á
65-70% af verðinu.
Bryndís Loftsdóttir, starfsmaður í
bókaverslun Pennans og Eymunds-
sonar Austurstræti, segir það vissu-
lega vera mjög athyglisvert að Griff-
ill geti boðið þessi kjör, en telur þó
ekki að samkeppnin verði eins mikil
og af er látið.
Samkeppnin hörð
Auður Hallsdóttir, starfsmaður í
Bókabúðinni Hlemmi, segir enga
ástæðu til að bregðast sérstaklega
við þessu tilboði Griffils. „Þetta er
hvort eð er hálfgerð góðgerðarstarf-
semi, við stöndum yfirleitt uppi með
mínus eftir skiptibókamarkaði. Það
eina sem við græðum á þeim er að
við fáum fólk inn í verslunina,“ seg-
ir Auður.
Hjá Máli og menningu á Lauga-
vegi varð Kristín Einarsdóttir fyrir
svörum. Hún sagði að þar væri mik-
ið að gera á skiptibókamarkaðnum.
Aðspurð hvort til stæði að bregðast
við tilboði Griffils sagði hún að það
hefði ekkert verið rætt. Hins vegar
gæti hún vel skilið að Griffill gripi
til þessara ráða, þar sem samkeppn-
in á bókamarkaði væri orðin mjög
hörð.
Morgunblaðið/Árni Sæberg
*
A flóamarkaði
ÞÆR höfðu selt fyrir eitt þúsund krónur þegar
ljósmyndara og viðskiptavin bar að þar sem þær
höfðu sett upp flóamarkað á Seljabraut í gær.
Ekki fylgir sögunni hvernig þær ætluðu að ráð-
stafa peningunum en algengast er að afrakstur
slíkra viðskipta renni til góðgerðamála. Vinkon-
urnar eiga fleira sameiginlegt en áhugann á
viðskiptum því þær heita allar tveimur nöfnum.
Talið f.v.: Hrefna Sif, Gyða Rut, Björg Ólöf,
Sóley Rós, Berglind Anna og Auður Lára.
Stúdentaleiðtogar hittast í Reykjavík
Vilja beita sér fyrir því
að meira fé verði varið
til stúdentaskiptaáætlana
Einar Skúlason
Forystumenn lands-
samtaka háskóla-
stúdenta á
Norðurlöndum
héldu nýverið NOM-ráð-
stefnu í Reykjavík, þar
sem skipst var á upplýs-
ingum og sameiginleg
hagsmunamál rædd.
NOM er skammstöfun á
Nordisk Ordforende Mode
og er samráðsvettvangur
stúdentasamtaka á Norð-
urlöndum. Meðal efnis á
ráðstefnunni var samn-
ingur Norðurlandanna
um jafnan aðgang Norð-
urlandabúa að námi, sam-
eiginleg útgáfa stúdenta-
samtakanna á bók um
nám á Norðurlöndum,
áætlanir innan Evrópu-
sambandsins tengdar
menntamálum, ár sí-
menntunar í Evrópu og
söfnun til handa stúdentum í
Bosníu. Stúdentaráð Háskóla
íslands (SHÍ) hafði veg og vanda
af þessari ráðstefnu og var Ein-
ar Skúlason framkvæmdastjóri
SHÍ, einn þeirra sem sá um
skipulagningu hennar.
Hvert er markmið NOM og
hve oft eru fundir á vegum þess?
„Markmið þessara samtaka
er aðallega tvenns konar. Ann-
ars vegar að skiptast á upplýs-
ingum um menntun og stúdenta-
samtök í hverju landi fyrir sig,
en hins vegar að samnýta kraft-
ana til að vinna sameiginlegum
hagsmunamálum brautargengi,
til dæmis innan Norðurlanda-
ráðs.
Fundir eru haldnir tvisvar á
ári; á haustin og á vorin. Eitt
ákveðið málefni er tekið fyrir á
vorin, en á haustin eru fleiri mál
rædd.“
Fékkst einhver niðurstaða á
þessari ráðstefnu?
„Já, og ber þar hæst eina
ályktunin sem samþykkt var, en
hún lýtur að áætlunum Evrópu-
sambandsins um stúdentaskipti.
Nú eru líkur á því að mun minna
fé verði varið til slíkra áætlana,
eins og til dæmis ERASMUS,
þrátt fyrir að þær hafi ekki náð
upphaflegu markmiði; það er að
ákveðið hlutfall stúdenta sé að
taka hluta af námi sínu í öðru
landi. í ályktuninni samþykktu
stúdentasamtökin á Norðurlönd-
unum að beita sér fyrir því, hver
í sínu heimalandi og á alþjóða-
vettvangi, að ekkert verði af
þessum niðurskurði.
Auk þess ræddum við ýmis
önnur málefni á ráðstefnunni.
Við vorum meðal annars sam-
mála um mikilvægi þess að
samningurinn sem kveður á um
að Norðurlöndin verði eitt
menntunarsvæði.nái fram að
ganga. Samningurinn gengur út
á það að norrænir háskólanemar
eigi jafnan rétt til háskóla hvar-
vetna á Norðurlönd-
unum.
Þá var rætt um það
á ráðstefnunni hvern-
ig best væri að hjálpa
stúdentum í Bosníu,
en flest stúdentasamtök í Evrópu
eru nú byijuð á því að safna
peningum og ýmsum kennslu-
gögnum fyrir þá. Stúdentaráð
Háskóla Islands hóf þessa söfn-
un fyrr í sumar og hefur nú
þegar fengið úthlutað allt að
einni og hálfri milljón króna frá
utanríkisráðuneytinu.
A ráðstefnunni stakk einn
dani upp á því að haldinn yrði
sérstakur söfnunardagur fyrir
► Einar Skúlason, stjórnmála-
fræðinemi og framkvæmda-
stjóri Stúdentaráðs Háskóla Is-
lands er fæddur í Kaupmanna-
höfn 22. september 1971. Hann
lauk stúdentsprófi frá Mennta-
skólanum í Reykjavík árið 1991
og hóf nám í stjórnmálafræði
haustið 1993. Einar hefur gegnt
ýmsum trúnaðarstörfum innan
háskólasamfélagsins, var for-
maður Politicu, félags stórn-
málafræðinema, veturinn 1994-
1995, kosinn í SHÍ í febrúar á
síðasta ári, hóf störf sem fram-
kvæmdastóri SHÍ í vor, en situr
jafnframt í stjórn Röskvu. Þá
var hann kosinn í framkvæmda-
stjórn Sambands ungra fram-
sóknarmanna fyrr í sumar.
stúdenta í Bosníu og höfum við
ákveðið að láta verða af þeirri
hugmynd, þann 10.-11. október
næstkomandi. Söfnunin mun
bera yfirskriftina Stúdentar
hjálpi stúdentum og geta náms-
menn Háskólans lagt sitt af
mörkum með því að gefa pen-
inga, gamlar námsbækur, eða
kaupa rósir.“
Geta samtök eins og NOM haft
einhver áhrif á þær ákvarðanir
sem eru teknar í menntamáium?
„Já, til dæmis teljum við að
NOM hafi haft miiril áhrif á
framgang NORDPLUS-áætlun-
arinnar, sem er stúdentaskiptaá-
ætlun á vegum Norðurlanda-
ráðs. Einnig má benda á að
landssamtök stúdenta á Norður-
löndunum hafa yfirleitt eitthvað
til málanna að leggja varðandi
menntamál í sínu landi. Þau eru
mjög öflug og oftar en ekki er
leitað álits hjá þeim ef verið er
að breyta einhveiju í mennta-
málum.“
Teljið þið mikilvægt fyrir
Stúdentaráð að vera í NOM?
„Já, alveg hiklaust og ekki
síst til þess að koma í veg fyrir
stöðnun og einangrun.
En einnig er gott að
geta leitað til félaga
sinna í nágrannalönd-
unum ef eitthvað kem-
ur upp á. Til dæmis
ef einhver stjómmála-
maður tæki nú upp á því að
halda fram einhverri staðhæf-
ingu um það hvernig mennta-
málin séu í nágrannalöndunum
og líti því svo á að kröfur ís-
lenskra námsmanna séu óraun-
hæfar. í slíku tilfelli gætum við
alltaf haft samband við félaga
okkar á Norðurlöndunum og
beðið þá um að athuga málin
fyrir okkur, svo að hið sanna
komi örugglega í ljós.“
Safna fé fyrir
stúdenta í
Bosníu