Morgunblaðið - 04.09.1996, Blaðsíða 18
18 MIÐVIKUDAGUR 4. SEPTEMBER 1996
ERLEIMT
MORGUNBLAÐIÐ
Barnsrán og morð í Belgíu
Lík tveggja
stúlkna fundust
Jumet. Reuter.
LÖGREGLAN í Belgíu fann í gær
iík tveggja manna við uppgröft í
einu húsa Marc Dutroux, sem hefur
viðurkennt að hafa rænt börnum,
misnotað þau og myrt. Belgíska lög-
reglan skýrði frá því í gærkvöld,
að líkin væru af Eefje Lambrecks
og An Marchal, sem hurfu í fyrra.
Jean-Marie Boudin majór og tals-
maður lögreglunnar vildi ekkert um
það segja í gærdag hvort um væri
að ræða líkamsleifar eins manns eða
fleiri en skömmu síðar komu á vett-
vang tveir líkvagnar og fréttamenn
sáu kistu borna á brott.
Bernard Weinstein, fyrrum sam-
starfsmaður Dutroux, bjó áður í
þessu húsi og Dutroux hefur viður-
kennt að hafa myrt hann og rænt
tveimur stúlkum, An Marchal og
Eefje Lambrecks, í Ostende fyrir
ári. Síðan hefur ekkert til þeirra
spurst.
Belgíska lögreglan og rikissak-
sóknarinn í Belgíu, Michel Bourlet,
skýrðu svo frá því í gærkvöld, að
um væri að ræða lík stúlknanna
tveggja.
Vikulöng leit
Lögreglumenn höfðu leitað í heila
viku að líkum í og við eitt sex húsa
Dutroux þegar beinin fundust undir
steyptu gólfi í garðskýli. Aður hafa
fundist Iík tveggja stúlkna, sem sultu
til bana í leyniklefa í húsi Dutroux,
og tveimur tókst að bjarga lifandi.
Auk þess er Dutroux grunaður um
að hafa myrt slóvakíska konu.
Alls eru níu manns í haldi vegna
þessa máls í Belgíu, þar á meðal
seinni kona Dutroux.
Deilt um eitt orð
Jerúsalem. Reuter.
ÁGREININGUR um eitt orð kom í
veg fyrir að samkomulag tækist með
fulltrúum Israela og heimastjómar
Palestínumanna á herteknu svæðun-
um um sameiginlega yfíriýsingu er
greitt hefði götuna fyrir leiðtogafundi
Yassers Arafats, forseta heimastjóm-
arinnar, og Benjamins Netanyahus,
forsætisráðherra ísraels.
Fulltrúar deiluaðila hittust þriðja
daginn í röð í Tel Aviv og funduðu
fram undir morgun í gær án þess
að ná samkomulagi um leiðtoga-
fund. Strandaði á því, að ísraelar
vildu ekki sjá hugtakið „hrinda í
framkvæmd" í yfirlýsingu um
áframhald friðarferlisins.
Palestínumenn vilja fá ótvíræða
skuldbindingu af hálfu stjórnar Net-
anyahus um að staðið verði við öll
ákvæði Óslóarsamkomulagsins.
Netanyahu er sagður reiðubúinn
að standa við grundvallarákvæði
friðarsamninganna en vill ekki
skuldbinda sig til að hrinda ákvæð-
um þeirra í framkvæmd.
Nú geta
allir lært
að syngja
Hóptímar
ungir sem aldnir,
laglausir sem lagvísir
Einkatímar
Hópnámskeið fyrir byrjendur og lengra komna
Barna- og unglinganámskeið aldursskipt söngnámskeið
Einsöngsnám fyrir byrjendur og lengra komna
Sveifludeild söngleikjatónlist, gospel, jass og blues
Sönghópur Móður jarðar gospel og heimstónlist
jass • blues
í vetur mun kanadíska jass/blues
söngkonan Tena Palmer kenna við
skólann - frábær söngkona sem unnið
hefur til fjölda verðlauna fyrir söng sinn!
Söngsmidja fyrir hressa krakka
Upplýsingar og innritun í síma: 561 2455 • faxi: 561 2456
eða á skrifstofu skólans, virka daga frá kl. 11 - 18.
Söngur, tónlist, hreyfing, leikræn tjáning.
Námskeiðin eru aldursskipt frá fimm ára aldri og •'•TJT
eru
Börnin öölast meira sjálfstraust og einbeitingarhæfni eykst.
SÖIUGSMIÐJAni ehf.
Söngskóli og söngsmiðja
HVERFISGÖTU 76
REYKJAVÍK
ð■
Flugáhafnir og áhrif geimgeislunar á heilsu þeirra
Vaxandi ótti við aukna
tíðni krabbameins?
UGGUR um að flugmenn og flug-
freyjur eigi vegna geimgeislunar
fremur á hættu að fá krabbamein
fer vaxandi og hefur Evrópusam-
bandið samið reglugerð þar sem
kveðið er á um skyldu flugfélag-
anna til að láta fylgjast með og
draga úr geisluninni sem fólkið
verður fyrir. Geislunin mælist alls
staðar á jörðunni en vex eftir því
sem ofar dregur í lofthjúpnum.
Reglugerð Evrópusambandsins
tekur gildi árið 2000. Breska dag-
blaðið The Independent skýrði
nýlega frá málinu. Segir þar að
bráðabirgðarannsóknir bendi til
þess að flugfreyjur séu tvisvar
sinnum líklegri en aðrar konur til
að fá bijóstakrabbamein og
fimmtán sinnum líklegri til að fá
krabbamein í beinum.
Blaðið vitnar í grein í tímaritinu
Aviation Space and Environmentai
Medicine en þar kemur einnig
fram að flugmenn virðist vera sú
atvinnustétt sem mest hætta sé á
að fái hvítblæði, einnig sé tíðni
sortuæxla í húð og krabbameins
í smáþörmum og ristli hærri með-
al þeirra en hjá öðrum stéttum.
Þátttakendur í könnuninni
munu ekki hafa verið margir og
leggja þeir sem að henni stóðu
áherslu á að nauðsynlegt sé að
kanna málið betur áður en hægt
sé að staðfesta niðurstöðurnar.
Flugfélög hafa oft gert lítið úr
hættunni sem áhöfnum stafi af
geimgeislun í starfinu. Hafa þau
óttast að slíkar frásagnir myndu
valda ótta hjá starfsmönnum og
farþegum. The Independent segir
að verið sé að gera víðtækari könn-
un í Bandaríkjunum.
Þörf á frekari
rannsóknum
Helgi Sigurðsson, krabbameins-
læknir á Landsspítalanum, sagði
í samtali við Morgunblaðið að gerð
hefði verið könnun á tíðni bijósta-
krabba hjá finnskum flugfreyjum.
Tíðnin væri hærri en hjá sambæri-
legum hópum kvenna annars stað-
ar í þjóðfélaginu og bentu niður-
stöðurnar til þess að umrædd
geislun gæti verið orsökin. Á hinn
bóginn væri ljóst að orsakimar
gætu verið aðrar og sérfræðingar
sýndu því mikla varkárni áður en
þeir fullyrtu nokkuð um líkurnar.
Kannanir af þessu tagi væru
þrenns konar, vægið mismunandi
eftir umfangi og tímalengd.
Finnska könnunin væri af þeirri
gerð sem síst væri hægt að nota
sem vísbendingu, veikasta sönnun
sem til væri í slíkum rannsóknum.
Niðurstöðurnar sýndu aðeins að
rétt væri að kanna málið betur.
„Þetta eru oft konur sem eiga
börn seinna en aðrar konur, vilja
stýra sínum barneignum og eru í
hátekjustörfum. Helsti áhættu-
þátturinn í sambandi við bijóst-
krabbamein er aldur kvenna þegar
þær fæða og hafa barn á bijósti,
því eldri sem konan er því meiri
er áhættan.
Þetta er eins og með tengslin
við fituneyslu. Menn þora ekki að
draga ályktanir vegna þess að
sömu þjóðir og borða mikla fitu
eru þjóðirnar sem lifa lengst,
krabbamein fylgir aldri. Það mætti
alveg eins nefna fjölda bíla, benda
á fylgnina, þetta fylgir velferð-
inni. Velferðinni fylgir krabba-
mein. Þó að menn sjái einhvers
staðar fytgnistuðul geta þeir ekki
sett samasemmerki á milli þó að
það sé mögulegt", sagði Helgi Sig-
urðsson.
Breskir her-
menn æfa
í Póllandi
ÚKRAÍNSKIR foringjar
og breskir hermenn ræðast
við á sameiginlegum
æfingum breskra, pólskra
og úkraínskra herja í Póllandi
í gær. Er það í fyrsta sinn
sem breskir brynvagnar
fara inn í Pólland. Æfður
er ákafur hernaður á borð
við það sem átti sér stað í
Persaflóastríðinu.
Reuter
Deila Saxlands við Evrópusambandið um niðurgreiðslur
Deilaii óg’nar Evrópu-
stefnu kanzlarans
London. The Daily Telegraph.
HELMUT Kohl, kanzlari Þýzka-
iands, sem er þekktur fyrir að vera
einn einarðasti stuðningsmaður
Evrópusamrunans, stendur nú
frammi fyrir því að áhrifamenn inn-
an hans eigin flokks grafí undan
Evrópustefnu hans.
Kurt Biedenkopf, forsætisráð-
herra sambandslandsins Saxlands
og flokksbróðir Kohls í flokki Kristi-
legra demókrata, CDU, á nú í harðri
rimmu við framkvæmdastjórn Evr-
ópusambandsins (ESB). Hann frá-
biður sér afskipti hennar af því,
hvernig efnahagslegri uppbyggingu
Saxlands skuli hagað eftir endalok
Austur-þýzka alþýðulýðveldisins og
sameiningu Þýzkalands. Hann segir
eingöngu stjórnvöld í Bonn séu fær
um að meta það hvenær lífsgæði í
báðum hlutum Þýzkalands hafa
jafnazt nægilega út.
Deila Saxlands við ESB kviknaði
er Biedenkopf ákvað að auðvelda
Volkswagen-verksmiðjunum að
reisa tvær nýjar bílaverksmiðjur í
sambandslandinu með því að greiða
þeim háar fjárhæðir í fjárfestingar-
aðstoð.
Meirihluti almennings í Þýzka-
landi, einkum og sér í lagi Saxlandi
sjálfu, eru þeirrar skoðunar að leyfa
eigi niðurgreiðslumar til að styðja
við efnahagsuppbyggingu Saxlands.
Banna stuðning við
Volkswagen
En framkvæmdastjórnin í Bruss-
el hefur lagt bann við því að Sax-
land veiti Volkswagen frekari íjár-
hagsaðstoð, en stjórn Saxlands
ákvað að veita 91 milljón marka,
um 4,1 milljarð króna, til Volkswag-
en, og hefur kært framkvæmda-
stjórnina hjá Evrópudómstólnum.
Karel van Miert, sem hefur yfir
niðurgreiðslumálum að segja í
framkvæmdastjórninni, sagði um
helgina, að ef engin lausn hefði
fundizt á deilunni fyrir miðja þessa
viku, myndi framkvæmdastjórnin
fara fram á lögbann á greiðslu nið-
urgreiðslanna fyrir Evrópudóm-
stólnum. Hann óttast, að ef Saxland
kæmi vilja sínum fram, gæti hvaða
hérað sem er í Evrópu tekið upp á
því upp á sitt einsdæmi að auka
niðurgreiðslur.
Kohl, sem átti fund með Jacques
Chirac Frakklandsforseta um helg-
ina, er í erfiðri aðstöðu í þessari
deilu.
Ef hann styður framkvæmda-
stjórnina mun hann misþjóða þýzk-
um almenningi; ef hann styður
Saxa skaðar hann orðstír sinn sem
harður fylgismaður Evrópusamrun-
ans. En hann getur ekki bundið
hendur Biedenkopfs, sem hefur
sjálfstæðan valdagrunn í Saxlandi,
þar sem hann nýtur mikilla vin-
sælda meðal kjósenda.