Morgunblaðið - 05.09.1996, Blaðsíða 2

2 B FIMMTUDAGUR 5. SEPTEMBER 1996
MORGUNBLAÐIÐ
VIÐSKIPTI
Islensk þekking
nýtt í pizzukeðju
íDanmörku
SELTJARNARNES
Ný lyfsöluleyfi f ^
Á höfuðborgarsvæðinu
Hringbraut 119, Rvk.
Iðufeli 14, Rvk.
Lágmúli 5, Rvk.
Skeifan 5, Rvk.
Skeifan 8, Rvk.
Skipholt 50, Rvk.
Engihjalli 8, Kópavogur
Smiðjuvegur 2, Kóp.
Ut á landsbyggðinni
Hringbraut 99, Keflavík
Glerárhverfi, Akureyri
c*
HAFNARFJORÐUR
O Ný lyfsöluleyfi
• Eldri apótek
Tíu nýjum lyfsöluleyf-
um úthlutaðíár
HEILBRIGÐISRÁÐHERRA hefur
veitt tíu ný lyfsöluleyfi frá því hin
nýju lyfjalög tóku gildi í vor. Þar
að auki hefur nokkrum leyfum ver-
ið úthlutað vegna eigendaskipta á
eldri apótekum, t.d á Höfn í Horna-
firði og Seyðisfirði, að sögn Einars
Magnússonar, hjá heilbrigðisráðu-
neytinu.
Lyfsöluleyfum hefur því fjölgað
um nær fjórðung frá gildistöku lag-
anna því 43 apótek voru fyrir í land-
inu. Eins og fram kom í Morgun-
blaðinu í gær fékk Róbert Melax,
lyfjafræðingur og annar eiganda
Lyfju, lyfsöluleyfi í stórmarkaði
Hagkaups í Skeifunni nú í byrjun
vikunnar. í því skyni hefur verið
sett á stofn nýtt hlutafélag, Lyfja-
kaup, sem er í meirihlutaeigu Hag-
kaups.
Skömmu áður veitti ráðherra
Bessa Gíslasyni, lyfjafræðingi, lyf-
söluleyfi í Iðufelli 14 og Þorbergi
Egilssyni, lyfjafræðingi, leyfi á
Smiðjuvegi 2 í Kópavogi. Þeir tengj-
ast Lyfjabúðum ehf. sem er að hluta
til í eigu Jóhannesar Jónssonar,
kaupmanns í Bónus. Loks hefur
Bergþór Haraldsson fengið lyfsölu-
leyfi í Glerárhverfi á Akureyri.
Áður höfðu verið veitt leyfi vegna
apóteka í Lágmúla 5, Skipholti 50,
Skeifunni 8, Hringbraut 119 í
Reykjavík, Hringbraut 99 í Keflavík
og Engihjalla 8 í Kópavogi. Þegar
hafa verið opnuð ný apótek í Lág-
múla, Engihjalla og Hringbraut í
Keflavík.
Einar benti hins vegar á að það
væri ekki nóg að fá lyfsöluleyfi hjá
ráðuneytinu því uppfylla þyrfti
ákveðin skilyrði Lyfjaeftirlitsins.
Hugsanlega myndu einhveijir
hætta við þegar þeim yrði ljós til-
kostnaðurinn við að standast þessar
kröfur. Hann sagði aðspurður að
þijár umsóknir um lyfsöluleyfi væru
óafgreiddar í ráðuneytinu, en ekki
væri hægt að upplýsa að svo stöddu
hvaða aðilar ættu þar í hlut.
Kaupmannahöfn. Morgunblaðið.
„ÍSLENDINGAR þurfa ekki að hafa
neina minnimáttarkennd í Dan-
mörku. Við höfum einfaldlega
reynslu á þessu sviði, sem ekki er
fyrir hendi hér,“ segja þeir Gísli
Gíslason lögfræðingur og Einar
Kristjánsson rekstrarhagfræðingur,
sem eru að koma á fót pizzukeðj-
unni „Pizza 67“ í Danmörku. Þeir
hyggjast reka hana sem viðskipta-
sérleyfiskeðju, en reka ekki staðina
sjálfir.
Þeir hafa stofnað danskt dóttur-
fyrirtæki Hafmeyjuna hf. til að koma
keðjunni á _fót erlendis. Fyrsti stað-
urinn utan íslands opnar við Ráðhús-
torgið um mánaðamótin, en staður
í Færeyjum er einnig í undirbún-
ingi. Ætlunin er að reyna að kaupa
sem mest af hugviti og þjónustu frá
Islandi, því að mati þeirra Gísla og
Einars hafa íslendingar upp á margt
að bjóða. Þeir undirstrika að þar sem
keðjan verði í eigu íslensks Ijárhalds-
fyrirtækis skili allur hagnaður af
rekstrinum sér til íslands, en ekki
til erlendra aðila.
_,,Pizza 67“ er rekið sem hlutafélag
á íslandi og hefur hlutafélagið Haf-
meyjan keypt af því réttinn til að
opna veitingastaði á Norðurlöndum
undir heitinu „Pizza 67“. í sumar
var stofnað hlutafélagið Hafmeyjan
í kringum erlenda reksturinn. Hluta-
fé er 25 milljónir íslenskra króna.
Það félag hefur síðan stofnað dóttur-
fyrirtæki í Danmörku. Undirbúning-
ur er kominn langt og meðal annars
hafa verið útbúnir sérleyfispakkar,
þannig að þeir sem kaupa sérleyfi
fá um leið meðal annars allar inn-
réttingar, ábendingar um hvar
kaupa eigi ofnana, að ógleymdum
matseðlum, auglýsingum og stöðlum
um pizzugerðina.
Þeir Einar og Gísli segja sam-
keppnina á íslenska pizzumarkaðn-
um gríðarlega harða og ljóst sé að
sá markaður vaxi vart meira en orð-
ið sé. Á ferðum erlendis hafi þeir
séð að markaðurinn á Norðurlöndum
sé engan veginn eins þróaður og þar
sé því að þeirra mati góðir möguleik-
ar á að koma á framfæri pizzu-
keðju. Sérleyfismarkðurinn i Dan-
mörku sé vanþróaður og þar sé eng-
in öflug pizzukeðja, en hins vegar
fjöldamargir staðir, reknir af ein-
staklingum, sem allir séu að gera
það saina og hvorki þjónusta né
úrval nálgist það sem gerist um ís-
lenska pizzustaði. Þeir segja einnig
að bankar, gosfyrirtæki og aðrir
hafi tekið hugmyndinni vel og metið
sem svo að svigrúm væri fyrir hana
á markaðnum.
Verð á pizzum er hærra á íslandi
en hér, en það veldur nýja fyrirtæk-
inu ekki áhyggjum, því bæði nái
þeir betri nýtingu á starfsfólki, hús-
næði, tækjum og innkaupum, auk
þess sem þeir munu selja bjór, en
þar er álagningin há. Verðið veldur
þeim því ekki áhyggjum. Um 200
þúsund manns eiga daglega leið um
Ráðhússtorgið og staðir þar fáir og
vel sóttir. Heimsendingarþjónusta
þekkist varla í Kaupmannahöfn, en
með fleiri stöðum vonast þeir til að
geta komið henni á. Fyrirtækið mun
opna og reka 1-2 staði til að koma
hugmyndinni á flot, en síðan selja
sérleyfi. Vonir standa til að ýmsir
af þeim einstaklingum, sem þegar
reka staði muni kaupa sérleyfi og
breyta sínum stöðum í „Pizzu 67“.
RKS-Skynjaratækni framleiðir vörur
fyrir danskan kælivélaframleiðanda
Ný tegund
gasskynj-
ara í þróun
RKS-SKYNJARATÆKNI ehf. á
Sauðárkróki vinnur nú að þróun
nýrrar tegundar gasskynjara, ódýr-
ari en þeirra sem fyrirtækið er nú
með á markaði hérlendis og erlend-
is. í athugun er að hefja framleiðslu
á alveg nýrri línu og nota við það
grunninn úr fjölrása-skráningartæk-
inu Medistor sem fyrirtækið hefur
keypt framleiðsluréttinn á.
Jón Bæring Hauksson, fram-
leiðslu- og innkaupastjóri, segir að
mikill markaður sé fyrir þessa skynj-
ara hér og erlendis. Þeir eru notaðir
þar sem kæli- og frystikerfi eru til
að gefa aðvörun þegar freon eða
ammoníak byijar að leka.
Nokkuð hefur verið selt á innan-
landsmarkaði en Jón Bæring segir
að menn séu almennt ekki orðnir
meðvitaðir um þörfina fyrir tækið.
Gagnsemi þess komi þó fljótt í Ijós,
leki úr einum kút kosti til dæmis
sama og einn skynjari, fyrir utan
hættuna og óþægindin sem lekinn
geti valdið.
Mikil viðurkenning
RKS-Skynjaratækni hefur náð
samningum við stóran danskan kæli-
vélaframleiðanda, Sabroe, um fram-
leiðslu undir merki danska fyrirtæk-
isins. Fer skynjarinn inn í sölukerfi
Sabroe um allan heim. Jón Bæring
segir að stefnt hafi verið að sölu 400
skynjara í ár, auk vaktstöðva.
Hann segir að Sabroe sé enn að
kynna vöruna í fyrirtækjum sínum,
þýða leiðbeiningar á fjölda tungu-
mála og vinna aðra undirbúnings-
vinnu en hann vonast til að fullur
Morgunblaðið/Ásdís Ásgeirsdóttir
JON Bæring Hauksson heldur
á RKS-gasskynjara og sljórn-
stöð liggur á borðinu.
skriður fari að komast á útflutning-
inn. „Það er mjög mikil viðurkenning
að þeir skuli hafa valið okkur. Sabroe
setur ekki merki sitt á hluti nema
þeir séu pottþéttir.“
Að kröfu Sabroe fór RKS með
framleiðsluvörur sínar í prófun hjá
viðurkenndri erlendri prófunarstofu
og stóðst allar kröfur Evrópustaðals.
Má fyrirtækið nú nota CE, Evrópska
öryggismerkið, á vörur sínar.
Standa nú yfir samningar við
Sabroe um frekari markaðssetningu
skynjaranna, utan við Sabroe-sam-
stæðuna. Segir Jón Bæring að verið
sé að kanna hvort væri árangursrík-
ara, að vinna að þeim málum sjálfir
eða í gegnum danska fyrirtækið.
Að sögn Jóns Bærings er nú haf-
in þróun á ódýrari og einfaldari gerð
gasskynjara. Til athugunar er að
hefja framleiðslu á alveg nýrri línu
og nota við það grunntækni úr fjöl-
rása skráningartækinu Medistor
sem RKS hefur keypt framleiðslu-
réttinn á. Jón segir að þróunarvinna
sé ákaflega dýr og ákvörðun hafi
ekki verið tekin um þessa fram-
leiðslu.
Kóreuför utanríkisráðherra og athafnamanna heppnaðist vel
Tengsl mynduð við mörg
kóresk fyrirtæki
Morgunblaðið/Stefán L. Stefánsson
HALLDÓR Ásgrímsson, utanríkisráðherra, í einu vinnsluhúsa
Daerim, stærsta sjávarútvegsfyrirtækis Suður-Kóreu.
ÍSLENSKUM fyrirtækjum tókst að
koma á tengslum við fjölmörg fyrir-
tæki í nýafstaðinni ferð utanríkis-
ráðherra og fulltrúa íslenskra fyrir-
tækja til Suður-Kóreu. Stærsta sjáv-
arútvegsfyrirtæki landsins sýndi
túnfiskveiðum við ísland áhuga og
dæmi voru um að íslensk fyrirtæki
næðu sölusamningum þar eystra.
Kóreuförin er fyrsta ferð íslensks
utanríkisráðherra þar sem megin-
markmiðið er að afla viðskipta og
koma á tengslum íslenskra fyrirtækja
við atvinnulífið í viðkomandi landi.
í heimsókninni hitti Halldór að
máli forseta, utanríkisráðherra og
iðnaðar- og viðskiptaráðherra lands-
ins og ræddi hann við þá um sam-
skipti ríkjanna og hvernig hægt
væri að greiða fyrir viðskiptum á
milli þeirra.
íbúar Suður-Kóreu eru 45 millj-
ónir. Þeir eru mikiar fiskætur og er
talið að hver þeirra borði að meðal-
tali um 35 kíló af sjávarafurðum
árlega. Suður-kóreskur sjávarútveg-
ur hefur notið mikillar verndar fram
að þessu en um mitt næsta ár verð-
ur henni að mestu hætt og allar
takmarkanir á innflutning sjávaraf-
urða felldar niður.
í heimsókninni gafst íslensku
sendinefndinni gott tækifæri til að
kynna sér aðstæður í suður-kóresk-
um sjávarútvegi. M.a. var farið á
fiskmarkaði og stærsta sjávarút-
vegsfyrirtæki landsins, Daerim,
skoðað en það gerir út 65 stór veiði-
skip og er með dreifingarkerfi, sem
nær um allan heim.
Jón Ásbergsson, framkvæmda-
stjóri Utflutningsráðs, segir að kom-
ið hafi í ljós gagnkvæmur vilji til
samstarfs milli kóreska fyrirtækisins
og íslensku sölusamtakanna, sem
áttu fulltrúa í sendinefndinni. „For-
svarsmenn Daerim höfðu margs að
spyrja og vissu m.a. um tilraunaveið-
ar Japana á túnfiski við ísland. Þeir
sýndu þeim áhuga og töldu að þar
gæti verið um ábatasamar veiðar
að ræða.“
Alls voru 22 menn í íslensku sendi-
nefndinni og þar af 14 fulltrúar fyrir-
tækja. íslensku fulltrúarnir hittu full-
trúa kóreskra fyrirtækja og heim-
sóttu mörg þeirra. Þá var efnt til
viðamikillar kynningar á íslenskum
fyrirtækjum í höfuðborginni Sól og
hafnarborginni Pusan. Jón segir að
kynningin hafi tekist framar vonum
og tekist hafi að myndast tengsl við
fjölmörg kóresk fyrirtæki. „Nokkrir
íslensku athafnamannanna urðu eftir
í Suður-Kóreu til að vinna í sínum
málum. Tilgangurinn með förinni var
m.a. sá að búa í haginn fyrir við-
skipti en svo vel vildi til að einhveij-
um fyrirtækjum tókst að ganga frá
samningum á staðnum, sem hlýtur
að teljast mjög vel af sér vikið.“
Suður-Ameríka
á næsta ári?
Jón segist vera mjög ánægður
með ferðina og segir að mikill áhugi
sé fyrir því hjá Utflutningsráði að
skipuleggja fleiri slíkar ferðir í sam-
starfi við utanríkisráðuneytið. „Þetta
er góð leið til að ná athygli stjórn-
valda og fyrirtækja og við stefnum
á að næsta ferð verði farin til Suður-
Ameríku á næsta ári. Fleiri lönd eins
og Indland, Indónesía og Malasía
koma vissulega til greina síðar.“