Morgunblaðið - 05.09.1996, Síða 1
BLAÐ ALLRA LANDSMANNA
1996
JMtwgitnMaMfr
■ FIMMTUDAGUR 5. SEPTEMBER
BLAÐ
Afturelding borgar 1,6 millj. kr. fyrir leikmenn
AFTURELDINGARMENN í Mos-
fellsbæ hafa náð samkomulagi við
þrjú félög vegna peningagreiðslana á
fjórum leikmönnum, sem eru komnir
í herbúðir 1. deildarliðs félagsins í
handknattleik. Búið er að ganga frá
félagaskiptum Sveins Sveinssonar úr
FH, 475 þús. krónur. í dag verður
gengið frá félagaskiptum Einars
Gunnars Sigurðssonar og Siguijóns
Bjarnasonar frá Selfossi. Afturelding
mun greiða 730 þús. kr. fyrir Einar
Gunnar og 300 þús. kr. fyrir Sigur-
jón. Þá á eftir að ganga endanlega
frá félagaskiptum Jóns Andra Finns-
sonar úr Fram, 160 þús. kr. Samtals
greiðir félagið 1,665 millj. kr. fyrir
leikmennina.
Síðasti
nágranna-
slagurinn
á Roker-
velli
SUNDERLAND
tók á móti
Newcastle ð
Roker-velli í
gærkvöldi og
dragist liðln
ekki saman í
bikarkeppnl ð
heimavelli
Sunderland í
vetur var um að
ræða síðasta
nðgrannaslag
þeirra ð vellln-
um því Sunder-
land flytur fyrir
næsta tímabil.
Á myndinni er
Alan Shearer ð
milli helma-
mannanna Dar-
iusz Kubickis til
vinstri og Mart-
in Scotts. Man.
Utd. varð að
sætta sig vlð
jafntefli i Derby.
Lelklr / C3
Reuter
Næst að
drekka GAIS
á réttan kjöl?
HIÐ gamalkunna knattspyrnulið frá Gauta-
borg, GAIS, er á barmi gjaldþrots. Forráða-
menn félagsins hafa tekið þá ávörðun að senya
við bruggfyrirtæki, sem hefur ákveðið að setja
GAIS-bjór á markaðinn, með merki félagsins
á flöskumiðum. Þetta er síðasta útspil forráða-
mannanna til að bjarga erfiðri skuldastöðu.
Formaður sænska knattspyrnusambandsins
hefur lýst vanþóknun sinni á þessari ákvörðun
GAIS. Nú er spurningin, tekst stuðningsmönn-
um félagsins og Gautaborgarbúum að drekka
félagið á réttan kjöl?
Fjárhagsvandamál félagsins hófst þegar
GAIS fékk Glenn Hysen, fyrrum landsliðs-
mann, til að koma til félagsins frá Liverpool.
Við hann voru gerðir vægast sagt vanhugsaðir
samningar, sem kostuðu félagið mikið. A sama
tíma og fjárhagur GAIS rýrnaði, fitnaði Hysen
- hann safnaði spiki, þannig að ekki var not
fyrir hann á knattspyrnuvellinum.
Báðir leikirnir
gegn Grikkjum
og Eistum á
íslandi?
GRIKKIR verða fjórða þjóðin í riðli með íslendingum
í undankeppni heimsmeistaramótsins í handknattleik,
Grikkir sigruðu Kýpur 35:22 um helgina í síðari leik
iiðanna og 28:17 í fyrri leiknum. íslendingar stefna
að því að fá báða leikina við Grikki hér heima og einn-
ig leikina við Eista, en við Dani verður leikið heima
og að heiman.
Að sögn Þorbjörns Jenssonar landsliðsþjálfara eru
bæði Grikkir og Eistar búnir að samþykkja að leika
báða leikina hér og nú er aðeins beðið eftir samþykki
Dana, en allar þjóðirnar í riðlinum þurfa að veita sam-
þykki sitt, óski þjóðir að leika ekki heima og að heim-
an. Grikkir hafa í hyggju að leika alla leikina í einni
og sömu ferðinni, fyrst við íslendinga, fara síðan til
Danmerkur og leika þar tvo leiki og loks til Eistlands
og leika báða leikina þar.
íslendingar eiga samkvæmt áætlun að leika við
Grikki hér heima 2. október og úti 6. október, en
verði báðir leikirnir hér verða þeir 5. og 6. október.
Fyrri leikurinn við Eista á að vera í Eistlandi 30.
október og sá síðari hér á landí 3. nóvember, en verði
báðir leikirnir hér verða þeir 2. og 3. nóvember. Fyrri
leikurinn við Dani verður hér heima 27. nóvember og
síðari leikurinn í Danmörku 1. desember.
Aftur í landsliðið
eftir rúman áratug
KYLFINGURINN Björgvin Þor-
steinsson úr Golfklúbbi Akur-
eyrar hefur verið valinn í lands-
lið íslands i golfi, en nú eru ell-
efu ár síðan Björgvin var síðast
valinn í landsliðið. „Ég held að
ég hafi verið síðast í landsliðinu
árið 1985,“ sagði Björgvin f sam-
tali við Morgunblaðið í gær. „Ég
byijaði mjög vel í vor og stefndi
því að því að komast í landsliðið
þó svo ég leggði enga ofuráerslu
á það, en það er gaman að
þessu.“
Ragnar Ólafsson, liðstjóri
landsiiðsins, hefur valið Björgvin
og Birgi Leif Hafþórsson úr
Leyni til að taka þátt í alþjóðlegu
móti á Ítalíu 18. til 22. septem-
ber á Cirola Golf Villa d’Este
vellinum. Þess má til gamans
geta að Birgir Leifur er tvítugur
og því munar 23 árum á lands-
liðsmönnunum. Björgvin var
fyrst valinn í iandsliðið 19 ára
gamall, árið 1972, og hefur því
gríðariega reynslu. „Birgir Leif-
ur hefur mikiu meiri reynslu af
svona mótum síðari ár þannig
að hann verður sjálfsagt að halda
í höndina á mér, en ekki öfugt.
Ætii ég verði ekki enn trekktari
en þegar ég fór í fyrstu ferð-
ina!“ sagði Björgvin.
Anna María
hætt hjá Blikum
Breiðablik ekki með lið í 1. deild kvenna í körfuknattleik
Anna María Sveinsdóttir hefur
snúið til Keflavíkur á nýjan
leik, en hún hafði ráðið sig sem
þjálfara kvennaliðs Breiðabliks fyrir
komandi leiktíð. Anna María var
ekki ánægð með hversu fáar stúlk-
ur mættu á æfingar hjá Blikum,
enda hefur fækkað nokkuð hjá
Kópavogsliðinu frá því í fyrra, Inga
Dóra Magnúsdóttir ætlar víst ekki
að vera í körfunni í vetur, Erla
Hendriksdóttir er enn óákveðin,
Hanna Kjartansdóttir er farin til
Bandaríkjanna og Elísa Vilbergs-
dóttir komin í KR.
Anna María fer frá Blikum í
sátt við stjórnina, en það eina sem
bjátaði á var að það vantaði fleiri
stelpur á æfingar. Það er því allt
útlit fyrir að aðeins verði sex lið í
efstu deild kvenna í vetur. Stjórn
Breiðabliks ætlaði að halda stjórn-
arfund í gærkvöldi og þegar Morg-
unbiaðið náði tali af Hannesi Jóns-
syni, ritara körfuknattleiksdeildar
Breiðabliks, í gærkvöldi vildi hann
ekkert tjá sig um málið, sagði að-
eins að stjórnin myndi senda frá
sér fréttatilkynningu að fundi lokn-
um.
KNATTSPYRNA: IVAN „GRIMMI" LEIÐIRINNRÁSINA Á ÍTALÍU / C2