Morgunblaðið - 08.09.1996, Blaðsíða 2

2 SUNNUDAGUR 8. SEPTEMBER 1996
FRETTIR
MORGUNBLAÐIÐ
Heilsugæsludeilan
Viðræður
Þingflokkar ríkisstjórnar afgreiða fjárlagafrumvarpið
Vonir um að hagnaður
verði á rekstri ríkisins
hafnar á ný
ÞÓRIR Einarsson ríkissáttasemjari
boðaði samninganefndir Læknafé-
lags íslands og ríkisins til sáttafund-
ar kl. 17 í gær, en viðræður hafa
legið niðri frá 29. ágúst.
Samkvæmt upplýsingum Morg-
unblaðsins hafa engin ný tilboð kom-
ið fram sem gefi sérstakt tilefni til
bjartsýni á lausn deilunnar, en lækn-
ar hafa fundað stíft að undanförnu
og farið yfír sín mál, að sögn Gunn-
ars Inga Gunnarssonar, formanns
samninganefndar LÍ. „Það er mikil
óvissa í stöðunni og gerjun," sagði
Gunnar Ingi.
Þórir sagðist í gærmorgun ætla
að kanna viðhorf deiluaðila á fund-
inum síðdegis. „Ég er að reyna að
hrinda þessu af stað aftur og sjá
hvort hægt er að hefja nýja viðræðu-
lotu,“ sagði hann.
ÞINGFLOKKUR Sjálfstæðis-
flokksins hefur samþykkt drög að
frumvarpi til fjárlaga næsta árs
en frumvarpið var endanlega af-
greitt úr þingflokknum á fundi á
föstudaginn. Nokkur óánægja er
þó meðal einstakra þingmanna
vegna niðurskurðar framlaga til
vegamála frá vegaáætlun, skv.
heimildum blaðsins.
Markmiðið um hallalaus fjárlög
á næsta ári er óbreytt eftir með-
ferð frumvarpsins í þingflokkun-
um, skv. upplýsingum Morgun-
blaðsins og gera þingmenn sér
jafnvel vonir um að takast muni
að skila ríkissjóði með afgangi á
árinu 1997 vegna vaxandi þenslu
í þjóðarbúskapnum ef tekjuáætlun
gengur eftir. Reiknað er með að
tekjur ríkissjóðs á næsta ári verði
ekki minni en á yfirstandandi ári.
Þingflokkur framsóknarmanna
hefur fyrir nokkru afgreitt frum-
varpið frá sér. „Ég vil ekki segja
meira en að við stöndum fast á
markmiðinu um hallalaus fjárlög.
Ég tel það raunhæft miðað við
núverandi aðstæður og það er
markmið sem við verðum að ná.
Ef þróunin verður eitthvað hag-
stæðari er það vel,“ segir Jón
Kristjánsson, formaður fjárlaga-
nefndar.
í prentun í næstu viku
Formenn og varaformenn
stjórnarflokkanna og formaður og
varaformaður fjárlaganefndar
vinna í umboði þingflokkanna að
frágangi nokkurra atriða um
sparnað í heilbrigðismálum strax
eftir helgina og að því búnu verður
frumvarpið sent í prentun, væntan-
lega í næstu viku. Fjárlagafrum-
varpið er fyrsta þingmálið sem lagt
verður fram á Alþingi þegar þing
kemur saman 1. október.
JÓHANNA Sigurðardóttir, formaður Þjóðvaka, ber upp tillögu
um stofnun þingflokks jafnaðarmanna á fundi stjórnar Þjóðvaka
í gær, en í henni sitja 39 manns.
Morgunblaðið/Kristinn
PÉTUR Jónsson borgarfulltrúi, Gísli S. Einarsson alþingismaður
og Jón Baldvin Hannibalsson, formaður Aiþýðuflokksins, við
upphaf flokksstjórnarfundarins.
Fundir flokksstiórnar Alþýðuflokksins og stjórnar Þjóðvaka
Sameining þingflokka samþykkt
FLOKKSSTJÓRN Alþýðuflokksins
og stjórn Þjóðvaka samþykktu á
fundum sínum í gær samkomulag
sem náðst hefur um sameiningu
þingflokka þessara flokka og stofn-
un þingflokks jafnaðarmanna.
Talsverðar umræður urðu um
málið á fundum beggja flokka en
engin gagnrýni kom fram í máli
ræðumanna, að sögn Jóhönnu Sig-
urðardóttur formanns Þjóðvaka og
Rannveigar Guðmundsdóttur þing-
flokksformanns Alþýðuflokksins.
Mismunandi miklar væntingar
í Alþýðuflokki
„Menn lögðu kannski mismunandi
miklar væntingar í til hvers þetta
gæti leitt, eins og eðlilegt er, en það
var mjög ánægjulegt að finna að það
er samhugur í flokksstjórninni eins
og í þingflokknum," sagði Rannveig.
í ályktun flokksstjómar Alþýðu-
flokksins segir m.a.: „Reynslan af
því samstarfi sem til hefur verið
stofnað, bæði að því er varðar mál-
efnalega samstöðu og vinnubrögð,
mun skera úr um það, hvort yfirlýst
markmið ná fram að ganga, það er
því á valdi íslenskra jafnaðarmanna,
jafnt flokksbundinna sem utan
flokka, hvort þeir hlýða kalli nýrra
tíma og láta drauminn um samein-
ingu allra jafnaðarmanna rætast."
í ályktun stjórnar Þjóðvaka er
m.a. lýst fyllsta stuðningi við að
unnið verði með skipulegum hætti
að samstarfi jafnaðarmanna á ís-
landi með ráðningu Einars Karls
Haraldssonar að því verkefni.
SH hefur sölu
á Nílarkarfa
GSM-rallið
> -
Arekstrar
við ferða-
þjónustu
TVEIR bílar frá ferðaþjónustu-
fyrirtækinu Langjökli fóru inn
á lokaða sérleið GSM-rallsins
í gærmorgun þrátt fyrir til-
raunir starfsmanna rallsins til
að stöðva þá.
Tryggvi M. Þórðarson
keppnisstjóri segir að starfs-
menn rallsins hafi átt fótum
fjör að launa og að atvikið
verði kært til lögreglu í Borg-
amesi.
Hlynur Skagfjörð, starfs-
maður Langjökuls, segir að
leiðinni sé lokað án samráðs
við fyrirtækið og þeir hafi orð-
ið að komast í gegn til að und-
irbúa komu ferðamanna.
Þetta er í annað skiptið í
sumar sem starfsmenn Lang-
jökuls fara inn á þessa sérleið
meðan á keppni stendur. Þeir
hafa kvartað til sýslumannsins
í Borgarnesi en að sögn Hlyns
ekki fengið neina úrlausn sinna
mála.
UPP úr næstu áramótum mun Sölu-
miðstöð hraðfrystihúsanna, SH,
hefja sölu og dreifíngu á Nílarkarfa
úr Viktoríuvatni í Afríku. Að sögn
Péturs Einarssonar, framkvæmda-
stjóra Icecon hf., dótturfyrirtækis
SH, er hugmyndin að selja Nílar-
karfann í gegnum öll 6 dótturfyrir-
tæki SH, en þó með áhersluna á
meginlandi Evrópu til að byija með.
Samstarfsaðili Sölumiðstöðvar-
innar í þessu verkefni er fyrirtæki
sem heitir Alpha Group, sem er
stærsti framleiðandi Nílarkarfans og
er með sex frystihús við Viktoríu-
vatn. SH selur Nílarkarfann til að
byija með fyrir eitt fiskvinnsluhús-
anna, sem staðsett er í Kampala í
Úganda, en varan verður framleidd
undir vörumerkjum SH.
Að sögn Péturs verða gerðar
ákveðnar breytingar á húsinu og
úrbætur til að tryggja gæði fram-
leiðslunnar strax í haust. í því skyni
verður ráðinn íslenskur fram-
kvæmdastjóri og íslenskur gæða-
stjóri og er staða framkvæmdastjór-
ans auglýst laus til umsóknar í
Morgunblaðinu í dag.
Nílarkarfinn er vatnafiskur og að
sögn Péturs eru aðeins 30 ár síðan
þessi tegund var sett í Viktoríuvatn
og um 15 ár síðan veiðar og vinnsla
til útflutnings hófst af einhverri al-
vöru.
Ársveiðin 500 þúsund tonn
„Þetta er mjög góður matfiskur,
stinnur og einna líkastur lúðu. Vikt-
oríuvatn er um 70 þúsund ferkíló-
metrar og þar eru veidd um 500
þúsund tonn af Nílarkarfa á ári og
um 100 þúsund tonn af flökum eru
seld á heimsmarkaði í dag. Meðal-
verðið er um fjórir dollarar kílóið
þannig að um er að ræða viðskipti
upp á 400 milljónir dollara, eða 25
milljarða króna.
Það er því eftir verulegu að slægj-
ast fyrir okkur, en við byrjum mjög
varlega. Ef við náum á fyrsta ári
þúsund til fimmtán hundruð tonna
afurðum verðum við mjög ánægðir.
Þetta býður upp á mjög spennandi
vinnslumöguleika og gæti því
breikkað og styrkt vöruúrval okkar
auk þess að skapa vonandi verulegar
tekjur í framtíðinni," sagði Pétur.
Bonino í
heimsókn
VON er á Emmu Bonino sjávarút-
vegsstjóra Evrópusambandsins til
íslands 26. september. Mun hún eiga
viðræður við ís-
lensk stjórnvöld
og sitja ráðstefnu
um íslenskan sjáv-
arútveg og Evr-
ópusambandið.
Gert er ráð fyrir
að Bonino ræði við
Davíð Oddsson
forsætisráðherra,
Þorstein Pálsson
sjávarútvegsráðherra og Halldór Ás-
grímsson utanríkisráðherra. Þá muni
hún einnig sitja kvöldverð í boði Ól-
afs Ragnars Grímssonar forseta ís-
lands.
-----» ♦ ♦---
Ók ölvuð
á ljósastaur
ÖLVUÐ og réttindalaus stúlka á nítj-
ánda aldursári ók á Ijósastaur á
mótum Eirarvegs og Kirkjuvegs á
Selfossi um klukkan hálffjögur í
gærmorgun. Bíllinn er töluvert
skemmdur. Stúlkan fékk að fara
heim að lokinni skýrslutöku.
A
► 1-56
Uppstokkun á skóla-
starfi í Hornafirði
►Miklar breytingar hafa verið
gerðar á skipulagi skólahalds í
Homafírði. /10
(omnir svo langt sem
tæknin leyfir
►Haraldur Páll Gur.nlaugsson er
í Mars-rannsóknarhópnum við Ni-
els Bohr Institut í Kaupmanna-
höfn. /12
:remur hið STÓRA en
lið smáa
►Baldur Elíasson vísindamaður
hefur helgað sig orkumálum og
mengunarvörnum. /16
■láttuppiíTíbet
►Ari Trausti Guðmundsson lagði
til atlögu við tindinn Shisha
Pangma í Tíbet. /22
/önduð vinna
►Trésmiðjan Borg hf. á Sauðár-
króki er með verkefni um allt land,
bæði í hefðbundinni í bygginga-
verktöku og innréttingasmíði. /24
Útúrdúrtil kryddeyj-
unnar Zanzibar
►íslenska fjölskyldan, sem nú
ekur norður eftir Afríku, brá sér
til ævintýraeyjunnar Zanzibar. /30
B_______________________
► 1-32
Btýrtiar í Reykjavík
►í Reykjavík eru margar brýr og
sumar þeirra nýjar eða nýlegar.
/log 16-17
íslenskur þrái og kín-
verskfr drekabátar
►Á Málmeyjarhátíð í fyrrasumar
keppti Kristján Gíslason á kín-
verskum drekabáti. /4
Fyrsta fegurðarsam-
keppnin íTeofani-
pökkum.
►Líklega er hvergi í heiminum til
stærra safn íslenskra póstkorta og
smápakkamynda en í eigu Jóns
Halldórssonar. /6
c
FERÐALOG
► 1-4
Borg knattspyrnu og
kráarmenningar
►í Newcastle eru fjölbreyttar
verslanir, úrvals knattspyma, líf-
legt næturlíf, fornmenjar, kastalar
og fjörug kráarmenning. /2
Hornafjörður á
haustmánuðum
►Hornafjörður býður upp á mikla
náttúrufegurð og gott mannlíf. /4
13 BÍLAR________________
► 1-4
11 ára ábyrgð gegn
ryðtæringu
►Nýr VW Passat er með 11 ára
ábyrgð gegn ryðtæringu. /1
Benz '52 gerður upp
►Norður í Skagafirði er að ljúka
endumýjun á gömlum lúxusbíl. /4
FASTIR ÞÆTTIR
Fréttir 1/2/4/8/bak ídag 42
Leiðari 28 Fólk I fréttum 45
Helgispjall 28 B(ó/dans 46
Reykjavíkurbréf 28 Útvarp/sjónvarp 52
Minningar 32 Dagbók/veður 55
Myndasögur 40 Gárur 8b
Bréf til blaðsins 40 Mannlífsstr. 8b
Brids 42 Dægurtónl. 14b
Stjörnuspá 42 Kvikmyndir 12b
Skák 42
INNLENDAR FRÉTTIR-
2-4-8-BAK
ERLENDAR FRÉTTIR:
1&6