Morgunblaðið - 08.09.1996, Síða 24
24 SUNNUDAGUR 8. SEPTEMBER 1996
MORGUNBLAÐIÐ
Morgunblaðið/Ásdís Ásgeirsdóttir
GUÐMUNDUR Guðmundsson framkvæmdastjóri Trésmiðjunnar Borgar hf. á Sauðárkróki á byggingarstað.
„Við reynum að
viðhafa vönduð
vinnubrögð og af-
henda vöruna á
réttum tíma en ég
hef aldrei haldið
því fram að við
værum ódýrastir.
Enda er það svo
að ef menn vilja
vandaða hluti þá
kaupa þeir ekki
það ódýrasta.“
VÖNDUÐ VINNA
VIÐSKnTI AIVINNULÍF
ÁSUNNUDEGI
► Guðmundur Guðmundsson er fæddur á Skagaströnd 23,
desember 1949 og er því 46 ára gamall. Hann flutti til
Sauðárkróks 16 ára að aldri, lærði húsasmíði og fór síðan
I Meistaraskólann í Reykjavík. Hann byrjaði að vinna hjá
Trésmiðjunni Borg hf. 1970, fyrst sem verkstjóri, varð
einn af eigendum árið eftir og hefur verið framkvæmda-
sljóri fyrirtækisins frá 1980. Guðmundur er kvæntur
Sigurlaugu Magnúsdóttur gjaldkera í Búnaðarbankanum
og eiga þau þrjú börn.
EINN starfsmanna sem vinnur við viðbyggingu íþróttahússins
á Sauðárkróki með smá sýningu fyrir vinnufélagana.
Eftir Helga Bjarnason
RÉSMIÐJAN Borg hf. á
Sauðárkróki er um-
svifamikil á Sauðár-
króki og er með verkefni
um allt land, bæði í hefðbundinni
í byggingaverktöku og innrétt-
ingasmíði. Trésmiðjan hefur siglt
í gegn um öldurót byggingariðn-
aðarins enda hefur hún það orð
á sér fyrir að skila vandaðri vinnu.
Nú hefur fyrirtækið opnað eigin
söludeild fyrir innréttingar í
Reykjavík.
í eigu starfsmanna
Trésmiðjan Borg hf. var stofn-
uð af þremur smiðum árið 1963.
Eignarhaldið hefur breyst nokk-
uð, aðallega með því að starfs-
menn hafa keypt sig inn. Núver-
andi framkvæmdastjóri, Guð-
mundur Guðmundsson, var meðal
nokkurra ungra smiða sem gerð-
ust hluthafar árið 1971. Hlut-
hafahópurinn hefur ekki breyst
síðan. Eigendur félagsins eru átta
smiðir og þar af vinna sex enn hjá
því.
Guðmundur segir að það sé
ákveðin list að stjórna fyrirtæki
sem hópur starfsmanna eigi. „Við
höfum það sem reglu að taka allar
stærri ákvarðanir saman, ekki
bara stjórnin heldur allir eigend-
urnir og það hefur gefist vel,“
segir hann.
Fjölbreytt starfsemi
„í upphafi byggðist starfsemin
mest á verkstæðisvinnu. Síðan
fórum við einnig út í verktaka-
vinnu og viðgerðir á gömlum hús-
um. Reksturinn byggist á þessum
þremur meginþáttum og er verk-
stæðisvinnan venjulega stærsti
hlutinn," segir Guðmundur.
Trésmiðjan hefur unnið við
mörg stórverk, á Sauðárkróki og
víðar um landið. Það byggði Stein-
ullarverksmiðjuna, bóknámshús,
verknámshús og heimavist Fjöl-
brautaskóla Norðurlands vestra
og endurbyggði Hóladómkirkju,
svo eitthvað sé nefnt. Það hefur
smíðað innréttingar í Ráðhús
Reykjavíkur, Borgarleikhúsið,
Þjóðarbókhlöðuna og flölda skóla
á höfuðborgarsvæðinu og nú síð-
ast í Dómshús Hæstaréttar.
Trésmiðjan Borg hf. hefur lifað
af miklar sveiflur í byggingariðn-
aði. Guðmundur segir að rekstur
byggingafyrirtækis sé ákaflega
erfiður. Hann sé svo sveiflukennd-
ur því engin föst framleiðsla sé til
að vinna að. Því sé erfitt sé að
gera áætlanir fram í tímann. „Það
hefur hjálpað okkur hvað fyrirtæk-
ið er með fjölbreytta starfsemi á
þessu sviði. Höfum við getað
breytt áherslum eftir markaðs-
ástandinu hverju sinni. En auðvit-
að höfum við ekki farið varhluta
af þeim erfiðleikum sem gengið
hafa yfir þjóðfélagið og tapað á
verkum eins og aðrir,“ segir Guð-
mundur.
Hann bætir því við að ávallt
hafi verið reynt að byija á réttum
enda. Ekki hafi verið byijað á því
að kaupa stórar og afkastamiklar
vélar heldur byijað að smíða með
þeim tækjum sem til hafa verið
til að sjá hvernig framleiðslan þró-
aðist. Vélarnar hafi síðan verið
keyptar eftir þörfinni.
Tvö stórverk I gangi
Verkefnastaðan hjá Trésmiðj-
unni Borg er ágæt eins og er.
Fyrirtækið er að ljúka endurgerð
gamla skólahússins á Hólum í
Hjaltadal og vinnur nú að viðbygg-
ingum við íþróttahúsið á Sauðár-
króki og útibú Búnaðarbankans.
Að þessum tveimur stórverkum
vinnur félagið í samvinnu við ann-
an verktaka á Króknum, Friðrik
Jónsson ehf., undir nafni sameig-
inlegs fyrirtækis þeirra, Óstaks
hf. Þá segir Guðmundur að mikil
eftirspurn sé eftir innréttingum,
segir að svo virðist sem fólk hafi
meiri trú á framtíðina en undan-
farin ár.
Starfsmenn eru nú um 40, þar
af 30 faglærðir. Er þetta óvenju
margt fólk því venjulega vinna
25-30 hjá fyrirtækinu.
Opna eígin söludeild
Trésmiðjan hefur haft samvinnu
við Egil Árnason hf. í Reykjavík
um framleiðslu staðlaðra innrétt-
inga undir vörumerkinu Kvartett.
Arkitektarnir Guðbjörg Magnús-
dóttir og Sigurður Hallgrímsson
hönnuðu innréttingarnar fyrir
tveimur árum fyrir Egil Árnason
sem hefur annast söluna. Guð-
mundur segir að Kvartett-innrétt-
ingarnar hafi selst ágætlega. Þær
eru vandaðar og þar af leiðandi í
dýrari hluta markaðarins sem
Guðmundur segir að sé ekki mjög
stór.
Trésmiðjan Borg hefur nú
keypt vörumerkið og opnaði eigin
söludeild í húsnæði Egils Árna-
sonar hf. í Ármúla 8-10 nú um
mánaðamótin. Þar er Kvartett nú
til sölu ásamt ódýrari gerð inn-
réttinga sem Trésmiðjan hefur j
framleitt í mörg ár undir vöru- i
merkinu T-Borg. „Egill Árnason
vildi hætta með innréttingarnar, '
fannst þær ekki passa inn í sína
starfsemi lengur. Við höfðum aft-
ur á móti áhuga á að eignast
framleiðsluréttinn og vildum
reyna þetta sjálfir, frekar en að
láta framleiðsluna falla niður,“
segir Guðmundur.
Vönduð vinnubrögð j
Guðmundur segir að innrétt- &
ingamarkaðurinn sé harður. En j
þó gríðarlega mikið sé flutt inn
þá sé enn töluvert framleitt í land-
inu. „Það erfiðasta við þessa fram-
leiðslu er að það er hvergi neina
aðstoð að fá til að koma svona
hlutum af stað. Það kostar tugi
milljóna króna að láta hanna inn-
réttingar, hefja framleiðslu og
koma þeim á markað. Það er varla |
á færi einstakra fyrirtækja að
gera það. Mér finnst að það þurfi
að styðja slíkt framtak, ef við vilj- I
um að eitthvað verði framleitt
áfram í landinu,“ segir Guðmund-
ur.
Trésmiðjan er töluvert í sér-
smíði innréttinga, ekki síst þar
sem óskað er eftir vönduðum inn-
réttingum. Verkin hefur Borg
fengið eftir útboð og einnig er
töluvert um að verkkaupar sem
hafa trú á fyrirtækinu leiti beint
til þess. „Við reynum að viðhafa j
vönduð vinnubrögð og afhenda
vöruna á réttum tíma en ég hef
aldrei haldið því fram að við vær-
um ódýrastir. Enda er það svo
að ef menn vilja vandaða hluti
þá kaupa þeir ekki það ódýrasta,“
segir Guðmundur. Hann segir að
frammistaða fyrirtækisins spyij-
ist út og það skapi aukin verk-
efni, ekki sé völ á betri auglýs-
ingu.
Þokkalega bjartsýnn
Guðmundur er þokkalega bjart-
sýnn. Segir þó erfitt að sjá langt
fram í tímann í þessari atvinnu-
grein. „Miðað við ástandið í þjóðfé-
laginu og verðlagsþróun er ég alls
ekki svartsýnn á framtíðina. En
það byggist mikið á því að ekki
verði hleypt af stað enn einni verð-
bólguskriðunni, heldur verði byggt
upp hægt og rólega,“ segir Guð-
mundur Guðmundsson.