Morgunblaðið - 12.09.1996, Blaðsíða 8

mmmmmmmmwmmm
mmmmimmm
KNATTSPYRNA
t
{
Morgunblaðið/Valur B. Jónatansson
Landslidsmenn KR-inga
ÞAÐ mun væntanlega mæða mikið á landsliðsmönnum KR-inga í leiknum gegn AIK á Laugardalsvelli í kvöld. Hér eru þeir í
Tékklandi í síðustu viku, frá vinstri: Ríkharður Daðason, Kristján Finnbogason, Einar Þór Daníelsson og Heimir Guðjónsson.
KR og AIK leika fyrri leik sinn í Evrópukeppni bikarhafa á Laugardalsvelli
„Leikum til sigurs“
KR og AIK leika fyrri leik sinn í
Evrópukeppni bikarhafa á Laug-
* árdalsvelli kl. 19 íkvöld. Þetta
verður 25. Evrópuleikur KR en
liðið lék fyrst íslenskra liða í Evr-
ópukeppni, árið 1964, og mætti
þá Liverpool. KR-ingar hafa að-
eins unnið tvo Evrópuleiki, gegn
Grevenmacher frá Lúxemborg f
fyrra og á mót Mozyr frá Hvíta-
Rússlandi fyrr f sumar.
Lúkas Kostic, þjálfari KR-inga,
sagðist bjartsýnn fyrir leikinn.
„Við förum í þennan leik til að sigra,
ætlum ekki að leggjast í vörn heldur
leika okkar hefðbundna sóknarleik.
Ég sá AIK spila á móti Örgryte í
sænsku deildinni fyrir skömmu og
miðað við þann leik eigum við að
geta náð hagstæðum úrslitum. Lið
Orgryte lá þá í vörn allan leikinn
og því kannski erfitt að átta sig á
styrkleika AIK, en það eru margir
góðir leikmenn í liðinu. Þetta verður
erfiður leikur en ef við náum að leika
eins og við getum best er ég óhrædd-
ur. Við eigum að minnsta kosti meiri
möguleika gegn AIK en á móti Barc-
elona eða Liverpool," sagði Lúkas á
blaðamannafundi í gær.
„Við þurfum að ná hægstæðum
úrslitum hér heima til að hafa með
okkur gott veganesti til Stokkhólms
eftir hálfan mánuð. Heimaleikurinn
er okkur því mjög þýðingarmikill,
þó svo að við höfum verið að standa
okkur betur á útivöllum í deildinni
í sumar. Eftir tapið á móti Breiða-
bliki hefur liðið verið á uppleið og
ég er ánægður með síðustu tvo leiki
okkar í deildinni. Strákarnir eru all-
ir staðráðnir í að standa sig og ég
veit að þeir bera enga virðingu fyrir
sænska liðinu," sagði þjálfarinn.
Hann sagði að Guðmundur Bene-
diktsson myndi ekki byija leikinn,
en væri tilbúinn að koma inn á.
Vanmetum ekkí KR-inga
Erik Hamrén, þjálfari AIK, sagði
að leikurinn gegn KR yrði erfiður.
„Ég horfði á KR-inga leika gegn
Fylki um daginn og sá þá að þeir
eru með gott lið. Þeir léku þá mjög
léttleikandi sóknarknattspyrnu þar
sem þeir notuðu kantana vel. Við
erum líka með gott lið og því tel ég
góða möguleika á því að við kom-
umst áfram, en það verður erfitt og
ræðst mikið af úrslitum leiksins hér
í Reykjavík. íslenskir knattspyrnu-
menn hafa verið í mikilli framför.
íslendingarnir sem leika með sænsk-
um liðum hafa staðið sig vel og eins
hefur íslenska landsliðið verið að
gera góða hluti, náði meðal annars
jafntefli á móti Svíum í Stokkhólmi
í undankeppni EM. Þau úrslit stað-
festa að við getum ekki vanmetið
KR,“ sagði Hamrén.
Hann sagði að almenningur í Sví-
þjóð teldi þennan leik auðveldan fyr-
ir AIK. „En við sem stöndum í þessu
vitum betur og komum því einbeittir
til leiks á Laugardalsvelli."
GOLF
Síðasta stigamót sumarsins ferfram í Grafarholtinu á laugardaginn
Birgir og Ólöf örugg með sigur
Attunda og síðasta golfmótið sem
gefur stig til landsliðs, verður
haldið á Grafarholtsvelli á laugar-
daginn og munu kylfingar leika 36
•irholur þann daginn, fyrri hringurinn
hefst klukkan átta árdegis en sá
síðari um kl. 13.
Staðan eftir sjö stigamót er þann-
ig að í karlaflokki hefur Birgir Leif-
ur Hafþórsson úr Leyni 42 stiga
forystu á Björgvin Sigurbergsson
úr Keili. Sá fyrmefndi hefur 405
stig en Björgvin 363. Birgir Leifur
er því næsta öruggur með að verða
stigameistari að þessu sinni því þó
Björgvin geti vel fengið um 60 stig
með mjög góðum leik báða hringina
er ólíklegt annað en Birgir Leifur
fái nægilega mörg stig til að tryggja
sér sigurinn. Hjá stúlkunum er Olöf
María Jónsdóttir úr Keili með 24
stiga forystu á Herborgu Arnars-
dóttur úr GR og er nokkuð örugg
með sigur í stigamótunum, Herborg
er með 284 stig en Ólöf María með
308. Herborg getur þó hugsanlega
fengið um 40 stig en Ólöf María
mun örugglega fá einhver stig í
mótinu um helgina og tryggja sér
þar með sigurinn í stigamótinu.
Það gæti hugsanlega orðið nokk-
ur barátta um næstu sæti á eftir
því þar er munurinn ekki eins mik-
ill. Þórður Emil Ólafsson úr Leyni
er í þriðja sæti með 356 stig, næst-
ur er Þorsteinn Hallgrímsson úr
Eyjum með 345. Öm Arnarson úr
Leyni er stigi á eftir og Björgvin
Þorsteinsson úr GA er í sjötta sæti
með 333 stig.
Þórdís Geirsdóttir úr Keili er í
þriðja sæti hjá konunum með 241
stig og Ragnhildur Sigurðarsdóttir
úr GR hefur 195 stig í fjórða sæti.
AIK bauð
Guðmundi
samning
GUÐMUNDUR Benediktsson
æfði með AIK liðinu vorið 1995,
áður en hann ákvað að ganga til
liðs við KR-inga. „Ég var hjá lið-
inu um tíma og æfði með því og
var síðan boðinn samningur, en
hann var ekki nægilega freist-
andi og því ákvað ég að leika
frekar hér heima með KR,“ sagði
Guðmundur.
Bibercic
markahæstur
MIHAJLO Bibercic, sem lék með
KR í fyrra, hefur skorað flest
mörk KR-inga í Evrópukeppni.
Hann skoraði 4 mörk; 2 á móti
Grevenmacher og 2 á móti Ever-
ton. KR hefur leikið 24 EM leiki,
unnið tvo, gert tvö jafntefli en
tapað 20 leikjum. Markatalan er
22:89.
Ellert lék 12
Evrópuleiki
ELLERT B. Schram, forseti ÍSÍ
og fyrrum formaður KSÍ, lék 12
Evrópuleiki með KR á árunum
1964 til 1969. Hann var fyrirliði
KR í fyrsta Evrópuleik íslensks
liðs, KR-Liverpool, á Melavellin-
um 1964.
AIKer KR
Sviþjóðar
EINN íslendingur hefur leikið
með AIK, Hörður Hilmarsson,
en hann lék með liðinu 1980 og
1981. „Það fyrsta sem mér datt
hug þegar ég kom út var að AIK
minnti mig mjög á KR; fornfrægt
félag sem hafði ekki unnið stóran
titil í nokkurn tíma,“ segir Hörð-
ur í leikskrá sem KR-ingar gefa
út fyrir leikinn.
Norskur
dómari
TORE Hollung frá Noregi dæmir
leikinn í kvöld. Honum til aðstoð-
ar eru Tore Aaland og Teije
Pettersson. Eftirlitsmaður
UEFA er Malcohn Moffet frá
Norður-írlandi. Englendingur-
inn Stephen Lodge dæmir síðari
leikinn á Rásunda-leikvanginum
eftir hálfan mánuð.
KR-ingar hita
upp á Órkinni
KR-liðið fór til Hveragerðis í
gærkvöldi og bjó á Hótel Örk í
nótt. Liðið kemur síðan með rútu
til Reykjavíkur rétt fyrir leik í
kvöld.
Stuðnings-
menn KR
hittast á Aski
STUÐNINGSMENN KR-inga
ælta að hittast á veitingahúsinu
Aski kl. 17 til að hita upp fyrir
Evrópuleikinn sem hefst kl. 19.
Miðaverð fyrir fullorðna í stúku
er 1.200 krónur, en 300 fyrir
börn. Aðgangur er ókeypis fyrir
10 ára og yngri.