Morgunblaðið - 12.09.1996, Blaðsíða 2
2 C FIMMTUDAGUR 12. SEPTEMBER 1996
MORGUNBLAÐIÐ
VIÐSKIPTI
Vísitala neysluverðs í sept. 1996 (178,4stig)
0 Matvörur(16,4%) -0,75% ■ Maí 1988 = 100
06 Kartöflur og vörur úr þeim (0,6%) l
07 Sykur (0,2%) I |+1,6%
1 Drykkjarvörur og tóbak (4,3%) -0,1 % i -0,6% □
111 Gosdrykkir og iéttöl (1,1 %)
2 Föt og skófatnaður (5,7%) /CS, 0+0,3%
21 Fatnaður (4,2%) LD V Q +0,4%
3 Húsnæði, rafmagn og hiti (17,8%) Eö EB ®S+1-0%
31 Húsnæði (14,8%)
4 Húsgögn og heimilisbúnaður (6,6%) I +0-1% Breyting
5 Heilsuvernd (2,9%) fráfyrri manuðl
6 Ferðir og flutningar (20,3%)
63 Notk. alm. flutningstækja (1,1 %)
7 Tómstundaiðkun og menntun (11,8%) ■ +1,0%
74 Skólaganga (1,5%) r i +4,0%
8 Aðrar vömr og þjónusta (14,%) 1 +0,2%
82 Ferðavörur, úr, skartgr. (0,6%) -3,( 1%| L |
83 Veitingahúsa- og hótelþjón. (3,4%) ra-1,1% Tölurlsvigum
VIRR til v&gis
VÍSITALA NEYSLUVERÐS (100,0%) I! +0,2% einstakra liða.
Verðbólgiihraðinn
3,9% sl. þijá mánuði
Markaðsverð íbúðarhúsnæðis fer hækkandi
SÍA-stofur með 1,9
milljarða ársveltu
VÍSITALA neysluverðs miðað við
verðlag í septemberbyrjun reyndist
vera 178,4 stig og hækkaði um
0,2% frá ágústmánuði. Samsvarar
þetta um 2,7% verðbólgu á heilu
ári. Síðastliðna tólf mánuði hefur
vísitala neysluverðs hækkað um
2,5%. Undanfarna þtjá mánuði
hefur vísitalan hækkað um 1,0%,
sem jafngildir 3,9% verðbólgu á
ári, skv. tilkynningu frá Hagstofu
íslands.
Kartöflur lækkuðu um tæplega
19%, sem lækkaði vísitölu neyslu-
verðs um 0,10%. Húsnæðisliðurinn
hækkaði um 1,2%, sem hækkaði
vísitöluna um 0,18%. Þar er um
að ræða u.þ.b. 2% hækkun á mark-
aðsverði íbúðarhúsnæðis á þriðja
ársfjórðungi. Hækkun á skóla-
gjöldum um 4,0% olli 0,06% hækk-
un neysluverðsvísitölunnar,
Vísitala neysluverðs í september
giidir til verðtryggingar í október.
Vísitala fyrir eldri fjárskuldbind-
ingar, sem breytast eftir lánskjara-
vísitölu, er 3.623 stig fyrir október.
Verðbólgan í ríkjum Evrópu-
sambandsins var 2,5% að meðal-
tali frájúlí 1995 til júlí 1996, lægst
í Finnlandi, 0,5% og 0,6% í Sví-
þjóð. Verðbólgan á Islandi á sama
tímabili var 2,4% og í helstu við-
skiptalöndum íslendinga 2,1%.
BYKO
opnar
verslun í
Reykja-
nesbæ
BYKO hf. hefur í hyggju að
opna byggingavöruverslun í
Reykjanesbæ nú í byrjun
október. Fyrirtækið hefur
gengið frá samningum við
Kaupfélag Suðurnesja um
leigu á húsnæði því sem nú
er verið að reisa í framhaldi
af bruna hjá Járn- og skip,
byggingavörudeild kaup-
félagsins, að því er segir í
frétt frá samningsaðilum.
í samningum BYKO og
kaupfélagsins felst jafnframt
að BYKO mun annast áfram-
haldandi rekstur fullkominn-
ar byggingavöruverslunar á
svæðinu. Fyrsti hluti
verslunarinnar verður sem
fyrr segir opnaður í byijun
október en seinni hluti henn-
ar verður opnaður eins fljótt
og auðið er.
Eflir starfsemina á
Suðurnesjum
„Með þessu er BYKO að
efla starfsemi sína á Suður-
nesjum, en þar hefur BYKO
rekið stærstu glugga- og
hurðaverksmiðju landsins
undanfarin ár. BYKO og
Kaupfélagið vænta áfram-
haldandi góðs samstarfs og
eru þess fullviss að þetta
samstarf sé hagstætt fyrir
íbúa og aðila byggingariðn-
aðarins á Suðurnesjum,“
segir ennfremur í tilkynn-
ingu frá samningsaðilum.
SAMANLÖGÐ velta þeirra 8 aug-
lýsingastofa sem aðild eiga að
Sambandi íslenskra auglýsinga-
stofa (SÍA) nam alls tæplega 1,9
milljörðum á árinu 1995. Er það
um 21% aukning frá árinu 1994,
en hafa þarf í huga að ný stofa
Fíton bættist við á árinu 1995 eft-
ir sameiningu Grafít og Atóm-
stöðvarinnar. Að henni undanskil-
inni nemur veltuaukningin tæplega
13% á milli ára. A meðfylgjandi
mynd sést hver velta einstakra
stofa hefur verið á undanförnum
árum.
Hallur A. Baldurssson, formað-
ur SÍA segir í ávarpi sínu í
nýútkominni ársskýrslu sambands-
ins að íslenskar auglýsingastofur
hafi gengið gegnum mikinn hreins-
unareld á undanförnum árum. Arið
1988 voru 18 auglýsingastofur
innan Sambands íslenskra auglýs-
ingastofa, en nú átta árum síðar
eru þær 8 talsins. Starfsmönnum
hefur fækkað úr 195 í 100 manns
á þessum tíma, en heildarveltan
aftur á móti aukist nokkuð á þess-
um tíma, reiknað á föstu verðlagi.
Ríflega 40% markaðshlutdeild
Það kemur fram hjá Halli að
markaðshlutdeild SIA-stofanna
hefur einnig haldist í horfinu og
er hún nú ríflega 40% af heildar-
veltu auglýsingamarkaðarins. SÍA
stofur hafa þó mun stærra hlut-
fall af veltu stærstu ijölmiðlanna,
en hlutfall SÍA-stofa af birtingum
í Ríkissjónvarpi og- Stöð 2 er ná-
lægt 70%.
Fjárhagsstaðan hefur einnig
batnað umtalsvert. Veltuíjárhlut-
fall hefur styrkst og eiginfjárhlut-
fall stofanna tvöfaldast á síðast-
liðnum 4 árum. Segir Hallur að
mikil rekstrarhagræðing hafi átt
sér stað meðal íslenskra auglýs-
ingastofa og hún hafi þegar skilað
sér til atvinnulífsins í aukinni hag-
kvæmni við framkvæmd markaðs-
og auglýsingaherferða.
Velta auglýsingastofa
innan SÍA1992-1995 * JBb/
Birtingarkostnaður hjá fjölmiðlum er meðtalinn
Miiljónir króna 1992 1993 1994 1995 '94-'95
íslenska augl. 367,0 346,0 382,0 376,0 -1,6%
Hvíta húsið 286,8 320,0 249,0 279,0 12,0%
Gott fólk 224,4 263,0 241,5 254,0 5,2%
AUK 196,0 205,0 229,0 236,0 3,1%
Ydda 202,4 168,0 190,2 220,0 15,7%
Hér og nú 84,0 75,0 90,3 140,0 55,0%
Fíton 126,0
Argus f\ Samein. 96,0 81,0 170 0 124,0 -27,1%
Orkin v 7994 86,2 87,0
SAMTALS 1.542,8 1.565,0 1.552,0 1.879,0 21,1%
r EIGIÐ FYRIRTÆKI Á ^
SVIÐI NÁMSKEIÐSHALDS
Deilan um eignarhald á spænsku saltfiskverksmiðjunni La Bacladera
Fyrst viku þjálfunarnátnskeið
fyrir vœntanlega umboðsmenn
... síðan ákvörðun!
Crestcom þjálfun er veitt hjá fleiri en 80
sjálfstœðum umboðsmönnum í
meira en 40 löndum.
Við markaðssetjum námskeið í stjórnun og
sölumennsku, sem byggja á nýjustu
myndbandatækni og persónulegri
kynningu. Þúsundir ánægðra viðskiptavina
um heim allan.
Fyrstu viðtöl fara fram í Reykjavík í lok
september. Þeir umsækjendur sem verða
samþykktir, þurfa að geta farið til
Denver/Phoenix í 7-10 daga þjálfun
innan 45-60 daga.
Spennandi tækifæri á ört vaxandi
starfssviði. Krafist er 70.000 dollara
fjárfestingar, þar í innifalin
þjálfun og búnaður.
Upplýsingar veitir K Krausc í
Bandaríkjunum.
Sími: 00 1 303 267 8200
Fax: 00 1 303 267 8207
j/ \y
CRESICOM-
Troms Fisk segist aðeins
hafa nýtt forkaupsrétt
01*6. CffiSTCOM iKTEMATIOIW. LTD
FRAMKVÆMDASTJÓRI norska
fyrirtækisins Troms Fisk, sem
keypt hefur spænsku saltfiskverk-
smiðjuna La Bacladera, þá sömu
og SÍF hafði áður talið sig hafa
gengið frá samningum um kaup
á, segir að Troms Fisk hafi einung-
is nýtt sér forkaupsrétt sinn sem
falist hafi í hlutafé sem fyrirtækið
hafi áður fest kaup á.
Framkvæmdastjórinn segir jafn-
framt að sér skiljist að einungis
Sááfund
sem finnur
—góða aðstöðu!
SCANDIC
LOFTLEIÐIR
Pantaðu sal í tíma og stma 50 50 160
hafi verið undirrituð viljayfirlýsing
um sölu verksmiðjunnar til SIF, en
eiginlegur sölusamningur hafi aldr-
ei verið gerður. Gunnar Örn Krist-
jánsson, framkvæmdastjóri SIF,
vísar þessum fullyrðingum hins
vegar á bug og segir jafnframt að
umrædd hlutafjárkaup norska
fyrirtækisins hafi aldrei verið til-
kynnt formlega.
Jack Robert Moller, fram-
kvæmdastjóri Troms Fisk, sagði í
samtali við Morgunblaðið í gær,
að samningar um kaup á saltverk-
smiðjunni hafi verið staðfestir og
það sé því alveg ljóst að Troms
Fisk sé eigandi hennar í dag.
Viðræður við La Bacladera
hafnarIfebrúar
Hvað varðar þá staðhæfingu SÍF
að verksmiðjan hafi verið tvíseld
sagði Moller að mikilvægt væri að
líta á þetta mál í réttri tímaröð.
„Við áttum í viðræðum við La
Bacladera strax í febrúar um kaup
á hlutabréfum og við keyptum síð-
an lítinn hlut í fyrirtækinu í maí á
þessu ári. Þessir samningar voru
ekki fullfrágengnir enn, en það var
hins vegar ljóst að við vorum orðn-
ir hluthafar í fyrirtækinu.
Við vissum af því að SÍF hefði
áhuga á því að gera slíkt hið sama,
en við fengum hins vegar engar
upplýsingar um að SÍF vildi kaupa
alla verksmiðjuna. Ég sendi því
símbréf til SÍF til að lýsa yfir furðu
minni á því að okkur, sem hluthafa
í La Bacladera, væri ekki tilkynnt
um þessi kaup.“
Moller segir að í framhaldinu
hafi fyrirtækið tekið upp viðræður
við eigendur La Bacladera og gert
kröfu á að nýta sér forkaupsrétt á
hlutabréfum í fyrirtækinu, sem
einn af hluthöfum þess. Þennan
forkaupsrétt hafi fyrirtækið tryggt
sér í samningum um kaup á upp-
haflegum hlut í verksmiðjunni, og
það hafi ákveðið að nýta sér hann
til að kaupa öll hlutabréfin.
Moller segir að yfirlýsingar SÍF
um að fyrirtækið hafi verið búið
að ná bindandi samningum við La
Bacladera um kaup á verksmiðj-
unni, séu alfarið mál SIF og La
Bacladera. „Okkur skilst hins vegar
að hér hafi aðeins verið um viljayf-
irlýsingu að ræða,“ segir Moller.
Klárlega um bindandi
samning að ræða
Gunnar Örn Kristjánsson, fram-
kvæmdastjóri SÍF, vísar því á bug
að aðeins hafi verið um viljayfirlýs-
ingu að ræða. „Slík viljayfirlýsing
er yfirleitt upp á um hálfa síðu en
hér er um að ræða samning sem
tekur til ýmissa hluta varðandi
verksmiðjuna og er upp á einar 12
síður,“ segir Gunnar. Hann bendir
jafnframt á að í þessum samningi
sé ítrekað vísað til kaupanda og
seljanda og því klárlega ekki um
neina viljayfirlýsingu að ræða.
Gunnar segir að hvað varði
hlutafjárkaup Troms Fisk á sínum
tíma í La Bacladera, þá hafi þar
verið um hlutafjáraukningu að
ræða, en nýir hluthafar hafi hins
vegar aldrei verið tilkynntir til við-
komandi hlutafélagaskrár á Spáni.
„Þeir voru búnir að borga inn
35 milljónir peseta sem áttu að
vera hlutafé. Því var hins vegar
aldrei lýst formlega né haldinn
formlegur hluthafafundur til að
skrásetja að hækkun á hlutafé
hefði átt sér stað. Samkvæmt
firmaskrá í San Sebastian er
hlutafé skráð 200 milljónir pe-
seta.“
Að sögn Gunnars var hins vegar
í efnahagsreikningi að finna upp-
lýsingar um væntanlegt hlutafé í
fyrirtækinu, en hins vegar hafi
ekki verið búið að ganga formlega
frá þeirri hlutafjáraukningu við
undirskrift kaupsamninganna.
Morgunblaðið náði tali af Sant-
iago Fuerdes, talsmanni fyrrum
eigenda La Bacladera, í gær en
hann sagðist ekki geta tjáð sig um
þetta mál að svo stöddu, en að
fyrirtækið myndi senda frá sér
yfirlýsingu vegna þess í dag,
fimmtudag.