Morgunblaðið - 12.09.1996, Blaðsíða 6
6 C FIMMTUDAGUR 12. SEPTEMBER 1996
MORGUNBLAÐIÐ
VIÐSKIPTI
*
Islenskir veitingamenn og fjárfestar stofna fyrirtæki til að flytja út íslenska flatbökumenningu
PIZZA 67 á sér ekki langa
sögu að baki. Árið 1992
opnuðu fjórir ungir menn
pizzastað undir þessu
nafni í Nethyl í Reykjavík og lögðu
áherslu á heimsendingar á pizzum.
Staðurinn náði brátt miklum vin-
sældum á reykvískum pizzamarkaði
og ári síðar var annar staður opnað-
ur í Tryggvagötu.
Brátt fóru aðilar í veitingarekstri
úti á landi að sýna vörumerkinu
áhuga og föluðust eftir því að fá að
nota nafnið við rekstur veitingastaða
sinna. Haustið 1993 voru tveir slíkir
staðir opnaðir úti á landi, annar á
Selfossi en hinn á Akranesi. Þeir
■ keyptu framleiðslusérleyfi hjá Pizza
67 en fengu í staðinn að nota nafn
keðjunnar, matseðil og uppskriftir.
Síðan hefur stöðunum fjölgað jafnt
og þétt og er Pizza 67 nú orðin
stærsta veitingahúsakeðja á íslandi
með samtals 15 staði, fjóra á höfuð-
borgarsvæðinu en 11 á landsbyggð-
inni. Nú hafa fjórmenningarnir selt
staðinn í Nethyl en tveir þeirra reka
enn staðinn í Tryggvagötu. Fyrir-
tæki fjórmenninganna á hins vegar
nafnið sameiginlega og fá sérleyfís-
tekjur af því.
Einar Kristjánsson, rekstrarhag-
fræðingur, einn fjórmenninganna,
seldi sinn hlut í staðnum á Tryggva-
götu á síðasta ári og fór að kanna
• möguleika á því að markaðssetja
Pizza 67 erlendis. Hann segir að þá
hafi Pizza 67 verið búið að ná svo
góðri útbreiðslu á íslandi að erfítt
hafí verið að gera betur. „Eftir að
hafa kynnt mér lauslega pizzamark-
aðinn á Norðurlöndum komst ég að
því að hann er mun vanþróaðri en
hér. Því áleit ég að þær aðferðir, sem
við höfðum notað og þróað í rekstri
okkar á íslandi, ættu erindi þangað.
Ég leitaði til Gísla Gíslasonar lög-
fræðings og fékk hann til liðs við
mig og saman höfum við unnið að
málinu í rúmt ár.“
Opnað á Ráðhústorginu
um mánaðamótin
Þessi vinna hefur nú skilað þeim
árangri að fyrsti Pizza 67 staðurinn
verður opnaður á Ráðhústorginu í
Kaupmannahöfn um næstu mánaða-
mót. Gísli og Einar hafa stofnað
fyrirtækið Hafmeyjuna hf., og hefur
það keypt réttinn af móðurfyrirtæki
Pizza 67 til að stofna staði og selja
sérleyfí á Norðurlöndunum.
Hlutafé Hafmeyjunnar er 25 millj-
ónir króna og er því ætlað að standa
straum af því að koma starfseminni
af stað á Norðurlöndunum. Gísli og
Einar stofnuðu Hafmeyjuna og
fengu ýmsa fjárfesta til liðs við sig,
ekki síst úr veitingarekstri. Þar á
meðal má nefna Þórð Pálmason,
fyrrverandi eiganda Fógetans í Aðal-
stræti, Ólaf Þór Jónsson, eiganda
Pizzahússins, Hermann Haraldsson,
eiganda Pizza 67 í Nethyl og Marínó
Sveinsson, eiganda Pizza 67 á Akur-
eyri. Auk þeirra eru Friðrik Larsen
í Brosbolum hf. og Kristmann Árna-
son Fjárfestingarfélaginu ehf. hlut-
hafar.
Gísli segir að hlutaféð eigi að
nægja til að koma rekstrinum af
stað í Danmörku. „Markmið Haf-
meyjunnar hf. er ekki að eiga og
reka staði heldur að selja sérleyfi.
Við teljum hins vegar rétt að opna
einn eða tvo staði í Kaupmannahöfn
til að sýna væntanlegum kaupendum
hvað við erum og hann verður þann-
ig fyrirmynd annarra staða, sem síð-
ar verða opnaðir. Staðsetningin við
Ráðhústorgið gerir það einnig að
verkum að hann verður frábær aug-
lýsing."
Ör fjölgun
nauðsynleg
Gísli segir að eftir opnun fyrsta
Pizza 67 staðarins verði unnið hörð-
um höndum að því að fjölga þeim
þannig að þeir dekki allt Kaup-
’ mannahafnarsvæðið. „Við þurfum
að §ölga stöðunum ört því að ekki
er hægt að hefja heimsendingarþjón-
ustu fyrr en þeir eru komnir nokkuð
víða um borgina. Við höfum skipt
Kaupmannahöfn niður í hverfi og
teljum að opna þurfí 10-15 staði
áður en það er hægt. Við erum farn-
- ir að bera víumar í þá pizzastaði í
EINAR Kristjánsson rekstrarhagfræðingur (t.v.) og Gísli Gisla-
son lögfræðingur á Ráðhústorginu skammt frá staðnum þar sem
Pizza 67 verður opnað um næstu mánaðamót.
Pizza 67
leggur kind
undir fót
Pizza 67 er stærsta veitingahúsakeðjan
á íslandi með 15 staði. Nú teygir hún
anga sína til Danmerkur og verður fyrsti
staðurinn opnaður um næstu mánaða-
mót. Gísli Gíslason og Einar Kristjánsson
segjast í samtali við Kjartan Magnús-
son vera bjartsýnir á að stöðunum eigi
eftir að fjölga hratt og að keðjjan muni
brátt ná til enn fleiri landa.
I UTLITSHONNUN Pizza 67
er áhersla lögð á litadýrð í
anda 7. áratugarins. Svona mun
matseðillinn t.d. líta út.
Markmiðið að
selja sérleyfi
en ekki að
eiga staðina
þessum hverfum sem okkur líst vel
á og bjóða þeim til samstarfs.
Þegar staðirnir verða orðnir nógu
margir verður farið út í heimsend-
ingar á pizzum og það verður eitt
helsta trompið okkar. Á íslandi
fínnst öllum sjálfsagt að hringja eft-
ir pizzu á hvaða tíma sólarhringsins
sem er og fá hana rjúkandi heim til
sín eftir hálftíma. I Danmörku er
þetta öðru vísi en þarlendir pizza-
staðir leggja lítið upp úr slíkri þjón-
ustu. Þar kostar yfírleitt um 25
danskar krónur (290 íslenskar)
aukalega að fá pizzuna senda heim
og enginn sendir heim eftir klukkan
tíu á kvöldin."
Góðar viðtökur
Gísli segir að viðtökur þeirra, sem
boðið hafí verið til samstarfs, hafí
verið góðar. Nokkrir pizzastaðir ytra
hafí þegar ákveðið að taka þátt í
að mynda keðjuna og fleiri hafí sýnt
áhuga. En hvað græða pizzastaðirn-
ir á því að ganga til liðs við íslenska
pizzakeðju?
„Þeir, sem kaupa sér-
leyfi frá okkur, verða
þannig Pizza 67 staðir og
skuldbinda sig til að
greiða okkur 6% af allri
veltu sinni en fá hins veg-
ar ýmis fríðindi á móti.
Keðjan stendur sameiginlega að
auglýsingum, sem kemur öllum til
góða og staðirnir fá algerlega nýtt
útlit, nýja matseðla og aðgang að
uppskriftum okkar og annarri þekk-
ingu. Útlit staðanna og matseðlanna
byggist á sömu grunnhugmynd og
Pizza 67 hér heima en það hefur
verið betrumbætt og gert enn litrík-
ara en áður. í Danmörku eru flestir
pizzastaðir svipaðir í útliti en það
er orðið nokkuð þreytt og sú ímynd
sem við bjóðum er mun ferskari.
Þeir sem tengjast keðjunni munu
einnig fá aðgang að afsláttarkerfí
Pizza 67 en við höfum nú þegar
samið við nokkra birgja um veruleg-
an afslátt. Eftir miklar samningavið-
ræður við kók og pepsi völdum við
að skipta við kókfyrirtækið og ég
efast satt að segja um að það veiti
nokkurri keðju annan eins afslátt
og okkur. Við erum einnig að semja
við Tuborg og höfum náð góðum
samningum við ýmsa hráefnissala.
Menn gera sér einnig góðar vonir
um að sameiginlegt heimsending-
arkerfi, sem mun ná yfír alla Kaup-
mannahöfn, færi þeim aukin við-
skipti en nú er engin pizzakeðja sem
býður slíka þjónustu. Við höfum
tryggt okkur símanúmerið 80 67 67
67 í þessu skyni. Við bjóðum þeim
pizzastöðum, sem ganga til sam-
starfs við okkur nú að breyta öllum
innréttingum hjá þeim aftur í upp-
runalegt horf eftir eitt ár ef þeir
telji sig ekki hafa grætt á samstarf-
inu fyrir þann tíma.“
Miklar
gæðakröfur
Gísli segir að gífurlegir vaxtar-
möguleikar liggi í framleiðslusér-
leyfakerfínu og það sé mun
vænlegra til útbreiðslu en
að ætla sér að standa í fjár-
festingum og rekstri „Það
væri óhemju dýrt að ætla
að bijóta sér leið inn á
markaðinn með því að
kaupa staði og sjá síðan
um rekstur þeirra. Með sölu sérleyfa
fáum við arð af rekstrinum en þurf-
um að sannfæra menn um ágæti
þess að ganga inn í slíkt kerfi. Ef
áætlanir ganga upp verður Hafmeyj-
an hf. aðeins hluti af stóru neti pizza-
staða og það leggur henni þær skyld-
ur á herðar að vera sífellt að stækka
netið og létta róðurinn fyrir þá, sem
tengjast því. Eftir því sem fleiri stað-
ir ganga til liðs við keðjuna verður
að sjálfsögðu auðveldara að knýja
fram betri afsláttarkjör hjá hráefn-
isframleiðendum og öðrum birgjum
og auglýsingakostnaður ætti að
lækka hlutfallslega. Hlutverk Haf-
meyjunnar hf. yrði einnig að fylgjast
með því að staðimir fullnægðu ávallt
ýtrustu kröfum. Eftirlit yrði t.d.
haft með því að ávallt væri notað
1. flokks hráefni, staðirnir væru
snyrtilegir og afgreiðslufólkið kurt-
eist. Aldrei mætti slaka á þeim kröf-
um því að nokkrir slakir staðir gætu
eyðilagt fyrir allri keðjunni."
Pizza 67 í Bandaríkjunum,
Færeyjum og víðar?
Eins og áður sagði er nú unnið
að því hörðum höndum að koma
keðjunni á fót í Danmörku. Þeir
Gísli og Einar hafa hins vegar fleiri
járn í eldinum og em m.a. í sam-
bandi við Frank Booker, sem bjó á
íslandi um árabil og lék körfuknatt-
leik. Gísli segir að Booker hafi nú
þegar fengið hóp fjárfesta til liðs
við sig og undirbúi nú stofnun Pizza
67 sérleyfísstaðar í Georgiu í Banda-
ríkjunum og hafi fullan hug á frek-
ari útbreiðslu. „Samstarfíð við Boo-
ker lofar góðu en við höfum verið
svo uppteknir við að koma þessu á
legg í Danmörku að við höfum ekki
haft tíma til að sinna því enn sem
komið er. í tengslum við þessa útrás
okkar til Danmerkur höfum við kom-
ist í samband við fjölmarga aðila í
hinum ýmsu löndum, sem hafa sýnt
áhuga á samstarfí. í undirbúningi
er að stofna stað í Færeyj-
um og er þegar búið að
finna honum stað, á besta
stað í Þórshöfn. Þá hafa
aðilar haft samband við
okkur og lýst yfír áhuga
á því að opna staði í Sví-
þjóð, Finnlandi og Luxemborg," seg-
ir Gísli.
íslenska piparpylsan stendur
fyrir sínu
Stefna Hafmeyjunnar hf. er að
kaupa sem mest af hugviti, þjónustu
og jafnvel hráefni frá Islandi að sögn
Gísla. Hann tekur piparpylsu (pep-
peroni) sem dæmi en það er eitt vin-
sælasta áleggið ofan á pizzur. „Við
höfum ekki fundið piparpylsu með
réttu bragði í Danmörku þrátt fyrir
mikla leit. Við erum því með það í
athugun að flytja hana inn frá ís-
landi! Við fyrstu sýn virðist verðið
ekki ætla að vera fyrirstaða vegna
þess að skera þarf pylsuna niður í
smátt og þrátt fyrir að kjöt sé ódýr-
ara í Danmörku eru laun lægri á
Islandi. Það þarf því ekki að vera
svo óhagkvæmt að flytja unnar kjöt-
vörur til Danmerkur. Ekki má
gleyma því að á íslandi eru 15 Pizza
67 staðir og þeir nota gífurlegt
magn hráefnis. Vel má vera að með
keðjunum á íslandi og í Danmörku
takist samstarf um innkaup og
fleira, sem verður þeim báðum til
hagsbóta.“
Það vekur athygli að nokkrir eig-
endur pizzastaða, sem hafa verið í
harðri samkeppni við Pizza 67 hér
á landi eru í hluthafahópi Hafmeyj-
unnar hf. Gísli segir að það sé ekíri
óeðlilegt enda hafí fleiri verið að
gera góða hluti í pizzugerðinni hér-
lendis en Pizza 67. „Markmiðið hjá
okkur var að fá með okkur samhent-
an hóp fjárfesta og ég tel að það
hafi tekist. Þessir menn hafa náð
árangri á pizzamarkaðnum og gjör-
þekkja þær aðferðir, sem ætlunin
er að innleiða í Danmörku. Af þeim
ástæðum vildum við
fremur leita til innlendra
fjárfesta en erlendra.
Maður verður oft var við
að íslendingar hafi
minnimáttarkennd gagn-
...—... vaft útlendingum og
treysti sér ekki til þess
að hefja viðskipti á erlendri grund.
Staðreyndin er hins vegar sú að við
þurfum ekkert að skammast okkar
fyrir íslenska pizzamarkaðinn, sem
er mjög þróaður og á honum ríkir
mun harðari samkeppni en t.d. í
Danmörku. Fljótlega eftir að starf-
semin þar hefst stefnum við að því
að efna til hlutafjárútboðs og
breikka hluthafahópinn og ef vel
gengur kemur til greina að skrá
fyrirtækið á hlutabréfamarkaði.
Margir íslendingar, sem eru að
þreifa fyrir sér erlendis, hafa stofnað
sérstök fyrirtæki þar og vilja losna
við öll íslensk sérkenni. Við förum
hins vegar þá leið að halda þeim
enda erum við að flytja út íslenskt
hugvit og þekkingu. Hafmeyjan er
og verður íslenskt fyrirtæki og þar
af leiðandi mun hagnaður af rekstri
hennar skila sér til íslands," segir
Gísli.
Heimsending-
in verður
helsta tromp-
ið í Danmörku