Morgunblaðið - 13.09.1996, Page 1
BLAÐ ALLRA LANDSMANNA
Jllo
C
1996
FÖSTUDAGUR 13. SEPTEMBER
BLAÐ
United samdi til
fimm ára við
ungu strákana
MANCHESTER United hefur gert samninga til
fímm ára við fimm unga leikmenn, bræðurna Gary
og Philip Neville, David Beckham, Nicky Butt og
Paul Scholes. Gary Neville sagði að þeir hefðu ekki
verið ánægðir með sögur þess efnis að þeir væru
að fara frá félaginu eða að hann, David Beckham
og Philip Neville stæðu í ströngu við umboðsmenn.
„Þetta var tóm þvæla og við erum ánægðir með að
hafa skrifað undir. Ef mér væri boðinn samningur
til 10 ára skrifaði ég þegar undir því ég vil spila
fyrir Manchester United og ekkert annað féiag.“
United hefur einnig staðfest að það geri ráð fyr-
ir að danski markvörðurinn Peter Schmeichel, sem
er 32 ára, ljúki ferlinum hjá Manchester. Honum
hefur verið boðin samningur til fimm ára, sem trygg-
ir honum fjórar milljónir punda (um 415 millj. kr.).
ÍÞRÓTTAHREYFINGIN || KNATTSPYRNA / EVRÓPUKEPPNI BIKARHAFA
Formaður Þróttar og kjörinn endur-
skoðandi ÍSÍ með róttæka tillögu
VilMeggja
ÍSf niður
TRYGGVI Geirsson, formaður
Þróttar í Reykjavík, sem einnig
er kjörinn endurskoðandi
íþróttasambands íslands (ÍSÍ)
hefur sent bréf til ÍSÍ,
Ólympíunefndar íslands (Óí),
sérsambanda, íþróttabanda-
lags Reykjavíkur (ÍBR) og fé-
laga í Reykjavík þar sem hann
leggur til að ÍSÍ verði lagt nið-
ur í núverandi mynd og í þess
stað verði þeim verkefnum
sem ÍSÍ hefur haft með hönd-
um skipt upp á milli nýrra
samtaka sem verðj kölluð
Ólympíusamband íslands (Óí)
og íþróttasamstarfið (ÍS).
Hann telur fjármál ÍSÍ ekki f
réttum farvegi, skrifstofuhald
og yfirstjórn sambandsins
taki of stóran hluta af þeim
peningum sem eru til ráðstöf-
unar.
Tryggvi sagði við Morgunblaðið
að hann vildi leggja fram
nýjar hugmyndir, sem hann teldi
að kæmu íþróttamálum betur en
fyrirhuguð sameining ISI og 01,
sem að hans áliti leysi engan
vanda. Tillögur hans eru í þá átt
að stofna ný samtök, Ólympíusam-
band íslands. Aðilar að því yrðu
öll sérsamböndin og íþróttir fyrir
alla (ÍFA). Þetta samband yfírtæki
starfsemi Ólympíunefndar Islands
og auk þess hluta af núverandi
starfsemi ÍSÍ. Eins yrði leitað eft-
ir samstarfi Ungmennafélags ís-
lands, héraðssambanda og íþrótta-
bandalaga til að stofna ný samtök,
íþróttasamstarfið. Þessi samtök
tækju þá yfir starf ungmennafé-
laganna og hluta af núverandi
starfi ÍSÍ. Tryggvi segir tilganginn
með þessum tillögum að efla gras-
rótina og samstöðu héraðs- og
íþróttabandalaga, en þó yrði reynt
að halda skrifstofuhaldi og umsvif-
um í lágmarki.
„Ég legg fram hugmyndir í
þessum efnum sem ég tel vel þess
virði að skoða. Ég vil með þessum
hugmyndum aðallega benda gras-
rótinni á að mér finnst umfang
rekstrar ÍSÍ vera of mikið og vil
að peningarnir renni í meira mæli
í grasrótina. Ég held að það sé
rétta tækifærið að ræða þessar
hugmyndir núna vegna umræðn-
anna um sameiningu ÍSÍ og
Ólympíunefndar íslands. Það eru
ekki forystumenn íþróttahreyfing-
arinnar sem eiga að sameina, held-
ur eigum við sem stöndum að gras-
rótinni og ráðum hreyfingunni að
taka ákvörðun um hvernig við vilj-
um hafa æðstu stjórn íþrótta-
mála,“ sagði Tryggvi.
Hann segir að hver maður, sem
les ársreikning ISÍ, hljóti að sjá
að þar sé ýmislegt að. „ÍSÍ fékk
á síðasta starfsári 171 milljón frá
íslenskri getspá [Lottóinu]. Af því
er 101 milljón dreift beint til
íþróttahreyfingarinnar eftir skipti-
reglu sem þar gildir, 12 milljónir
fara í afreksmannasjóð og afgang-
urinn er færður sem tekjur í
rekstrarreikningi íþróttasam-
bandsins. Skrifstofuhaldið sjálft
kostar um 30 milljónir. Ég tel að
við eigum að draga úr yfirstjórn
íþróttamála og spara þar verulega
peninga. Við þurfum að breyta
þessum áherslum og leggja ISÍ
niður. Vægi þess er orðið miklu
minna en áður. Við ieitum í ríkara
mæli til sveitarfélaganna um okk-
ar mál í íþróttafélögunum svo að
þörfin fyrir samtök eins og ÍSÍ í
núverandi mynd er alltaf að
minnka.
Að undanförnu hefur eingöngu
verið talað um að sameina Óí og
ÍSÍ en ekki nefnt einu orði hvern-
ig eigi að hagræða og spara þann-
ig peninga. Hvernig ætla menn
að reka þetta? Hvar á að spara
peninga? Hvaðan koma meiri pen-
ingar í grasrótina? Þessum spurn-
ingum er öllum ósvarað," sagði
Tryggvi.
■ Viöbrögö for-
seta ÍSÍ / C3
Morgiinblaðið/Golli
KR tapaði á heimavelli
KR tapaði fyrir sænska liðinu AIK, 0:1, í fyrri leik liðanna í 1. umferð Evrópukeppni bikarhafa á Laug-
ardalsvelli í gærkvöldi. Ríkharður Daðason var ógnandi i framlínunni og komst næst því að skora fyrir
KR er hann náði að skalla boltann í þverslá AIK-marksins. Hér er hann í skallaeinvígi við Pár Milqvist.
■ KR-ingar / C2
HANDKNATTLEIKUR: LIÐ AFTURELDINGAR SIGURSTRANGLEGAST / C4
*