Morgunblaðið - 17.09.1996, Blaðsíða 16
16 C ÞRIÐJUDAGUR 17. SEPTEMBER 1996
MORGUNBLAÐIÐ
UPPDRÁTTURINN sýnir fyrirhugaða íbúðarbyggð norðaustan við Nesstofu. Þar er gert ráð fyrir 24 íbúðum í einbýlishúsum og parhúsum.
Til vinstri sést afstöðumynd af skipulagssvæðinu gagnvart núverandi byggð.
Nýtt byggingasvæði
á Seltjarnarnesi
Framboð á lóðum hefur verið lítið á Sel-
tjamamesi á undanfömum ámm. Nú er
til kynningar deiliskipulag á nýju bygg-
ingasvæði með 24 lóðum. Magnús Sig-
urðsson kynnti sér skipulagið.
SELTJARNARNES hefur
ávallt verið eftirsótt til
íbúðar og verð á fasteign-
um þar því yfírleitt verið hátt,
enda eftirspum eftir eignum þar
mun meira en framboðið. Þar við
bætist, að mjög lítið er eftir af
lóðum. Nýtt byggingasvæði á vest-
anverðu Nesinu með lóðum fyrir
24 hús hefur því vakið talsverða
athygli. Áhugi á þessum lóðum er
mikill enda margir, sem gætu
hugsað sér að búa á jafn góðum
stað á Seltjamarnesi.
Arkitektamir Helga Bragadóttir
og Ágústa Sveinbjörnsdóttur og
landslagsarkitektinn Ingibjörg
Kristjánsdóttir hafa skipulagt
þetta svæði. Deiliskipulagið tekur
mið af verðlaunatillögu þeirra frá
1994, en með því er reynt að skapa
nýjan valkost á Nesinu með nokk-
uð þéttri byggð meðalstórra sér-
býla á tiltölulega litlum einkalóðum
og sameiginlegu útivistarsvæði.
Húsin eiga að standa við tvær
nýjar götur, Norðurtún og Nýjatún
og við það miðað, að þau myndi
jaðar við safnasvæðið, en þar eru
m. a. Nesstofa og Lyfjafræðisafn.
Fyrirhugaðu Lækningaminjasafni
er einnig ætlaður þar staður og
bessi söfn munu gefa svæðinu
mikið menningarsögulegt gildi.
Fyrir vestan íbúðarsvæðið er síðan
útivistarsvæðið á Seltjamarnesi,
en það á sér vart sinn líkan svo
nálægt byggð á höfuðborgarsvæð-
inu.
Nánar tiltekið afmarkast bygg-
ingasvæðið af línu sem dregin er
frá Nesstofu í vestasta húsið í iðn-
aðarhverfínu við Bygggarða og að
norðan og austan af byggðinni við
Sefgarða og Nesbala. Fyrirhugað
Lækningaminjasafn verður stað-
sett í útjaðri byggðarinnar með
aðkomu frá götu, er liggja á sam-
hliða Sefgörðum og með góðu út-
sýni yfír útivistarsvæðið, Gróttu,
Bakkatjörn og Suðurnes. Lækn-
ingaminjasafnið mun vafalítið
sóma sér vel í nágrenni Nesstofu
og Lyfjafræðisafnsins án þess þó
að skyggja á þær byggingar.
Tvenns konar
húsagerðir
Lóðirnar verða 500-700 ferm.
að stærð og hallast eilítið til vest-
urs. Húsin verða af tvenns konar
gerð, annars vegar einbýlishús á
einni hæð og hins vegar parhús á
tveimur hæðum. Einbýlishúsin
verða nær útjöðrum svæðisins að
sunnan og vestan en parhúsin
verða á svæðinu norðan og austan
verðu.
Eins og fram er komið, tekur
byggingasvæðið mið af verðlauna-
tillögu frá 1994. Eitt af megin-
markmiðum tillögunnar var að láta
þessa nýju byggð mynda eðlilegan
jaðar við safnasvæðið og útivistar-
svæðið og taka mið af þeirri byggð,
sem fyrir er. Áherzla er lögð á,
að byggingarjaðarinn myndi heild-
armynd í framhaldi af íbúðabyggð
við Nesbala til norðurs og myndi
um leið jaðar að útivistarsvæðinu
og safnasvæðinu.
Á jaðrinum er lagt til að komið
verði fyrir lágum aflíðandi jarð-
vegshólum, sem sáð er í melgresi.
Þeir eiga að mynda mild skil milli
svæðanna þannig að útivistargestir
fái þá tilfinningu, að þeir séu úti
í náttúrunni en ekki inni í einka-
görðum.
Ibúðarsvæðinu er skipt i tvær
húsaþyrpingar með inngötu. Þess-
ar húsaþyrpingar eiga að umlykja
leiksvæði og opin svæði fyrir íbú-
ana. Þær hafa hvor sína stefnu,
•sem taka mið af Nesstofu og Lyfja-
fræðisafni. Aðkoma verður frá
Sefgörðum og greinist hún í tvær
tengingar að húsaþyrpingunum,
en gestastæði fyrir bíla eru nyrst.
Inngata fyrir íbúana á að liggja
milli húsanna og leiksvæðis og
opinna svæða í hverfinu og frá
inngötunni verða ennfremur stíga-
tengsl að útivistarsvæðinu á Nes-
inu, safnasvæðinu og núverandi
byggð. Ætlunin er sú, að opnu
svæðin verði einnig aðgengileg
öðrum en íbúunum. Jarðvegsmön
á að skilja að íbúðarsvæðið frá
iðnaðarsvæðinu við Bygggarða.
Gert er ráð fyrir, að húsin verða
meðalstór sérbýli, þar af 11 hús
við Nýjatún og 13 hús við Norður-
tún. Heildarflatarmál bygginga-
svæðisins er um 20.000 ferm. og
nýtingarhlutfall er 0,4. Bílskúrar
eiga að standa sér og auk þess
munu tvö bílastæði auk gesta-
stæða fylgja hveiju húsi.
Húsagerð, stærð, hæð og stað-
setning er sýnd í deiliskipulaginu,
án þess að endanlega sé ákveðið
um þakform, útbyggingar og efnis-
og litaval og nánari útfærslu hús-
anna. Mikilvægt er þó, að um sam-
ræmda hönnun verði að ræða til
þess að heildaryfírbragð náist á
íbúðarsvæðinu.
Safnasvæðið skipar
mikinn sess
Safnasvæðið skipar að sjálf-
sögðu mikinnn sess í skipulaginu.
Ásamt Nesstofu og Lyfjafræði-
safni mun Lækningaminjasafnið
mynda þríhyrnt svæði og standa
við mörk útivistarsvæðisins.
Áherzla er lögð á, að svæðið verði
aðlaðandi og áhugavert sem safna-
svæði og fornminja- og útivistar-
svæði. Aðkoma akandi fólks verður
að norðanverðu um veg, sem ligg-
ur samsíða Sefgörðum og er vegur-
inn síðan sveigður vestur fyrir
Móakotstóft og að safnasvæði.
Gert er ráð fyrir 50 bílastæðum
við safnasvæðið.
Áætlað er, að Lækningaminja-
safnið verði 650-700 ferm. á einni
til tveimur hæðum. Byggingareit-
urinn fyrir safnið, sem er um 1100
ferm., býður upp á mismunandi
útfærslur í hönnun og er gert ráð
að arkitektar fái nokkuð fijálsar
hendur um staðsetningu safnsins
innan reitsins.
Staðsetning Lækningaminja-
safns er samt við það miðuð að frá
safninu verði gott útsýni yfír Vest-
ursvæðið og Bakkatjörn og það á
ekki að skerða bæjarhól Nesstofu
en vera í vissri fjarlægð frá þeim
söfnum, sem nú eru til staðar og
fyrirhugaðri íbúðabyggð.
Fornleifarannsóknir hafa farið
fram á svæðinu umhverfís Nes-
stofu undanfarin ár og eru ennþá
í gangi. Skýrslur sem gerðar hafa
verið um niðurstöður sýna, að forn-
leifar eru ekki taldar á umræddum
svæðum. Gert er ráð fyrir að rúst-
ir bæjarins Móakots verði óhreyfð-
ar og grænt svæði næst þeim.
Þrátt fyrir þessar niðurstöður úr
fornleifarannsóknum er lögð
áherzla á, að aðgát verði höfð í
framkvæmdum.