Morgunblaðið - 18.09.1996, Blaðsíða 4

KNATTSPYRNA
„Mistök dómara eru
mikill höfuðverkur"

JAVIER Clemente, landsliðs-
þjálfari Spánverja, sagði í gær
á ráðstefnu landsliðsþjálfara í
Evrópu, sem fer fram í Kaup-
mannahöfn, að mesti höfuð-
verkurinn í aðþjóðlegri knatt-
spyrnu séu mistök dómara.
Logi Ólafsson, landsliðsþjálfari
Islands og Gústaf Björnsson,
aðstoðarþjálfari hans, eru á ráð-
stefnunni. „Það eru allir sammála
um að dómarareglunar séu góðar,
ef dæmt er eftir þeim. Það var mik-
ið rætt um að aðeins fjögur mörk
voru skoruð í Evrópukeppninni, eftir
auka- og hornspyrnur. Astæðan fyr-
ir því var sögð, að leikmenn væru
ekki orðnir svo góðir að koma í veg
fyrir að mörk væru skoruð, heldur
væru varnarmennirnir ólöglegir þeg-
ar þeir kæmu í veg fyrir að andstæð-
ingurinn næði að skora,“ sagði Logi
Ólafsson.
Logi sagði að Emlyn Hughes,
fyrrum landsliðsmaður Englands,
hefði bent á eitt atriði og spurði
hvort menn hefðu orðið vitni að því
að dómari dæmdi vítaspyrnu á brot
innan vítateigs, eftir horn-
spyrnu? Myndu ekki margir
eftir því, ef aftur á móti segðu
menn að yfirleitt væri dæmt
á sóknarleikmanninn. Þá kom
fram, að dómarar dæmdu
ekki vítaspyrnu, nema að allir á vell-
inum sjái um að vítaspyrnu hafi
verið um að ræða,“ sagði Logi.
Margir kunnir þjálfarar héldu fyr-
irlestra, eins og Berti Vogts, þjálfari
Þýskalands, og Arrigo Sacchi, þjálf-
ari Ítalíu. Þá tók einn þjálfari fyrir
hvern riðil í EM, í þeim hópi voru
til dæmis Tommy Svensson, Svíþjóð,
og Bob Hougson, fyrrum landsliðs-
þjálfari Sviss.
„Mistök dómara eru mikill höfuð-
verkur. Við viljum fá fullkomna dóm-
ara, en hvar eru þeir,“ spurði Cle-
mente og tók fyrir dæmi í Evrópu-
keppni landsliða í Englandi; eins og
þegar löglegt mark Spánvetjans
Julio Salinas í leik gegn Englandi
var ekki dæmt og þegar vítaspyrna
var dæmd á Þjóðvetja í úrslitaleikn-
um gegn Tékkum, á brot sem var
fyrir utan vítateig.
Clemente sagðist ekki vera hlið-
hollur þeim hugmyndum, að nýta
tæknina með því að láta myndupp-
töku stera úr um vafaatriði, þegar
ljóst væri að dómari gerði mistök.
„Þá tækni á ekki að notast við, því
að hún myndi ganga af knattspyrn-
unni dauðri. Það vill enginn missa
skemmtileg augnablik úr leiknum,
vegna þess að leikurinn yrði stöðv-
aður til að skera út um vafaatriði."
Logi sagði að landsliðsþjálfara
væru sammála um að við breyting-
una á meistaradeild Evrópu væri
álagið orðið meira á leikmenn, þann-
ig að landsliðsþjálfarar hefðu minni
tíma til að kalla sína menn saman
fyrir leiki og ættu í erfiðleikum með
að fá þá lausa frá félagsliðum. Sacc-
hi, þjálfari Ítalíu, kom með þá hug-
mynd að landsliðsþjálfarar fengju
að kalla sína menn saman í tvo
mánuði á ári og á þeim tíma yrðu
landsleikir leiknir," sagði Logi.
Man. City fékk skell
Leikmenn Manchester City töpuðu
stórt í gærkvöldi fyrir 3. deildarl-
iði Lincoln í fyrri leik liðanna í 2.
umferð ensku bikarkeppninnar, 1:4.
Uwe Rosler skoraði fyrir Manchester
City, sem hefur ekki fagnað titli í
Engíandi síðan 1976, eftir aðeins íjór-
ar mín., en Terry Fleming, Steve
Holmes, Hollendingurinn Gilbert Bos
og Jon Whitney svöruðu fyrir Lincoln.
Michael Holt, sem fékk fijálsá sölu
frá Blackburn, skoraði sitt fyrsta
mark á keppnisferlinum - jafnaði,
1:1, fyrir Preston gegn Tottenham,
Darren Anderton skoraði mark Lund-
únaliðsins. Leikmenn Blackburn fögn-
uðu sínum fyrsta sigri í vetur - 2:1
Reuter
THOMAS Rltter hjá Karslruhe var rekinn af lelkveili fyrir
þetta brot á Elber hjá Stuttgart í gærkvöldi.
gegn Brentford. Garry Flitcroft og
Chris Sutton, sem skoraði sitt þriðja
mark í jafnmörgum leikjum, skoruðu
fyrir Blackburn, Nicky Forster skor-
aði mark Brentford.
Stuttgart á sigurbraut
Stuttgart hélt sigurgöngu sinni
áfram í gærkvöldi með því að leggja
Karlsruhe að velli, 2:0. Thomas Bert-
hold skoraði fyrst með skalla og síð-
an bætti Brasilíumaðurinn Giovane
Elber marki við. Glæsileg byijun
Stuttgart, sem hefur unnið fimm af
fyrstu sex leikjum sínum og gert
jafntefli á útivelli gegn meisturum
Dortmund, verður líklega til þess að
þjálfarinn Joaehim Löw verði fast-
ráðinn í vikunni, hann tók við stjórn-
inni af Rolf Fringer rétt fyrir keppn-
istímabilið, þegar Fringer gerðist
landsliðsþjálfari Sviss.
Spennandi verkefni
w
Island og Þýskaland spila fyrri leik
sinn um laust sæti í 8-liða úrsiit-
um Evrópukeppninnar á Laugar-
dalsvelli kl. 20 í kvöld. Kristinn
Björnsson, landsliðsþjálfari kvenna,
segir að leikurinn verði íslenska lið-
inu erfiður því Þjóðveijar eru núver-
andi Evrópumeistarar og silfurhafar
úr síðustu heimsmeistarakeppni.
„Þetta er spennandi verkefni, en
krefjandi. Við gerum okkur grein
fyrir því að þessir leikir verða erfið-
ir. Við einbeitum okkur að því að
komast sem best út úr þessum leikj-
um. Við munum eiga undir högg
að sækja og þetta snýst um það að
fá sem hagstæðust úrslit," sagði
Kristinn. Stúlkurnar æfðu á Val-
bjarnarvelli í roki og rigningu í gær
og þar mátti sjá að Kristinn mun
leggja áherslu á varnarleik í kvöld.
„Við förum ekki í bullandi sóknar-
leik á móti liði eins og Þýskalandi,
það er alveg á hreinu. Leikstíll ís-
Ienska liðsins undanfarin ár hefur
verið að leika mjög varfærnislegan
fótbolta og reyna síðan að sækja
hratt og nýta færin vel sem gefast.
Við höfum lent í vandræðum þegar
við höfum fært liðið fram á völlinn.
Eins og á móti Rússlandi þegar við
lentum einu marki undir reyndum
við að spila hvassari leik síðustu
tuttugu mínúturnar og fengum þá
á okkur þijú mörk,“ sagði þjálfar-
inn. íslenska liðið lék tvo æfinga-
leiki við þýska liðið í Þýskalandi
fyrr á þessu_ ári og töpuðust báðir;
8:0 og 3:0. „í þessum leikjum vorum
við nánast í vörn allan leikinn og
ég á ekki von á því að það breytist
í leiknum hér á Laugardalsvelli. Við
gerum okkur grein fyrir styrkleika
þýska liðsins."
Margrét Ólafsdóttir, einn besti
leikmaður landsins úr Breiðabliki,
er ekki í liðinu í kvöld. Hún fór í
uppskurð í Danmörku þar sem hún
lét fjarlægja fæðingarblett af hand-
leggnum. Kristinn segir að hún verði
búin að ná sér fyrir síðari leikinn
ytra 29. september. Ástæðan fyrir
því að Evrópumeistarnir sjálfir eru
að leika um aukasætið eru sú þeir
voru í sama riðli og heimsmeistarar
Norðmanna, sem urðu í efsta sæti í
riðlinum.
Reynum að læða
inn einu marki
Vanda Sigurgeirsdóttir er fyrirliði
íslenska landsliðsins og leikur 36.
landsleik sinn í kvöld. „Þetta verður
mjög erfiður leikur. Við vitum að
þetta verður varnarbarátta og við
þurfum því að vera skynsamar og
reyna að læða inn eins og einu
rnarki," sagði Vanda.
SEX Gróttumenn voru samtals
dæmdir í 13 leikja bann af
aganefnd KSÍ í gær, en leik-
mönnum og þjálfara Gróttu
var vísað af leikvelli á laugar-
daginn. Gróttu var einnig gert
að greiða 10.000 króna sekt
vegna brottvísunar Sverris
Herbertssonar þjálfara og
15.000 krónur í sekt vegna
framkomu áhorfenda.
Þrír Völsungar verða í
banni í síðata leik félagsins á
föstudaginn, en þá koma
Borgnesingar í heimsókn til
Húsavíkur. Þetta eru þeir
Arnar Bragason, Ásmundur
Arnarsson og Hallgrímur
Guðmundsson.
Hermann Hreiðarsson úr
ÍBV verður f banni gegn fA á
laugardaginn og Stefán Þór
Þórðarson úr í A verður einnig
í banni í þeim leik. Þá verður
Gestur Gylfason úr Keflavík í
banni þegar liðið heimsækir
granna sína í Grindavík. Gor-
an Micic úr Stjömunni leikur
ekki með liði sínu gegn KR á
laugardaginn.
■ DAVID O’Leary, fyrrum varn-
armaður Arsenal og írska lands-
liðsins, var í gær ráðinn aðstoðar-
maður George Grahams, knatt-
spyrnustjóra Leeds. Graham tók
við Leeds 10. september. „Ég veit
að ef ég þarf að bregða mér frá,
til dæmis skoða leikmenn, get ég
treyst O’Leary til að taka við á
meðan. Hann veit nákvæmlega við
hveiju ég býst af honum,“ sagði
Graham.
■ O’LEARY er ekki alveg ókunn-
ugur f herbúðum Leeds því hann
lék 12 leiki með félaginu eftir að
hann fékk fijálsa sölu frá Arsenal
1993. „Ég mun reyna að hjálpa
George við að koma Leeds á þann
stall sem félagið á skilið,“ ságði
O’Leary.
■ BERNARD Lama, landsliðs-
markvörður Frakka í liði Parísar
St Germain, meiddist á hægra hné
í síðasta deildarleik á móti Cannes
um síðustu helgi og verður frá
keppni í allt að tvo mánuði. Hann
mun því missa af 11 deildarleikjum
og jafnvel næstu Evrópuleikjum
liðsins. Eins er talið ólíklegt að
hann geti leikið með landsliðinu
gegn Tyrkjum 9. október og eins
á móti Dönum mánuði síðar.
■ LASSE Kjus, núverandi heims-
bikarhafi í alpagreinum frá Nor-
egi, hefur verið meiddur á hné og
er reiknað með að hann verði ekki
búinn að ná sér fyrir fyrsta heims-
bikarmót vetrarins sem verður í
Solden í Austurríki 26. október.
■ KENNY Smith, leikmaður Ho-
uston Rockets í NBA-deildinni, er
á leið til Detroit Pistons. Smith
er 31 árs og hefur verið sex síðustu
leiktímabil með Houston. Á síðasta
tímabili gerði hann 8,5 stig að
meðaltali í leik og átti 3,6 stoðsend-
ingar. Hann lék áður með Sacra-
mento Kings og Atlanta Hawks.
■ TONY Adams, fyrirliði Arsenal
og enska landsliðsins, lék sinn
fyrsta leik á keppnistímabilinu í
gærkvöldi, þegar hann lék með
varaliði liðsins gegn utandeildarlið-
inu Welling United. 800 áhorfend-
ur sú leikinn, en síðast þegar hann
lék, voru 80.000 áhorfendur á leik
Englands og Þýskalands í EM á
Wembley. Adams hefur átt við
áfengisvandamál að stríða.
■ ADAMS hefur ekki leikið með
Arsenal-liðinu síðan í janúar, eða
eftir að hann fór í tvo uppskurði
vegna meiðsla í hné.