Morgunblaðið - 19.09.1996, Blaðsíða 40
40 FIMMTUDAGUR 19. SEPTEMBER 1996
MORGUNBLAÐIÐ
MINNINGAR
SÆMUNDUR
BJARNASON
SKÁK
Umdeildur forseti FIDE berst fyrir endurkjöri
Mjög horaður en situr
í þremur stólum
Morgunblaðið/Einar S. Einarsson
KIRSAN Iljumsjinov (t.h.) ásamt fyrirrennara sínum á forseta-
stóli FIDE, Filippseyingnum Florencio Campomanes.
minnisstæð sú góða stund sem við
öll áttum saman. Erfitt er að hugsa
til að það hafi verið síðasta sinn
sem við hittumst.
Vertu sæll, elsku Sæmundur
minn, frænka mun aldrei gleyma
þér.
Þín frænka,
Sigrún Jóna.
Við vorum fjögur, nú erum við
þijú, af því að eitt okkar fór til
himna.
Hann sem var bestur í þessum
i heimi, þess vegna finnst okkur það
svo óréttlátt.
Það er Guð sem stjórnar, og veit
hvað hann gerir.
Ef honum finnst það rétt, þá
verðum við að skilja það.
Við erum aðeins lánuð hingað.
Það er ekki auðvelt að skilja, að
Guð taki þá sem okkur þykir vænst
um.
En við verðum að sætta okkur
við það.
Hann var svo góður, vingjarnleg-
ur og elskulegur.
Guði finnst vænst um þannig
fólk.
Hann reyndi að beijast fyrir líf-
* inu, en hann gat það ekki (tapaði).
Svo er annað fólk, ungt og full-
orðið, sem eyðileggur líf sitt með
eiturlyfjaneyslu og óreglu.
Kveðja frá litlu frænku á Kanarí,
Auður Lorenzo.
Við eigum aldrei eftir að gleyma
hugrekkinu, þolinmæðinni og dugn-
aðinum sem Sæmi frændi okkar
sýndi allt frá því hann veiktist fyrir
sex árum, þá aðeins ellefu ára gam-
all. Ekki heldur æðruleysi foreldra
hans sem í þessi ár börðust við hlið
hans og gerðu allt sem í þeirra
valdi stóð svo hann mætti njóta
unglingsáranna sem best. Þau
lögðu allt undir og beittu sér meðal
annars fyrir stofnum samtaka til
að aðstoða aðra sem eiga í erfiðleik-
um vegna veikinda barna sinna.
Samtaka sem síðan hefur sýnt sig
að mikil þörf var á. Ekki aðeins til
að aðstoða fólk fjárhagslega heldur
líka og ekki síður til að sýna fjöl-
skyldum alvarlega veikra barna
samstöðu og skilning.
Auðvitað finnst okkur það órétt-
látt að Sæmi skyldi þurfa að yfir-
gefa okkur. Og það dregur ekki úr
sársaukanum að vegna mistaka
fæst aldrei úr því skorið hvort hann
hefði lifað af aðgerðina sem hann
gekkst undir í vor, við svo óbærileg-
ar aðstæður mega fátækleg orð sín
lítils. Hvorki gagnvart honum né
ástvinum hans. Minningamar lifa
hins vegar áfram og þær geta oft
hjálpað. Minningar um góðan dreng
og hamingjustundir með honum.
Minningar um allt það góða fólk
sem vildi hjálpa. Um séra Jón A.
Baldvinsson sendiráðsprest í Lund-
únum. Hann var, að öðrum ólöstuð-
um, foreldrum Sæma ómetanlegur
styrkur allt þar til yftr lauk og hon-
um sjálfum einstakur félagi og vin-
ur síðustu mánuðina sem hann lifði.
Vonandi eiga slíkar minningar þrátt
fyrir allt eftir að gera mömmu hans,
pabba hans, bræðrum hans og öðr-
um sem syrgja hann, lífið framund-
an bærilegt.
Við vonum að svo verði. Að minn-
ingar tengdar Sæmundi og hug-
rekki hans eigi eftir að verða þeim
styrkur og hann megi því hvíla í
friði.
Þess biðjum við í dag þegar við
kveðjum Sæma frænda í hinsta
sinn.
Ingimar, Fríða og fjölskylda.
Okkur langar til þess að kveðja
frænda okkar, hann Sæmund. Þó
að árin hans hér yrðu ekki mörg
skilur hann aðeins eftir sig góðar
minningar. Styrkur hans í erfiðri
baráttu gleymist ekki og fær mann
til þess að líta í eigin barm. Því að
oft vill það verða svo að maður
gleymir að þakka fyrir svo margt
og tekur öllu sínu láni sem sjálf-
sögðum hlut. Minningin um góðan
og fallegan dreng mun lifa með
okkur og hlýja, fallega brosið hans
gleymist aldrei.
Elsku Haddý og Bjarni. Við, sem
þykir svo vænt um ykkur, stöndum
í dag ráðþrota en biðjum þess og
trúum að minningin um blessaðan
drenginn ykkar muni hjálpa ykkur
og styrkja. Við vottum ykkur, Sig-
urgísla, Óskari Birni og öllum ást-
vinum Sæmundar okkar innilegustu
samúð.
En meðan árin þreyta hjörtu hinna,
sem horfðu eftir jjér í sárum trega,
þá blómgast enn, og blómgast ævinlega,
þitt bjarta vor í hugum vina þinna.
Og skín ei ljúfast ævi þeirri yfír,
sem ung á morgni lífsins staðar nemur,
og eilíflega, óháð því, sem kemur,
í æsku sinnar tipu fegurð lifir?
Sem sjálfur Drottinn mildum lófum lyki
um lífsins perlu í gullnu augnabliki.
(Tómas Guðm.)
Hjartans Sæmundur, hvíl þú í
friði.
Frænkur þínar,
Hólmfríður og Kristín.
Elsku Sæmi, ég hef aldrei gert
neitt eins erfitt og að skrifa þessi
minningarorð til þín. Mig langar
að segja eitthvað frumlegt, eitthvað
alveg sérstakt. Eitthvað sem fær
þann sem les til að skilja hversu
frábær öðlingur þú varst og að
hugsa með sér: „Já, þarna fer ein-
stakt ljúfmenni." Mig langar að
allur heimur viti hve hetju- og djarf-
lega þú barðist fyrir lífínu, svo fólk
skilji að það er ekki öllum sjálfgef-
ið. En umfram allt langar mig að
sjá nýjan flöt á málinu, svo við
getum huggast og með einhveijum
mögulegum ráðum réttlætt aðstæð-
umar.
Við sem erum svo heppin að
hafa þekkt þig, vitum hve ljúfur
þú varst. Ég held ég taki ekki of
stórt upp í mig þegar ég fullyrði
að enginn maður sem ég hef hitt,
taki þér fram í þeim efnum. Hitt
er ég alveg sannfærð um, að ég
er betri manneskja fyrir að hafa
kynnst þér. Hvað varðar huggun
og sátt er flóknara. Það veitir mér
að minnsta kosti talsverða huggun
að vita að ég á eftir að hitta þig
seinna. Og þá leiðir þú Mænu þína
um nýjar slóðir og sýnir henni
hvernig allt gengur fyrir sig. Alveg
eins og hún leiddi Mæna sinn um,
þegar þið voruð böm, og passaði
að þú færir þér ekki að voða. Fleira
er ekki hægt að segja. Þegar allt
kemur til alls þá em orð lítils megn-
ug-
Elsku frændi, stattu þig jafn vel
í nýjum heimkynnum og þú gerðir
hérna og ef þú átt einhveija orku
umfram, sendu okkur af henni.
Birta, mamma þín og pabbi og
elskulegir bræður, Sigurgísli og
Óskar Björn, þurfa á henni að
halda.
Ljóðið sem fer hér á eftir var skrif-
að í minningu um mann sem dó líka
ungur.
Gangi þér vel þangað til við hitt-
umst aftur og þá, Sæmi, þá förum
við í ferðalag.
Við spyijum drottin særð, hvers vegna hann
hafi það dularfulla verkalag
að kalla svona vænan vinnumann
af velli heim á bæ um miðjan dag
Og þó, með trega og sorg skal á það sæst,
að sá með rétti snemma hvílast megi
í friði, er hafði, fyrr en sól reis hæst
fundið svo til, að nægði löngum degi.
(Jóhann S. Hannesson)
Þín elskandi frænka
María Heba Þorkelsdóttir.
• Fleirí minningargreinar um
Sæmund Bjarnason biða birtingar
ogmunu birlast í blaðinu næstu
daga.
Kirsan Iljumsjinov berst
fyrir endurkjöri sínu
sem forseti Alþjóða
skáksambandsins,
FIDE. Dlugi Jökulsson
hitti hann að máli í Jere-
van þar sem Ólympíu-
skákmótið fer nú fram,
„Ég er mjög horaður maður en
þó sit ég í þremur stólum," sagði
Kirsan Iljumsjinov á fundi sem
hann boðaði með íslensku sendi-
nefndinni á Ólympíuskákmótinu í
Jerevan.
Með hinum þremur stólum sín-
um átti Iljumsjinov við þau þijú
veraldlegu störf sem hann gegnir,
en auk þess að vera forseti FIDE
er hann forseti sjálfstjórnarsvæðis-
ins Kalmykiu í Rússlandi og þing-
maður á rússneska þinginu. Fund-
inn með íslendingunum boðaði Ilj-
umsjinov til þess að kynna framboð
sitt til endurkjörs á aðalþingi FIDE
sem hefst innan skamms hér í Jere-
van.
Framboðsmál innan FIDE og
raunar öll sú pólitík sem þar við-
gengst er svo flókin að það er
meira en lítið verk að henda reiður
á öllu sem þar fer fram. Iljumsj-
inov var kosinn forseti FIDÉ fyrir
tæpu ári þegar Florencio Campo-
manes hrökklaðist hálfnauðugur
úr embætti og átti Iljumsjinov til
að byija með einungis að vera for-
seti í eitt ár. Hann hafði enda ekki
boðað framboð til endurkjörs þegar
framboðsfrestur rann út og búist
hafði verið við að tveir stórmeistar-
ar myndu bítast um embættið,
þeir Bachar Kouatly frá Frakk-
landi og Jamie Sunye Neto frá
Brasilíu. Varaforsetaefni Kouatlys
er enginn annar er Anatólí Karpov,
heimsmeistari FIDE, en varafor-
setaefni Sunye Netos er sem kunn-
ugt er Einar S. Einarsson, svæðis-
stjóri FIDE á Norðurlöndunum.
Margir frammámenn í skáklífí
Vesturlanda höfðu skorað á Einar
að bjóða sig fram til forseta en
hann hafnaði því og féllst í staðinn
á að gefa kost á sér í embætti
varaforseta. Mörg stærstu og
öflugustu skáksamböndin á Vest-
urlöndum standa að framboði
Sunyes Netos og Einars og er
helsta markmið framboðs þeirra
að hreinsa til í skákheiminum en
undanfarin ár hefur þar orðið hvert
hneykslið af öðru og stjórnarhætt-
ir ekki upp á marga fiska. Fjöl-
mörg vandamál bíða úrlausnar og
nægir þar að nefna spillingu og
verslun með vinninga en ýmsir
skákmenn iðka slíka verslun nán-
ast fyrir opnum tjöldum án þess
að hljóta nokkra refsingu fyrir.
Asmaeparasvili flytur út
skákstig
Til dæmis er vitað að einn skæð-
asti kaupsýslumaðurinn, Sjurab
Asmaeparasvili frá Georgíu, hefur
bæði unnið með miklum yfírburð-
um mót sem alls ekki fór fram og
einnig stundar hann umfangsmik-
inn útflutning á skákstigum. Það
fer þannig fram að Asmaeparasv-
ili kaupir sér vinninga á skákmót-
um sem haldin eru í gömlu Sovét-
ríkjunum og hækkar því mjög á
stigum. Þá heldur Asmaeparsavili
í vesturvíking og tapar viljandi
fyrir þeim skákmönnum sem hann
rekst á og vilja stunda svo óheiðar-
leg „viðskipti". Þar sem þessir
skákmenn vinna svo stigaháan
stórmeistara sem Asmaeparasvili
hækka þeir sjálfír tiltölulega mikið
á stigum en hann fer aftur austur
í borgina og kaupir sér fleiri vinn-
inga. Segir sig sjálft að hann selur
vinningana á hærra verði en hann
kaupir þá.
Þrátt fyrir að þessi verslun
Asmaeparasvilis sé á allra vitorði
hefur FIDE ekkert aðhafst til að
refsa honum og hann situr hér í
Jerevan og teflir eins og fínn mað-
ur á efsta borði Georgíu. Þá er
Florencio Campomanes staddur
hér og gengur milli manna með
gleðilátum og er alls staðar aufúsu-
gestur enda þótt vitað sé að hann
hafi dregið sér stórfé úr sjóðum
FIDE um það leyti sem hann lét
af embætti.
Það er því ekki vandþörf á að
hreinsa til en ljóst er að Sunye
Neto og Einar S. Einarsson fá nú
öflugri andstæðing en Bachar Kou-
atly og Karpov, sem tengdir eru
fyrri stjórnarháttum því Kirsan Ilj-
umsjinov hefur sem fyrr segir boð-
að að hann hyggist sækjast eftir
endurkjöri. Til þess að komast í
framboð verður hann að leggja
fyrir FIDE-þingið tillögu um af-
brigði frá lögum og nú rær hann
að því öllum árum að afla þeirri
tillögu stuðnings.
Ungur forseti
Það er til marks um sjálfsöryggi
Iljumsjinovs, sem jaðrar við ófyrir-
leitni en er ævinlega fylgt með
breiðu brosi, að hann skyldi boða
íslendingana hér til fundar við sig
því vart getur hann búist við að
hljóta atkvæði Skáksambands ís-
lands. Á fundinum byrjaði Iljumsj-
inov á því að taka við kvörtunum
íslensku liðsstjóranna vegna smá-
vægilegra vandræða sem upp hafa
komið við framkvæmd mótsins en
kynnti síðan sig, land sitt og stefnu
sína. Hann er aðeins 34ja ára að
aldri en hefur auðgast gífurlega
með aðferðum sem sumir telja
vafasamar og var nýlega endur-
kjörinn forseti Kalmykiu fram til
ársins 2002.
Tjáði hann okkur íslendingunum
að næsta Ólympíuskákmót yrði
haldið í Elista, höfuðborg Kalmyk-
iu, og yrði það glæsilegasta Ólymp-
íumótið til þessa. Til dæmis væri
hafin bygging sérstaks Ólympíu-
þorps, að fyrirmynd Ólympíuleik-
anna sjálfra, og yrði það í fyrsta
sinn sem sérstakar vistarverur
yrðu byggðar yfir þátttakendur á
Ólympíuskákmóti. Auk Ólympíu-
skákmótsins í Kalmykiu er eitt
helsta kosningaloforð Iljumsjinovs
að umbylta heimsmeistarakeppn-
inni í skák þannig að keppt verði
á hveiju ári og um það bil hundrað
stórmeistarar keppi þá með út-
sláttafyrirkomulagi um heims-
meistaratitilinn og verði veitt
geysihá verðlaun en peningar eru
náttúrlega það sem Iljumsjinov
treystir á að muni færa honum
forsetastólinn áfram og sagði hann
okkur margoft og glaðlega hversu
ríkur hann væri.
Þá sagði hann okkur nokkuð af
landi og þjóð Kalmykiu en það
svæði er þar sem áin Volga fellur
í Kaspíahaf. íbúamir em Mongólar
sem komu á 16. öld austan úr
Mongólíu og eru þeir einu íbúar
Evrópu sem eru Búddatrúar. Ilj-
umsjinov kvað trúfrelsi hins vegar
með miklum ágætum í landi sínu
og hefði hann byggt fjölmargar
kirkjur fyrir þá íbúa sem teljast
til rússnesku réttrúnaðarkirkjunn-
ar. Þá hefði hann á einum af mörg-
um fundum sínum með páfanum
í Róm gefíð kaþólsku kirkjunni
land undir dómkirkju og yrði hún
byggð fljótlega fýrir þann eina
Kalmykiu-mann sem telst vera
kaþólikki. Alls eru íbúar Kalmykiu
um 500.000 og vakti nokkra at-
hygli í rússnesku kosningunum
nýlega þegar Iljumsjinov skilaði
vini sínum Borís Jeltsín nákvæm-
lega 100% fylgi í Kalmykiu.
Góðar gjafir í lok fundar
Fundurinn með Kirsan Iljumsj-
inov var ákaflega vinsamlegur
enda er maðurinn brosmildur og
vingjarnlegur í framkomu. Hann
leysti okkur út með góðum gjöfum,
til minningar um þennan ágæta
fund, og fékk hver íslendingur
stóran poka fullan af pökkum. Þar
voru tvær bækur um ævi og störf
Kirsans Iljumsjinovs og er önnur
þeirra teiknimyndasaga þar sem
ekki er verið að skafa utan af lof-
inu um þennan mæta mann. Jafn-
framt fengum við flösku af Kirsan-
vodka sem framleitt er í Kalmykiu,
Kirsan-kavíar sem mun vera fín-
asta kavíartegundin í öllu Rúss-
landi um þessar mundir, Kir-SUN
sólgleraugu og loks forláta arm-
bandsúr sem við sjáum ekki betur
en séu bæði úr gulli og sett dem-
öntum. Þau eru hins vegar af teg-
und sem enginn þekkti fyrir og
heita einfaldlega Kirsan. Gefí Ilj-
umsjinov öllum skáksveitunum hér
slíkar gjafír er hætt við að erfitt
verði að sigrast á honum í kosning-
unum sunnudaginn 29. september
nk.