Morgunblaðið - 19.09.1996, Blaðsíða 44

44 FIMMTUDAGUR 19. SEPTEMBER 1996
MORGUNBLAÐIÐ
C-
Dýraglens
BREF
TIL BLAÐSINS
Tommi og Jenni
Smáfólk
Kringlan 1 103 Reykjavík 0 Sími 569 1100 9 Símbréf 569 1329
0 Netfang: lauga@mbl.is
Einkavegiir
Frá Steinunni Theódórsdóttur:
SÍÐUSTU daga í ágúst dvöldumst
við tvö, ferðafélagar, eina viku í
Skaftafellssýslu. Veðrið var eins
fagurt og hugsast gat, logn, hiti
og sumarblíða.
Sem við ókum austur blöstu við
jöklar og óendanleg grænka í
Fljótshlíð, Mýrdal og á Síðu. Gras-
ið var sem grænn flauelshjúpur
um fjöll og hlíðar, sauðfé á beit
fór vel í landslaginu.
Við fengum bændagistingu í
námunda við Kirkjubæjarklaustur.
Atlæti gat ekki verið betra. Við
spurðumst fyrir um það hjá hús-
ráðendum hvað helst skyldi skoða
í nágrenninu. Okkur var bent á
Fjaðrárgljúfur og gilið vestantil í
Holtsdal.
Fjaðrárgljúfur er sérstæð nátt-
úrusmíð; kolblá áin liðast um sí-
breytilega bergstanda. Ungir list-
nemar hvaðanæva úr Evrópu voru
þarna á ferð. Sumir heilluðust svo
af umhverfinu að þeir drógu skó
og sokka af fótum sér og nutu
náttúrunnar oní tær.
Síðan var ekið áleiðis í Holts-
dal. í dalsmynninu var hliðskilti
sem á stóð einkavegur. Við
stöldru-ðum við. Vegurinn innan
hliðsins bar öll merki þess að vera
venjulegur sveitavegur svo við lét-
um slag standa, opnuðum hliðið
og ókum inn dalinn. Er innfyrir
fjallsöxlina kom austan megin í
dalnum voru, á að giska tvo kíló-
metra frá okkar vegi, tveir sumar-
bústaðir, gróðursett höfðu verið
tré umhverfis bústaðina. Þar fyrir
innan, austan Seldalshnjúks, eru
snotur gil með fossum.
Til vesturs var Holtsgilið, vissu-
lega heillandi, en það freistaði
okkar meir að ganga á fellið Sel-
höfuð. Það er algróið nema kletta-
belti umgirðir kollinn. Þegar upp
var komið ríkti fegurð og friður,
þúfutittlingar tóku dýfur, stungu
sér kollhnísa í loftinu og sungu
af einskærri kæti. Steinklöppur
skutust fyrir fótum okkar, hljóðl-
átar að vanda.
Þarna uppi voru breiður af
beijalyngi og berin eins og bláir
deplar á grænum möttli. Eldgulir,
smáir sveppir með bólu á hattinum
juku fjölbreytni litanna.
Er við gengum norður eftir koll-
inum rak okkur í rogastans, í kleif-
unum innan við fellið var hinn
fegursti skógur, reitur sem við
ÚR Holtsdal.
fréttum síðar að Skógræktarfélag
Síðumanna hefði plantað fyrir
fjörutíu árum. Heilluð af fegurð
náttúrunnar fikruðum við okkur
niður hamrana ofan í dalinn. Farið
var að halla degi og við héldum
áleiðis í næturstað. I góðri brekku
fengum við okkur kaffi og nestis-
bita, það tilheyrir á ferðalögum.
Er komið var aftur að vegamót-
um og ég sá skiltið einkavegur
þyngdi mér fyrir brjósti og ég fékk
óbragð í munninn. Það er
óskemmtileg reynsla að vera óvel-
kominn í eigin landi.
Málið var rætt við nokkra
innansveitarmenn og okkur tjáð
að Seðlabanki Islands hefði keypt
allan dalinn og girt hann af, reist
tvo sumarbústaði og hyggði á
skógrækt.
Gott og vel, ég veit ekki gjörla
hvert er hlutverk fyrrgreindrar
bankastofnunar, en þá hefði ein-
faldlega mátt standa á skiltinu:
„Skógrækt, vinsamlega lokið hlið-
inu.“ Einkavegur gæti talist heim-
reiðin að sumarbústöðunum, hvort
sem þörf er á að merkja hana sem
slíka.
Nú spyr ég: Leyfist opinberum
stofnunum, fyrirtækjum okkar
landsmanna, að kaupa upp heilu
fjallasalina og loka þeim fyrir fólk-
inu í landinu?
í mínum huga er svarið nei og
aftur nei. Komist Seðlabankinn upp
með að loku Holtsdal hvar verður
þá borið niðurnæst ... og þarnæst?
STEINUNN THEÓDÓRSDÓTTIR,
Eyrarhvammi, Mosfellsbæ.
Hvað skal segja? 16
I kvöld færðu matinn þinn í Eða skál, eða hvað sem þú vilt „Tarína“ hljómar vel.
glænýjum dalli. kalla það.
Væri rétt að segja: Þú getur lent á tunglinu, ef þú beitir nútíma-
tækni.
Svar: Persónufomafnið þú er með öllu fráleitt að nota sem
óákveðið fornafn á íslensku, þó að enska orðið you sé stundum
notað á þann hátt. Rétt væri að segja: Menn geta lent á tungl-
inu . .. eða: Hægt er að lenda á tunglinu, ef beitt er nútímatækni.
Allt efni sem birtist ! Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hór að lútandi.