Morgunblaðið - 19.09.1996, Blaðsíða 8
VIÐSKIFTI AIVINNULlF
FIMMTUDAGUR 19. SEPTEMBER 1996
íslensk þekking flutt út til Víetnam af NTS hópnum
Heimur án landamæra
Morgunblaðið/Þorkell
ÞORVALDUR Ingi Jónsson starfsmaður NTS í Víetnam.
UTFLUTNINGUR á ís-
lenskri þekkingu til Ví-
etnam er verkefni sem
stór hluti íslenska hug-
búnaðargeirans hefur unnið sam-
an að á annað ár.
Hópurinn nefnist Nordic Techn-
ology Solution, og er í eigu hug-
búnaðarfyrirtækjanna Hugbúnað-
ar, Skýrr, Tæknivals, Tölvumiðl-
unar og Tölvumynda, auk Pósts
og síma, Sveins Baldurssonar og
ráðgjafafyrirtækisins HeH Inter-
national, sem er í eigu íslenskra
og víetnamskra aðila.
Markmið NTS er að flytja út
íslenska þekkingu, reynslu og
tækni til Víetnam og annarra ríkja
í Asíu.
NTS hóf starfsemi fyrir rúmu
ári í Víetnam með upsetningu al-
netsgáttar fyrir Ho Chi Minh
svæðið og hefur unnið að ráðgjöf
fyrir þarlend stjórnvöld á sviði
hagnýtingar á upplýsingatækni
fyrir opinbera stjórnsýslu.
Skrifstofa opnuð í Víetnam
í síðustu viku fór Þorvaldur
Ingi Jónsson, framkvæmdastjóri
Þor ehf., til Víetnam á vegum
NTS. Tilgangur ferðarinnar er að
koma á fót viðskiptaskrifstofu í
borginni Ho Chi Minh sem hann
mun veita forstöðu.
NTS fær skrifstofuaðstöðu hjá
HeH ráðgjafafyrirtækinu, en
starfsmenn þess munu vera Þor-
valdi innan handar í viðskiptalífi
Víetnam.
Þorvaldur segir að Víetnam
bjóði upp á mikla möguleika á
sviði upplýsingartækni. „Grunnur-
inn að samstarfi íslensku aðilanna
við víetnömsk yfirvöld var lagður
fyrir tveimur árum. í kjölfarið var
gerður samstarfssamningur við
upplýsingaráð Ho Chi Minh borg-
ar. Það þarf að finna samstarfinu
fastan farveg og mitt hlutverk er
að fara yfir stöðuna í Vietnam og
vinna að stofnun ráðgjafarfyrir-
tækis á sviði upplýsingaiðnaðar,
sem m.a. er ætlað að skoða upplýs-
ingastreymi á milli stofnana í Ho
Chi Minh borg og gera úttekt á
möguleikum á pappírslausum við-
skiptum hjá borgaryfirvöldum,"
segir Þorvaldur.
Getur skapað fjölmörg ný störf
Að sögn Þorvaldar býr íslenski
hópurinn yfir mikilli þekkingu á
hugbúnaðarsviðinu og ef mark-
miðum hópsins verði náð, skapist
mörg störf, bæði hér á landi og
í Víetnam.
Hann segir Ijóst, að verkefnið
þarf að þróa og engan skjótfeng-
an gróða sé að finna í verkefni
sem þessu. „Víetnam er ekki kom-
ið langt á íeið í þróun á upplýs-
ingatækni en fjölmörg erlend fyr-
irtæki hyggja á markaðssókn þar
í landi og ekki er óhugsandi að
NTS eigi eftir að vera í samstarfi
með fyrirtækjum frá hinum Norð-
urlöndunum í Víetnam. Sænska
stórfyrirtækið Ericson hefur opn-
að skrifstofu í Víetnam líkt og
fleiri norræn fyrirtæki. Við meg-
um ekki gleyma því að með alnet-
inu er heimurinn orðinn að einu
markaðssvæði og það eru engin
landamæri í tölvuheiminum,“ seg-
ir Þorvaldur.
íslensk hugbúnaðarfyrirtæki
búa yfir mikilli þekkingu og segir
Þorvaldur nauðsynlegt að þau
hefji frekari sókn á alþjóðlega
markaði, „enda er ekki endalaust
hægt að framleiða hugbúnað fyr-
ir 260 þúsund manns.“
Fimm ára áætlun
Á fimm ára fresti eru teknar
stefnumarkandi ákvarðanir i mál-
efnum Víetnam. Á þessu ári var
síðast fundað um stefnumörkun
stjórnvalda. í kjölfarið fylgdu litl-
ar hreyfingar á erlendum fyrir-
tækjum til Víetnam vegna þess
að ekki var ljóst hvort fijálslyndu
öflin, sem vilja opna landið fyrir
erlendum aðilum, eða harðlínu-
menn hefðu vinninginn á flokks-
þingi kommúnista í byijun júlí.
Þar var Do Muoi endurkjörinn
formaður flokksins og tjáði hann
fréttamönnum að umbótastefn-
unni yrði haldið áfram, þótt farið
væri hægt í sakirnar.
Þorvaldur segir að sam-
starfsaðilar NTS, HeH, hafi ráð-
lagt hópnum að nýta sóknarfærið
sem virðist vera að myndast og
hans hlutverk sé að tryggja að
þau leyfi sem til þurfi til starfsemi
í landinu fáist. „Ég hef mikla
reynslu af viðskiptum við Asíubúa
í sölu á hugbúnaði. Viðskipta-
samningar útlendinga við Víet-
nama, frekar en flesta Asíubúa,
ganga ekki upp nema þú sért á
staðnum og fylgir þeim eftir. Það
er t.d. ekki nægjanlegt að hringja
og ganga frá samningi símleiðis
heldur verður þú að sýna við-
skiptaaðilanum þá virðingu að
vera í landinu.
Mitt starf í Víetnam felst einn-
ig í því að gera kerfin, sem NTS
hefur þegar sett upp þar í landi,
skilvirkari. Alnetsþjónustan skilar
sér fljótt en upplýsingaþjónustan
felst meira í uppbyggingu ráð-
gjafaþjónustu í upplýsingaiðn-
aðinum,“ segir Þorvaldur.
Mikil samkeppni
Hann segir að stórfyrirtæki í
hugbúnaðargeiranum séu tilbúin
til þess að fara af stað með ný
verkefni, um leið og tækifæri
gefast í Víetnam. „Því verður
starfsmaður NTS að vera á staðn-
um til þess að eiga möguleika á
að grípa tækifærin þegar þau
gefast. Það ríkir mikil samkeppni
um víetnamska markaðinn, sem
er óðum að opnast og NTS hópur-
inn bindur miklar vonir við að
framhald verði á viðskiptum milli
landanna og að sú vinna sem
hefur verið lögð í uppbyggingu
nýrra markaða fjari ekki út,“ seg-
ir Þorvaldur.
„NTS hópurinn hefur allt sem
til þarf í uppbyggingu nýrra
markaðssvæða eins og sést best
á hversu vel gekk að byggja upp-
lýsingamarkaðinn upp á Islandi.
Ánnars er best að vera ekki með
neinar stórar yfirlýsingar heldur
láta verkin tala,“ segir Þorvaldur.
BENS TIL SÖLU
BÍLLINN SEM NORÐMENN ERU
SVO HRIFNIR AF
Bens 300E, 4-matic árgerð 1993, ekinn 92 þús. km.
Fjórhjóladrifinn, sjálfskiptur, ABS bremsur, loftkæling,
samlæsing, líknarbelgur, álfelgur, litað gler, úti hitamælir,
rafmagn i rúðum og loftneti. arm- og höfuðpúðar
aftur í o.fl. Vérð, tilboð.
Upplýsingar í síma 511 1600og 896 0747.
Sááfund
sem finnur
—góða aðstöðu!
SCANDIC
——■ i i i r ———
LOFTLEIÐIR
Pantaðu sal í tíma og síma 50 50 160
Torgið
Hallalaus fjárlög
í farvatninu
RÍKISSTJÓRNIN hefur markað þá
stefnu að ríkissjóður verði halla-
laus á árinu 1997. Ef það mark-
mið nær fram að ganga yrði það
í fyrsta sinn frá árinu 1984 sem
ríkissjóður yrði rekinn án halla.
Oft hafa verið sett fram háleit
markmið í þessu sambandi en
árangurinn jafnan látið á sér
standa. Viðbótarútgjöld skjóta sí-
fellt upp kollinum og hafa koll-
varpað slíkum markmiðum, enda
þótt tekjur ríkissjóðs fari stundum
einnig fram úr áætlun.
Friðrik Sophusson, fjármála-
ráðherra, sagði réttilega á fundi
Fjárfestingarfélagsins Skandia
með fjárfestum nú í vikunni að
það væri enginn munur á því að
reka ríkissjóð með halla eða reka
heimili og fyrirtæki með halla.
Engin lánsfjárþörf
A-hluta ríkissjóðs
Viðvarandi hallarekstur ríkis-
sjóðs undanfarinna ára hefur þýtt
gífurlega skuldasöfnun og er nú
svo komið að á næsta ári eru
vaxtagjöld ríkissjóðs áætluð um
13,5 milljarðar.
Á síðasta ári var um 9 milljarða
halli á ríkissjóði á greiðslugrunni,
en vonir eru bundnar við að af-
gangur verði á ríkissjóði á næsta
ári. Þá er ekki gert ráð fyrir neinni
lánsfjárþörf A-hluta ríkissjóðs á
næsta ári heldur þvert á móti að
ríkissjóður byrji að greiða niður
skuldir.
Breytt uppsetning
fjárlaga
Fjármálaráðherra benti á
nokkrar mikilvægar röksemdir fyr-
ir því að reka ríkissjóð hallalaus-
an. Það er öruggasta leiðin til að
tryggja stöðugleika, aukinn hag-
vöxt og bætt lífskjör heimilanna.
Afgangur á ríkissjóði eykur inn-
lendan sparnað og vegur á móti
viðskiptahalla. Með því að safna
skuldum er skattheimtunni hins
vegar ýtt yfir á framtíðina. Það
er nauðsynlegt að nýta uppsveiflu
í efnahagslífinu til að ná jafnvægi
í fjárlögum, einkum þegar haft er
í huga að hagvöxturinn í ár er að
verulegu leyti borinn uppi af auk-
inni einkaneyslu.
Nokkurra breytinga er að
vænta í sambandi við uppsetn-
ingu fjárlaga fyrir árið 1997.
Ákveðið hefur verið að breyta
bókhaldi ríkissjóðs með fjárreiðu-
frumvarpi fyrir þingið og breyta
uppsetningu fjárlaganna. Þau eru
ekki lengur sett upp á greiðslu-
grunni heldur á rekstrargrunni.
Skuldbindingar eru settar inn ár-
lega þannig að inn í grunninn eru
settir áfallnir en ógreiddir vextir.
í annan stað verður ráðist í að
breyta lögum um Lífeyrissjóð
opinberra starfsmanna. Þar bíður
risavaxið verkefni því ætla má að
einhverja áratugi taki að rétta af
halla lífeyrissjóðsins.
Sjaldan hefur skapast jafn gott
tækifæri til að ráðast gegn ríkis-
sjóðshallanum. Raunar orðaði
fjármálaráðherra það svo að ef
ekki nú, þegar þjóðin byggi við
uppsveiflu í efnahagslífinu, hve-
nær ætluðu menn þá að ná tökum
á hallarekstri ríkissjóðs? Róðurinn
verður hins vegar örugglega afar
þungur þar sem ekki er útlit fyrir
að neitt lát verði á kröfum á hend-
ur ríkissjóði.
KB