Morgunblaðið - 20.09.1996, Blaðsíða 25

MORGUNBLAÐIÐ
FÖSTUDAGUR 20. SEPTEMBER 1996 25
LISTIR
Ráðstefna í Þjóðminjasafninu á menningararfsdegi Evrópu
Kynna menningararfinn
AÐILDARLÖND Evrópuráðsins
hafa á síðustu árum haldið svo-
nefnda Menningararfsdaga Evrópu
í septembermánuði, „European
Heritage Days“. Evrópuráðið átti
frumkvæði að þeim með stuðningi
Evrópusambandsins. Fyrstu Menn-
ingararfsdagar voru haldnir 1991.
Þá tóku 11 lönd þátt í þeim og
hefur þeim farið sífjölgandi sem
tekið hafa þátt í þessu samstarfi.
A árinu 1995 voru löndin 34 en í
ár er búist við að 40 Evrópulönd
haldi Menningararfsdaga, einn eða
fleiri. Var formleg opnunarhátíð í
Kaupmannahöfn 13. september s.l.
menningarborg Evrópu í ár.
„Tilgangur Menningararfsdaga
Evrópu er að vekja þjóðir álfunnar
til frekari skilnings og áhuga um
þjóðlegan menningararf sinn og
varðveislu hans, efna til umræðu
um hann og meta vægi hans fyrir
þjóðmenningu hvers lands og
hvernig honum verði best borgið
til framtíðar", segir í kynningu.
Efni Menningararfsdaganna er
misjafnt eftir löndum og þau hafa
sjálfræði um val. íbúar landanna
eru þá hvattir til að skoða og kynn-
ast menningarminjum sínum, hvort
sem er í söfnum eða fastar forn-
minjar og læra að meta þær og
vekja þannig áhuga sem flestra til
að vernda þjóðmenningu landanna.
Minnt er á eyðingu menningar-
minja af völdum styijalda svo og
allt það sem fórnað er vegna fram-
kvæmda, sem nauðsynlegar þykja
fyrir framþróun í hinum tækniv-
æddu þjóðfélögum.
Ákveðið hefur verið að ísland
efni héðan í frá til slíks Menningar-
arfsdags Evrópu og verður hinn
fyrsti haldinn í dag kl. 13.15 —
16.45 á vegum Þjóðminjasafns ís-
lands með ráðstefnu í safninu. Þar
verður fjallað um starfsemi og
markmið þjóðminjavörslunnar, en
meginefnið verður að kynna og
fjalla um nýja stefnumótun Þjóð-
minjasafnsins og þjóðminjavörsl-
unnar í heild, sem unnið hefur ver-
ið að að undanförnu. Mun Björn
Bjarnason menntamálaráðherra
flalla þar um íslenska menningu
sem hluta evrópskrar menningar-
arfleifðar og Sturla Böðvarsson for-
maður Þjóðminjaráðs fjalla um
stefnumótunina. Runólfur Smári
Steinþórsson lektor mun kynna og
skýra nýtt stjórnskipulag Þjóð-
minjasafnsins og einstakir starfs-
menn safnsins munu fjalla um og
kynna stefnu þess í söfnun og varð-
veislu, rannsóknum, kynningu og
fræðslu og fjármálum og þjónustu.
Að auki munu þátttakendur utan
safnsins sem starfað hafa að minja-
vernd, fræðslu og rannsóknum
segja álit sitt og hvers þeir vænti
af Þjóðminjasafni og forystu hins
opinbera í því efni.
Tími verður fyrir fijálsar umræð-
ur og fyrirspurnir. Ráðstefnan verð-
ur ókeypis og aðgangur öllum heim-
ill.
Dagskrá
ráðstefnunnar
Dagskrá ráðstefnunnar verður sem
hér segir:
Kl. 13.15 Tónlistarflutningur,
Camilla Söderberg blokkflautur,
Snorri Öm Snorrason lúta. Kl.
13.30 Þór Magnússon þjóðminja-
vörður, setning. Kl. 13.45 Björn
Bjarnason menntamálaráðherra:
íslensk menning sem hluti evróp-
skrar menningararfleifðar. Kl. 14
Sturla Böðvarsson formaður Þjóð-
minjaráðs: Stefnumótun Þjóðminja-
safns og Þjóðminjavörslunnar. Kl.
14.15 Runólfur Smári Steinþórs-
son: Nýtt stjórnskipulag Þjóðminja-
safnsins. Kl. 14.30 Sverrir Kristins-
son formaður Minja og sögu:. Við-
horf og væntingar áhugamanns til
safna og minjaverndar. Kl. 14.45
Fyrirspurnir og umræður. Kl. 15
Kaffihlé. Kl. 15.20 Lilja Árnadóttir
safnstjóri: Söfnunar- og varðveislu-
stefna Þjóðminjasafns. Kl. 15.30
Árni Björnsson útgáfustjóri: Rann-
sóknarstefna Þjóðminjasafns. Kl.
15.40 Þóra Kristjánsdóttir listfræð-
ingur: Kynningar- og fræðslustefna
Þjóðminjasafns. Kl. 15.50 Guðrún
Fjóla Gránz fjármálastjóri: Fjár-
mála- og þjónustustefna Þjóðminja-
safns. Kl. 16 Orri Vésteinsson forn-
leifafræðingur: Fornleifaskráning
og fornleifarannsóknir. Kl. 16.10
Þórður Tómasson safnstjóri: Hlut-
verk byggðasafns í minjavörslu.
Kl. 16.20 Fyrirspurnir og umræð-
ur. Kl. 16.45 Ráðstefnuslit.
Ráðstefnustjóri er Kristinn Magn-
ússon deildarstjóri. Ráðstefnan hefst
sem fyrr segir í dag kl. 13.15.
Tónleikar
fyrir börn í
Gerðubergi
Hermes
UM helgina mætir tónsmiðurinn Her-
mes á ný til leiks í Menningarmiðstöð-
inni Gerðubergi og heldur tónleika
fyrir böm. Á efnisskrá hafa verið
klassískar og nýjar
tónsmíðar og hafa
margir þekktir tón-
listarmenn verið
gestir Hermesar.
Síðastliðið vor
flutti Hermes nýja
efnisskrá sem nú
verður tekin upp
að nýju og flutt á
nokkrum tónleik-
um. Á þeirri efnisskrá er frumstæð
tónlist og þjóðlög frá ólíkum heims-
hornum. Hermes leikur á suðuram-
erískar flautur, afríkönsk ásláttar-
hljóðfæri, kínverskar pípur, frum-
stætt ástralskt hljóðfæri „Didjeridu“
skjaldbökuskel og hefðbundin klass-
ísk hjóðfæri.
í gervi Hermesar er Guðni
Franzson klarinettuleikari en sér-
stakur gestur Hermesar á þessum
tónleikum verður gítarleikarinn Ein-
ar Kristján Einarsson.
Tónleikarnir verða kl. 15 laugar-
daginn 21. og sunnudaginn 22. sept-
ember. Miðaverð er kr. 400.
Guffi fer í fríið
KVIKMYNDIR
Bíóhöllin, Bíöborg-
in, Nýja Bíó Kcflavík
GUFFAGRÍN ★ ★
íslensk talsetning. Leikstjóm: Stein-
unn Ólína Þorsteinsdóttir. Þýðing:
Ólafur Haukur Símonarson. Raddir:
Karl Ágúst Úlfsson, Sturla Sighvats-
son, Ester Casey, Ólafur Egilsson,
Steinn Armann Magnússon og Björg-
vin Gíslason. Walt Disney. 1996.
GUFFI er ein af skrautlegri
persónum Disneyfígúranna og
hefur nú eignast heila bíómynd
um sig sem heitir Guffagrín og
er sýnd með íslensku (og ensku)
tali í Sambíóunum. Á undan henni
er sýnd stutt, hröð og skemmtileg
Mikka mús teiknimynd, og er hún
mun betri en langa myndin (gegn-
umlýsing á Mikka sýnir að heilinn
nær út í eyrun!). íslenska talsetn-
ingin er unnin með ágætum í báð-
um tilvikum en Guffagrín er frem-
ur óspennandi og klisjukennd
teiknimynd. Hún er langt frá því
besta sem Disneyfyrirtækið hefur
gert í teiknuðum ævintýramynd-
um á undanförnum árum.
Helsti gallinn við Guffagrín er
barnalegt og einfeldningslegt
handritið. Guffí er þessi hallæris-
legi faðir sem menntskælingurinn
sonur hans skammast sín enda-
laust fyrir. Soninn dreymir amer-
íska drauminn bjarta um frægð
og frama til að ná athygli sætustu
stelpunnar í skólanum og leggur
allt uppúr því að vera viðurkennd-
ur sem aðalnúmerið í skólanum.
Guffi gamli eyðileggur gersam-
lega þá ímynd sveitamannslegur
og ósvalur með öllu, nokkuð sem
á sjálfsagt við um marga foreldra
í augum bama þeirra. Guffa tekst
að draga drenginn sinn nauðugan
viljugan með sér í ferðalag um
Bandaríkin þver og endilöng í til-
raun til að lappa uppá samband
þeirra feðga en allt virðist unnið
fyrir gýg.
Þýðing Ólafs Hauks Símonar-
sonar er unnin með mestu ágætum
og stundum skemmtilega stað-
færð, Karl Ágúst Úlfsson er
Guffalegur í röddinni og Sturla
Sighvatsson gerir margt gott sem
sonurinn Max. En sagan um
frægðardrauma Max er ómerkilegt
amerískt glundur og sambandið
milli Guffa og Max er andlaust og
klisjukennt og óþarflega væmið.
Söngatriðin, sem oft eru hjartað
og sálin í Disneymyndunum, eru
heldur ekkert til að hrópa húrra
fyrir. Til að hressa uppá söguþráð-
inn eru þeir feðgar settir í ýmsar
spaugilegar kringumstæður. Þeir
hitta fýrir sérlega líflegan Stórfót
og hendast niður flúðir og fossa.
En sagan nær aldrei neinu raun-
verulegu flugi. Hún er mjög hlaðin
uppeldisgildum um sanna ást og
vinskap foreldra og barna en hefur
ekki neitt nýtt fram að færa held-
ur keyrir þvert á móti á gömlum
lummum.
Arnaldur Indriðason
NYJU NILFISK RYKSUGURNAR HAFA FEIKNA SOGAFL
OG FULLKOMNASTA SÍUNARBÚNAÐ SEM VÖL ER Á*
Nilfisk AirCare Filter® Með 2ja laga pappírspoka, grófsíu
og HEPA-síu heldur Nilfisk eftir 99,997% allra rykagna
sem eru stærri en 3/10.000 úr millimetra (0,3 my).
*l sænskri neytendaprófun (Konsumentverket) á 11 þekktum ryksugum var
Nilfisk með HEPA-síu sú eina sem fékk toppeinkunn fyrir síunarhæfni.
NY NILFISK - NU A FRABÆRU TILBOÐSVERÐI
NILFISK gerð »» GM-300 GM-310 GM-320 GM-330
Verðlistaveró 24.750 28.400 31.350 3X920
Afsláttur 4.760 4.120 4.550 4.920
Nú aðeins stgr.
19.990
24.280 26.800
29.000
3ja
ara abyrgS
Val um 4 gerðir og 4 liti.
Fáðu þér nýja Nilfisk -
og þú getur andað léttar!
/rOmx
HÁTÚNI SA REYKJAVÍK SÍMI552 4420

e. fjíáiiur
Veit'ingast'aðurirm Samurai heldur upp á
tveggja ára afmæWð með jpví að bjóða 25°/o afslátt
af öllum réttum á matseðlinum dagana 22.~24". september.
Ennfremur verða sérstakir afmælisréttir á vúdarverði.
Mi&sið ekki af ’tækifærinu.
Hittumst á Samurai
íngólfs&t’ræt'i 1a (beint á móti í&lensku óperunni),
eími 551 7770, fax 507 9009.