Morgunblaðið - 20.09.1996, Blaðsíða 48
48 FÖSTUDAGUR 20. SEPTEMBER 1996
MORGUNBLAÐIÐ
Dýraglens
IFORJÚ/U 06 HORfUM A
'6TJ&KAHA STökjo/A
' NBh
'Takk!
"§1 ÍM//EKkf?FR0SKA\ [fGHÆTT/AÐhím
6TÖ/CÍ E£ þJÓ£>AR ) IETT/K AP þElft
\F6rO íUERKFALL
ÍþRÓTTOKX/lP f
T
Tommi og Jenni
H^EINSOM
TEPPA /
Ljóska
Ferdinand
Smáfólk
Til hvers
stoppaðirðu?!
BREF
HL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
V eiðimaðurinn,
rottan og mannúðin
Frá Jóni Hjaltasyni:
ÉG ÆTLA að gera játningu, jafn-
vel leggja fram ákæru. Þannig er
mál með vexti að ég fór hér á
dögunum í veiðiferð með dóttur
minni. Þetta væri svo sem ekki í
frásögur færandi nema fyrir mik-
inn hörmungaratburð er ég varð
valdur að þennan dag.
Við höfðum unað okkur þægi-
lega í fjörunni nokkra stund þegar
ég sá allt í einu hvar stór rotta
kom hlaupandi. Af gamalli eðlisá-
vísun (sem ég skammast mín fyr-
ir) lagði ég þegar til atlögu. Fyrst
reyndi ég að grýta kvikindið, síðan
að slá til þess með kústskafti sem
rekið hafði í fjöruna, seinast greip
ég í skottið á dýrinu og hóf það
upp með þeim einlæga ásetningi
að beija því við næsta stein. Sett-
ust þá um mig svo miklir bakþank-
ar að ég hikaði fáein augnablik.
Skyldi það nú teljast mannúðlegt
að aflífa dýrið með þessum hætti?
Ég svipaðist um eftir farsímanum,
ætlaði að hringja í ráðuneytið, síð-
an veiðimálastjóra og seinast yfir-
refavin, Sigurð Hjartarson, að
spyija ráða. Einnig flaug mér í
hug að hóa í dýralækni og biðja
um rottuaflífun.
Mitt í þessum þönkum vindur
rottan upp á sig, glefsar í mig og
ég missi takið. Hún tekur þegar á
rás og í æsingnum missi ég stjórn
á mannúð minni og grýti á eftir
henni oddhvössu gijóti. Og hvað
haldið þið; steinninn kemur niður á
miðjan hrygg dýrsins og drepur það.
Ég sver að þetta voru ósjálfrögð
viðbrögð en ég er reiðubúinn að
taka út refsinguna mína, ég játa
það líka að faðir minn á byssu sem
ég hefði getað beðið hann að koma
með.
Svo legg ég þetta mál í hendur
almennings og annarra dómstóla
í þeirri von að heit iðran mín megi
þvo kám syndarinnar af hjarta
mínu og sál. Mér til málsbóta hef
ég ekki annað en að ég veitti rott-
unni kristilega jarðarför - og hitt
að líklega á rottan, blessuð sé
minning hennar, ekki ættir að
rekja til frumbyggja íslands, þó
veit maður aldrei.
Einn iðrandi rottudrepir.
JÓN HJALTASON,
Byggðavegi 101, Akureyri.
Sjómannaskattur
Frá Björgvini Þór Hólm:
ÉG LAS grein í Morgunblaðinu
laugardaginn 7. september eftir
Gylfa Þ. Gíslason um auðlinda-
skatt (veiðileyfagjald) á sjávarút-
veginn. Hún var eitthvað á þá leið
að setja ætti auðlindaskatt (veiði-
leyfagjald) á veiðiheimildir og nota
þá peninga til þess að hækka per-
sónufrádrátt um 750 krónur á
mánuði, fyrir einstakling, það að
segja að setja aukaskatt á sjávar-
útveg til að auka kaupmátt al-
mennings. í fyrstu er þessi hug-
mynd heillandi, en skoðum þetta
nánar. Ef ekki væru til sjómenn
sem hafa tekjur sínar af sjónum,
þá væri þetta í raun frábær hug-
mynd, en hún er það ekki, hún er
í raun svipað dæmi og ef ég myndi
leggja til að það ætti að setja
aukaskatt á alla ríkisstarfsmenn
til þess að hækka persónufrádrátt
fyrir alla aðra.
Þegar allt kemur til alls þá lend-
ir þessi skattlagning alfarið á sjó-
mönnum, samanber þáttöku sjó-
manna í kvótaviðskiftum. Ef á að
kaffæra sjávarútveginn með
skattlagningu sem er alveg nóg
fyrir þá geta sjómenn engan veg-
inn vænst betri aðbúnaðar um
borð í íslenskum fiskiskipum og
hvað þá sótt um einhveijar kjara-
bætur.
Um daginn var 1% þróunar-
sjóðsgjald sett á sjávarútveginn
sem er aukaskattur á sjávarútveg-
inn, en það sem kom mér mest á
óvart var að hvorki LIÚ né for-
ysta sjómanna skyldi mótmæla
þessu gjaldi. Það er ekkert annað
en aukaskattur á sjávarútveginn,
því að allir aukaskattar á sjávar-
útveg umfram aðrar greinar at-
vinnulífs skerða afkomu útgerða
og sjómanna. En ég er sammála
umræddum greinarhöfundi að
núverandi kerfi er með öllu óþol-
andi.
BJÖRGVIN ÞÓRHÓLM,
Víkurbraut 50, Grindavík.
Hvað skal segja? 17
Væri rétt að segja: Ráðgert er að byggja þangað veg?
Svar: Vegir eru ekki byggðir, heldur lagðir eða gerðir; flugvell-
ir eru gerðir; en brýr eru smíðaðar, einnig skip og flugvélar; og
hús eru smíðuð eða reist, jafnt steinhús sem önnur. Því væri rétt
að segja: Ráðgert er að leggja þangað veg.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.