Morgunblaðið - 22.09.1996, Blaðsíða 9
MORGUNBLAÐIÐ
SUNNUDAGUR 22. SEPTEMBER 1996 9
's
FRETTIR
Morgunblaðið/Kristján Þ. Jónsson
VARÐSKIPIÐ Óðinn heldur úr höfn í Tromsö á morgun eftir
að hafa sótt þangað eldsneyti og vistir.
19 íslensk skip eftir í Smugunni
Oðinn sækir vist-
ir til Noregs
VARÐSKIPIÐ Óðinn kom til hafn-
ar í Tromsö í Noregi í fyrradag
eftir tveggja sólarhringa siglingu
úr Smugunni. Skipið hreppti afar
slæmt veður á leiðinni að sögn
Helga Hallvarðssonar, skipherra
hjá Landhelgisgæslunni, en komst
klakklaust til hafnar.
„Sjór var þungur og veður
slæmt og íslensku skipin héldu
sjó, en almennt séð hafa þeir ver-
ið heppnir með veður seinustu vik-
ur,“ segir hann.
Ásgeir Arnarson háseti á Óðni
segir veðurofsann ekki hafa tafið
för skipsins þar sem ágjöf og
hvassviðrið hafi komið á skipið að
aftanverðu, en „við gengum hér
nærri því á þiljum og lofti meðan
á þessu stóð, skipið valt svo mik-
ið,“ segir hann.
Helgi segir að Óðinn hafi haldið
til hafnar til að sækja vatn, olíu
og vistir, auk þess að „leyfa áhöfn-
inni að stíga fæti á fasta jörð“,
segir hann. Skipið heldur út aftur
á sunnudag, en mánuður er síðan
það sigldi í Smuguna.
40 tilvik á mánuði
Helgi segir að læknirinn um
borð hafi sinnt um 40 sjúkdómstil-
fellum á þeim tíma, bæði í vitjun-
um og í gegnum talstöð. Hann
segir öll tilvikin hafa verið minni-
háttar.
„Veiði hjá íslensku skipunum
hefur verið misjöfn. Þegar Óðinn
kom í Smuguna voru þar 53 skip
FROSTI ÞH á veiðum í Smug-
unni fyrir skömmu, en varð-
skipsmenn hafa sinnt veiðieft-
irliti hjá sex skipum seinustu
vikur.
en nú eru þau 19 og veiði hefur
verið mjög dræm, fyrir utan smá-
lífsvott öðru hveiju, kannski 8-10
tonn í einu. Þá hafa menn hrúgast
á viðkomandi blett og verið fljótir
að þurrka upp þann fisk sem þar
er að hafa,“ segir Helgi.
Varðskipsmenn hafa farið um
borð i sex íslensk skip á liðnum
mánuði til að sinna veiðieftirliti
fyrir Hafrannsóknastofnun og
segir Helgi að fiskurinn hafi í öll-
um tilvikum verið vænn og stór.
Samskiptin við norsk eftirlitsskip
hafa verið góð, að sögn Helga.
Málefna-
samningur
kynntur
Borgarnesi
Drög að málefnasamningi um
meirihlutasamstarf Framsóknar-
flokks og Sjálfstæðisflokks í Borg-
arbyggð hafa verið lögð fyrir full-
trúaráð Sjálfstæðisflokksins og
verða lögð fyrir fulltrúaráð Fram-
sóknarflokksins í kvöld.
Að sögn Sigrúnar Símonardótt-
ur, fulltrúa sjálfstæðismanna, hefur
ekkert það komið fram í viðræðum
manna sem dregur úr líkum á að
samstarf takist milli flokkanna.
Meirihlutasamstarf þessara flokka
felur í sér sjö af níu fulltrúum í
bæjarstjórn Borgarbyggðar. í
júní síðastliðnum var kosið nýtt
bæjarráð í Borgarbyggð til eins árs
og nú er spurningin hvað tekur við
þegar nýr meirihluti hefur verið
myndaður. Forseti bæjarráðs er
Jenni Ragnar Ólason fulltrúi Al-
þýðubandalagsins, sem sleit meiri-
hlutasamstarfi við Framsóknar-
flokkinn. Að sögn Sesselju Árna-
dóttur, lögfræðings í félagsmála-
ráðuneytinu, er ekkert beint ákvæði
í sveitarstjórnarlögum sem segir að
fulltrúar eigi að víkja sæti í tilvikum
sem þessum. „Ef samkomulag er
um að skipta um menn í bæjarráði
er ekkert því til fyrirstöðu," sagði
hún. „En menn verða fyrst að gera
það upp við sig áður en aðrir gera
það hvort þeir sitji áfram.“ Komi
tii ágreinings er honum vísað til
úrskurðar í ráðuneytinu."
----»-»'•■♦-
Busaball fór
úr böndum
BUSABALL hjá einum framhalds-
skólanna síðastliðið fimmtudags-
kvöld fór verulega úr böndunum að
mati lögreglu. Leyfilegur gestaíjöldi
var 700 en útgefnir aðgöngumiðar
miklu fleiri. Auk þess var ástand
unglinganna talið miður gott og
engin aðstaða til að hlúa að þeim
ofdrukknu.
Lögregian telur að ástandi hafi
verið ábótavant á sumum skóla-
skemmtunum það sem af er þessu
skólaári og segir brögð að því að
hópar nemenda leigi sér aðstöðu til
fordrykkju áður en þær heijast. Þá
er áhersla lögð á að skólar sem bijóta
skilyrði sem sett eru við veitingu leyf-
is til skemmtanahalds fái ekki annað
slíkt nema að vel athuguðu máli.
Sameinaðir verktakar 30 ára
Eyþór Þórðarson
tók saman sögu
fyrirtækisins
ÚT ER komin bókin Saga samein-
aðra verktaka 1951-1981 í saman-
tekt Eyþórs Þórðarsonar. Útgefandi
er Sameinaðir verktakar hf.
í bókinni er rakin byggingarsaga
Keflavíkurflugvallar og þáttur Is-
lendinga í mannvirkjagerð á varnar-
svæðinu á árunum 1951-1957.
Einnig er rakin forsaga þeirra fram-
kvæmda frá því að Bandaríkjamenn
hófu flugvallágerð á Suðurnesjum
árið 1941. Sérstaklega er fjallað
um stofnun Sameinaðra verktaka
sf. og verktakaframkvremdir á
Keflavíkurflugvelli á árunum
1951-1957.
Eftir gerð varnarsamningsins
árið 1951 hófust umfangsmiklar
framkvæmdir á vegum Bandaríkja-
hers á Keflavíkurflugvelli. íslensk
stjórnvöld beittu sér fyrir því að
byggingar þar væru háðar íslensk-
um byggingarreglum og fram-
kvæmdir væru að hluta í höndum
íslendinga. Til að tryggja að Islend-
ingar tækju að sér framkvæmdir
og koma í veg fyrir að.iðnaðarmenn
og verktakar kepptu
innbyrðis um útboð var
ákveðið að stofna frjáls
og opin samtök iðnaðar-
manna og verktaka sem
störfuðu sem undir-
verktakar bandarískra
aðalverktaka.
Sameinaðir verktakar
sf. voru stofnaðir í þessu
skyni og áttu þátt í mikl-
um framkvæmdum á
Keflavíkurflugvelli er
brátt varð stærsti vinnu-
staður landsins. Voru
um tíma 1.100 manns í
vinnu hjá Sameinuðum
verktökum úr öllum
landshlutum. Stórfram-
kvæmdir á Keflavíkurflugvelli urðu
til að færa þekkingu á nýrri verk-
tækni til landsins. Þar var einnig
bryddað upp á nýjungum í aðbúnaði
og tómstundastarfi starfsmanna
ásamt náms- og kynnisferðum
starfsmanna til Bandaríkjanna.
Hér er rakin saga framkvæmda
Sameinaðra verktaka uns þeim var
hætt er ný skipan framkvæmda var
tekin upp árið 1957. Rakin er í sér-
stökum ritaukaþáttum þróun Sam-
einaðrá verktaka eftir að félagið var
eignarhaldsfélag með
hlutdeild í Islenskum
aðalverktökum hf.
Bókin er prýdd
fjölda mynda og í
henni eru birtar at-
hyglisverðar frum-
heimildir um stofnun
og starfsemi Samei-
naðra verkíaka og
framkvæmdir á Kefla-
víkurflugvelli sem ekki
hafa áður komið fyrir
almenningssjónir.
Bókin er gefin út af
Sameinuðum verktök-
um og verður dreift til
hluthafa á sérstökum
hátíðarfundi í tilefni
af 45 ára afmæli félagsins þann 22.
september.
Höfundur bókarinnar Eyþór Þórð-
arson starfaði sem vélaeftirlitsmað-
ur á Keflavíkurflugvelli um 34 ára
skeið en er nú starfsmaður Þjóð-
skjalasafns Islands. Hann hefur um
langt skeið aflað gagna um sögu
Keflavíkurflugvallar. Eftir hann
liggja einnig fjölmargar greinar um
atvinnusögu Suðurnesja.
Bókin verður fyrst til sölu hjá
Bókabúð Lárusar Blöndal.
Eyþór
Þórðarson
Stökkpallur til
Edinboraar
rg er eng
sældir, fegurð,
erðlag.
Nú er að hrökkva eða stökkva.
Við setjum nokkur síðustu sætin
i eftirtaldar ferðir til Edinborgar
á sannkölluðu Stökkpallsverði.
5,- 6.10. 1 nótt 16sæti 18.500 kr.
5. -13.10. 8 nætur 11 sæti 32.900 kr.
6. -13.10. 7 nætur 20sæti 28.900 kr.
11. -13.10 2 nætur 20sæti 22.900 kr.
13. -17.10 4 nætur 18sæti 25.900 kr.
20. - 24.10. 4 nætur 23 sæti 25.900 kr.
27. - 29.10. 2 nætur 15 sæti 22.900 kr.
27. - 31.10. 4 nætur 12 sæti 25.900 kr.
InnifaLið í verði: Flug, gisting, islensk fararstjórn, ferðir til og frá flugveLLi í Edinborg og skattar.
Uppselt er í eftirtaLdar ferðir tiL Edinborgar:
3., 4., 10., 17., 18. og 24. október
og 1. nóvember.
• Þú velur þér brottfarardag til Edinborgar.
• Þú greiðir staðfestingargjald við pöntun.
• Við staðfestum flugsætin.
• Við ábyrgjumst vandaða gistingu.
• 10 dögum fyrir brottför staðfestum við nafn
gististaóar í Edinborg.
Edinborgarferðir frá Akureyri:
i 17.10. 8 sæti laus
i 22.10. 22 sæti laus
ÚRVAL ÚTSÝN
Lágmúla 4: sími 569 9300,
Hafnarfirði: sími 565 23 66, Keflavík: sími 421 1353,
Selfossi: sími 482 1666, Akureyri: sími 462 5000
- og hjá umboðsmönnum um land allt.
3B (D QATLAS^
Vorum að taka upp nýja sendingu
/Ce
TISKUVERSLUN
Kringlunni 8-12 sími: 553 3300