Morgunblaðið - 25.09.1996, Blaðsíða 31
MORGUNBLAÐIÐ
MIÐVIKUDAGUR 25. SEPTEMBER 1996 31
f
i
i
j
i
i
i
«
;
1
i
i
Stofnfundur Hrossaræktarsamtaka Suðurlands
Eiuliugiir um leigu og
rekstur á stóðhestastöðinni
Morgr.blaðið/Valdimar Kristinsson
FUNDARMENN voru einhuga um að leigja beri stóðhestastöðina í Gunnarsholti.
MARGVÍSLEG verkefni bíða nýkjörinnar stjórnar Hrossaræktarsamtaka Suðurlands en þar ber
hæst leiga á stóðhestastöðinni. Sljórnina skipa f.v. talið Rútur Pálsson, Ingimundur Vilhjálmsson,
Gunnar Dungal, Kristinn Guðnason formaður, Ólafur Einarsson, Sigurþór Gislason og Már Ólafsson.
HESTAR
Selfoss
STOFNFUNDUR
HROSS ARÆKTARSAM-
TAKASUÐURLANDS
Hrossaræktarsamtök Suðurlands
voru stofnuð á sunnudag með sam-
runa Hrossaræktarsambands Suður-
lands og deildum Félags hrossa-
bænda á Suðurlandi. Formaður Fé-
lags hrossabænda Bergur Pálsson
setti og stjórnaði stofnfundinum.
ALMENN sátt virðist ríkja með-
al hrossarlæktarmanna sunnan-
lands um þennan samruna og menn
bjartsýnir á að þetta skref muni
efla hrossaræktina í þessum lands-
hluta ennfrekar.
Þéttbýlisbúar með í leiknum
Eftir nokkra umræðu en litlar
athugasemdir eða breytingar við
tillögu að lögum samtakanna voru
þau samþykkt samhljóða. I drögum
að lögum var gert ráð fyrir því að
aðeins ábúendur á lögbýlum væru
kjörgengir í stjórn. Þetta hefði þýtt
að þéttbýlisbúar væru ekki gjald-
gengir til stjórnasetu og þótti fund-
armönnum þetta ákvæði ósann-
gjarnt og var það fellt út.
Því næst var kosin stjórn sam-
kvæmt nýsamþykktum lögum og
var Kristinn Guðnason bóndi í
Skarði kjörinn formaður en með
honum munu sitja í stjórn Rútur
Pálsson frá Skíðbakka, Sigurþór
Gíslason frá Meðalfelli, Már Ólafs-
son frá Dalbæ og Ólafur Einarsson
frá Torfastöðum. í varastjórn voru
kjörnir Helgi Eggertsson frá Kjarri,
Gunnar Dungal Dallandi og Ingi-
mundur Vilhjálmsson frá Ytri-
Skógum.
Að loknum kosningum hófst
umræða um það sem mönnum
brann líklega mest í skinni að fjalla
um; Stóðhestastöðin í Gunnarsholti
og framtíð hennar.
Leiga á stóðhestastöðinni
Jón Vilmundarson gerði grein
fyrir athugunum sem hann og aðr-
ir stjórnarmenn Hrossaræktarsam-
bandsins sáluga gerðu á möguleik-
um samtakanna að Ieigja stöðina
og reka næstu árin. Fram kom í
máli Jóns að undirtektir í landbún-
aðarráðuneytinu hafi verið jákvæð-
ar við hugmyndinni. Sömuleiðis
hafi verið kannaðar undirtektir hjá
Landgræðslunni í Gunnarsholti um
að veita aðgang að mötuneyti, beit
fyrir stóðhesta og ýmislega aðra
þjónustu sem fyrirtækið hefur veitt
stöðinni. Voru viðtökur á þá lund
að allar dyr stæðu opnar í þessum
efnum.
Um rekstrarformið sagði Jón að
í fyrsta lagi yrðu þarna til geymslu
hestar í eigu samtakanna og hafn-
ar yrðu þreifingar um sæðistöku
úr hestum. Gat Jón þess að slík
starfsemi myndi geta aukið tekjur
samtakanna af hestum sínum. Góð
aðstaða væri fyrir rannsóknir ýmis-
konar á þessum nótum og yrðu þær
væntanlega reknar í samvinnu við
Bændaskólann á Hólum. Nefndi
Jón þar sérstaklega sæðingar og
fósturvísaflutninga.
Þá yrðu á milli 20 og 30 stóðhest-
ar ungir sem eldri teknir til tamn-
ingar og þjálfunar sem valdir væru
af ráðunautum. Taldi Jón vel koma
til greina að tamningamönnum yrði
leigð aðstaða til þessarar starfsemi
og ynnu þeir sem verktakar á stöð-
inni. Þá væri ónefnd kynning-
arstarsemi ýmiskonar. En blómleg-
ur rekstur stóðhestastöðvar gæti
verið áhugarverður staður fyrir
ferðamenn að skoða.
Samningurinn tilbúinn
Til fjármögnunar starfseminnar
nefndi Jón að þarna mætti reka
sæðingarþjónustu þar sem tekið
væri sæði úr hestum víða að þar
sem eigendur hestanna greiddu
fyrir þjónustuna en fengju sjálfír
tekjurnar af sæðisölunni. Þá yrði
aflað fjár til tilrauna úr ýmsum
sjóðum eins og vísindasjóði, fram-
leiðnisjóði og stofnverndarsjóði.
Einnig er hugsanlegtað fá fjár-
magn gegnum Hólaskóla vegna
rannsóknarverkefna.
Þá kom fram í máli Jóns að tilbú-
inn væru drög að leigusamningi
milli samtakanna og landbúnaðar-
ráðuneytisins sem gæti tekið gildi
1. nóvember 1996 og gilti í fimm
ár en yrði tekinn til endurskoðunar
að ári liðnu. í drögum þessum væri
gert ráð fyrir ársleigu 500 þúsund
krónur og önnuðust samtökin þá
viðhald eignarinnar, fasteignagjöld
og tryggingar. Þessi samningsdrög
yrðu að fundi loknum lögð í hendur
stjómar. Að endingu lagði Jón fram
tillögu þess efnis að fundurinn veitti
stjóminni fullt umboð til að ganga
frá samningum um leigu á stöðinni
og var hún samþykkt.
Tap á stöðinni í fyrra
Haraldur Sveinsson sem sat í
rekstrarstjórn stöðvarinnar síðast
liðinn vetur svaraði fyrirspurnum
um reksturinn í fyrra. Kom fram
að tap hefði orðið, ekki væri vitað
nákvæmlega hversu mikið en hann
taldi að ekki væri um stórar upp-
hæðir að ræða. Sagði Haraldur að
fyrstu tveir mánuðirnir hefðu verið
reknir með tapi og sömuleiðis hefði
verið tap á rekstrinum eftir sýningu
stöðvarinnar í maí og fram að fjórð^f*
ungsmóti. Mánuðina þar á milli
hafi reksturinn verið jákvæður en
eftirspurn eftir að koma hrossum
þangað var mjög mikil og komust
færri að en vildu að sögn Haralds.
Ahorfendafjöldi stórlega ýktur
Hann sagði ennfremur að í ljós
hefði komið í vor að tölur um áhorf-
endafjölda hefðu verið stórlega
ýktar í gegnum tíðina. Var þar
verið að tala um 3 til 5 þúsund
manns en Haraldur sagði að iífrf°
tólf hundruð mannns hefðu keypt
sig inn í vor og líklega ekki fleiri
en fimmtán hundruð manns á sýn-
ingunni. Þá upplýsti hann að ríkið
skuldaði enn um 25 til 27 milljónir
króna í stöðinni.
í lokin benti Haraldur á að hafa
þyrfti snör handtök ef leigja ætti
stóðhestastöðina í vetur því menn
væru að falla á tíma líkt og í fyrra.
Að síðustu flutti Pál Stefánsson
dýralæknir fróðlega tölu þar sem
hann hvatti menn til dáða til að
hleypa krafti í rannsóknir á sæð-
ingum og djúpfrystingu sæðis og
sagði hann að íslendingar væru
aftarlega á merinni í þessum efnum
og úr því þyrfti að bæta. Skaut
einn gárungur í hópi fundarmanna
því að hvort sæðingar ættu ekki
eðli málsins samkvæmt að vera
aftarlega á merinni. Að því búnu
héldu menn heim á leið glaðir í
bragði eftir vel unnið dagsverk.
Valdimar Kristinsson
Afrekslisti F.E.I.F.
Sigurbjörn efstur
í þremur greinum
SIGURBJÖRN Bárðarson er efstur á af-
rekslista F.E.I.F í þremur greinum af sjö
á listanum. Skýtur hann þar aftur fyrir
sig ekki ómerkari andstæðingum en Jolly
Schrenk Þýskalandi sem er heimsmeistari
í bæði tölti og fjórgangi á Ófeigi hinum
fræga. Þá er hann í öðru sæti í fimm-
gangi. Hestaíþróttasambandið sendi niður-
stöður þriggja móta vegna þessa lista en
lágmark er að árangur á þremur mótum
sé skilað inn. Sé árangur fleiri móta send-
ur inn reiknast aðeins þtjár hæstu einkunn-
ir í hverri grein. Heimsmeistaramótið í
Sviss kemur einnig inn í þetta. Hestaljöldi
hvers knapa er ekki takmarkaður en að-
| eins komast þeir inn á listann sem náð
hafa 5,5 í einkunn. Alls hafa 473 knapar
komist inn á listann að þessu sinni fyrir
árangur á 25 mótum í aðildarlöndum
F.E.I.F.
Nýútgefinn listi inniheldur árangur á
mótum 1995 og 1996 og gæti hann breyst
því ekki er öllum mótum lokið í Evrópu.
Auk Sigurbjörns koma nokkrir Islendingar
við sögu á topp tuttugu listanum. Engir
| íslendingar sem keppa hérlendis eru á list-
anum í 150 og 250 metra skeiði en hinsveg-
ar koma þar sem og annarsstaðar við sögu
Islendingar búsettir erlendis. Athygli vekur
að íslandsmeistarinn í tölti Þórður Þorgeirs-
son er ekki á listanum en skýringuna á því
er sú að hann keppti einungis á einu af
þeim þremur mótum sem send voru héðan.
Skýrir það sjálfsagt einnig fjarveru annarra
góðra keppenda héðan. En röð fimm efstu
manna á listanum er á þessa leið auk stöðu
íslendinga sem komast inn á topp tuttugu
og eru þeir feitletraðir.
Tölt
1. Sigurbjörn Bárðarson, ísl. 8,15.
2. Jolly Schrenk, Þýskal. 7,88.
3. Wolfgang Berg, Þýskal. 7,71.
4. Martin Guldner, Þýskal. 7,38.
4. Johannes Hoyos, Austurr. 7,38.
9. Fríða Steinarsdóttir, ísl. 7,15.
14. Hermann Þ. Karlsson, ísl. 6,88.
Fjórgangur
1. Sigurbjörn Bárðarson, Isl, 7,65.
2. Jolly Schrenk, Þýskal. 7,62.
3. Petra Tropper, Austurr. 6,97.
4. Irene Reber, Þýskal. 6,95.
5. Birgitte Kamus, Austurr. 6,93.
8. Fríða H. Steinarsdóttir, ísl. 6,87.
Fimmgangur
1. Piet Hoyos, Austurr. 7,11.
2. Sigurbjörn Bárðarson, ísl. 7,02.
3. Johannes Hoyos, Austurr. 6,94.
4. Höskuldur Aðalsteinsson, ísl. 6,94.
5. Walter Feldmann^ Þýskal. 6,74.
15. Heiðar Hafdal, Isl. 6,37.
16. Sigurður V. Matthíasson, ísl. 6,36.
20. Hinrik Bragason, ísl. 6,12.
Gæðingaskeið
1. Sigurbjörn Bárðarson, Isl. 8,66.
2. Johannes Hoyos, Austurr. 7,46.
3. Höskuldur Aðalsteinsson, ísl. 7,40.
4. Uli Reber, Þýskal. 7,39.
5. Piet Hoyos, Austurr. 7,25.
6. Arnar Grant, ísl. 7,10.
7. Sigurður V. Matthíasson ísl. 7,04.
8. Gestur Júlíusson, ísl. 6,88.
9. Heiðar Hafdal, ísl. 6,80.
150 metra skeið
1. Jens FTichtenschnieder, Þýskal. 7,45.
2. Gunnar Ö. ísleifsson, Isl. 7,20.
3. Arnar Grant, ísl. 6,82.
4. Tanja Gundlach, Þýskal. 6,58.
5. Sandra Knips-Mai, Þýskal. 6,50.
6. Gestur Júlíusson, ísl. 6,17.
250 metra skeið
1. Höskuldur Aðalsteinsson, ísl. 8,15.
2. Lothar Schenzel, Þýskal. 7,41.
3. Irene Reber, Þýskal. 7,36.
4. Rikke Jensen, Danm. 6,90.
5. Johannes Hoyos, Austurr. 6,84.
Slaktaumatölt
1. Walter Feldmann, Þýskal. 7,39.
2. Reinhard Loidl, Austurr. 7,24.
3. Michela Aðalsteinsson, Austurr. 7,10
4. Johannes Hoyos, Austurr. 6,88.
4. Dorte Mitgau, Þýskal. 6,88.
8. Styrmir Árnason, ísl. 6,72.