Morgunblaðið - 25.09.1996, Side 40
40 MIÐVIKUDAGUR 25. SEPTEMBER 1996
MORGUNBLAÐIÐ
Grettir
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
EINAR Þór Daníelsson, KR, í baráttu um knöttinn við Jón Grét-
ar Jónsson, Val. Fyrir aftan þá er Gylfi Orrason, dómari.
Um dómara
Frá Ernu Einarsdóttur:
KNATTSPYRNA er ein vinsælasta
íþróttagrein sögunnar. Nýafstaðin
Evrópukeppni sýndi vel hve knatt-
spyrna er stór hluti af lífi heilla
þjóða. Flestir voru ánægðir með
framkvæmd hennar en margir lýstu
áhyggjum sinum vegna dómaranna.
Menn gagnrýndu dómgreindarleysi
og geðþóttaákvarðanir þeirra
sumra sem í raun réðu úrslitum i
stórum leikjum. Hlutur dómarans
er stór í knattspyrnunni og skiptir
því miklu að þeir séu undir ná-
kvæmu eftirliti sjálfstæðrar gæða-
og aganefndar. Ahorfendur missa
áhuga á íþróttinni ef duttlungar
dómara ráða fremur úrslitum en
leikni, skipulag og æfingar liðanna.
Silfurfat
Eins og vænta má hafa íslenskir
dómarar líka verið gagnrýndir. Einn
hefur þó verið sýnu umdeildastur í
sumar; Gylfi Orrason. í úrslitaleik
í bikarnum milli ÍBV og ÍA dæmdi
hann vitaspyrnu á Eyjamenn sem
menn hafa ekki getað sætt sig við
þrátt fyrir fjölmargar sjónvarpssýn-
ingar á téðu atviki. Þessi umdeildi
dómur skipti sköpum í leiknum og
færði Skagamönnum bikarinn á
silfurfati. Fleiri dómar Gylfa hafa
þótt vafasamir, en hann kappkostar
að láta að sér kveða sem röggsam-
ur dómari. Hann dæmdi síðast leik
KR og Stjörnunnar um helgina. I
leikslok var staðan 1-1 og Kr-ingar
sáu fram á hreinan úrslitaleik um
Islandsmeistaratitilinn við IA. Þeg-
ar nokkrar mínútur voru liðnar
fram yfir venjulegan leiktíma og
úrslitin í raun ráðin vísaði Gylfi ein-
um besta leikmanni KR, Einari Þ.
Daníelssyni, af leikvelli. Fæstir í
stúkunni skildu upp né niður í þess-
ari ákvörðun og sjónvarpsmyndir
af téðu atviki sýna ekki að Einar
hafí gert sig sekan um brot sem
réttlætti þessa ákvörðun.
Afieiðingar
Þau völd sem dómaraflautan
færir Gylfa Orrasyni virðast hafa
þau áhrif að dómgreind og skilning-
ur á mannlegu eðli hverfur algjör-
lega og knattspynuvellina virðist
hann nota til að leysa persónuleg
vandamál sín. Afleiðingarnar eru
geigvænlegar. Hann brýtur ólög-
lega á leikmönnum sem ekkert hafa
til saka unnið annað en að gefa sig
alla í íþrótt sína. Hann brýtur á
áhorfendum og fylgismönnum lið-
anna sem vilja sjá jafna og drengi-
lega keppni þar sem dómarinn leik-
ur ekki aðalhlutverkið á leikvellin-
um. Hann brýtur á sjálfri knatt-
spyrnunni sem ekki fær að þróast
og blómstra þegar menn eins og
Gylfi Orrason taka sér alræðisvöld
í 90 mínútur.
Það er krafa mín sem áhorfanda
og knattspyrnuunnanda að tekin
verði afstaða til framgöngu Gylfa
á íslandsmótinu í sumar. Væri
hann leikmaður hefði hann ekki
komist í lið en nú er kominn til
tími til að flauta hann endanlega
útaf.
ERNA EINARSDÓTTIR,
Tjarnarmýri 10, Reykjavík.
Hvað skal segja? 21
Væri rétt að segja: Honum hlakkar til jólanna.
Rétt væri: Hann hlakkar til jólanna.
Ég hlakka til jólanna.
Þú hlakkar til jólanna.
Hann hlakkar til jólanna.
Barnið hlakkar til jólanna.
Börnin hlakka til jólanna.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.