Morgunblaðið - 25.09.1996, Blaðsíða 1
Reuter
KNATTSPYRNA
KR-ingar kalla
á Ásmund
KR;INGAR reyna nú allt sem þeir geta til að
fá Ásmund Haraldsson frá Bandaríkjunum til
að koma inn i liðið aftur fyrir Evrópuleikinn á
móti AIK í Stokkhólmi á morgun og eins úrslita-
leikinn við Skagamenn um næstu helgi. Ásmund-
ur er við nám í Bandaríkiunum og leikur knatt-
spyrnu með liði skólans. I gærkvöldi hafði þjálf-
ari skólaliðsins ekki gefíð Asmundi leyfi til að
taka þátt í þessum leikjum og er ástæðan sú að
skólaliðið á að leika mikilvægan ieik á laugar-
daginn. KR-ingar hafa hins vegar ekki gefíð upp
alla von og ætla að reyna til þrautar.
Lúkas Kostic.þjálfari KR, sagðist leggja mikla
áherslu á að fá Ásmund og þá sérstaklega fyrir
leikinn uppi á Skaga þvi Einar Þór Daníelsson
væri I leikbanni. „Það væri gott að fá Ásmund
til Svíþjóðar en ég tel enn mikilvægara að fá
hann í leikmannahópinn fyrir úrslitaleikinn uppi
á Akranesi. Ég vona að málið leysist og við fáum
hann heim,“ sagði Kostic.
KR-ingar halda utan til Stokkhólms í dag,
ásamt 40 stuðningsmönnum. Þeir spila síðari
leikinn við AIK á morgun kl. 17 að íslenskum
tíma. „Ég tel að við eigum enn möguleika á að
komast áfram þrátt fyrir 1:0 tap hér heima. AIK
er ekki svo gott lið að ekki sé hægt að vinna
það. Við munum leika skynsamlega, sterka vörn
og byggja á skyndisóknum,“ sagði Kostie.
Hann sagði að Evrópuleikurinn kæmi ekki til
með aðtnjfla undirbúninginn fyrir úrslitaleikinn
á móti ÍA á sunnudag. „Ég held hins vegar að
Evrópuleikurinn komi til með að dreifa hugan-
um þjá leikmönnum því það er ekki gott að
þurfa að bíða í átta daga og hugsa aðeins um
úrslitaleikinn. Við förum í Evrópuleikinn af full-
um krafti og hugsum ekki um leikinn á móti
Skaganum fyrr eftir hann.“ KR-ingar leika án
Heimis Guðjónssonar og Óskars Hrafns Þor-
valdssonar á móti AIK því þeir eru í leikbanni.
„Léttir að Heimir
leikur ekki með“
„ÉG verð að viðurkenna að líðan mín væri betri
ef við hefðum unnið KR-inga tvö núll í Reykja-
vík. Það er aftur á móti léttir fyrir okkur að
Heimir Guðjónsson er í leikbanni, hann er
stjörnuleikmaður,“ sagði Erik Hamrén, þjálfari
AIK, mótherja KR-inga í Evrópukeppni bikar-
hafa, í viðtali við sænska knattspyrnublaðið
Football Ekstra.
Þegar hann var spurður hve sterkt KR-liðið
væri, sagði hann: „KR-liðið gæti haldið sér uppi
í Allsvenskan. Það er þó erfítt að dæma lið án
þess að hafa séð það Ieika á útivelli. Sóknarleik-
ur er helsti styrkleiki liðsins," sagði Hamrén og
bætti við. „Það er erfittað sækja íslensk lið
heim, þau eru viðráðanlegri þegar þau leika á
útivöllum.“
TORFÆRA
Portúgalskt félag vill fá
íslensku torfærukeppnina
PORTÚGALSKUR akstursíþróttaklúbbur hefur sýnt því áhuga að
fá að skipuleggja torfærumót í Algarve í Portúgal á næsta ári. Klúbb-
ur þessi var stofnaður árið 1920 og hefur skipulagt ýmiss konar
akstursíþróttamót í nágrenni ferðamannabæjarins Algarve. Hefur
klúbburinn þegar átt í samningaviðræðum við Landssamband ís-
ienskra akstursíþróttafélaga vegna þessa máls.
Skamm-
góður
vermir hjá
meisturum
Bayern
RUGGIERO Rizitelli til
vinstri og Christian Ziega
fögnuðu gífurlega þegar
Valencia gerði sjálfsmark á
annarri mínútu í seinni leik
liðanna í 1. umferð Evrópu-
keppni félagsliða á ólympíu-
leikvanginum í Miinchen í
gærkvöldi. Mörkin urðu ekki
fleiri og þar sem spænska
liðið vann 3:0 í fyrri leiknum
eru UEFA-meistararnir úr
leik.
Astæða þess að áhugi Portúgala
kviknar eru sýningar sjón-
varpsstöðvarinnar Eurosport á tor-
færunni. Öll mót ársins hafa verið
sýnd og endurtekin margoft. Evr-
ópubúum hafa líkað aðfarir íslensku
torfærukappanna og í þætti sl.
mánudag lét enskur þulur Speed-
world þáttarins á Eurosport þess
getið að hann væri hissa á því af-
hveiju torfæran hefði ekki náð aug-
um Evrópubúa fyrr. íþróttin væri
ótrúlega tilþrifamikil.
Akstursíþróttaklúbburinn í Port-
úgal hefur sent formlega fyrirspurn
um hve mikið það kosti að fá tor-
færukeppendur til Portúgal, hvað
þurfi að greiða í verðlaunafé og
hvort rétthafar torfærunnar hér-
lendis séu tilbúnir að skrifa undir
a.m.k. fimm ára samning með einka-
rétt á torfærukeppni í Portúgal í
huga. Um síðustu helgi fór fram
Formula 1 kappakstur í Portúgal,
þannig að þar í landi er mikill áhugi
á akstursíþróttum og peningar lagð-
ir í akstursíþróttir. Á hverju ári er
haldið heimsmeistaramót í rallakstri
og bílkrossi í landinu og eiga Port-
úgalir marga þekkta ökumenn á
heimsvísu.
„Viðræðumar eru á samningsstigi
og hefur verið rætt um að halda tvær
umferðir í óopinberu heimsmeistara-
móti í Portúgal og tvær á íslandi.
Þeir vilja fá 25 keppnisbíla og 150
manna starfslið til að halda mótin.
Hugsunin hjá ferðamálayfirvöldum
er að laða að ferðamenn á þessi
torfærumót og reiknað er með 30-
40.000 áhorfendum ef af verður,“
sagði Bragi Bragason framkvæmda-
stjóri LÍA í samtali við Morgunblað-
ið. „Þetta gæti verið vísir að Evrópu-
móti í torfæru en fleiri aðilar í Evr-
ópu hafa sýnt torfærumótum áhuga.
Ef af slíku verður þá mun alþjóða
samband akstursíþróttamanna að-
stoða við skipulag mótanna. Flutn-
ingur á keppnisbílum og starfs-
mönnum mun kosta a.m.k. 10 millj-
ónir og við erum að skoða hvað
hægt er að selja torfærupakkann á
svo allir verði ánægðir,“ sagði Bragi.
Leikirnir/C2
KNATTSPYRNA: SKAQAMENN BESTIRI SiÐARI UMFERÐISLANDSMOTSINS / C4