Morgunblaðið - 25.09.1996, Blaðsíða 2
2 D MIÐVIKUDAGUR 25. SEPTEMBER 1996
MORGUNBLAÐIÐ
FRÉTTIR
ÍSLENSKIR STAFIR Á TÖLVUPÓST SKIPA
• SKIP fjarri íslandsströnd-
um geta brátt farið að senda
og taka á móti tölvupósti með
íslenskum stöfum. Póstur og
sími kynnti þessa nýju þjón-
ustu í bás sínum á sjávarút-
vegssýningunni i gær og tóku
þeir Halldór BlöndaL sam-
gönguráðherra, og Ólafur
Tómasson, póst- og símamála-
stjóri, þátt í þeirri kynningu.
Hugbónaðarkerfið er hannað
af Netverki hf.
Tölvupósturinn er sendur í
gegnum gervitungl á sama
hátt og fax og skeytasending-
ar, sem hafa verið algengar í
nokkurn tíma. Með þessari
þjónustu opnast þægilegur
möguleiki fyrir sjómenn á út-
hafsveiðum til að fá fregnir
af fjölskyldu sinni á einfaldan
hátt. Einnig verður hægt að
tengja upplýsingakerfi skipa
beint við Fiskistofu og upplýs-
ingakerfi útgerða. Rekstrar-
öryggi þjónustunnar er mjög
mikið og kvittun verður gefin
þegar sending kemst til skila.
Morgunblaðið/Árni Sæbcrg
Hoiberg Másson, eigandi
Netverks segir að tvö erlend
símafélög hafi þegar spurzt
fyrir um kerfi af þessu tagi,
annað í ervópu, hitt í Suður-
Kóreu. Sama vandmál hefur
verið með bæði rússneska bók-
starfi og kóreska og þá ís-
lenzku. Kerfí af þessu tagi er
þegar komið í 15 skip í Kyrra-
hafi frá útgerðunum Dalmor,
UTRF og Akros. Kerfið verur
sett upp i mörgum skipum til
viðbótar í vetur.
Heildarsalan um
29 miUjónir króna
GENGIÐ var frá
ijölda sölusamninga á
bás ísgata hf. á sjáv-
arútvegssýningunni í
Laugardal. ísgata hf.
selur ýmsan búnað
fyrir loðnuveiðiskip og
segir Helgi Thorsteinsson, framkvæmdastjóri fyrirtækisins, mikillar bjart-
sýni gæta innan greinarinnar.
ísgata hf. gerði fjölda
samninga á íslensku
sjávarútvegssýningunni
Meðal þess sem ísgata sýndi á
sýningunni voru Petrel-þilfarskran-
ar og fiskidælur, sem dæla um
4.000 tonnum á klukkutíma. Þá
sýndi fyrirtækið einnig ítalska þil-
farskrana með útskotsbómu.
Helgi segir að sýningin hafi ver-
ið mjög góð og salan hafi orðið mun
betri en hann hafi þorað að gera
sér vonir um. „Heildarsalan hjá
okkur hefur líklega verið um 29
milljónir króna. Meðal annars var
á sýningunni skrifað undir samning
við ísfélagið hf. í Vestmannaeyjum
sem keypti hjá okkur þijár kraft-
blakkir en þeir eiga eina fyrir. Við
seldum einnig þilfarskrana til Bergs
VE frá Eyjum og fiskidælu, nóta-
leggjara og kraftblökk um borð í
Örn KE sem er núna í breytingum
í Póllandi."
Bjartsýni hefur aukist
„Sýningin er mjög góð og áhug-
inn er mikill. Ég var til dæmis
staddur á sýningunni í Bella Center
í fyrra og þetta er miklu öflugri
sýning að mínu mati. Við höfum
orðið varir við mun meiri bjartsýni
í þessum geira en til dæmis á sjávar-
útvegssýningunni 1993. Undirtekt-
ir hafa verið geysilega góðar og
útgerðarmenn koma hingað til að
verlsa í mun meiri mæli en á síð-
ustu sýningu," segir Helgi.
Kemst Kjell Inge Rokke
yfir þorskinn í Lófóten?
MARGIR íbúar í Norður-
Noregi hafa af því áhyggj-
ur, að veruleg breyting sé
að verða á stefnu stjórn-
valda í sjávarútvegsmálum
landshlutans. Hingað til hafa þeir setið einir að veiðum og vinnslu en nú
er óttast, að allt verði gefið fijálst, til dæmis með því að hleypa stórút-
gerðarmanninum Kjell Inge Rokke í Vesturálinn.
Norska stjórnin sögð
íhuga stefnubr eytingu
Fyrir síðustu helgi var haldin
ráðstefna um stöðu sjávarútvegsins
í Norður-Noregi og helsta dagblað-
ið þar, Nordlys, hafði boðað, að þá
myndi Gro Hariem Brundtland for-
sætisráðherra tilkynna, að sjáv-
arútvegurinn þar yrði opnaður öll-
um, sem vildu. Af því varð þó ekki
en það vakti þó athygli hvað hún
lagði mikla áherslu á aukna sam-
keppni í greininni, einkum í vinnsl-
unni. Sagði hún, að vinnslan yrði
að laga sig betur að mörkuðunum.
Það er einmitt þetta, sem virðist
vaka fyrir nokkrum aðilum í at-
vinnulífinu í Norður-Noregi en þeir
tiafa farið fram á, að RGI-sam-
steypan og Kjell Inge Rokke fái
að kaupa Melbu Fiskeindustrier í
Vesturálnum.
í ræðu sinni sagði Brundtland,
að taka ætti meira tillit til hags-
muna eigendanna og sagði, að það
væri ekki gagnrýnisvert þó eigend-
urnir byggju annars staðar en i
Norður-Noregi. Hún vildi þó engu
svara um Rokke og sagði, að það
mál væri enn óútkljáð í ríkisstjórn-
inni.
Alf Ivar Samuelsen, einn helsti
fulltrúi Miðflokksins í N-Noregi,
segir, að þetta snúist um yfirráð
yfir auðlindinni. Melbu eigi 28%
hlut í útgerðarfyrirtækinu Lofottrái
og takist Rokke að auka hann
muni hann ráða yfir 13 togurum
og geti þá í raun gert það, sem
hann vill. Þá sé búið að einkavæða
þorskinn og ekkert sem segi, að
hann verði unninn í Norður-Noregi.
Búist er við, að niðurstaða fáist
í þetta mál fyrir mánaðamót.
Reykjavík er stærsta
botnfiskhöfn landsins
REYKJAVÍK er stærsta botnfisk-
i höfn lands. Á nýloknu fiskveiðiári
var landað nærri 66.400 tonnum af
botnfíski í Reykjavíkurhöfn. Það er
rúmlega 30.000 tonnum meira en
landað var af botnfiski í næstu höfn,
en það er Sandgerði. Þar var landað
35.000 tonnum á fiskveiðiárinu.
Úthafskarfí vegur þyngst í lönd-
uðum afla í Reykjavík eða tæplega
25.000 tonn og annar karfi er um
18.600 tonn. Rúmlega 9.100 tonnum
af þorski var landað í Reykjavík á
síðasta fiskveiðiári og er borgin í
fimmta sæti yfir stærstu þorskhafn-
irnar. Loks má nefna að meiru af
sjávarafurðum er skipað út frá
Reykjavík en nokkurri annarri höfn
á landinu.
Árið 1978 var 47.350 tonnum af
sjávarafurðum skipað út frá Reykja-
vík, en 307.529 tonnum í fyrra.
STÆRSTI sölusamningur ísgata hf. á sýningunni var við ísfélag-
ið hf. í Vestmannaeyjum. Hér má sjá þá Grím Jón Grímsson,
skipstjóra á Antarnesi VE, Snorra Gestsson, skipstjóra á Guð-
mundi VE, Michael Franzen, eiganda Petrel, og Garðar Ásgeirs-
son, útgerðarstjóra Isfélagsins, að lokinni undirritun samningsins.
Utgerðarmenn athugið!
Úthlutun á kvóta í steinbíti og langlúru
Eftir 1. október nk. mun Fiskistofa úthluta varanlegri aflahlutdeild í steinbíti og langlúru
til einstakra fiskiskipa á grundvelli aflareynslu þeirra á tímabilinu 1. júní 1993 til 31. maí 1996.
Vilji útgerðarmenn gera athugasemdir við aflatölur, sem úthlutun afiahlutdeilda byggist á,
skulu þeir gera það skriflega og eigi síðar en 1. október nk.
Sérstök athygli er vakin á að við úthlutun aflahlutdeilda í steinbíti og langlúru verður
ekki tekið tillit til athugasemda, sem berast Fiskistofu eftir 1. október 1996.
Fiskistoía.
RPJDiesel
vélavarahlutir
í Caterpillar - Cummins - Detroit Diesel.
Öruggir
ábyrgðarskilmálar
og mjög hagstætt verð
Bendix ehf.
Sími 562-8081 og 897-4366.
VORUBRETTI
Eigum ávallt á
lager bretti.
Gerið
verðsamanburð.
Vörubretti ehf.
Flatahrauni 1, Hafnarfirði.
Sími: 555-3859,
fax 565-0994.