Morgunblaðið - 27.09.1996, Qupperneq 39
I
MORGUNBLAÐIÐ
FÖSTUDAGUR 27. SEPTEMBER 1996 39
| -------------------
i Dagnr j afnaðarmamia
á Hótel Borg á morgun
EFNT verður til dags jafnaðar-
manna á morgun, laugardaginn 28.
september, á Hótel Borg og verður
fundardagskrá frá morgni til kvöld.
Kl. 10 hefst morgunstund jafnað-
armanna á Hótel Borg með sam-
ræðu forystumanna innan Verka-
• mannasambands íslands um spurn-
inguna: Er góðærið farið fram hjá
verkafólki? Þeir sem taka þátt í
umræðunni eru Björn Grétar Sveins-
son, formaður Verkamannasam-
bands íslands, Hervar Gunnarsson,
varaforseti Alþýðusambands Is-
lands, Halldór Björnsson, formaður
, Verkamannafélagsins Dagsbrúnar,
Ragna Bergmann, formaður Verka-
kvennafélagsins Framsóknar, Sig-
| urður Tr. Sigurðsson, formaður
1 Verkamannafélagsins Hlífar í Hafn-
arfírði, og Þórunn H. Sveinbjörns-
dóttir, formaður Starfsmannafélags-
ins Sóknar. Stjórnandi umræðunnar
er Einar Karl Haraldsson.
Er þörf á stórum
jafnaðarmannaflokki?
IKl. 12.30 hefst hádegisumræða
um spurninguna: Er þörf á stórum
flokki jafnaðarmanna? Þessa spurn-
ingu ræða m.a. þingmennirnir Ásta
R. Jóhannesdóttir, Guðmundur Árni
Stefánsson, Jóhanna Sigurðardótt-
ir, Jón Baldvin Hannibalsson og
Rannveig Guðmunsdóttir. Tveir
borgarfulltrúar R-listans, þau
Steinunn Valdís Óskarsdóttir og
Árni Þór Sigurðsson, taka þátt í
umræðunni. Mörður Árnason
stjórnar.
Hver verður hlutur ungs fólks
í jafnaðarmannahreyfingunni?
Kl. 15 hefst ungliðakaffi þar sem
ungt áhugafólk um stjórnmál ræðir
spurninguna: Hvenær kemur stóra
jafnaðarmannahreyfingin og hver
verður hlutur ungs fólks í henni?
Þar koma við sögu Ása Richards-
dóttir, framkvæmdastjóri, stjórn-
málafræðingur, Hólmfríður Sveins-
dóttir, Jóhanna Þórðardóttir,
Hrannar B. Arnarson fram-
kvæmdastjóri, Magnús Árni Magn-
ússon varaþingmaður, Róbert
Marshall, formaður Verðandi, og
Vilhjálmur Vilhjálmssonar, formað-
ur Stúdentaráðs Háskóla íslands.
Stjórnandi umræðunnar er Kol-
beinn Einarsson.
Halldór Gunnarsson leikur djass
á píanóið milli funda. í hádeginu
verður á boðstólum léttur hádegis-
verður.
Kvöldstemmning
j afnaðar manna
Kl. 23 verður kvöldstemmning
jafnaðarmanna á Hótel Borg. Þar
er um að ræða samverustund í
Pálmasal (gengið inn aðalinngang)
frá kl. 23 áður en opnað verður inn
á almenna samkomu og dans á
Skuggabar upp úr miðnætti.
Allir eru velkomnir á dag jafnað-
armanna á Hótel Borg.
I Ljósabúnaður
bíla athugaður
.
!
Í
i
i
<
Á NÆSTUNNI munu lögreglu-
menn á Suðvesturlandi beina at-
hygli sinmi sérstaklega að ljósabún-
aði ökutækja, bifreiða jafnt sem
reiðhjóla svo og stefnuljósanotkun
ökumanna. Hvetur lögregla eigend-
ur og umráðamenn til að huga nú
að Ijósabúnaði ökutækja sinna og
færa það til betri vegar sem aflaga
hefur farið.
Athygli þeirra sömu er vakin á
32. gr. umferðarlaga, en þar segir
m.a. að „við akstur vélknúins öku-
tækis skuli lögboðin ljós eða önnur
viðurkennd ökuljós jafnan vera
tendruð. Við akstur ökutækis
(þ.ám. reiðhjóla) í rökkri, myrkri
eða ljósaskiptum og þegar birta er
vegna veðurs eða af öðrum ástæð-
um ófullnægjandi, hvort heldur er
til að ökumaður sjái nægilega vel
fram á veginn eða til að aðrir veg-
farendur sjái ökutækið, skulu lög-
boðin ljós vera tendruð."
í reglugerð um gerð og búnað
ökutækja er kveðið á um hvemig
ljósabúnaður skuli vera á ökutækj-
um og hvaða annan aukaljósabúnað
er leyfilegt að hafa á þeim. Óheim-
ilt er að nota önnur ljósker eða glit-
auga á ökutæki en þau sem boðin
eru eða heimiluð í reglugerð eða
öðrum reglum sem ráðuneytið setur.
í 4. gr. reglugerðar um gerð og
búnað reiðhjóla segir m.a. að „reið-
hjól sem notað er í myrkri eða skert
skyggni skal búið ljóskeri að framan
sem lýsir hvítu eða gulu ljósi og
ljóskeri að aftan sem lýsir rauðu
ljósi. Ljóskerin skulu vera fest við
hjólið."
Ökumenn eru hvattir til að huga
að því hvort skipta þurfi um perur
í ljóskerum eða hvort ástæða er að
lagfæra annað það sem honum
tengist. Hjólreiðamenn þurfa að
hafa lögbundinn ljósabúnað hjóla
sinna í lagi og nota hann þegar við
á. Varla þarf að fjölyrða um nauð-
syn þess að hafa ljósabúnaðinn í
lagi og nota hann rétt í skammdeg-
inu.
Sektir vegna vanbúnaðar ljósa
geta verið á bilinu 2.000—5.000 kr.
' Listahátíð ungs fólks
LISTAHÁTÍÐ ungs fólks verður
haldin í miðborg Reykjavíkur dag-
ana á vegum Hins hússins 19.-26.
október undir nafninu Unglist.
Unglist er nú haldin fimmta árið
í röð og er hátíðin opinn vettvangur
. þar sem allt ungt fólk getur bæði
' notið lista og tjáð sig, gert tilraun-
í ir, skapað, komið sér á framfæri
^ og fengið tækifæri til að vinna að
hugmyndum sínum í skapandi um-
hverfi. Fjölmargir listamenn hafa
tekið þátt í Unglist og í ár verða
þeir fleiri en nokkru sinni fyrr. Allt
er framkvæmanlegt á unglist:
Rokk, ballett, hannyrðir, myndlist
og leiklist eru dæmi um dagskrár-
liði. Framkvæmdastjórar eru Ragn-
ar Kjartansson og Steinunn Þór-
hallsdóttir.
í tengslum við Unglist verða
haldin í byijun október námskeið
fyrir ungt fólk í Hinu húsinu. Þar
verður kennd leiklist, skyggnulist,
matreiðsla, gjörningar, nudd, hljóð-
myndagerð og dans og afurðir nám-
skeiðanna svo sýndar á Unglist.
Skráning hefst 1. október í Hinu
húsinu. Allir sem vilja taka þátt í
Unglist ’96 eiga að hafa samband
sem fyrst við framkvæmdastjóra
Unglistar í Hinu húsinu.
Vitni vantar
EKIÐ var í veg fyrir leigubíl austan
við afreinina frá Kringlunni þriðju-
daginn 24. september klukkan
16:20. Þurfti bifreiðin, sem ekið var
í veg fyrir, að aka upp á umferðar-
eyju til þess að forðast árekstur og
við það skemmdist hjólbarði hennar.
Vitni að atburðinum eru vinsamleg-
ast beðin að gefa sig fram við rann-
sóknadeild lögreglunnar í Reykjavík.
FRÉTTIR
BAKARÍIÐ Vort daglegt brauð, Hafnarfirði. Innanbúðar er
Júlíana Tryggvadóttir.
Nýtt bakarí í Hafnarfirði
NÝVERIÐ opnaði nýtt bakarí, Vort
daglegt brauð, þar sem Verslun
Einars Þorgilssonar var til húsa við
Strandgötu 49 í Hafnarfirði. Þetta
sögufræga hús hefur verið endur-
gert í sinni upprunalegu mynd.
í húsnæði þar sem Vort daglegt
brauð er í eru upprunalegu innrétt-
ingarnar frá 1907 enn til staðar og
áhersla hefur verið lögð á að allar
endurbætur séu í þeim anda. Má
þar sjá fjölda muna frá gamalli tíð
verslunar í húsinu.
Vort daglegt brauð er opið frá
kl. 9-18, laugardaga kl. 9-16 og
sunnudaga frá kl. 10-16.
Dægurlaga-
keppni á
Höfn
DÆGURLAGAKEPPNIN Af-
mælislagið 1997 verður haldin laug-
ardaginn 28. september nk. á Höfn
í Hornafirði. Keppnin markar upp-
haf hátíðarhalda vegna byggðaraf-
mælis á Höfn árið 1997, en þá verða
liðin 100 ár frá því að Óttó Tuliníus
lét reisa fyrsta húsið á höfn undir
verslun sína.
Ellefu lög taka þátt í keppninni
og var sett það skilyrði að höfundar
væru Austur-Skaftfellingar, ýmist
brottfluttir eða búsettir á staðnum.
Enginn veit þó ennþá hver nöfn
þeirra eru því lögin voru send í
keppnina undir dulnefni.
Hljómsveitarstjóri er Magnús
Kjartansson. Lögin syngja söng-
konurnar Helga Möller og Sigrún
Eva Ármannsdóttir ásamt söngvur-
unum Bjarti Loga, sem er heima-
maður, og Guðmundi Hermanns-
syni.
Keppnin fer fram í Iþróttahúsinu
á Höfn og hefst kl. 22. Þá velur
10 manna dómnefnd ásamt gestum
í sal sigurlagið. í kjölfar keppninnar
fylgir síðan dansleikur. Fyrr um
daginn frá kl. 14-16 kemur ungt
fólk, 12—17 ára, saman í íþrótta-
húsinu, velur sitt lag og dansar á
eftir.
Takist keppnin vel og verði lögin
frambærileg, eins reyndar hljóm-
sveitarstjórinn hefur lýst, verða þau
hljóðrituð og gefin út.
Það er Menningarmálanefnd
Austur-Skaftafellssýslu sem stend-
ur fyrir keppninni ásamt Afmælis-
nefnd 1997.
Fyrirlestur um
siðanefndir
DR. THEOL Svend Andersen, pró-
fessor við guðfræðideild Árósarhá-
skóla, flytur fyrirlestur á vegum
Siðfræðistofnunar Háskóla íslands
þriðjudaginn 1. október kl. 17.15.
Fyrirlesturinn verður fluttur á
ensku og nefnist „The Role of Mor-
al Philosophy in Ethics Committe-
es“ (Hlutverk siðfræði í siðanefnd-
um).
I mörgum löndum eru nú starf-
andi siðanefndir og er hlutverk
þeirra af ólíku tagi. I þessum nefnd-
um eiga oft sæti aðilar með „sér-
þekkingu“ í siðfræði, annaðhvort
heimspekingar eða guðfræðingar.
Hvaða hlutverki á þessi sérþekking
að þjóna í þeirri viðleitni að veita
stjórnvöldum ráðgjöf? Rætt verður
um þessa spurningu út frá því starfi
sem fram hefur farið í Det Etiske
Rád í Danmörku um málefni á borð
við skilgreiningu dauða, líffæra-
flutninga og líknardráp.
Dr. theol Svend Andersen er for-
stöðumaður Center for Bioetik við
Árósarháskóla og fyrrverandi vara-
formaður Det Etiske Rád í Dan-
mörku.
Fyrirlesturinn verður haldinn í
Odda, stofu 101, og er öllum opinn.
Aðgangur er ókeypis.
Sundanesti
heldur opnun-
arhátíd
SUNDANESTI við Kleppsveg flyt-
ur í glæsilegt húsnæði á lóð Olís
við Sæbraut laugardaginn 28. sept-
ember. Haldin verður vegleg opnun-
arhátíð þann dag milli kl. 16 og
18.30.
Dagskráin verður á þessa leið:
kl. 16 kemur Bubbi Morthens fram
og leikur í hálftíma, kl. 17 leikur
hljómsveitin Spooky Boogie með
Stefán Hilmarsson söngvara í
broddi fylkingar og spilar í einn og
hálfan tíma. Flugeldasýning verður
á vegum Hjálparsveitar skáta í
Reykjavík kl. 18.30. Magnús Schev-
ing þolfimikappi verður kynnir og
sýnir listir sínar. Utvarpað verður
frá hátíðinni á FM 95,7. Allir ungir
viðskiptavinir fá hamborgara, ydd-
ara og pylsuyddara. Opnunartilboð
verða bæði laugardag og sunnudag.
Ráðstefna um
áhrif Hvalfjarð-
arganga
HALDIN verður ráðstefna um áhrif
Hvalfjarðarganga í Grundaskóla á
Akranesi í dag, föstudaginn 27.
september. Ráðstefnan hefst kl.
10.45 og stefnt er að því að henni
ljúki upp úr kl. 17.
Frummælendur verða þeir Þor-
steinn Þorsteinsson verkfræðingur
og Bo Elling, félagsfræðingur frá
Danmörku, og munu þeir fjalla um
áhrif Hvalfjarðarganga og stórra
umferðarmannvirkja á menningu,
mannlíf og samfélag.
Einnig verða flutt fimm stutt
erindi þar sem áhrifin eru metin
út frá mismunandi sjónarhornum,
að lokum verða panelumræður með
þátttöku frummælenda og þeirra
sem flytja erindi.
Megintilgangur ráðstefnunnar er
að koma af stað umræðum um hvort
og þá hvaða áhrif þessar miklu
framkvæmdir hafa á búsetu og at-
vinnulíf í víðasta skilningi því Hval-
fjarðargöng eru ekki einungis fyrir
Vestlendinga heldur koma þau til
með að hafa áhrif fyrir alla lands-
menn.
Þrír fyrirlestr-
ar og pallborðs-
umræður um
jafnrétti í há-
skólum
RANNSÓKNASTOFA í kvenna-
fræðum býður sunnudaginn 29.
september til fyrirlestra og pall-
borðsumræðna um jafnrétti í aka-
demíu.
Lise Christensen, jafnréttisráð-
gjafi við Háskólann í Ósló, er nú í
tveggja ára leyfi frá störfum til að
vinna að rannsóknarverkefni á veg-
um Norrænu ráðherranefndarinnar
um stöðu jafnréttismála í norræn-
um háskólaum. Hún mun kynna
niðurstöður þessarar rannsóknar í
erindi sínu sem hún nefnir: „Gender
equality in Academia? What is the
status and what is done at the
universities in the Nordic Countr-
ies.“
Liisa Husu, Finnlandi, hefur
umsjón með kvennarannsóknum og
námi í kvennafræðum í finnskum
háskólum og er jafnréttisfulltrúi í
finnska félagsmálaráðuneytinu.
Lise Husu er fyrsti formaður stjórn-
ar NIKK, Norrænu kvennarann-
sóknarstofnunarinnar. Hún flytur
erindi er nefnist: „Gender and Áca-
demia - problem only for women?“
Toni Benterud er jafnréttisráð-
gjafi í Háskólanum í Ösló í fjarveru
Lise Christensen. í erindi sínu mun
Toni Benetrud fjalla um hvernig
hefur gengið að framkvæma áætlun
Óslóarháskóla til að koma í vég
fyrir kynferðislega áreitni. Hún
nefnir erindi sitt: „Actions against
annoying/threatening sexual att-
ention in Academia. The case of the
University of Oslo.“
Fyrirlestramir og pallborðsum-
ræðurnar verða í stofu 101 í Odda
og hefst kl. 20. Allir eru velkomnir.
Kattholtsdagur
í Dýraríkinu
KATTHOLTSDAGUR verður á
morgun, laugardaginn 28. septem-
ber, í Dýraríkinu við Grensásveg.
Þar verða til sýnis heimilislausir
kettir úr Kattholti. Markmiðið er
að fá góð heimili fyrir þann fjölda
katta sem gistir í Kattholti, vekja
athygli á líknarstarfi sem Kattholt
starfrækir og vekja fólk til umhugs-
unar um vanda heimilislausra katta
á íslandi.
Kisurnar eru flestar sprautaðar
við kattafári og skoðaðar af dýra-
lækni. Framleiðandi 9 Lives katta-
matarins styrkir þetta átak sérstak-
lega og allir þeir sem „ættleiða"
kisu úr Kattholti fá með henni veg-
lega matargjöf frá 9 Lives.
Beitiskipið
Potjomkin
í bíósal MÍR
KVIKMYNDIN „Beitiskipið
Potjomkin" (Bronenosets Potjomk-
in) verður sýnd í bíósal MÍR, Vatns-
stíg 10, sunnudaginn 29. september
kl. 16.
Þetta er ein frægasta kvikmynd
allra tíma, önnur kvikmynd S. Eis-
ensteins í fullri lengd, gerð árið
1926.
Kvikmyndatökumaður var Ed-
vard Tisse. I myndinni er fjallað
um atburði er gerðust í borginni
Odessa við Svartahaf 1905 og upp-
reisn sjóliða á Svartahafsflota
Rússakeisara.
Aðgangur að kvikmyndasýning-
unni er ókeypis og öllum heimill
meðan húsrúm leyfir.
■ GILLWELL-UNGAR ’96 munu
standa fyrir Skátadegi fyrir alla
skáta á skátaaldri í Reykjavík laug-
ardaginn 28. september. Dagskráin
hefst kl. 11 með póstaleik í Laugar-
dal og Iýkur um kl. 14.30 með
kvöldvöku við þvottalaugarnar.