Morgunblaðið - 27.09.1996, Blaðsíða 3

2 C LAUGARDAGUR 28. SEPTEMBER 1996
MORGUNBLAÐIÐ
MORGUNBLAÐIÐ
LAUGARDAGUR 28. SEPTEMBER 1996 C 3
KNATTSPYRNA
KNATTSPYRNA
Stórkostlegt mark Guð-
mundar kom of seint
KR og AIK gerðu jafntefli, 1:1, í síðari viðureign liðanna í 1.
umferð Evrópukeppni bikarhafa í Svíþjóð í gærkvöldi. Þar með
eru KR-ingar úr leik, því þeirtöpuðu fyrri leiknum á heimavelli,
0:1. Svíarnir glöddust mjög í gærkvöldi eftir að hafa tryggt sér
sæti í 2. umferð, en það færir þeim talsvert fé í aðra hönd en
þeir voru að sama skapi fegnir að hafa slegið íslendingana út.
Voru langt frá því ánægðir með eigin frammistöðu í leiknum og
mega teljast góðir að hafa haft betur samanlagt í viðureignunum
tveimur við KR.
Lúkas Kostic, þjálfari KR, sagð-
ist í gærkvöldi mjög ánægður
Frá
Nicklas
Brunzell
í Stokkhólmi
með sína menn þrátt fyrir að þeir
yrðu að sætta sig
við tap. „Ég er mjög
ánægður með
frammistöðu allra
leikmanna minna.
Þeir sýndu að íslensk knattspyrna
stendur þeirri sænsku ekki langt
að baki. Ég var reyndar hræddur
um að strákarnir yrðu með hugann
við leikinn á sunnudaginn - [úr-
slitaleik íslandsmótsins gegn IA],
en sá ótti reyndist ástæðulaus. Þeir
einbeittu sér mjög vel að leiknum
í kvöld og stóðu sig mjög vel.“
Sjálfstraustið í lagið
Það var augljóst strax í byijun
leiksins að leikmenn KR höfðu mik-
ið sjálfstraust og baráttugleðina
skorti heldur ekki. Knattspyman
sem liðin buðu uppá var hins vegar
ekki í háum gæðaflokki og lítið um
marktækifæri. Reyndar skapaði
hvorugt sér eitt einasta gott færi
allan fyrri hálfleikinn og því mjög
í takt við gang mála að staðan
væri 0:0 í leikhléi. Segja má að
KR-ingar hafi verið betra liðið fyrir
hlé, en liðið skapaði samt sem áður
enga hættu sem fyrr segir. Eftir
hlé komu Svíarnir svo ákveðnari til
leiks, sóttu meira og sköpuðu sér
nokkur þokkaleg færi en Pascal
Simpson sá um að klúðra þeim
bestu. Það var svo hann sem braut
ísinn, er hann skoraði af stuttu
færi á 80. mínútu og þar með var
róður KR-inga orðinn mjög erfiður.
Tvö mörk þurfti til að komast
áfram, en þeir gerðu aðeins eitt.
En þvílíkt mark. Varnarmaðurinn
og landsliðsmaðurinn Sundgren
færði Guðmundi Benediktssyni
knöttinn reyndar á silfurfati, en sá
þakkaði aldeilis kærlega fyrir sig.
Lék að teignum og vippaði
stórglæsilega yfir markvörðinn
Hedman sem kom út á móti. Ekki
á hveijum degi sem svona mörk
sjást í leikjum - það eina sem
hægt er að bera þetta saman við
er ótrúlegt mark Tékkans Karels
Poborskys gegn Portúgölum í Evr-
Saga knattspyrnunnar á íslandi
í tilefni af 50 ára afmæli KSÍ 1997 er verið að rita sögu
knattspyrnunnar á íslandi að tilstuðlan stjómar KSÍ.
Söguritarar em Víðir Sigurðsson íþróttafréttamaður á
DV og Sigurður Á. Friðþjófsson sagnfræðingur.
Hér með er óskað eftir því að komið verði á framfæri við
KSI gömlum knattspyrnumyndum sem athyglisvert væri
að hafa í bókinni. Jafnframt væri vel þegið að fá athygl-
isvert efni um knattspyrnuna á íslandi 1900-1940.
Myndum og efni má koma hvort sem er til skrifstofu KSÍ
eða beint til söguritara og óskast það gert sem allra fyrst
þar sem vinna við ritunina er nú í fullum gangi. Æskilegt
er að merkja alla hluti vel þannig að auðvelt verði að
koma þeim til skila aftur til réttra eigenda.
Sleppi Petn ir Gullit ÍSCU?
ÍSLAND- 9. október RÚMENÍA kl. 19:00 !#

ópukeppninni í Englandi í sumar.
Poborskys kom reyndar vinstra
megin inn í teiginn og var að-
þrengdur varnarmönnum en Guð-
mundur hægra megin og var á
auðum sjó. En skotið var svipað.
Markið kom of seint til að skipta
KR-inga einhveiju máli því aðeins
fáeinum sekúndum var flautað til
leiksloka. „Markið var frábært, en
kom í sjálfu sér ekki á óvart. [Guð-
mundur] Benediktsson er leikmaður
sem búast má við að geri svona
hluti,“ sagði þjálfarinn Kostic á eftir.
Vöm KR sterk
Lið KR barðist af miklum krafti,
leikmenn gáfu aldrei þumlung eftir
en segja má að með tapi í fyrri
leiknum í Reykjavík hafi þeir gert
sjálfum sér verkefnið hér ytra of
erfitt. Vörnin var sterkasti hluti
liðsins með fyrirliðann Þormóð Eg-
ilsson sem besta mann. Sigurður
Öm Jónsson og Þorsteinn Jónsson
léku einnig vel á miðjunni.
Leikmenn AIK voru langt frá því
að leika eins og þeir eiga að geta
best og hafa verið að sýna annað
veifið í haust í sænsku deildar-
keppninni. Berlega kom í ljós í
leiknum að þeir voru hræddir við
íslenska liðið, enda staðfestu þeir
eftir leikinn að svo hefði verið.
Pressan á þá frá áhangendum liðs-
ins var nefnilega mikil; flestir
bjuggust við mjög auðveldum stór-
sigri en þeir gerðu sér grein fyrir
því að það væri ekki raunhæft og
sögðust bera mikla virðingu fyrir
liði KR.
Lúkas Kostic var ánægður þrátt
fyrir að liðið væri slegið út, sem
fyrr segir. „Við spiluðum vel í
Hvíta-Rússlandi og gerðum þar 2:2
jafntefli við Mozyr en unnum síðan
1:0 heima. I fyrri leiknum við
Svíana vorum við of spenntir síð-
asta stundarfjórðunginn og misst-
um boltann 24 sinnum í allt en
núna komu allir ákveðnir til leiks
og við byijuðum af fullum krafti.
Við gáfum ekkert eftir, hlupum
jafnmikið og mótheijarnir og spil-
uðum vel. Ég er ánægður með bar-
áttuna - vörnin var sterk og Svíarn-
ir ógnuðu lítið - og við áttum nokk-
ur góð markskot eftir spil.
Oþarfi var að fá þetta mark á
okkur en þegar á heildina er litið
stóðu strákarnir sig vel í Evrópu-
keppninni og að þessu sinni var liðs-
heildin mjög sterk. Við lögðumst
ekki í vörn heldur hugsuðum um
að spila knattspyrnu með því hugar-
fari að skora og það tókst en því
miður var það ekki nóg.“
KR-ingarnir koma heim síðdegis
í dag og sagðist Lúkas hafa byijað
undirbúning fyrir úrslitaleikinn í
íslandsmótinu á sunnudag þegar í
matnum eftir viðureignina í gær-
kvöldi. „Þetta verkefni er að baki
og nú snúum við okkur alfarið að
því næsta. Við höfum þurft að
leggja mikið á okkur en einn leikur
er eftir og strákarnir eru tilbúnir í
hann.“
Þjálfari AIK, Erik Hamrén, lýsti
því yfir í gær að hann væri fyrst
og fremst ánægður með að hafa
komist í 2. umferð keppninnar.
„Það skiptir mestu máli. Það sást
hins vegar á leikmönnum mínum
að þeir voru ekki ánægðir með
frammistöðu sína í kvöld. Vörn
okkar var reyndar góð nánast allan
tímann - það var hið eina jákvæða.
Sóknarleikurinn var mjög lélegur,"
sagði Hamrén.
ÚRSLIT
Knattspyrna
AIK-KR 1:1
Rásundaleikvangurinn í Solna, seinni leikur
í 1. umferð Evrópukeppni bikarhafa,
fimmtudaginn 26. september 1996.
Mark AIK: Pascal Simpson (80.).
Mark KR: Guðmundur Benediktsson (90.).
Gult spjald: Þorsteinn Guðjónsson.
Rautt spjald: Enginn.
Dómari: Stephen Lodge frá Englandi.
Áhorfendur: 3.267.
AIK: Magnus Hedman - Pár Millqvist, Mich-
ael Brundin, Garry Sundgren, Pierre Gallo
- Krister Nordin, Ola Andersson, Johan
Mjállby, Marco Ciardi (Mattias Johansson
59.) - Pascal Simpson, Cesar Pacha (Patrik
Fredholm (66.).
KR: Kristján Finnbogason - Þormóður Eg-
ilsson, Þorsteinn Guðjónsson, Brynjar
Gunnarsson, Ólafur Kristjánsson (Guð-
mundur Benediktsson 65.) - Hilmar Bjöms-
son (Arnar Jón Sigurgeirsson 77.), Sigurður
Orn Jónsson, Þorsteinn Jónsson, Einar Þór
Daníelsson - Ríkharður Daðason (Árni Ingi
Pétursson 81.), Bjami Þorsteinsson.
■AIK vann 2:1 samanlagt.
Evrópukeppni bikarhafa
Vinnytsya, Úkraínu:
Nyva Vinnytsya - Sion (Sviss).......0:4
- Vladan Lukic (3.), Philippe Vercruyse (9.,
66.), Milton De Suza (54.). 15.000.
■ Sion vann 6:0 samanlagt.
Varazdin, Króatíu:
Varteks - Lokomotiv Moskva (Rússl.) ..2:1
Davor Vugrinec (63., 79.) - Kosolapov (40.).
■ Samaniögð markatala 2:2 en Lokomotiv
áfram á fleiri útimörkum.
Chorzow, Póllandi:
Ruch Chorzow - Benfica (Portúgal)...0:0
4.547.
■ Benfica vann 5:1 samanlagt.
Humenne, Slóvakíu:
Chemlon - AEK Aþena (Grikkl.).......1:2
Pavol Dina (1.) - Demis Nikolaidis (19.),
Daniel Batista Lima (44.). 14.700.
■ AEK vann 3:1 samanlagt.
Istanbul, Tyrklandi:
Galatasaray - Chisinau (Moldóvu)....4:0
Hakan Sukur (49., 80.), Arif Erdem (73.),
George Hagi (75.). 20.000.
■ Galatasaray vann 5:0 samanlagt.
Prag, Tékklandi:
Sparta Prag - Sturm Graz (Austurr.)...l:l
Michal Homak (85.) - Ivica Vastic (76.).
■ Samanlögð markatala 3:3 en Sparta
áfram á fleiri útimörkum.
Bergen, Noregi:
Brann - Cercle Briigge (Belgíu).....4:0
Mons Ivar Mjelde (5.), Claus Eftevaag (79.),
Mjelde (82.), Roger Helland (88.). 6.104.
■ Brann vann 6:3 samanlagt.
Eindhoven, Hollandi:
PSV - Dynamo Batumi (Georgíu).......3:0
Luc Nilis (15., vsp.), Rene Eykelkamp (53.),
Marcelo (83.). 14.200.
■ PSV vann 4:1 samanlagt.
Flórens, Ítalíu:
Fiorentina - Gloria Bistrita (Rúm.).1:0
Massimo Orlando (22.). 20.000.
■ Fiorentina vann 2:1 samanlagt.
Budapest, Ungverjalandi:
Kispest Honved - Nimes (Frakkl.)....1:2
Attila Piroska (61.) - Johnny Ecker (7.),
Eric Sabin (38.). 6.000.
■ Nimes vann 5:2 samanlagt.
Larnaca, Kýpur:
AEK Larnaca - Barcelona (Spáni).....0:0
6.000.
■ Barcelona vann 2:0 samanlagt.
París, Frakklandi:
,PSG - Vaduz (Liechtenstein)........3:0
Bernard Allou (22.), Alain Roche (40.),
Patrick Mboma (48.). 15.973.
■ PSG vann 7:0 samanlagt.
■ Liverpool, Englandi:
Liverpool - MyPa-47 (Finnlandi).....3:1
Patrick Berger (18.), Stan Collymore (59.),
John Barnes (78.) - Mauri Keskitalo (64.).
39.013.
■ Liverpool vann 4:1 samanlagt.
Belgrad, Júgóslavíu:
Rauða stjarnan - Kaiseriautern......4:0
■ Eftir framlengingu.
Dejan Stankovic (55., 97.) Njegus (107.),
Pantelic (120.). 70.000.
■ Rauða stjaman vann 4:1 samanlagt.
Ljubljana, Slóvenlu:
Olimpija - Árhus (Dunmörku).........0:0
■ Samanlögð markatala 1:1 en Olimpija
áfram á útimarki.
Holland
RKC Waalwijk - Vitesse Arnhem.......0:1
Staða efstu liða:
Feyenoord..............7 6 10 14:3 19
PSV Eindhoven..........7 5 1 1 21:5 16
Twente Enschede........7 4 2 1 9:5 14
Leiðrétting
í grein um Amager-handknattleiksmótið í
íþróttum bama og unglinga í gær kom fram
að kvennaliðið ísland 2 hefði sigrað á mót-
inu. Það er misskilningur hinn mesti, því
raunverulegur sigurvegari í mótinu var ís-
land 1. Beðist er velvirðingar á þessuin
mistökum.
KR-ingar
héldu jöfnu
á Rásunda
KR-INGAR áttu í fullu tré
við AIK er þeir gerðu
jafntefli, 1:1, í síðari
leik liðanna í Evrópu-
keppni bikarhafa í Sví-
þjóð í gærkvöldi. Það
var hart barist í leikn-
um. Á efri myndinni er
það Einar Þór Daníels-
son í kröppum dansi við
leikmann AIK. Hér til
hliðar er það varnar-
maðurlnn Þorstelnn
Guðjónsson sem fellur
ofan á einn sóknarmann
sænska llðslns.
Forsala verður á ESSO-stöðvunum í Reykjavík, Keflavík og Akranesi frá 27. september til 8. október
(daginn fyrir leik). Safnkortshafar fá 20% afslátt gegn framvísun kortsins.
£sso
SAFNKORTSTILBOÐ: Stúka 1600 kr„ stæði 800 kr„ börn 400 kr.
RÉTT VERÐ: Stúka 2000 kr„ stæði 1000 kr„ börn 500 kr.
Olíufélagiðhf
— 50 dra~
kém
FOLK
■ GÍSLI Guðmundsson, knatt-
spyrnudómari, dæmir síðasta leik
sinn í 1. deild á laugardaginn. Hann
hefur ákveði að hætta og verður
kveðjuleikur hans ieikur Stjörnunn-
ar og Breiðabliks.
■ ÍVAR Ingimarsson, leikmaður
1. deildarliðs Vals í knattspyrnu,
verður ekki í leikbanni í lokaumferð-
inni er Valur mætir Fylki eins og
aganefnd KSÍ hafði úrskurðað sl.
þriðjudag. Komið hefur í ljós að
mistök urðu í skýrslugerð úr leik
Breiðabliks og Vals. Ivar á ekki
að vera í banni og er því leikbann
hans afturkallað. Gunnar Einars-
son, félagi hans úr Val, verður hins
vegar í leikbanni í umræddum leik
á morgun vegna sex áminninga.
■ ÁGÚSTA Þorsteinsdóttir og
Gunnar H. Loftsson, bæði úr
Keilufélagi Reykjavíkur, taka nú
þátt í Evrópubikarmóti landsmeist-
ara í keilu sem fram fer í London
25. til 29. september 1996. 24 þjóð-
ir taka þátt í kvennaflokki og 27
þjóðir í karlaflokki.
■ MEISTARAKEPPNI Keilu-
sambands íslands fer fram í Keilu-
höllinni í Öskjuhlíð á morgun, laug-
ardag, og hefst kl. 13.00. Liðin sem
mætast í kvennaflokki eru Flakkar-
ar og Keilusystur. í karlaflokki
leika Lærlingar og KR-a.
■ FIMM íslenskir keppendur taka
þátt í Norðurlandamótinu í karate
sem fram fer í Helsinki 28. októ-
ber. Þeir eru; Halldór Svavarsson,
Jón Ingi Þorvaldsson, Ólafur Niel-
sen, Ingólfur Snorrason og Ás-
mundur Isak. Tveir íslenskir dóm-
arar, Ólafur Wallevik og Bjarni
Ásmundsson, dæma í mótinu.
Stangar-
stökksmet
í tugþraut
FRANSKI ólympíumeistarinn
í stangarstökki, Jean Galfione,
var meðal keppenda á tug-
þrautarmótinu í Talence í
Frakklandi á dögunum. Hann
gerði sér lítið fyrir og setti
met í stangarstökki í tugþraut
þegar hann vippaði sér yfir
5,75 metra, en tugþrautarmað-
ur hafði áður stokkið hæst 5,70
metra, en það gerði Tim
Bright frá Bandaríkjunum á
ÓLISeoul 1988.
Þrátt fyrir að Galfione fengi
1.148 stig fyrir stangarstökkið
var hann ekki á meðal efstu
manna í þrautinni, hlaut 7.206
stíg.
PSG heldur
enn hreinu
liðið hvorki fengið á sig mark í átta
deildarleikjum né tveimur Evrópu-
leikjum.
Wright kinnbeinsbrotnaði
Mark Wright, miðvörður Liver-
pool og enska landsliðsins, lenti í
samstuði við mótherja og kinnbeins-
brotnaði á 19. mínútu í leik Liver-
pool og MyPa-47. Gert er ráð fyrir
að hann verði frá í sex vikur en
Liverpool átti ekki í erfiðleikum með
að tryggja sæti í 2. umferð eftir að
hafa unnið 1:0 í útileiknum. Tékkinn
Patrik Berger gerði fimmta mark
sitt í þremur leikjum en auk þess
gerðu Stan Collymore og John Barn-
es sitt markið hvor í 3:1 sigri.
Nimes áfram
Franska 3. deildarliðið Nimes er
komið í 2. umferð Evrópukeppni
bikarhafa eftir að hafa unnið 2:1
sigur á Kispest Honved í Búdapest
í gærkvöldi en ungverska liðið tap-
aði fyrri leiknum 3:1. Aðeins einu
sinni áður hefur lið í 3. deild komist
svo langt í Evrópukeppni en Nimes
er með í keppninni eftir að hafa
tapað franska bikarúrslitaleiknum
fyrir frönsku meisturunum í Aux-
erre sem eru í meistaradeildinni.
Varnarmaðurinn Johnny Ecker
skoraði með skalla fyrir gestina
snemma leiks og miðherjinn Eric
Sabin bætti öðru marki við skömmu
fyrir hlé en Attila Piroska minnkaði
muninn um miðjan seinni hálfleik.
Mínútu fyrr átti Mihaly Toth skot
í slá hjá Nimes en hann gerði mark
liðsins í fyrri leiknum.
Pressens Bild
Franska liðið PSG sem á titil að
verja í Evrópukeppni bikarhafa
stillti ekki upp sterkasta liði sem
völ var á þegar Vaduz frá Liechten-
stein kom í heimsókn í gærkvöldi
en það kom ekki að sök því heima-
menn unnu 3:0 eftir að hafa unnið
4:0 í fyrri leiknum.
Bernard Allou, miðherji varaliðs
PSG, sem gerði fjórða markið í Liec-
htenstein, braut ísinn um miðjan
fyrri hálfleik og franski landsliðs-
maðurinn Alain Roche bætti öðru
marki við með skalla skömmu fyrir
hlé. Miðheijinn Patrick Mboma frá
Kamerún gerði þriðja markið í byij-
un seinni hálfleiks. Þetta var 10.
leikur PSG á tímabilinu og hefur
Guðmundur Bene-
diktsson jafnaðiásíð-
ustu mínútu
Gaman þar
til flaut-
aðvaral
Guðmundur Benediktsson kom inná
þegar 25 mínútur voru til leiksloka
og jafnaði 1:1 á síðustu mínútu. „Ég
náði boltanum af aftasta vamarmanni
AIK, komst einn inn fyrir vömina og 4
móts við vítateigslínuna vippaði ég jTir
markvörðinn,“ sagði Guðmundur við
Morgunblaðið í gærkvöldi.
Hann taldi að jafnræði hefði ríkt með
liðunum í baráttuleik. „Mér fannst eins
og Svíarnir sættu sig við markalaust
jafntefli og fá marktækifæri sköpuðust
en þegar þeir laumuðu inn einu urðum
við að gera tvö mörk. Mark þeirra var
einfalt. Einn fór upp að endalínu hægi-a
megin og renndi fyrir markið þar sem
annar var óvaldaður og hann ýtti boltan-
um yfir línuna.“
iafngóð llð
„Eins og ávallt fórum við í leikinn
með því hugarfari að fá ekki á okkur
mark en reyna að lauma inn einu eða
tveimur gæfist til þess tækifæri. Vömin
var mjög sterk hjá okkur en samt spiluð-
um við mikið fram á við. Hefðum við
ekki fengið þetta mark á okkur værum
við enn í keppninni en eins og þjálfari
AIK sagði eftir leikinn eru liðin jafngóð.
Með eðlilegum úrslitum í fyrri leiknum
heima værum við komnir áfram en þetta
var gatnan þar til flautað var af.“
Birkir í markið
og Brann áfram
BRANN tryggði sér sæti í 2.
umferð í Evrópukeppni bikar-
hafa með því að vinna Cercle
Brugge 4:0 á heimavelli sínum í
Bergen í gærkvöldi. Belgíska lið-
ið vann fyrri leikinn 3:2 og fer
Brann því áfram á samanlagðri
markatölu 6:3.
Birkir Kristinsson var í byij-
unarliði Brann í fyrsta sinn síðan
hann lék landsleikinn við Tékka
fyrr í þessum mánuði. Ágúst
Gylfason lék einnig með Brann
í gær og átti m.a. þrumuskot í
stöng á 15. mín. er staðan var
1:0 fyrir Brann.
Birkir sagðist hafa haft það
nokkuð rólegt í markinu og ekki
þurft að taka á honum stóra sín-
um. „Við lékum mjög vel og vor-
um óheppnir að skora ekki fleiri
mörk í fyrri hálfleik. Það var
orðin mikil spenna um miðjan
síðari hálfleik því illa gekk að
koma boltanum í netið hjá
Brugge. En síðan opnaðist þetta
á síðustu tíu mínútunum og við
settum á þá þijú mörk. Það er
gaman að vera kominn aftur inn
í liðið og vonandi fæ ég tæki-
færi aftur um helgina þegar við
mætum Bodö/Glimt í deildinni.
Það er langt síðan Brann hefur
haldið hreinu í leik og það var
gott að vera þátttakandi í því í
þessum leik,“ sagði Birkir.