Morgunblaðið - 29.09.1996, Blaðsíða 42

42 SUNNUDAGUR 29. SEPTEMBER 1996
MORGUNBLAÐIÐ
Ferdinand
Talaðu máli mínu ... Þeir eru kallaðir kenn- Hvenær kemur Skólabíllinn!
segðu vörðunum að arar... flutningsvagninn?
ég komi með friði...
BREF
TEL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Svavar og
heimasíðan
Frá Birni Bjarnasyni:
SVAVAR Gestsson, þingflokksfor-
maður Alþýðubandalagsins, heldur
því áfram í Morgunblaðinu 25. sept-
ember að birta glefsur af því, sem
ég set inn á
heimasíðu mína
á Intemet. Vil ég
þakka honum
fyrir að draga
þannig athygli
að þessum fjölm-
iðli mínum, slóð
hans er
http://www.
centrum.is/bb.
Fráleitt er að
kenna þessa heimasíðu við launsátur
eins og Svavar gerir. Hún er leið
til upplýsingamiðlunar. Á hinn bóg-
inn kemur mér ekki á óvart, að
Svavar sé ósammála mér og kveinki
sér undan því, þegar póiitísk saga
hans er tíunduð. Ritskoðunarviðhorf
hans minna á þau vinnubrögð, sem
stunduð voru í Austur-Þýskalandi á
sínum tíma, en þar lærði Svavar í
flokksskóla kommúnista.
Við endurbirtingu af heimasíðu
minni velur Svavar þann kost að slíta
úr samhengi og birta glefsur. Þetta
gefur alls ekki rétta mynd af viðhorf-
um mínum. Á meðan Morgunblaðið
endurbirtir ekki umrædda kafla á
heimasíðu minni í heild, verð ég að
una því, að Svavar fari þannig að
rúmlega 50.000 kaupendum þess.
Á sínum tíma gagnrýndi Guðrún
Helgadóttir, flokkssystir Svavars,
mig fyrir að nýta mér tölvutæknina
í ráðherrastörfum. Slíkar gagnrýn-
israddir eru þagnaðar. Nú má ég
ekki skrifa annað á heimasíðu mína
en það sem er þóknanlegt Svavari
Gestssyni. Þá siðavöndun mun ég
hafa að engu.
Baráttan fyrir viðurkenningu á
nýrri tækni er oft löng og ströng.
Viðhorf tveggja forystumanna Al-
þýðubandalagsins gagnvart því,
hvernig ég hef nýtt mér tölvutækn-
ina í opinberum störfum, sýna mér,
að enn eiga þeir nokkra leið inn í
samtímann.
BJÖRN BJARNASON,
menntamálaráðherra.
Björn
Bjarnason
Að hafa efni á lítillæti
Frá Alberti Jensen:
ÖRUGGLEGA eru konur jafnfærar
til flestra starfa sem karlar. Hlutirn-
ir liggja bara ekki eins fyrir öllum
og skiptir ekki hvort kynið á í hlut.
Oft getur framkoma verið allt sem
á veltur.
Nokkuð er síðan ég fór á fund
Ingibjargar Sólrúnar Gísladóttur
borgarstjóra, vegna sérstakra mála.
Ég var síður hrifinn þegar ég lauk
erindi mínu áður en það hófst. Þó
var hún kurteis.
Vegna málefna fatlaðra átti ég
fund með Guðmundi Áma Stefáns-
syni þegar hann var heilbrigðisráð-
herra og nú fyrir stuttu með Friðriki
Sófussyni fjármálaráðherra. Báðir
þessir menn voru líflegir og áhuga-
samir í umræðunni. Það var vel þess
virði og ánægjulegt að hitta þá. Líka
fyrirhafnarlítið að ná til þeirra og
ekki reynt að koma fundunum á full-
trúa.
Margar undanfarnar vikur hef ég
og formaður SEM reynt að ná fundi
Ingibjargar Pálmadóttur heilbrigðis-
ráðherra. Fyrirstaðan þar er ritari
sem er nokkuð ósamkvæm sjálfri sér
og mætti sér að skaðlausu vera al-
mennilegri.
Á sínum tíma varð óbilgirni borg-
arstjórnar gagnvart bíistjórum SVR
ein af ástæðum þess að fólkið skipti
um stjórn. Nú virðist svo, að bílstjór-
arnir séu aftur farnir að valda for-
stjórapirringi. Sú sem nú er forstjóri
virðist valkyija. Hún ætlar greinilega
ekki að láta þessa menn, sem beijast
í tímahraki með miklu meiri ábyrgð
en hún og langtum þynnra umslag,
hafa áhrif á stjórnsemi sína. Reynsla
vagnstjóra varðar hana litlu. Það
má lesa allt um slíkt, eða hvað?
Þegar tveir vagnstjórar fengu
áminningu útaf nánast engu, hefði
átt að reka forstjórann og koma á
vinnufriði. Vagnstjóramir skipta öllu
máli. Þeir hafa reynsluna. Minnsta
mál að fá nýjan forstjóra. Bílstjórarn-
ir, þeir hjá ferðaþjónustu fatlaðra
ekki undan skildir, eiga betra skilið
en ósamvinnuþýðan forstjóra sem
heldur að hann sé alit í öliu og viti
allt betur en aðrir. Þeim forsvars-
manni sem finnst lítið til um starfs-
menn sína, vil ég benda á það sem
mörgu „stórmenninu" sést yfir:
„Enginn er svo smár að ekki sé betra
að hafa hann með sér en móti.“ Það
hefur margsýnt sig að það er ekki á
allra færi þeirra sem í forsvaii eru
að sýna skilning og lítillæti. I slíkt
þarf persónuleika sem tekur sjálfan
sig ekki svo alvarlega að það valdi
hrolli nálægra. Það óskiljanlega fyrir
margan verkstjórnandann er, að lítil-
læti og tillitssemi er margföld verð-
mætasköpun og setur viðkomandi á
hærra pian.
ALBERTJENSEN,
Háaleitisbraut 129, Reykjavík.
Hvað skal segja? 25
Væri rétt að merkja eitur-úðaða garða með áletruninni Aðvörun?
Svar: Sögnin að aðvara er komin úr dönsku (advare) og þar
með nafnorðið aðvörun. En þar sem ekki er sagt á íslensku að
vara að, heldur vara við, væri rétt áletrun Viðvörun.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teijast samþykkja þetta, ef ekki fylgir fyrirvari hér að lútandi.