Morgunblaðið - 29.09.1996, Blaðsíða 56

Það tekur aðeins
eirtn
■virkan
dag
að koma póstinum PÓSTUR
þfnum til skila OG SÍMJ
varða
víðtæk
tjármálaþjónusta
Landsbanki
íslands
Bankl allra landsmanna
MORGUNBLADIB, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: KAUPVANGSSTRÆTl 1
SUNNUDAGUR 29. SEPTEMBER 1996
VERÐ í LAUSASÖLU 125 KR. MEÐ VSK
í A-KR á Akranesi
Búist við
um 5.000
manns
BÚIST er við rúmlega 5.000
knattspyrnuunnendum á Akra-
nesvöll á leik ÍA og KR í dag,
sunnudag, ef veðrið verður eins
gott og spáð hefur verið að
sögn Þórdísar Arthúrsdóttur,
ferðamálafulltrúa á Akranesi.
Hún sagði að fólk virtist
ætla að koma allstaðar að.
M.a. væri von á hópum frá
Bolungarvík, Skagaströnd og
Akureyri. Talsverður viðbún-
aður lögreglu og björgunar-
sveita verður á Akranesi vegna
þessa mikla mannfjölda sem
von er á.
Úrslitaleikur KR - ÍA, verð-
ur í dag kl. 14. „Við mælum
eindregið með að fólk komi
sjóleiðis en þijú skip verða í
siglingum frá Reykjavík; Ár-
nesið, Elding og Akraborgin
sem leggur af stað frá Reykja-
víkurhöfn kl. 11.30,“ sagði
Þórdís.
Ný reglugerð um lækkun tollverndar á papriku til 1. nóvember
Verðlækkun boðuð
GENGIÐ var frá nýrri reglugerð í
landbúnaðarráðuneytinu í vikulokin
um verðlagningu á papriku, sem
miðar að lækkun verndargjalda í
áföngum til 1. nóvember. Verndin á
papriku er nú 30% verðtollur og 397
krónu magntollur. Forstjóri Hag-
kaups kveðst fagna þessum tíðindum
og segir áhrifanna munu gæta í
paprikuverði í næsta mánuði.
Með nýju reglugerðinni verður frá
1. til 6. október 22,5% verðtollur og
298 krónu magntollur og frá 7. októ-
ber fer talan niður í 15% verðtoll
og 199 krónur magntoll. Frá 14. til
31. október er verðtollurinn 7;5% og
99 króna magntollur. Frá 1. nóv-
ember er síðan heimilt að flytja inn
papriku án verndargjalda sam-
kvæmt ákvæðum EES-samningsins.
Vilja draga úr sveiflum
Ólafur Friðriksson, deildarstjóri
hjá landbúnaðarráðuneytinu, segir
að stjórnvöld hafi ákveðið að láta
lækka verndargjöldin fyrr á árinu
en tíðkast hefur.
Hann segir að þetta sé gert fyrst
og fremst vegna þess að verðið hef-
ur verið mjög hátt á papriku núna
og auk þess vilja menn reyna að
draga úr öllum sveiflum og taka
þannig verndina af í áföngum.
Flestar stórar matvöruverslanir
selja nú papriku á tæplega 800 krón-
ur. Óskar Magnússon, forstjóri Hag-
kaups, segir eðlilega matvöruálagn-
ingu á papriku hjá fyrirtækinu án
þess að vilja gefa upp hversu mikil
hún er. Mjög langur vegur sé frá
því að hún nái 40:50% eins og sum-
ir hafi haldið fram. Hann bendir á
að almenn álagning í matvöruversl-
unum sem bjóði fulla þjónustu sé
yfirleitt undir 20% og algeng meðal-
talsálagning sé nálægt 15% að hans
mati.
Kenning um of hátt verð
Hagkaup fær að hans sögn af-
slátt af verði papriku miðað við skráð
söluverð frá Sölufélagi garðyrkju-
manna, en hann sé ekki meiri en svo
að um sé að ræða töluvert lægri
álagningu en er alla jafna á þessari
vöru. Alagning Hagkaups sé full-
komjega sanngjörn að hans mati.
„Ég er reyndar þeirrar skoðunar
að heildsöluverðið sem hafi verið við
lýði hjá sölufélaginu hafi verið óþarf-
lega hátt. Ég veit ekki hvort verðið
helgast af því að eignaraðilar félags-
ins hafi viljandi haldið uppi verði til
að minnka eftirspurnina og koma í
veg fyrir innflutning, en það er að
minnsta kosti ein af_ kenningunum
sem heyrast," segir Óskar.
Óskar segir að um 10% af þeirri
papriku sem verslunin kaupi séu
fengin beint frá bændum, en hún
sé seld á sama verði og önnur papr-
ika. „Við vitum ekki hvernig við
ættum að skipta því niður á við-
skiptavini okkar á misjöfnu verði og
jöfnum þetta út. Ekki er hægt að
draga þá ályktun að við fáum paprik-
una frá bændum á sama verði og
sölufélagið, enda eru annars konar
samningar og samkomulag við þá
en félagið," segir hann.
Hagkaup undirbýr nú innflutning
á papriku sem Óskar kveðst eiga
von á að komi í verslanir strax eftir
helgi. Verð þeirrar papriku verði
lægra en nú er á boðstólum, þrátt
fyrir að um dýran flutningsmáta sé
að ræða.

.
Morgunblaðið/RAX
Tvær árásir í borginni
Beinbrot-
inn í ráns-
tilraun
ÞRÍR til fjórir menn réðust á rúm-
lega þrítugan hoilenskan ferðamann
við Reykjavíkurhöfn í fyrrinótt. Mað-
urinn hlaut handleggs- og lærleggs-
brot auk áverka í andliti.
Hafnarstarfsmenn fundu manninn
ósjálfbjarga við Faxaskála í gær-
morgun. Hann tjáði lögreglunni að
honum hefði verið gengið niður á
höfn eftir að hafa farið út að
skemmta sér i miðborginni á föstu-
dagskvöld. Á hafnarbakkanum hefðu
3 til 4 menn ráðist á hann og reynt
að ná af honum fjármunum. Honum
hefði hins vegar tekist að sleppa frá
þeim.
Hollendingurinn var fluttur á
slysadeild Sjúkrahúss Reykjavíkur í
Fossvogi með sjúkrabíl. Hann gekkst
undir aðgerð vegna lærleggsbrotsins
á Landspítalanum í gær.
Ráðist á hjólandi mann
Ráðist var á mann og hann sleginn
í höfuðið á mótum Laugavegar og
Skólavörðustígs snemma í gærmorg-
un. Maðurinn var á reiðhjóli þegar
hann varð á vegi ungs pars. Parið
réðst að manninum án tilefnis að því
best er vitað. Hann var fluttur á
slysadeild með áverka á andliti. Ekki
er þó talið að um alvarleg meiðsli
sé að ræða. Unga fólkið, sem er 19
ára gamalt, var handtekið.
-----♦ ♦ ♦----
Tíðari ferðir
til Bret-
landseyja
FLUGLEIÐIR fjölga flugferðum til
Bretlandseyja um næstu mánaða-
mót. Frá 27. október verður flogið
sex daga vikunnar milli Keflavíkur
og Glasgow í stað þriggja og frá 31.
október níu sinnum til London. Á
fimmtudögum og sunnudögum verð-
ur morgun- og kvöldflug.
Símon Pálsson sölustjóri Flugleiða
segir það sögulega stund fyrir Flug-
leiðir að fljúga tvisvar á dag til Lond-
on, og það opni marga möguleika
fyrir félagið í markaðssetningu leiða
milli Bandaríkjanna og Bretlands.
■ Flogið tvisvar/Cl
Tölvuþrjótar settu grófar klámmyndir inn á heimasíðu háskólanema
Tölvukerfi HÍ
þoldi ekki álagið
VÍ og MR
” takast á
ÁRLEG keppni Verslunarskóla
íslands og Menntaskólans í
Reykjavík fór fram í
Hljómskálagarðinum á föstu-
dag. Nemendur skólanna tókust
á í ýmsum þrautum, meðal ann-
ars reiptogi, grautarglímu, rop-
keppni og svonefndu Mexíkó-
hlaupi. Einnig fór fram „drag“
keppni, þar sem karlmenn
komu fram í kvenmannsfötum.
Fulltrúi MR forfallaðist og stað-
gengill hans brá sér í hlutverk
fatafellu í staðinn. Verslunar-
skólinn vann þá þraut og hafði
eftir daginn sjö stig en MR fjög-
ur en MR vann ræðukeppnina
um kvöldið og hlaut þar með
farandbikar sem keppt er um.
ÓPRÚTTNIR aðilar brutust fyrir
skömmu inn á notendasvæði laga-
nema í Háskóla Islands og komu
þar fyrir á sjötta tug grófra klám-
mynda. Viðkomandi aðilar virðast
hafa komist yfir leyniorð nemans
eða fundið leið til að sniðganga
það. Innbrotið uppgötvaðist fyrir
skömmu, þegar fjöldi heimsókna
inn á heimasíðu nemans urðu svo
margar að netþjónusta HÍ þoldi
ekki álagið.
Svo virðist vera sem sökudólg-
arnir hafi jafnframt kynnt á alnet-
inu að umrædd heimasíða geymdi
klámefni, því að álag á tölvukerfi
skólans jókst skyndilega.
86 þúsund innlit á sólarhring
Á sama tíma var verið að gera
við hluta af tölvukerfinu og héldu
umsjónarmenn þess að álagið væri
af þeim sökum. Þegar álaginu linnti
ekki þoldi netþjónn HI ekki lengur
við og var málið þá kannað. Þá kom
í ljós að 86 þúsund sinnum á einum
sólarhring hafði verið farið inn á
heimasvæði umrædds nema til að
sækja þangað gögn, þ.e. ná í mynd-
ir af svæðinu, sem endurspeglar
gríðarlegan fjölda heimsókna þang-
að.
„Heimsóknir voru frá Malasíu,
Tævan, Evrópu og Bandaríkjunum
svo eitthvað sé nefnt, þannig að
síðan virðist hafa verið auglýst á
mjög góðum stað. Til samanburðar
má geta þess að hingað til hafa
mest um 15 manns skoðað síðuna
mína á sólarhring, auk þess sem
mér skilst að allt tölvukerfi HÍ þoli
hámark 100 þúsund heimsóknir í
heild á sólarhring," segir Elfur
Logadóttir laganemi sem varð fyrir
þessu óskemmtilega tölvuinnbroti.
Þegar Elfur fór inn á svæði sitt
í seinasta mánuði til að skoða tölvu-
póst, fékk hún á skjáinn tilkynningu
um að búið væri að loka fyrir að-
gang hennar og hún ætti vinsam-
legast að hafa samband við for-
stöðumenn Reiknistofnunar HÍ,
sem hefur umsjón með tölvukerfi
skólans.
„Þegar ég mætti á fundinn fékk
ég upplýsingar um hvað var á seyði
og síðan var ég yfirheyrð um málið
og virtust menn halda í fyrstu að
ég væri umræddur klámhundur.
Eg maldaði vitaskuld í móinn og
þegar Reiknistofnun skoðaði málið
betur kom í ljós að klámefnið var
unnið inn í svæðið á annan hátt en
það efni sem frá mér kom, sem
sýndi að um einhvern annan var
að ræða,“ segir Elfur.
Enn áhugi á heimasíðu
Þegar nafn hennar hafði verið
hreinsað var henni úthlutað nýju
lykilorði og kveðst hún vona að
hremmingum hennar að þessu leyti
sé lokið. Þótt búið sé að hreinsa
klámefnið af svæðinu segir Elfur
enn gæta mikils áhuga á heimasíðu
hennar og þannig séu skráðar yfir
þijú þúsund heimsóknir á nokkrum
dögum.