Morgunblaðið - 01.10.1996, Blaðsíða 7
MORGUNBLAÐIÐ
ÞRIÐJUDAGUR 1. OKTÓBER 1996 B 7
KIMATTSPYRNA
sr Morgunblaðið/Ásdís
Islandsmeistararnir
AKURNESINGAR, sem fögnuðu íslandsmeistaratitli á sunnudaginn eftir öruggan sigur á KR-ingum. Aftari röð frá vinstri: Guð-
jón Þórðarson, þjálfari, Stefán Þórðarson, Ólafur Adolfsson, Gunnlaugur Jónsson, Haraldur Hinriksson, Viktor Viktorsson, Alex-
ander Högnason, Sturlaugur Haraldsson, Halldór Jónsson jæknir, Smári Guðjónsson aðstoðarþjálfari og Ragnar Hermannsson,
sjúkraþjálfari. Fremri röð frá vinstri: Haraldur Ingólfsson, Ólafur Þórðarson, Jóhannes Harðarson, Kári Steinn Reynisson, Stein-
ar Adolfsson, Árni Gautur Arason, Bjarni Guðjónsson, Sigursteinn Gíslason. Þórður Þórðarson liggur fyrir framan hjá bikarnum.
Enn koma Skagamenn
upp á réttum tíma
Komum
vel
stemmdir
„ÞETTA var mjög gott hjá okk-
ur, við vorum vel stemmdir fyrir
leikinn og sallarólegir. Stuðnings-
menn okkar voru alveg trylltir
en það er í góðu lagi þvi það er
mikilvægast að við höldum ró
okkar,“ sagði Ólafur Þórðarson
fyrirliði Skagamanna eftir léik-
inn. „Það var mikið meiri pressa
á þeim og við höfðum engu að
tapa. Við komum I þennan leik,
gáfum allt í hann og uppskárum
allt því það gekk allt vel upp hjá
okkur og gat ekki gengið betur.
Nú er bara meistarakeppnin
næst,“ bætti Ólafur við.
Ekkert
venjulegur
áhugi hér
„NÚ ER ég kátur, þetta er topp-
urinn,“ sagði Karl Þórðarson
knattspyrnukappi af Akranesi,
sem var meðal áhorfenda en
hann gerði garðinn frægan með
Skagaliðinu fyrir nokkrum
árum. „Það er búin er að vera
alveg ótrúleg stemmning hér á
Akranesi og allt hefur snúist um
leikinn og úrslitin. Fólk hefur
beðið áhugasamt og alveg með á
hreinu að Skagamenn myndu
klára dæmið enda er þetta ekk-
ert venjulegt hér á Akranesi.
Fólk lifir sig inn í knattspyrnuna
frá upphafi til enda, vaknar á
morgnana og fer að spá og er
síðan að allan daginn. Ég var
aldrei hræddur um að pressa
væri á Skagaliðinu, sem hefur
verið að vinna að undanfarin ár,
heldur var erfiðara fyrir KR-
inga að vera svona nálægt tak-
marki sínu.“
Lélegt hjá
okkur
„ÞETTA var lélegur leikur hjá
okkur,“ sagði Þormóður Egilsson
fyrirliði KR eftir leikinn. „Við
náðum ekki að spila og þeir nýttu
sín færi og því fór sem fór. Það
var ekki pressa á okkur og ekki
markmiðið að reyna að halda
jafntefli en strax í upphafi gekk
þetta ekki eins og við vildum.
Það var líka slæmt að fá á sig
mark á þessum tíma.“
„ÉG held að þetta hafi verið besti
leikur Skagamanna á þessu keppn-
istímabili og enn á ný koma þeir
upp á réttum tíma og sýna sam-
stöðu þegar mest á reynir en KR-
ingar hafa aftur á móti verið að
gefa eftir í síðari hluta mótsins,"
sagði Logi Ólafsson landsliðsþjálf-
ari eftir leikinn. „Vesturbæingar
skoruðu 27 mörk í fyrri umferðinni
en aðeins tíu í þeirri síðari og það
segir sína sögu um af hvetju þeir
voru ekki búnir að klára þetta mót.
Það hefur skipt máli að Guðmundur
Benediktsson dettur út vegna
meiðsla og þess vegna eðlilegt að
hann sé ekki á sama dampi þegar
hann kemur inn á ný en það er
enginn maður í félaginu, sem getur
tekið á sig það sem hann er að
gera. Auðvitað spilar líka andlega
hliðin inn í þetta en þetta hefur
þróast þannig að það er nánast
bara Ríkharður Daðason, sem skor-
að hefur í seinni umferðinni og það
mæðir að mínu mati alltof mikið á
Heimi Guðjónssyni í sókninni. Það
kom einnig niður á þeim að völlur-
inn í dag var þungur og einnig að
Einar Þór Daníelsson var ekki með
í sókninni. Þetta hefur samt dugað
á móti lélegri liðum en þegar kemur
að svona sterkum leik eru það þýð-
ingarmikil smáatriði sem telja.
Skagamenn hafa einnig framyfir
KR að þeir eru nánast allir héðan
og sýna samstöðu á réttum tíma.
Það er einnig, svo einkennilegt
sem það kann að hijóma, að Skaga-
menn hafa verið handhafar titilsins
síðastliðin fjögur ár en alltaf skal
pressan vera á KR. Það er einkenni-
legt í íþróttasögunni og nú var það
svo fyrir þennan leik að KR-ingum
dugði að ná jafntefli en þá togast á
í mönnum; hvort eigum við fara í
leikinn til að sigra eða halda fengn-
um hlut. Þeir tóku greinilega þá
ákvörðun að fara í leikinn og spila
sinn venjutega leik en lenda síðan
undir og ná sér aldrei á strik eftir
það. Þeir fá fyrsta mark ÍA á sig
á erfiðum tima og þurfa að koma
inn eftir hlé til að jafna. Þannig var
pressan meiri á KR á meðan ÍA var
með hreinna borð því þeir þurftu
bara að sigra.
í sambandi við Evrópuleik KR í
síðustu viku kemur tvennt til. Ann-
ars vegar hefur hann haft líkamleg
áhrif á þá þannig að þeir eru ekki
eins frískir þegar til leiks kemur
en hinsvegar fá þeir þarna eitthvað
til að gleyma þessum leik á meðan
Skagamenn voru með hann í hugan-
um í rúma viku. Þeir sýndu í dag
að biðin eftir leiknum kemur ekki
illa niður á þeim og þeir voru af-
slappaðir. Þeir undirbjuggu sig
þannig að pressan var öll á KR og
Skagamenn höfðu allt að vinna og
engu að tapa. Ég kom hér á Akra-
nes í vikunni og gat ekki annað séð
en Skagamenn væru afslappaðir á
meðan það var mikið stress í
Reykjavík. Það var því tilhlökkun
fyrir Skagamenn að mæta hér í
dag, þeir vissu að mörg þúsund
manns kæmu til að fylgjast með
og þeir hafa það einnig fram yfír
KR-inga að þeir hafa staðið í þess-
um sporum ár eftir ár og staðið
uppi sem sigurvegarar og þannig
fá menn sjálfstraust."
Breytingar hjá meisturunum IA
Helstu mannabreytingar á meistaraárunum fimm, 1992 til 1996
Nvir leikmenn Famir
1992
Þjálfari:
Sigurður Jónsson kemur heim frá Englandi,
þar sem hann lék með Sheffield Wed. og Arsenal.
1993 Þjálfari: Guðjón Þórðarson Mihajlo Bibercic, Serbíu Ólafur Þórðarson, Lyn Arnar Gunnlaugsson, Feyenoord Bjarki Gunnlaugsson, Feyenoord Heimir Guðmundsson, hættur
1994 Þjálfari: Hörður Helgason Bjarki Pétursson, KR Karl Þórðarson, byrjar aftur Zoran Miljkovic, Serbíu Haraldur Hinriksson, Skallagrímur Kristján Finnbogason, KR Lúkas Kostic, Grindavík Þórður Guðjónsson, Bochum
1995 Þjálfari: Arnar Gunnlaugsson, Nurnberg (júlí) Bjarki Gunnlaugsson, Nurnberg (júIQ Dejan Stojic, Jugóslavía Karl Þórðarson, hættur Mihajlo Bibercic, KR
Logi Ólafsson ^ Dejan Stojic Sigurður Jónsson, Örebro Arnar Gunnlaugsson, Sochaux Bjarki Gunnlaugsson, Mannheim Bjarki Pétursson, Fylki Pálmi Haraldsson, Breiðablik Theódór Hervarsson, Breiðablik
1996 Þjálfari: Guðjón Þórðarson Mihajlo Bibercic, KR Steinar Adolfsson, KR Haraldur Hinriksson, Skallagrímur
Mihajlo Bibercic (rekinn í ágúst)
Ekki komnir
á sama plan
„ÉG verð að segja að þetta var
lélegasti leikur okkar á tímabilinu
og það er alitaf þannig með okkur
að þegar mikið liggur við er eins
og við skítum í brækurnar,“ sagði
Óskar Hrafn Þorvaldsson, besti
varnarmaður KR-inga, eftir leik-
inn.
„Það var alls ekki pressa á okk-
ur og þar sem ég tók út leikbann
í Evrópuleiknum í síðustu viku get
ég ekki sagt_ um hvort hann hafi
haft áhrif. Ég held samt að sá
leikur hafi ekki gert okkur neitt
illt, við vorum ekki þreyttir og
ferðalagið var ekki langt svo að
hann hefði ekki átt að sitja í okk-
ur. Málið núna var að við spiluðum
ekki okkar knattspyrnu, það var
lítil hreyfing og engin barátta.
Þeir eru aftur á móti í góðu formi,
vita hvað þeir eiga að gera og
hvernig á að vinna, enda veit Guð-
jón Þórðarson þjálfari þeirra
hvernig á að koma mönnum í ham
fyrir leiki. Skagamenn eru búnir
að vinna þetta núna fimm ár í röð
og þeir eru bara sigurvegarar -
málið er ekki flóknara en það og
við erum enn ekki komnir á. sama
glan og þeir, því miður,“ sagði
Óskar Hrafn.