Morgunblaðið - 01.10.1996, Blaðsíða 17

MORGUNBLAÐIÐ
ÞRIÐJUDAGUR1. OKTÓBER1996 B 17
KNATTSPYRNA
Keuter
OLE Gunnar Solskjær, Nordmaðurinn ungi sem slegið hefur í gegn í Englandi í haust, skorar
annað mark sitt gegn Tottenham á Old Trafford. Sol Campbell fær ekki rönd við reist.
Markaregn
í Zaragoza
Barcelona lenti 1:3 undir gegn
Real Zaragoza á útivelli í
spænsku 1. deildinni á sunnudag en
snéri leiknum sér í hag og sigraði
5:3. Leikurinn var stórskemmtiiegur
en afar vafasamur vítaspyrnur, svo
ekki sé fastar að orði kveðið, kom
Barcelona til góða. Brasilíumaðurinn
Ronaldo var heldur betur á ferðinni
og lagði grunninn að sigrinum.
Gustavo Lopez (tvö) og Gustavo
Poyet skoruðu mörk Zaragoza, en
Portúgalinn Luis Figo skoraði fyrsta
mark Barcelona, bætti síðan öðru
við eftir góðan samleik við Ronaldo.
Rúmenski varnarleikmaðurinn Ghe-
orghe Popescu, sem leikur með
Rúmeníu á Laugardalsvellinum,
jafnaði 3:3 úr hinni vafasömu víta-
spyrnu. Luis Enrique Martinez skor-
aði fjórða markið og Ronaldo það
fimmta, hans fimmta deildarmark.
Barcelona er efst með þrettán
stig eftir fímm leiki, tveimur stigum
á eftir kemur Deportivo La Coruna,
sem vann Real Betis 2:1. Króatinn
Robert Jarni skoraði fyrst fyrir Bet-
is eftir aðeins tvær mín. - beint úr
aukaspyrnu. Með Finidi George,
fyrrum leikmann Ajax sem aðal-
mann, réð Betis ferðinni að mesti í
seinni hálfleik, en Brasilíumaðurinn
Rivaldo náði að jafna og síðan
tryggði Madar La Coruna sigur með
skallamarki.
Real Madrid vann sinn fyrsta sig-
ur á útivelli á leiktiðinni, 3:2 í Ovi-
edo. Fabio Capello, þjálfari Real
Madrid, setti sóknarleikmanninn
Raul aftur á miðjuna og það gekk
upp. Raul lagði upp mörkin sem
Davor Suker, Predrag Mijatovic og
Victor Secretario skoruðu. Raul
meiddist og var tekinn af leikvelli í
seinni hálfleik. Við það tvíefldust leik-
menn Oviedo, skoruðu tvö mörk og
voru óheppnir að jafna ekki metin.
Brasilíumaðurinn Romario skor-
aði tvö mörk þegar Valencia vann
Compostela, 3:0.
toóm
FOLX
Liverpool á toppnum en Ole Gunnar Solskjær maður helgarinnar í Englandi
„Ótrúlegt að heyra 55 þús-
und manns kalla nafn mitt“
LIVERPOOL hélt toppsætinu
í ensku úrvalsdeildinni með
2:1 sigri á West Ham á
sunnudag og á sama tíma
komust meistarar Manc-
hester United upp íþriðja
sætið með 2:0 sigri á Totten-
ham. Norðmaðurinn Ole
Gunnar Solskjær, sem hefur
slegið rækilega í gegn hjá
United íhaust, heldur sínu
striki og gerði bæði mörk
liðsins á sunnudag.
Stan Collymore var í byrjunar-
liði Liverpool á ný og skoraði
eftir aðeins þrjár mínútur. Slaven
Bilic jafnaði á 14. mín. með skalla
eftir hornspyrnu Michaels Hughes
og síðan fékk Lundúnaliðið góð
færi til að bæta við; Julian Dicks
þrumaði í þverslá, Hughes átti
firnafast skot að marki sem fór
rétt yfir og David James í marki
Liverpool þurfti að taka á honum
stóra sínum eftir skot Tony Cottee
og Iain Dowie. Aðalmaðurinn á
bak við góðan leikkafla West Ham
þarna var nýi portúgalski leikmað-
urinn Hugo Porfirio.
Leikmenn toppliðsins lögðu ekki
árar í bát þrátt fyrir að hafa átt
í erfiðleikum í fyrri hálfleik og
snemma í þeim síðari skoraði
Michael Thomas og tryggði sigur-
inn með skoti úr teignum í fjær-
hornið eftir glæsilegt spil.
United hefur ekki tapað á
heimavelli í vetur og sigurinn á
Tottenham var öruggur og sann-
færandi. Solskjær hefur nú gert
fimm mörk fyrir United og var
kjörinn maður leiksins á sunnudag
enda bæði mörkin afar falleg.
Hann gerði það fyrra á 38. mín-
útu eftir langa sendingu Ryans
Giggs - tók knöttinn glæsilega
niður og skotið var hárrétt tíma-
sett. Seinna markið þótti ekki
síðra; snéri knettinum með fallegu
hægri fótar skoti í fjærhornið.
„Þetta er með ólíkindum. Ég trúi
þessu ekki,“ sagði Solskjær, sem
sagðist um helgina alls ekki hafa
átt von á að komast í aðallið Un-
ited fyrr en í fyrsta lagi í desem-
ber, en hann var keyptur til
meistaraliðsins í sumar. „Það er
ótrúlegt að heyra 55 þúsund
manns kalla nafn mitt,“ sagði
hann, en áhangendur liðsins hafa
tekið honum opnum örmum.
Arsenal sigraði Sunderland 2:0
í sögulegum leik á laugardag. John
Hartson skoraði með skalla á 73.
mín. og varamaðurinn Ray Parlour
gulltryggði sigurinn er tvær mín.
voru eftir. En það sem þótti eftir-
minnilegast var að tveimur leik-
mönnum Sunderland var vikið af
velli í fyrri hálfleik og Peter Reid,
knattspyrnustjóra liðsins, var vís-
að úr varamannaskýlinu eftir að
hafa tryllst þegar seinni leikmað-
urinn fékk að líta rauða spjaldið.
Varnarmaðurinn Martin Scott
og framheijinn Paul Stewart voru
báðir reknir af velli - fengu tvær
áminningar hvor, og þótti mörgum
sem um minniháttar afbrot hefði
verið að ræða. Scott fór út af eft-
ir aðeins 21 mínútu fyrir að brjóta
í annað sinn á Lee Dixon og Stew-
art fékk báðar áminningarnar fyr-
ir að handleika knöttinn viljandi.
Hann fór út af á 39. mín. Reid
trylltist af bræði sem fyrr segir
og hellti sér yfir dómarann, en
þegar grannt er skoðað hafði dóm-
arinn rétt fýrir sér.
Wimbledon, sem hóf deildar-
keppnina með þremur töpum, sigr-
aði nú í fimmta leiknum í röð og
er meðal efstu liða. Nú varð Derby
að láta í minni pokann á heima-
velli, 0:2. Urslitin sem komu mest
á óvart á laugardag voru hins
vegar stórsigur Southampton á
Middlesbrough, 4:0, en þetta var
fyrsti sigur Southampton í vetur.
Matthew Le Tissier gerði tvö mörk
og þeir Matthew Oakley og Gor-
don Watson eitt hvor.
Andrej Kanchelskis kom Ever-
ton á bragðið gegn Sheffield Wed-
nesday á heimavelli. Hann skoraði
með þrumuskoti af stuttu færi á
17. mín. en áður hafði fyrirliðinn
David Unsworth klúðrað víti er
hann þrumaði í þverslá. Graham
Stuart gerði seinna mark Everton
í 2:0 sigri. Þetta var fyrsti sigur
Everton í níu leikjum. Wednesday,
sem sigraði í fjórum fyrstu deildar-
leikjunum í haust, hefur hins veg-
ar ekki sigrað í síðustu sex leikjum
í deild og bikar.
Gianluca Vialli skoraði fyrir
Chelsea á 51. mín. og leit út fyrir
að liðið myndi sigra Nottingham
Forest. Jason Lee náði hins vegar
að jafna á síðustu mínútunni og
tryggði Forest eitt stig.
■ STAN Collymore gerði fyrra
mark Liverpool gegn West Ham
en fór síðar af velli, meiddur á hné.
■ NORSKI framheijinn 01«
Gunnar Solskjær hefur heldur bet-
ur vakið athygli með Manchester
United í haust. Eric Cantona,
franski landsliðsmaðurinn frábæri
hjá United, líkti Norðmanninum á
dögunum við Jean-Pierre Papin;
sagði Solskjær minna sig á þennan
fyrrum samheija sinn þegar hann
var ungur.
■ BRASILÍSKI varnarmaðurinn
Luis „Lula“ Marcos hjá Porto í
Portúgal fótbrotnaði á sunnudag í
markalausu jafntefli gegn Estrela.
■ HOLLENSKI landsliðsmaður-
inn Michael Reiziger, leikmaður
AC Milan, slasaðist á hálsi í bíl-
slysi á laugardag og verður frá
keppni um tíma. Reiziger var aft~
keyra á æfíngu ásamt landa sínum
Edgar Davids, sem slapp ómeiddur.
■ ALEX Ferguson, knattspyrnu-
stjóri Man. Utd. segir það martröð
fyrir sig að velja ellefu manna lið,
því hann hafí svo marga snjalla leik-
menn í herbúðum liðsins. Jordi
Cruyff var t.d. varamaður gegn
Tottenham en kom inná og stóð
sig mjög vel.
■ DIEGO Marndona var heiðurs-
gestur á ieik Rayo Vallecano gegn
Celta Vico á sunnudag og skv. frétt
blaðsins Marca hafa forráðamenn
Vallecano áhuga á að fá hann til
að leika með liðinu.
■ GERRY Francis, knattspyrnu-
stjóri Tottenham, hældi Man. UtG.
í hástert eftir leikinn um helgina.
„United er besta lið landsins og það
sem önnur verða að sigrast á ætli
þau sér meistaratitilinn. Að veija
titilinn gæti þó orðið erfitt því þátt-
taka liðsins í Evrópukeppninni tekur
sinn toll.“
■ SIÐARA mark Liverpool gegn
West Ham, sem Michael Thomas
gerði, kom eftir glæsilega sókn;
markvörðurinn David James hóf
hana og fimmtánda snerting Li-
verpool-manns í röð var skotið sem
Thomas skoraði úr!
■ FIMMTÁN ár voru liðin á
sunnudag frá dauða Bills Shank-
lys, mannsins sem bygggði upp
Liverpool stórveldið, og sagði Roy
Evans, stjóri liðsiris í dag, að mark
Thomas hefði verið vel við hæfí á
þessum degi. „Þessi sókn var ná-
kvæmlega eins og Shankly vildi
láta spila. Einfált og hratt spil.“ •
Þrenna Yorke dugði
ekki í Newcaslle
l%rjú mörk frá Dwight Yorke,
miðheija Aston Villa,
fyrsta markið eftir aðeins fjórar
mín., dugði ekki til að leggja
Newcastle að velli á St. Jam-
es’Park, þar sem heimamenn
svöruðu með fjórum mörkum
og unnu 4:3. Les Ferdinand
skoraði tvö mörk fyrir heima-
menn, fyrra eftir fimm mín. Ugo
Ehiogu kom í veg fyrir að
Ferdinand skoraði sitt þriðja
mark, er hann bjargaði skoti
hans á marklínu. Newcastle er
komið í annað sæti í ensku úr-
valsdeildinni.
Eftir að Yorke skoraði, svör-
uðu leikmenn Newcastle með
þremur mörkum, Ferdinand
tveimur, hefur skorað átta
mörk, og Alan Shearer bætti
því þriðja við á 38. mín. Yorke
skoraði, 3:2, á 59. mín., en Steve
Howey skoraði fjórða mark
heimamanna á 67. mín. og
tveimur mín síðar skoraði Yorke
þriðja mark sitt.
Aston Villa lék allan seinni
hálfleikinn með tíu menn, þar
sem Mark Draper svar rekinn
af leikvelli á 43. mín. eftir að
hafa fengið að sjá tvö gul spjöld.
Parísarliðið fékk á sig
fyrstu mörkin
Leikmenn Parísarliðsins St Germain, sem hefur ekki tapað í níu
fyrstu leikjum sínum í frönsku 1. deiidarkeppninni, fengu tvö
fyrstu mörkin á sig er þeir mættu Guingamp, sem komst óvænt yfir,
2:0, eftir aðeins fjórtán mín. Bjargvættir liðsins voru enn einu sinni
Brasilíumennirnir Rai og Leonardo, sem náðu að jafna með mörkum
á 25. og 64. mín. Stephane Camot skoraði fyrra mark Guingamp með
þrumuskoti á áttundu mín. og sex mín. síðar náði Lionel Rouxel að
skora eftir varnarmistök Parísarliðsins. Rai skoraði mark sitt úr víta-
spymu, mark Leonardo var afar glæsilegt, beint úr aukaspyrnu.
Bastia, sem er þremur stigum á eflir Parísarliðinu, og Bordeaux,
sem er fjórum stigum á eftir, gerðu jafntefli í leikjum sínum. Jean-
Pierre Papin lék með Bordeaux gegn Marseille, liðinu sem hann lék
mað áður en hann fór til Ítalíu og Þýskalands. Papin, sem skoraði
180 mörk fyrir Marseille á sex ámm, náði ekki að skora í markalaus-
um leik. Það eina sem gladdi Papin, var að Bordeaux hefur ekki enn
tapað eftir að hann hóf að ieika með liðinu.
Bastia gerði jafntefli við Nancy, 2:2.