Morgunblaðið - 03.10.1996, Blaðsíða 5

MORGUNBLAÐIÐ
FIMMTUDAGUR 3. OKTÓBER 1996 C 5
VIÐSKIPTI
Upplýsingar um Alþingi á alnetinu
Allt að sjö
þúsund fyrir-
spumir á viku
Alþingi hlaut viðurkenningu fyrir bestu upp-
lýsingasíðuna frá Samtökum tölvu- og fjar-
skiptanotenda í síðustu viku. Með tilkomu
síðunnar hefur aðgangur almennings að
upplýsingum um þingið verið auðveldaður
til muna. Guðrún Hálfdánardóttir kynnti
sér upplýsingaþjónustu Alþingis.
Morgunblaðið/Ásdís
FRIÐRIK Ólafsson, skrifstofustjóri Alþingis, og Ólafur G. Einarsson, forseti þingsins, við nýja
tölvubúnaðinn.
HAUKUR Arnþórsson með skjámynd af heimasíðu Alþingis en
slóðin er http://www.althingi.is.
VALGEIR Sigurðsson, yfirmaður skjalavörslu Alþingis, hjá
sneisafullum hillum af þingskjölum.
ALÞINGI var að öllum lík-
indum fyrst evrópska
þjóðþinga til að veita
þjónustu á veraldarvefn-
um. Upplýsingasíða Alþingis hefur
verið starfrækt á alnetinu síðan
haustið 1994. Allar götur síðan
hefur upplýsingasíðan verið í stöð-
ugri uppbyggingu.
Aðgangur að upplýsingasíðunni
er öllum heimill en þar er hægt að
nálgast m.a. þingskjöl og þingræð-
ur. Að sögn Hauks Arnþórssonar,
forstöðumanns upplýsinga- og
tæknisviðs skrifstofu Alþingis, þá
er þjónustan töluvert mikið notuð
og fyrirspurnirnar eru allt að sjö
þúsund á viku. „Það hefur dregið
úr áskriftum að Alþingistíðindum
með tilkomu síðunnar. Mörg fyrir-
tæki notfæra sér vefþjónustuna,
sér í lagi stór fyrirtæki þar sem
starfsmenn vinna við tölvur og
hafa aðgang að alnetinu. Notkun
alnetsins sparar fyrirtækjum bæði
áskriftarkostnað vegna Alþingist-
íðinda og dýrmætt hillupláss. Um
leið verða fyrirtækin umhverfis-
vænni."
Á alnetinu eru öll þingskjöl og
þingræður frá haustinu 1991. Þing-
skjöl eru yfirleitt komin á vefínn
sama dag og þau eru lögð fram í
þingsal. Ræður þingmanna eru oft-
ast komnar á netið innan viku frá
flutningi á þingfundi. Á vegum Al-
þingis er unnið að innslætti aðalefn-
isyfirlits Alþingistíðinda aftur í tím-
ann, þannig eru nú komin inn gögn
um þingmenn, skjöl og ræður allt
aftur til ársins 1972. Að sögn Hauks
er einungis um yfirlit að ræða en
þau geta sparað mikla leit í Alþing-
istíðindum.
Þingskjöl og áskriftir að Alþing-
istíðindum eru seld með hefðbundn-
um hætti í skjalavörslu Alþingis í
Skólabrú 2.
Bein tenging við
gagnagrunn þingsins
Af upplýsingasíðunni er bein
tenging við gagnagrunn Aiþingis
og þar má frá fram upplýsingar
um feril þingmála. Stöðu þingmála
má skoða á hverjum tíma og t.d.
hvaða umsagnaraðilar hafa fjallað
um þingmál. Þar er einnig að finna
upplýsingar um hvernig alþingis-
menn hafa greitt atkvæði við af-
greiðslu einstakra frumvarpa. Að
sögn Hauks er gagnagrunnurinn í
raun innanhússkerfi starfsmanna
Alþingis og þingmanna sjálfra, en
er opið öllum án gjaldtöku. „Að
vísu er stundum kvartað undan því
að erfitt sé að leita í gagnagrunnin-
um. Það skýrist af því hversu flók-
in þinsköp Alþingis eru þannig að
notendur verða helst að hafa ein-
hverja þekkingu á þeim áður en
notkun gagnagrunnsins hefst."
Hann segir að kostnaður sem
hið opinbera hefur lagt út í vegna
dreifingar á prentmáli hafi iðulega
ekki skilað sér með áskriftargjöld-
um, jafnvel svo að ekki nægi fyrir
dreifingarkostnaði. „Ef opinberar
stofnanir geta dregið úr prentun
þá þýðir það mikinn sparnað í
rekstri þeirra en tölvukerfi flestra
opinberra stofnana býður upp á
dreifingu gagna með veraldarvef.“
Að sögn Hauks hafa þingmenn
verið duglegir að tileinka sér notk-
un tölva við störf sín. „Það er tölvu-
net á milli bygginga þingsins og
til allra skrifstofa þingmanna. Unn-
ið er að því að beintengja tölvur
heim til þingmanna þannig að þeir
geti nálgast tölvupóst, skjalasöfn
og alnetið heima hjá sér.“
Forseti þingsins, Ólafur G. Ein-
arsson, og skrifstofustjóri Alþingis,
Friðrik Ólafsson, hafa nýlega tekið
í notkun nýtt grafískt hugbúnaðar-
kerfi í þingsal. Haukur segir að
með hugbúnaðinum sé hægt að
stjórna atkvæðagreiðslum, fylgjast
með viðveru þingmanna og setja
inn breytingar á mælendaskrá ef
þingmenn biðja um orðið á þing-
fundi. í kerfinu er klukka sem stýr-
ir tímatöku í umræðum þar sem
ræðutími er takmarkaður og munu
áhorfendur, hvort sem þeir eru
staddir í þingsal, á áhorfendapöll-
um eða fyrir framan sjónvarpið,
geta fylgst með því hvort ræðu-
menn fara út fyrir leyfilegan ræðu-
tíma,“ segir Haukur.
Sjónvarpað beint frá Alþingi
í vétur verða beinar útsendingar
frá föstum þingfundum í Ríkissjón-
varpinu. Útsendingarnar verða til
klukkan fimm síðdegis. Því til við-
bótar verða stefnuræða forsætisráð-
herra, eldhúsdagur og e.t.v. fleira í
beinni útsendingu í Ríkissjónvarp-
inu.
í textavarpinu á bls. 230 birtist
daglega dagskrá næsta þingfundar.
Þegar þingmenn ræða mál sem
hafa valdið hita í þjóðfélaginu er
yfirleitt þétt setinn bekkurinn á
áhorfendapöllum Alþingis. Þar er
hægt að fylgjast með dagskrá yfir-
standandi þingfundar.
Haukur segir að alltaf verði al-
gengara að félagasamtök og skólar
hafi áhuga á að kynna sér Alþingis-
húsið og þá starfsemi sem þar fer
fram. Upplýsingafulltrúi Alþingis
tekur á móti hópum sem þess óska,
sýnir þeim húsið og muni þess,
rekur sögu þingsins og segir frá
starfsemi þess. Yfir sumartímann
er boðið upp á skipulagðar skoðun-
arferðir með leiðsögumönnum um
Alþingishúsið.
„Það er allra hagur að upplýs-
ingar um störf Alþingis séu öllum
aðgengilegar en ekki lokaðar með
einhveijum hætti almenningi í land-
inu sem á rétt á að fylgjast með
löggjafarþinginu landsins að störf-
um,“ segir Haukur Arnþórsson.
íslensk forritaþróun hf. með marga stóra samninga erlendis
Félag bókhalds og fjárhagsraögjafa
Skartgripakeðja velur ópusallt
ÍSLENSK forritaþróun og systurfyr-
irtæki þess í Skotlandi, Atlantic In-
formation Systems , hafa að undan-
förnu gert nokkra stóra samninga um
sölu ópusallt-viðskiptahugbúnaðar til
fyrirtækja í Skotlandi og víðar.
Meðal nýrra erlendra notenda ópu-
sallt er Martin Groundland, sem er
keðja 13 skartgripaverslana í Mið-
Skotlandi. Stór samningur hefur verið
gerður við RW Caims, keðju 17 hót-
ela, verslana og veitingastaða í Vest-
ur-Skotlandi. í þeim lausn er í fyrsta
skipti, fyrir utan Japan, notuð ný teg-
und TEC afgreiðslukassa _með sner-
tiskjám, að sögn Bergs Ólafssonar,
sölustjóra íslenskrar forritaþróunar.
Meðal annaira samninga er sölu-
samningur við fyrirtækið Simplicity
Pattems sem starfar á sviði vefnað-
arvöruiðnaðar. Simplicity Pattems
rekur útibú í fjölda landa og verður
ópusallt-kerfið m.a. sett upp í Bret-
landi, S-Afriku og Ástralíu. Þessir
samningar hljóða upp á nokkra tugi
milljóna króna.
Það kemur fram hjá Bergi að þessi
árangur sé góður í ljósi þess að um
800 hugbúnaðarfyrirtæki beijast að
jafnaði um athygli þeirra fjölmörgu
sem árlega ákveða að fjárfesta í við-
skiptahugbúnaði. Ástæður velgengni
ópusallt á þessum harða markaði
má m.a. rekja til þess að fyrri upp-
setningar AIS á ópusallt hafa gengið
snurðulaust fyrir sig og núverandi
notendur ópusallt á Bretlandseyjum
gefa hugbúnaðinum og þjónustuaði-
lanum sín bestu meðmæli.
Ráðstefna um reikningshald, fjármál og skattamál verður
haldin dagana 11.-12. október nk. á Hótel Selfossi.
Aðalfundur félagsins verður haldinn á sama stað laugardaginn
12. október kl. 13.30. Auk venjulegra aðalfundarstarfa verða
kynnt drög að frumvarpi um réttindamál félagsmanna.
Sent hefur verið út fréttabréf til félagsmanna með nánari
upplýsingum um ráðstefnuna.
Þeir sem óska eftir nánari upplýsingum um félagið og ráðstefn-
una hafi samband við Ármann Guðmundsson, formann
félagsins, í síma 565 8833.
Stjórnin.