Morgunblaðið - 05.10.1996, Síða 1

80 SIÐUR B/C
227. TBL. 84. ÁRG.
LAUGARDAGUR 5. OKTÓBER 1996 PRENTSMIÐJA MORGUNBLAÐSINS
Reuter
Norsku fjárlögin lögð fram
442 milljarða
afgangur
Ósló. Reuter.
FRUMVARP til fjárlaga fyrir árið
1997 var lagt fram í Noregi í gær,
en það gerir ráð fyrir 40,9 milljörð-
um norskra króna, jafnvirði 442
milljarða íslenskra, í tekjuafgang.
Þrátt fyrir fyrirséðan tekjuaf-
gang sagði Sigbjörn Johnsen, fjár-
málaráðherra, að mikils aðhalds
yrði gætt í ríkisfjármálum til að
kynda ekki undir verðbólgu.
Í tilkynningu frá fjármálaráðu-
neytinu sagði, að Norðmenn upp-
fylltu mjög auðveldlega meginfor-
sendur Maastricht-sáttmálans fyrir
aðild að sameiginlegu myntkerfi
Evrópusambandsins (ESB), sem
ráðgert er að verði að veruleika
árið 1999, en aðild að ESB var
hafnað í þjóðaratkvæði 1994.
„Áætlaður tekjuafgangur fjár-
laganna 1997 samsvarar 5,1%
landsframleiðslunnar (GDP),“
sagði í tilkynningunni. Væru áætl-
aðar olíutekjur Norðmanna 1997
ekki reiknaðar með yrði 24,2 millj-
arða norskra króna halli á fjárlög-
unum. Gengið er út frá þeirri for-
sendu, að fyrir fatið af olíu fáist
115 krónur á næsta ári miðað við
125 krónur á þessu ári. Norðmenn
framleiða um þrjár milljónir fata á
dag og er gert ráð fyrir að fram-
leiðslan verði á því stigi um mörg
ókomin ár.
Mikill viðbúnaður
í Jerúsalem
MÚSLIMI gengur framhjá ísra-
elskum lögreglumönnum eftir
bænasamkomu i mosku í Jerú-
salem í gær. 3.000 lögreglumenn
voru á varðbergi í grennd við
moskuna en múslimskir klerkar
komu í veg fyrir að efnt yrði til
mótmæla í borginni til að af-
stýra átökum áður en friðarvið-
ræður Palestínumanna og ísra-
elsstjórnar hefjast að nýju á
morgun, sunnudag.
Yasser Arafat, leiðtogi sjálf-
stjórnarsvæða Palestínumanna,
ræddi í gær við ítalska ráða-
menn í Napólí og Jacques Chirac
Frakklandsforseta í París og
kvaðst vilja að fulltrúar Evrópu-
sambandsins (ESB) yrðu við-
staddir viðræðurnar.
Fyrr um daginn hafði Chirac
rætt við Romano Prodi, forsæt-
isráðherra Italíu, og þeir ákváðu
að beita sér fyrir því að leiðtog-
ar ESB, sem koma saman í Du-
blin í dag, samþykktu yfirlýs-
ingu um að sambandið gegndi
auknu hlutverki í friðarumleit-
unum í Miðausturlöndum.
■ Klerkar hindra átök/22
Fundað um fjárskort rússneska hersins
Jeltsín rekur sex
hershöfðingja
tvu. Reuter.
HIÐ nýja varnarmálaráð Rússlands
hélt í gær fund til að ræða fjárskort
rússneska hersins en engin niður-
staða náðist enda meðlimir ráðsins
ekki á eitt sáttir um til hvaða að-
gerða skuli gripið. Stjórnvöld hafa
þó þegar hafíð endurskipulagningu
hersins, því í gær var tilkynnt að
Borís Jeltsín Rússlandsforseti hefði
rekið sex hershöfðingja, þ. á m. yfir-
mann fallhlífahersveitanna, Jevgeníj
Podkolzín.
fnter/ax-fréttastofan sagði í gær
að málflutningur hersins í varnar-
málaráðinu hefði byggst á því að
fjárskortur græfi undan varnar-
mætti Rússa. Fulltrúa stjórnvalda
sögðu hins vegar, að herinn væri
of stór, hershöfðingjar of margir og
skrifræðið of mikið.
Fjölmiðlar sögðu í gær að brott-
rekstur hershöfðingjanna sýndi að
Igor Rodíonov, sem tók við embætti
varnarmálaráðherra í júlí sl., væri
reiðubúinn að láta til sín taka. Rodí-
onov á sæti í varnarmálaráðinu en
Jeltsín skipaði það í júlí til að hafa
umsjón með umbótum innan hersins
og til mótvægis við öryggisráðið og
formann þess, Alexander Lebed.
Olíuleit í
hættuí
Færeyjum
OLÍU- og gasleit í Færeyjum
hefur legið niðri í rúmar tvær
vikur þar sem bor dönsku leit-
arfyrirtækjanna festist í bas-
altlögum, sem sögð eru
óvenjuhörð.
Harka færeysku basaltlag-
anna er það mikil, að rúmlega
tveggja vikna tilraunir til að
losa rannsóknarborinn hafa
engan árangur borið. Er jafn-
vel talað um, að olíuleitin sé
í hættu og kunni að verða
stöðvuð.
Borholan er við byggðina í
Lopra en hún er fyrsta og
eina reynsluborholan, sem
boruð er vegna fyrirhugaðrar
olíuleitar í Færeyjum og á
færeyska landgrunninu.
Hafist var handa í júlí og
mun borinn hafa verið kominn
niður á 3.000 metra dýpi er
hann festist, en ætlunin var
að bora a.m.k. 500 metra til
viðbótar.
Lee varar við
árás frá
Norður-Kóreu
Seoul. Reuter.
LEE Soo-sung, forsætisráðherra
Suður-Kóreu, sagði í gær, að allt
eins mætti gera ráð fyrir árás af
hálfu Norður-Kóreumanna á fimm
afskekktar eyjar, sem eru á valdi
Suður-Kóreu, en liggja skammt
undan ströndum Norður-Kóreu.
Af ótta við árás af hálfu Norðan-
manna á Kóreuskaga voru öryggis-
ráðstafanir efldar við 395 mikil-
væga staði í Suður-Kóreu, m.a. á
flugvöllum, við hafnir, fjarskipt-
amiðstöðvar og samgöngumann-
virki og við orkuver.
Sömuleiðis var eftirlit eflt við
186 byggingar erlendra sendiráða
eða sendinefnda.
Fyrsta merki vaxandi spennu á
Kóreuskaga í gær var verðhrun á
verðbréfamarkaðinum í Seoul, höf-
uðborg Suður-Kóreu. Ástæður óró-
ans nú eru hótanir Norður-Kóreu-
manna, að hefna dauða norður-
kóreskra hermanna, sem féllu eftir
að hafa hlaupið á land frá
strönduðum kaft)át 18. september
sl. Flestir féllu fyrir hendi eigin
manna en suður-kóreskir hermenn
felldu nokkra er þeir leituðu kaf-
bátsmanna. Einn skipveija náðist
lifandi en þriggja er enn saknað.
Ástandið þykir verra en nokkru
sinni frá því í hittifyrra er ríkin
deildu um meinta kjarnorkuvopna-
áætlun norðanmanna. Stjórnvöld í
Pyongyang, höfuðstað Norður-
Kóreu, hótuðu þá að breyta Seoul
í „eldhaf". Þeirri kreppu var eytt
með tímamótasamkomulagi norð-
ur-kóreskra yfirvalda og bandarí-
skra stjórnvalda seint á árinu
1994.
Reuter
VÍGBÚNIR suður-kóreskir hermenn efldu í gær vörslu meðfram
vopnahléslínunni, sem sker Kóreuskagann í tvennt meðfram 38.
breiddargráðu.