Morgunblaðið - 05.10.1996, Blaðsíða 2
2 LAUGARDAGUR 5. OKTÓBER 1996
MORGUNBLAÐIÐ
FRÉTTIR
Eitt stærsta málverkauppboð í manna minnum haldið hjá Gallerí Borg á morgun
Kj arvalsmálverk
metið á um þrjár
milljónir króna
LESIÐ á gullbók, verðmætasta
Kjarvalsmálverk sem boðið hef-
ur verið upp um langt árabil, er
á málverkauppboði Galleris
Borgar sem fram fer á morgun,
sunnudag, í Gullhömrum, húsi
Iðnaðarmannafélagsins að Hall-
veigarstíg 1 kl. 20.30. Hér er um
að ræða eitt stærsta málverka-
uppboð sem haldið hefur verið
hér á landi, svo sem Pétur Þór
Gunnarsson hjá Gallerí Borg
kemst að orði, en þar verður jafn-
framt boðið upp síðasta málverk
Jóns Stefánssonar.
Lesið á gullbók, sem Jóhannes
S. Kjarval málaði árið 1961, er
150x205 cm að stærð og er, að
sögn Péturs, metið á um 3 millj-
ónir króna. „Sem er að okkar
áUti ekkert ofmat." Segir hann
verkið ekki einungis stórt að flat-
armáli heldur jafnframt með til-
liti til listfræðilegs gildis. „Það
er mjög óvanalegt að verk af
þessari stærðargráðu komi inn á
uppboð hér á Iandi.“
Siðasta málverk Jóns Stefáns-
sonar er 130x190 cm að stærð
en hann náði ekki að ljúka við
verkið áður en hann lést árið
1962. Er það metið á rúmar tvær
milljónir króna. „Sú mynd er frá
ættingjum Jóns komin og er ekki
síður merkileg, ekki síst þar sem
hún er ekki kláruð og gefur því
innsýn í vinnubrögð Jóns Stef-
ánssonar.“
Pétur segir að sjaldan eða
aldrei hafi jafn mörg glæsiverk
gömlu meistaranna verið á upp-
boði hér á landi. Megi þar nefna
átta verk eftir Ásgrim Jónsson,
fleiri verk eftir Kjarval, auk
verka eftir Gunnlaug Blöndal,
Jón Engilberts, Jóhann Briem,
Kristínu Jónsdóttur, Gunnlaug
Scheving, Þórarin B. Þorláksson,
Morgunblaðið/Ásdís
JÓHANNES S. Kjarval: Lesið á gullbók, 1961
Alfreð Flóka, Snorra Arinbjam-
ar, Karólínu Lárusdóttur, Pétur
Gaut og tvö stór málverk eftir
Karl Kvaran.
Að sögn Péturs er vitaskuld
mikil eftirvænting í loftinu en
einn galli sé þó á gjöf Njarðar.
„Þessi verk eru bara sýnd í þijá
daga en síðan eru þau boðin upp
og seld. Maður hefði hins vegar
viljað halda sýningunni í tvær
vikur.“
)
Orkulaganefnd skilar tillögum til ráðherra eftir helgi
Komið verði á sam-
keppni í orkuöflun
Éyrarbakki
Vélar-
vanabát
bjargað
BÁTUR með þremur mönn-
um innanborðs varð vélar-
vana við innsiglinguna að
Eyrarbakkahöfn rétt fyrir kl.
19 í gærkvöldi.
Bátsveijar hringdu í neyð-
arsíma Björgunarsveitar
Slysavamafélagsins á Eyrar-
bakka og um 10 mínútum
síðar var slöngubátur þeirra
kominn á vettvang.
Engansakaði
Að sögn Guðjóns Guð-
mundssonar, formanns björg-
unarsveitarinnar, sakaði eng-
an en báturinn var dreginn
til Þorlákshafnar með bilaða
olíudælu.
„Betur fór en á horfðist,
myrkrið var að skella á og
töluvert brim var í innsigling-
unni sem er talin með þeim
hættulegri á landinu," sagði
Guðjón Guðmundsson.
í DRÖGUM að nefndaráliti, sem
liggja fyrir hjá svokallaðri orku-
laganefnd, er lagt til að heimiluð
verði samkeppni í orkuöflun og að
einkaréttur Landsvirkjunar á að
virkja verði afnuminn. Drögin gera
ráð fyrir að það verði alfarið mál
stjórnvalda hvernig staðið verður
að jöfnun á orkuverði, en orkufyrir-
tækin sjálf keppi innbyrðis um sölu
á raforku.
Orkulaganefnd heldur sinn síð-
asta fund nk. mánudag. Á honum
verða nefndarmenn að taka afstöðu
til fyrirliggjandi draga að áliti en
að því búnu verða tillögumar sendar
iðnaðarráðherra. Hann áformar að
leggja fram frumvarp til nýrra
orkulaga á þessu þingi.
í orkulaganefnd eiga sæti fulltrú-
ar allra stjórnmálaflokka, aðila
vinnumarkaðarins, sveitarfélaga
fyrirtækja og stofnana á sviði orku-
öflunar og orkudreifingar. Samtals
sitja nítján menn í nefndinni en
formaður hennar er Þórður Frið-
jónsson, forstöðumaður Þjóðhags-
stofnunar. Mikil áhersla hefur verið
lögð á að skapa samstöðu innan
nefndarinnar um þær tillögur sem
hún kemur til með að leggja fram.
Skiptar skoðanir hafa hins vegar
verið í nefndinni um hve langt eigi
að ganga í breytingum á núverandi
kerfi.
Landsvirkjun skipt
í grundvallaratriðum gera drögin
ráð fyrir að heimiluð verði sam-
keppni í orkuöflun, en að áfram
verði óbreytt fyrirkomulag í flutn-
ingi og dreifíngu á raforku. Þetta
þýðir að Landsvirkjun verður skipt
upp í tvö fyrirtæki. Annað rekur
og byggir virkjanir, en hitt sér um
flutning á orkunni. Aðskilnaðurinn
er talinn nauðsynlegur til að tryggja
að Landsvirkjun geti ekki notað arð
af öðrum þættinum til að niður-
greiða verð á hinum.
Bókhaldslega mun þessi aðskiln-
aður gerast um næstu áramót og
er það óháð nefndarstarfmu og
hugsanlegum breytingum á orkulög-
um. Ný tilskipun Evrópusambands-
ins, sem nær til Evrópska efnahags-
svæðisins, um orkumál gerir þessa
breytingu nauðsynlega. Segja má
að með þessari skiptingu verði fyrsta
skrefíð stigið að varanlegri skiptingu
Landsvirkjunar, þ.e.a.s. ef orkulög-
um verður breytt í samræmi við til-
lögur orkulaganefndar.
Ekki mun vera mikill ágreiningur
innan nefndarinnar um þessa skipt-
ingu á Landsvirkjun. Hins vegar
hefur verið tekist á um hversu langt
eigi að ganga í að skapa skilyrði
fyrir nýja aðila til að keppa við
Landsvirkjun um orkuöflun. Nefiid-
in tekur ekki afstöðu til þess hve-
nær opnað verði fyrir samkeppni.
Ekki er heldur fjallað um breyting-
ar á eignarhaldi Landsvirkjunar.
Það mál er nú til umfjöllunar milli
eigenda fyrirtækisins, ríkisins,
Reykjavíkur og Akureyrar.
Samkeppni í orkuöflun þýðir að
ekki verður hægt að viðhalda
óbreyttu núverandi orkujöfnunar-
kerfi þ.e. að heildsöluverð á raf-
magni sé það sama alls staðar á
landinu. Nefndardrögin gera ráð
fyrir að það verði alfarið mál Al-
þingis og ríkisstjórnar að fjalla um
orkujöfnun á landinu, en í dag er
það sameiginlegt verkefni Lands-
virkjunar og stjómvalda.
\
Morgunblaðið/Golli
YFIRMENN almannavarna skoða aðstæður á Skeiðarársandi. Frá vinstri: Einar Hafliðason yfirverk-
fræðingur Vegagerðar, Páll Björnsson sýslumaður á Höfn, Sólveig Þorvaldsdóttir framkvæmda-
s^jóri Almannavarna, Sigurður Gunnarsson sýslumaður í Vík, Rögnvaldur Gunnarsson verkfræðing-
ur Vegagerðar og Reynir Gunnarsson starfsmaður yegagerðarinnar.
Varnargarð-
arnir styrktir
YFIRMENN almannavarna í
Skaftafellssýslum og framkvæmda-
stjóri Almannavarna ríkisins fund-
uðu með verkfræðingum Vegagerð-
ar ríkisins í Freysnesi í gær.
Að þeim fundi loknum var farið
að sandinum þar sem Einar Hafliða-
son yfirverkfræðingur Vegagerðar-
innar skýrði aðstæður og fyrirhug-
aðar aðgerðir til varnar brúnum.
Sigurður Gunnarsson sýslumaður í
Vík í Mýrdal sagðist eftir fundinn
hafa traust á aðgerðum Vegagerð-
arinnar.
Starfsmenn Vegagerðarinnar og
verktakar á hennar vegum unnu í
gær áfram að því að styrkja varnar-
garða við brýrnar á Skeiðarár-
sandi. Að sögn Einars Hafliðasonar
er þetta verk sem ólokið var eftir
síðasta hlaup í ánni. í dag verður
haldið áfram að vinna efni til að
eiga á lager þegar fylla þarf aftur
í skörðin. Hugsanlega verður keyrt
meira efni út á garðana á morgun
en að öðru leyti er biðstaða hjá
vegagerðarmönnum eins og öðrum.
Einar telur að búið sé að gera
það sem hægt er til að varna tjóni
á brúnum en vill þó ekkert um það
segja þvort staðan sé slæm eða
góð. „Eg hlýt að svara því játandi,"
segir hann spurður að því hvort
hann gerði sér vonir um að geta
varið brýrnar með þeim aðgerðum
sem ákveðnar hafa verið, en tekur
jafnframt fram að það sé von en
ekki vissa.