Morgunblaðið - 06.10.1996, Blaðsíða 52
52 SUNNUDAGUR 6. OKTÓBER 1996
MORGUNBLAÐIÐ
KNATTSPYRNA
Maradona jafnvel sagdur
í lífshættu vegna lang-
varandi eiturlyfjaneyslu
DIEGO Maradona hvet-
ur lið Boca Juniors,
sem hann var síðast
hjá, í leik gegn erki-
fjendunum í River Plate
síðastliðinn miðviku-
dag í Buenos Aires í
Argentínu. Eiginkonan
Claudia er knatt-
spyrnugoðinu á hægri
hönd. Maradona seg-
ist ekki framar vilja
leika knattspyrnu með
liði í heimalandinu.
Blað í Argentínu segist hafa komist
yfir niðurstöður rannsókna á heila
knattspyrnumannsins frá því í fyrra
LÆKNIR í Argentínu hélt því
fram ítímaritsviðtali ívikunni
að knattspyrnustjarnan Diego
Maradona væri jafnvel dauð-
ans matur vegna mikillar
eiturlyfjaneyslu mörg undan-
farin ár. Læknir knattspyrnu-
liðsins Boca Juniors, sem
Maradona lék síðast með,
dregur hins vegar mjög í efa
sannleiksgildi þessa.
Maradona hefur viðurkennt
eiturlyfjaneyslu og reyndar
verið í meðferð upp á síðkastið, í
þeirri von að yfirvinna fíknina.
Sérfræðingur í heimalandi hans,
Dr. Ricardo Grimson, sem hefur
annast Maradona, segir hann hafa
eyðilegt ennisblöð í heilanum
vegna mikillar kókaínneyslu og
gæti verið við dauðans dyr. „Ég
get ekki útilokað að sú hætta sé
fyrir hendi að Diego gæti látist
hvenær sem er, hvort sem er á
knattspyrnuvelli eða bara gang-
andi úti á götu,“ sagði hann.
Læknir Boca Juniors, dr. Hom-
ero De Agostino, neitar að taka
svo djúpt í árinni. Hann sagðist í
vikunni efast mjög um að heila-
sneiðmynd sýndi varanlegan skaða
á knattspyrnuhetjunni. „Ég held
þetta sé ekki sannleikanum sam-
kvæmt. Ég fór þess reyndar aldrei
á leit við Maradona að hann færi
í slíka rannsókn, vegna þess að
ég taldi aldrei að slíkt væri rétt-
lætanlegt."
De Agostino neitaði einnig
fréttum í vikuritinu Noticias þess
efnis að Maradona væri svo illa á
sig kominn líkamlega vegna ára-
langrar fíkniefnanotkunar að hann
ætti á hættu að detta niður dauð-
ur í knattspyrnuleik. Noticias birti
grein um knattspyrnugoðið og
hélt því fram að blaðið hefði kom-
ist yfir niðurstöður ómskoðunar á
heila hans og annarra rannsókna
sem fram hefðu farið í fyrra, og
niðurstaðan væri endanleg: heila-
frumur í ennisblöðum heilans væru
margar ónýtar og blóðstreymi
væri því af skomum skammti.
Blaðið sagði Maradona árásar-
gjarnan og ekki þess megnugan
að ráða við þær tilfinningar. Notic-
ias hélt því einnig fram að heila-
starfsemin væri orðin þannig að
Maradona yrði ekki var við fólk
sem væri aftan við hann.
Maradona, besti knattspyrnu-
maður heims um árabil, hefur
ekki svarað þessum ásökunum.
Leikmaðurinn fór í eiturlyfja-
meðferð til Sviss á dögunum, og
var þá mikið í fréttum. Skömmu
síðar var hann um tíma í Madrid
á Spáni og komst þá aftur í frétt-
irnar eftir að hafa brotið og braml-
að húsgöng á hóteli. Ástæða þess
var að hann lokaðist inni í lyftu
og þoldi það illa.
Sjaldan er ein báran stök því
Maradona var á dögunum einnig
ásakaður um að hafa lagt fram
þvagsýni úr öðrum leikmanni þeg-
ar hann fór í lyfjapróf í ágúst eft-
ir leik, og síðar hafi verið tilkynnt
að viðkomandi samheiji hans hafi
fallið á lyfjaprófinu - vegna
kókaínneyslu. Sá sem ber þetta á
Maradona er lyftingamaður í Bu-
enos Aires, Sergio Parodi að nafni.
Þjálfari Boca Juniors, Carlos Bil-
ardo, fyrrum landsliðsþjálfari,
varði Maradona hins vegar í þessu
máli. Sakaði hann Parodi um að
nýta sér frægð Maradonas til
frama. „Niðurstaðan í prófi Diegos
var neikvæð og um er það er ekk-
ert meira að segja.“
Þrátt fyrir þessi ummæli er
Maradona ekki ánægður með Bil-
ardo um þessar mundir og segist
ætla í mál við hann og fleiri fyrr-
um samstarfsmenn og ættingja
vegna ummæla sem viðkomandi
létu falla við Bretann Jimmy
Burns, sem gaf út bókina Hönd
Guðs um Maradona. Þessi frábæri
knattspyrnumaður, lengi vel sá
besti í heimi, hefur verið á hraðri
niðurleið - að miklu leyti vegna
eiturlyfjaneyslu. Hann var settur
í 15 mánaða keppnisbann eftir að
hann féll á lyfjaprófi á heimsmeist-
arakeppninni í Bandaríkjunum
sumarið 1994. Nokkrum mánuð-
um áður skaut hann á fréttamenn
með loftriffli. 1991 var hann einn-
ig settur í 15 mánaða keppnis-
bann, eftir að hafa fallið á lyfja-
prófi - vegna kókaínneyslu - þeg-
ar hann lék með Napolí.
Reuter
Hefðum getað hjálpað
honum miklu meira
CIRO Ferrara, varnarmaður
hjá Juventus á Ítalíu og sam-
herjji Maradonas hjá Napolí í
sjö ár, segist sjá eftir því að
hann og aðrir hjá félaginu
skyldu ekki reyna að hjálpa
Maradona enn frekar en þeir
gerðu í að leita sér hjáipar
vegna eiturlyfjanotkunar.
„Vandamálið er að Diego
byijaði að neyta kókaíns í Barc-
elona áður en hann kom til
Napolí og við hjá Napolí áttuð-
um okkur ekki á því fyrr en
of seint,“ sagði Ferrara við
fréttamenn í vikunni. Mara-
dona lék með Barcelona á Spáni
frá 1982 til 1984 áður en hann
kom til Napoh', þar sem hann
lék í sjö ár, til 1991. „Ég fór
stundum heim til Diegos til að
reyna að fá hann á æfingu.
Sagði honum að mikilvægur
leikur væri framundan og við
þörfnuðumst hans allir. Og
hann brást vel við. Kom á æf-
ingu, náði að vinna kókaínið
úr líkamanum ... og eftir æf-
ingu fórum við allir saman, með
honurn og [eiginkonunni]
Claudiu og fengum okkur
pítsu,“ sagði Ferrara. „Þegar
ég hugsa til baka nú get ég
ímyndað mér að hver pítsa sem
við borðuðum saman hafi kom-
ið í veg fyrir að hann fengi sér
„kók“ í nefið. Við hefðum því
átt að bjóða honum út á hverju
kvöldi.“
MARADONA upplifði margar gleðistundir innan vallar er
hann lék með Napolí á Ítalíu, en átti þá þegar við eiturlyfja-
vanda að stríða.