Morgunblaðið - 06.10.1996, Blaðsíða 3

2 C SUNNUDAGUR 6. OKTÓBER 1996 c MORGUNBLAÐIÐ MORGUNBLAÐIÐ SUNNUDAGUR 6. OKTÓBER 1996 C
FERÐALÖG FERÐALÖG
RÓM var ekki byggð á einum
degi... og hún verður heldur
ekki skoðuð á einum degi.
Borgin er þrungin sögu fyrir
þá sem hafa auga fyrir því, en hún
er einnig nútíma stórborg með öllu
tilheyrandi. Hið versta er umferðin,
sem er yfirþyrmandi og óskaplega
þreytandi. Best er að stika borgina
fram og aftur, því mest af því sem
laðar ferðamanninn er í göngufæri í
þröngum götum miðborgarinnar, en
taka neðanjarðarlestina þegar þarf
að fara milli borgarhluta.
Áður en lagt er af stað er vitur-
legt að lesa sér aðeins til um sögu
borgarinnar, athuga hvað þar er að
sjá og velja lauslega hvað helst eigi
að skoða. Það eru til margar góðar
ferðabækur um borgina og allar gera
sögunni einhver skil. Ábendingar hér
á eftir um merkisstaði eru fáar, því
þær fást í bókum, en áhersla lögð á
ábendingar um hvar gaman er að
halda sig til að sjá hið raunverulega
rómverska líf og ekki aðeins ferða-
mannalífíð. Besti ferðatíminn er
apríl-júní og september-október, því
eftir miðjan júní og fram í miðjan
ágúst er að vænta yfír 30 stiga hita,
sem eflir ekki löngun til skoðunar-
ferða. Sól og 17 stiga hiti í desember
er ekkert einsdæmi, svo borgin getur
sýnt á sér bestu hliðamar að vetrar-
lagi.
Og hvar er þá skemmtilegast að
búa? Tvímælalaust í miðborginni. í
hverfínu kringum aðaljárnbrautar-
stöðina, Termini, eru mörg hótel og
eins í kringum glæsigötuna Via Ve-
neto. Allt í kring eru stórar og mikl-
ar umferðargötur. Fyrir þá sem vilja
þreifa á rómverskum anda er mun
skemmtilegra að velja hótel í borgar-
hjartanu í hverfunum beggja vegna
við Via del Corso, þaðan sem stutt
er að ganga í allar áttir eða reika
um þröng stræti. Trastevere, elsta
hverfið, er hinum megin við ána og
ber svip af miðöldum með þröngum
götum og lotlegum húsum. Þar
dvöldu á árum áður margir lista-
menn, nú búa þar margir útlendingar
og á sumrin er það troðfullt af ferða-
mönnum.
Glstlstaðir vlð allra hœfi
Hótelin hér á eftir eru lítil, á góð-
um stöðum og valin eftir ábending-
um. d’Ingilterra, Via Bocca di Leone
14 (s. 69981/ símbr. 69922243) er
fomfrægt hótel, skammt frá Spönsku
tröppunum og kjörið fyrir þá sem
kjósa munað. 105 herbergi; 500-600
þús. lírur fyrir tvo. Fyrir ofan tröpp-
umar er Scalinata di Spagna,
Piazza Trinit dei Monti 17
(6793006/69940598), 15 herbergi,
innréttuð í gömlum stíl; 300-380
þús. lírur fyrir tvo. Campo de’ Fi-
ori, Via del Biscione 6
(68806865/6876003) er í hverfi með
litlum, þröngum götum. 27 herbergi;
180 þús. lírur fyrir tvo. Lítil en fal-
lega búin herbergi og frá veröndinni
er útsýni yfír gamla bæinn. Contilia,
Via Principe Amedeo 79/d (s. og sím-
bréf 4466887) er stutt frá Termini
VIÐ hringleikahúsið Colosseo.
Sögu og samtíð
lýstur saman í
borginni eilifu
Lönqu óður en hugtakið ferðamaður varð almenninqseiqn
var Róm orðin vinsæll áfanqastaður. Enn hefur hún upp ó
margt að bjóða, eins og Sigrún Pqvídsdéttir
rekur hér á eftir, m.a. matsölustaði á hverju götuhorni
stöðinni í gömlu og fallega búnu
húsi. Sjö herbergi, fyrirtvo 100-150
þús. límr.
Öll áðurnefnd hótel taka kredit-
kort, en ekki eftirfarandi ódýr hótel,
en það er enginn vandi að fínna staði
til að taka út peninga á kortið í hrað-
bönkum. Fiorella á Via del Babuino
196 (3610597) er eiginlega heimahús
með átta stómm og björtum her-
bergjum og tveimur baðherbergjum
frammi á gangi; 89 þús. lírur fyrir
tvo. Gatan liggur út frá Piazza del
Popolo og hún er vel í borg sett.
MANNFJÖLDI í Spönsku tröppunum.
SÍGILD Róm.

Morgunblaðið/Sigrún Davíðsdóttir
RÓM - Péturstorgið. Hér er verið að undirbúa páskaávarp páfa. Torgpð er hólfað af svo að vel fari
um fólk og þeir fyrstu verði ekki síðastir.
Hótelið er einn af fáum ódýmm gisti-
stöðum í þessu skemmtilega glæsi-
hverfí. Navona, Via dei Sediari 8
(6864203/68803202) er steinsnar frá
Piazza Navona. 30 herbergi; 115
þús. lírur fyrir tvo. Flest herbergin
eru stór, björt og með baði, en spytj-
ist fyrir um það. Börn em velkomin.
HvaA á að skoða?
Það em auðvitað nokkrir staðir,
sem ferðamaður í Róm getur vart
látið hjá sér fara. Péturskirkjan er
einn þeirra, en gleymið heldur ekki
Vatíkansöfnunum, I musei Vaticani.
Umfang Vatíkansafnanna er gífur-
legt, svo veljið ykkur leið við hæfi.
Herbergi skreytt af Raffaello og Sixt-
ínsku kapelluna með freskum Miche-
langelos má telja með undmm heims-
ins, en Vatíkanið hýsir einnig nú-
tímalist eins og páfamálverk Francis
Bacons.
Rómversku rústirnar, Foro ro-
mano, og hringleikahúsið Colosseo
tilheyra rómverskum göngutúr. En
rústirnar taka sig líka vel út utan
frá, svo látið ekki hjá líða að njóta
þeirra við sólsetur frá Campidoglio
hæðinni, að baki ráðhússins, þegar
þær taka á sig töfrabirtu.
Kirkjur eru sjálfsagður viðkomu-
staður í Róm og einhver finnur sig
kannski knúinn til að ganga fyrir
höfuðkirkjurnar sjö til að bæta fyrir
syndir sínar. Af stóm og gömlu kirkj-
unum má telja San Clemente, sem
segir sögu kristninnar í hnotskurn.
Kirkjan var reist á 12. öld ofan á
eldri kirkju frá 4. öld, sem reist var
á gömlu hofi og alls þessa sér merki.
Gullfalleg mósaíkverk skreyta kirkj-
una. Santa Maria del Popolo við
samnefnt torg er frá endurreisnar-
tímanum. Hún er ekki ein af stóru
og frægu kirkjunum, en það er áhrif-
amikið að ganga þar fram á tvö
málverk eftir Caravaggio. Santa
Maria Maggiore er tilkomumikil
barokkkirkja og Sant’Ignazio er
önnur slík með skemmtilega fresku
í loftinu, sem villir augað.
Etrúskasafnið í Villa Giulia er
margfaldlega heimsóknarinnar virði,
bæði af því að safnið gefur góða
yfirsýn yfir líf og list Etrúska, frum-
býlinganna á Italíuskaganum, en
einnig af því húsið var byggt sem
sumarhús fyrir Júlíus páfa og Michel-
angelo átti þátt í að teikna það.
Húsið er áþreifanlegt dæmi um hug-
myndir endurreisnartímans og sam-
ræmið, sem einkennir list þess tíma.
RÓMANTÍSK Róm.
Það þarf ekki annað en tylla sér nið-
ur í garðinum til að fínna hve það
hefur góð áhrif á líkama og sál. I
garðinum eru iðulega haldnir sumar-
tónleikar.
Fyrir þá sem vilja hverfa til nútím-
ans er einnig sitthvað að sjá. Gall-
eria Nazionale d’Arte Moderna e
Contemporanea, nútímalistasafnið,
virðist vera að ranka við sér eftir
nokkurn doða og safnið sjálft er
áhugaverður vitnisburður um ítalska
list frá síðustu öld og fram á þessa.
I Palazzo delle Esposizioni, sýning-
arhöllinni við Via Nazionale eru skipu-
lagðar sýningar og fleiri uppákomur.
Kaffístofan þar er kjörinn viðkomu-
staður og hægt að fara þar inn án
þess að borga sig inn á sýningu.
Hádegismaturinn er ágætur og með-
lætið er að virða fyrir sér rómverskt
menntafólk. Galleríin koma og fara
svo þeim er best að fletta upp í nýjum
ferðahandbókum eða tímaritum.
Róm hefur ekki sérstakt menning-
arorð á sér, myndlistin blómstrar í
Mílanó, óperan þykir rislág og sama
er með klassíska tónlistarlífíð yfir-
leitt. Á þessu hefur þó orðið bót und-
anfarin ár með sumartónleikum víða
um borgina. Leikhúslífíð á vetuma
er bæði fjölbreytt og gott og töluvert
af nútímadansi. Bíóin eru mörg, bæði
margsala bíó og pínulítil og sæt. Flest-
ar myndimar em með ítölsku tali, en
nokkur hús sýna erlendar myndir með
upprunlegu tali; ýmist stöðugt eða
einstaka daga. I blöðunum em slíkar
sýningar merktar VO.
Götulífið, mannlíflð og maturinn
Róm er full af börum, sem ekki
eru vínstaðir heldur kaffístofur og
oft matstaðir einnig. H.C. Andersen,
Goethe og fleiri andans menn heim-
sóttu Róm á þeim tíma, þegar allir
menntaðir menn í Evrópu fóm ein-
hvern tímann á ævinni á vit fomrar
menningar Ítalíuskagans og komu
þá við á Antico Café Greco á Via
Condotti, steinsnar frá Spænska
torginu. Thorvaldsen var þar tíður
gestur. Kaffíhúsið er fallegt, en hefur
svolítinn túristabrag á sér núorðið.
Giolitti, Via Uffici del Vicario 40,
er vinsæll viðkomustaður í kvöld-
göngunni. Kaffiísinn með ijóma,
kaffi-granit, er himneskur og sval-
andi og aðrir ísar og kökur eru þarna
af betra taginu. Sant’Eustachio á
samnefndu torgi hefur orð á sér fyr-
ir að vera besta kaffihús Rómar.
Verðið er eftir því, en kaffið er óum-
deilanlega gott. Rosati við Piazza
del Popolo er vinsæll viðkomustaður
eldri gáfumanna í Róm. Innviðirnir
eru í ósviknum Art Nouveau-stíl og
gaman að tylla sér þarna við torgið.
Panella, Largo Leopardi 2-10, er bar
við hliðina á samnefndu bakaríi með
öldungis frábæru brauð- og kökuúr-
vali, sem hægt er að gæða sér á
barnum, eða bara á næsta bekk, til
dæmis eftir að hafa skoðað Santa
Maria Maggiore.
Matstaðir em á hveiju götuhomi,
bæði dýrir og ódýrir. í hádeginu
nægir að grípa pizzubita eða samloku
á bar, til dæmis kartöflupizzu, sem
er hnossgæti. Margar matarbúðir
selja einnig rétti, sem hægt er að
taka með sér og það er einnig frábær
kostur á kvöldin. Drykkjarvörur eru
alls staðar fáanlegar og kannski er
líka tunglskin. Þeir sem vilja hafa
meira við og borða á veitingastað
geta flett upp í ferðabókum eða spurt
innfædda um góðan stað, sem þeir
borði sjálfir á. Sneiðið hjá matstöðum
á fjölförnustu ferðamannaslóðunum
og stöðum sem bjóða upp á menu
turistico, ferðamannamatseðla. Og
svo er að fiska upp litlu vasaorðabók-
ina, sem er ómissandi fyrir þá sem
ekki tala tungu innfæddra og reyna
að átta sig á matseðlinum.
Sum hverfi eru skemmtilegri en
önnur til að borða í. í Trastevere
er fullt af matstöðum, sumum býsna
túristalegum, en öðrum betri. í hverf-
inu í kringum markaðstorgið Campo
de’Fiori og úteftir götunum Via
Monserrato og Via dei Banchi Vecchi
er úr ýmsum matstöðum að velja, sem
Rómveijarnir flykkjast á. Sama er
um Via del Governo Vecchio og
götumar upp að Santa Maria di Pace-
kirkjunni.
Tískuvörur og annað tll kaups
Via del Governo Vecchio er
einnig skemmtileg gata fyrir þá
tískuglöðu, því þar eru ungir
hönnuðir og búðir, sem selja notuð
föt, eins og táningar og ungt fólk
er æst í. Hátískan er vís í götunum
samhliða og þvert á Via Condotti
og Via del Babuino. Verðið er ríf-
legt, en útsölutíminn er í júlí og svo
eftir þrettándann í janúar. I Via
Gesu e Maria, hliðargötu frá Via del
Corso, er II Discount dell’Alta
Moda, afsláttarbúð með eldri ár-
ganga af hátískuvörum á mun lægra
verði en það var upprunalega og
úrvalið er gott. Flestar búðir taka
kreditkort, en ekki þessi búð eða
aðrar afsláttarbúðir.
Þeir sem vilja kaupa sér íþrótta-
dót, til dæmis galla Roma-liðsins,
koma við í Cisalf Largo Brindisi
5/a/6 við San Giovanni-neðanjarðar-
stöðina. Ítalía er gósenland lestrar-
hesta, en mest er á ítölsku. The
Economy Book & Video Center á
Via Torino 136 skammt frá Termini
brautarstöðinni er sögð stærsta og
besta enska bókabúðin á Ítalíu og
býður bæði upp á það nýjasta nýja
og notaðar bækur.
Via Cola di Rienzo er góð versl-
unargata, þar sem venjulegt fólk
kaupir allt milli himins og jarðar á
jarðbundnu verði.
Að lokum er bara að hafa í huga
að fara sér ekki svo geyst að ferða-
maðurinn fái Stendahl-einkennin ...
Á hveiju ári þurfa læknar á ítölskum
slysavarðstofum að stumra yfír er-
lendum ferðamönnum með væg ein-
kenni taugaáfalls sökum yfirþyrm-
andi menningaráhrifa. Franski rit-
höfundurinn Stendahl lýsir þessu í
ferðabók sinni frá Italíu og því eru
óþægindin, til dæmis svefnleysi og
óró, oft kennd við hann. ■
Víkingosigling með eitt hundraö skipum og bótum
Frumleg uppákoma
í ferðaþjónustu
MIKLAR vonir eru bundnar við að
víkingasiglingin frá Noregi til ís-
lands verði að veruleika næsta sum-
ar. Á undirbúningsfundi fyrir sigl-
inguna sem haldinn var um síðustu
helgi í Floro í Noregi sagði Ole Sten-
bakk, formaður skipulagsnefndar
víkingasiglingarinnar, meðal annars:
„Ef forfeður okkar voru færir um
að sigla til íslands er ég sannfærður
um að við getum það.“
Eftir tveggja daga víkingahátíð í
Floro verður haldið af stað 29. júní.
Víkingaflotinn, eitt hundrað skip og
bátar, kemur til hafnar í Hjaltlandi
1. júlí, Færeyjum 5. júlí og á íslandi
9. júlí. Hópurinn mun dvelja hér á
landi í sex daga, en þá verður siglt
aftur til baka. Ferðinni lýkur í Nor-
egi 28. júlí og hefur hún þá staðið
yfir í mánuð.
Gjaldgengir í víkingasigllngu
Til að vera gjaldgengir í víkinga-
siglinguna verða bátar að vera þijá-
tíu fet og vel búnir til úthafssigl-
inga. Á hveijum bát þarf að vera
að lágmarki fjögurra manna áhöfn
og að minnsta kosti tveir þurfa að
kunna að sigla bátnum. Bátunum
verður skipt í þijá hópa og verður
fylgdarskip með hveijum hóp sem
hægt er að kalla til aðstoðar ef eitt-
hvað fer úrskeiðis.
{ fyrsta hópnum verða seglbátar,
sjö mílna bátar í öðrum hópnum og
fímmtán mílna bátar í þeim þriðja.
Seglbátarnir munu láta fyrstir úr
höfn, sjö mílna bátarnir 3 til 4
klukkustundum síðar og loks fímmt-
án mílna bátarnir öðrum 3 til 4
klukkustundum síðar.
^íktngaflotínn 1997
HJALT-
LAND
FÆREYJAR
Ferðaáætlun
næsta sumar
27.-28. maí í Flor0
1.-2. júní á Hjaltlandi
5.-6. júní í Færeyjum
9.-14. júní Á íslandi
17.-20. júní í Færeyjum
23.-25. júní á Hjaltlandi
29. júní í Floro
Þetta er gert til að bátarnir hitt-
ist á miðri leið, en svo dregur í sund-
ur með þeim aftur og koma seglbát-
arnir síðastir í höfn. Á hveijum
áfangastað verður slegið upp veislu
og auk þess verða fjölmargar uppá-
komur, enda verða lista- og fræði-
menn á meðal þátttakenda.
Mikill áhugl fjölmiðla
í fyrra var svipuð sigling farin frá
Noregi til Hjaltlandseyja og tóku 120
skip þátt í ferðinni. Hún þótti geysi-
lega vel heppnuð og komust færri
að en vildu. Enda hafa þegar tugir
áhafna gengið frá þátttöku sinni í
víkingasiglingunni á næsta ári.
Ekki er nauðsynlegt að eiga skip
eða bát til að taka þátt í ferðinni.
Sum stærri skipanna munu taka við
farþegum og líklegt er að sumir fari
með flugi. Til marks um það má
nefna að búist er við um 200 manns
með Norrænu til íslands næsta sum-
ar og 100 manns með flugi.
Fjölmiðlar sýndu víkingasigling-
unni til Hjaltlandseyja í fyrra gífur-
legan áhuga og gerðu henni góð
skil. Norska sjónvarpsstöðin TV-2
bjó til þátt um siglinguna sem m.a.
var sýndur á BBC. Þegar hafa bor-
ist fýrirspumir frá stórum dagblöð-
um í Noregi um siglinguna næsta
sumar og einnig er líklegt að TV-2
búi til annan þátt um þá ferð.
Það sýnir vel hversu mikill áhugi
er á siglingunni í Noregi að dagblöð
á vesturströndinni slógu fréttum af
undirbúningsfundinum upp á fors-
íðu. í einu blaðanna var mynd frá
setningarhófinu með fyrirsögninni:
„Skál for galne tanker.“
Mlklnn viðbúnað þarf á íslandi
Á undirbúningsfundinum gætti
eins og fyrr segir mikillar bjartsýni.
Engu að síður gerðu menn sér al-
mennt grein fyrir að um stórt og
vandasamt verkefni væri að ræða
og fyllstu varkárni og útsjónarsemi
væri þörf. Mikill viðbúnaður verður
að vera á íslandi til að anna öllum
þessum fjölda og á fundinum þótti
líklegt að kalla yrði til björgunar-
sveitir, lögreglu og landhelgisgæslu.
„Áhugi Norðmanna vaknaði þeg-
ar þeir fréttu af víkingahátíðinni
næsta sumar og þá fengu þeir hug-
myndina að því að tengja hana vík-
ingasiglingunni," segir Rögnvaldur
Guðmundsson, ferðamálafulltrúi
Hafnarfjarðar og framkvæmdastjóri
Víkingahátíðarinnar. „Þetta sýnir
vel hversu mikilvægt er að eiga
frumkvæði að uppákomum af þessu
tagi.“
120 mllljónir í gjaldeyristekjur
Rögnvaldur bendir á að ef 1.500
manns komi til landsins vegna vík-
ingasiglingarinnar og hver eyði um
70 þúsund krónum skapi það gjald-
eyristekjur upp á 120 milljónir
króna. Fyrir utan landkynninguna
sem fáist með slíkri uppákomu.
„Þetta er mikilvægt skref í samvinnu
þessara þjóða í ferðamannaþjónustu
og ef vel gengur ætti þetta líka að
bæta stöðu íslands sem ferðamanna-
lands í þessum löndum."
Hann segist vera ánægður með
ferðina og þann áhuga og velvilja í
garð íslendinga sem hann varð var
við hjá Norðmönnum. „Það þýðir
ekkert annað en vera bjartsýnn fyr-
ir næsta sumar,“ segir hann að lok-
um. ■
Aukaferð hjá bændum
BÆNDAFERÐIR verða með
auka haustferð 2.-9. nóvember
vegna mikillar eftirspurnar í áður
auglýstar ferðir 26. október til
2. nóvember og 17.-22. nóvem-
ber.
Leiðin iiggur til Lúxemborgar
þar sem gist verður á sama stað
allan tímann, hjá vínbændum í
litlu þorpi sem heitir Leiwen og
er við Mosel.
Á meðan á dvölinni stendur
verður farið í skoðunarferðir, m.a.
til Rudesheim við Rín, Bernkastel
og Trier við Mosel, auk þess sem
Lúxemborg verður skoðuð.
Þá verður farið í heimsókn til
bónda sem stundar lífræna bú-
vöruframleiðslu. Stór tæknivætt
kúabú verður einnig skoðað.
Ferðin kostar 44.500 krónur á
mann. Innifalið í flug og skattar,
gisting í 2ja manna herbergi,
morgunverður, allur akstur og
fararstjórn. ■
GATA í Lúxemborg.