Morgunblaðið - 10.10.1996, Blaðsíða 2
2 FIMMTUDAGUR 10. OKTÓBER 1996
MORGUNBLAÐIÐ
FRÉTTIR
Synti Viðeyjarsund í suðvestan kalda
Var orðinn leiður á
að synda í laugunum
HEIMIR Arnar Sveinbjörnsson
gerði sér Htið fyrir og synti út í
Viðey í gær. Hann stakk sér i 7,7
gráða kaldan sjóinn við Köllunar-
klett og 19 mínútum síðar tók
hann land í Viðey. Hann er sá
átjándi sem syndir Viðeyjarsund
á þessari öld en það hefur aldrei
verið gert á þessum árstíma áður.
„Þetta var góð útrás og manni
líður vel á eftir,“ sagði sundkapp-
inn í samtali við Morgunblaðið í
gærkvöldi. „Lofthitinn var sex
gráður, suðvestan kaldi og 5-6
vindstig."
Heimir Arnar er 35 ára gamall
og vinnur í vélsmiðju í Hafn-
arfirði á daginn. A kvöldin og um
helgar syndir hann í Nauthólsvík-
inni. Hann segist lengi hafa synt
sér til gamans en svo hafi hann _
hætt því fyrir nokkrum árum. „Ég
var orðinn leiður á því að synda
í laugunum. Svo fannst mér timi
til kominn að fara aftur að synda
í vor og fór þá að synda úti í
Nauthólsvík ásamt Birni kunn-
ingja mínum. Þrekið gagnvart
kuldanum hefur smátt og smátt
verið að aukast. Ég var farinn að
vera þarna í 20 mínútur og synda
svona kílómetra í senn. Þá fór
einhver að tala um að synda Við-
eyjarsund einhverntímann næsta
vor eða sumar - en ég sá bara
enga ástæðu til að vera að bíða
eftir sumrinu,“ segir Heimir Arn-
ar og ekki er á honum að heyra
að honum hafi orðið meint af volk-
inu.
Íslenskt-bandarískt samstarfsverkefni
Miðaldarit á alnetið
LANDSBÓKASAFN íslands og
Fiskesafnið við Comellháskóla í
Bandaríkjunum sækjast nú eftir
fjármagni til að koma fjölda ís-
lenskra handrita og bóka úr báðum
söfnunum í tölvutækt form og
geyma á alnetinu. Sótt hefur verið
um styrk til ónefndra aðila og mun
svar við umsókninni berast í lok
þessa árs.
Verkefnið mun, ef af verður,
taka 2-3 ár, og verður að mestum
hluta unnið á íslandi. Samkvæmt
heimildum Morgunblaðsins er
kostnaður áætlaður um ein milljón
dollara, eða 67 milljónir íslenskra
króna. Það eru hundruð þúsunda
blaðsíðna úr íslenskum miðalda-
bókmenntum, bæði handritum og
prentuðum bókum, og fræðirit
tengd þessu efni sem ráðgert er
að setja á alnetið. Sumt af efninu
er til á filmum, en annað verður
hugsanlega ljósmyndað með staf-
rænum myndavélum.
Fulltrúar Fiskesafnsins og
Landsbókasafns hafa hist bæði á
íslandi og í Bandaríkjunum til
skrafs og ráðagerða. Að sögn
Patricks J. Stevens, forstöðumanns
Fiskesafnsins, kom hugmyndin
upphaflega frá íslendingum. Hann
segir langa hefð fyrir samstarfi
safnanna og því eðlilegt að leitað
hafi verið til hans.
Fiskesafnið er þriðja stærsta
safn íslenskra bóka í heiminum.
Nýskipaður sendiherra Bandaríkj-
anna á íslandi, Day 0. Mount, hef-
ur lýst yfir vilja til að aðstoða eft-
ir fremsta megni við framgang
verksins .
Morgunblaðið/Ásdís
Hraðfrystihúsið Norðurtangi hf. sameinast nýju útgerðarfyrirtæki á Isafirði
Verður sjötta kvóta-
hæsta fyrirtæki landsins
AKVEÐIÐ hefur verið að Hrað-
frystihúsið Norðurtangi hf. á
ísafirði sameinist hinu nýja fyrir-
tæki í ísafjarðarbæ sem til skamms
tíma hefur gengið undir vinnuheit-
inu Útgerðarfélag ísafjarðar hf.,
en geiigur nú undir vinnuheitinu
Nýja Básafell hf. Þar með samein-
ast Norðurtanginn, Togaraútgerð
ísafjarðar, Básafell hf., Ritur hf.
og Sléttanes hf. í fyrirtæki sem
verður öflugasta fyrirtækið í sjávar-
útvegi á Vestfjörðum með samtals
um 9.000 þorskígildistonna kvóta
og fjölbreytta starfsemi, en með
Norðurtanganum koma tæplega
3.000 þorskígildistonn.
Hið nýja fyrirtæki verður sjötta
kvótahæsta fyrirtæki landsins á
eftir Granda hf., Útgerðarfélagi
Akureyringa hf., Fiskiðjunni Skag-
firðingi hf., Samheija hf. og Har-
aldi Böðvarssyni hf.
Unnið hefur verið að sameiningu
Togaraútgerðar ísafjarðar, Bása-
fells hf., Rits hf. og Sléttaness hf.
um nokkurt skeið og er stefnt að
því að gengið verði frá sameiningu
þeirra í lok nóvember. Meðal stærstu
hluthafa í þessari sameiningu eru
Gunnvör hf., ísafjarðarbær og Olíu-
félagið hf., sem hefur stuðlað mjög
að sameiningu fyrirtækjanna, en
jafnframt hafa Vátryggingafélag
íslands og íslandsbanki komið að
málinu. Að sögn Halldórs Jónsson-
ar, stjórnarformanns Hraðfrysti-
hússins Norðurtanga hf., er síðan
stefnt að því að búið verði að ganga
endanlega frá sameiningu fyrirtækj-
anna fimm um næstu áramót.
Eignarhaldsfélag keypti öll
hlutabréfin
Halldór sagði í samtali við Morg-
unblaðið að sjö tilboð hefðu borist
í hlutabréfín í Norðurtanga sem öll
voru boðin til sölu, en hann sagði
að það hefði orðið að samkomulagi
að gefa ekki upp hveijir hefðu boð-
ið í bréfin. Þá væri það jafnframt
trúnaðarmál hvert matsverð bréf-
anna væri í fyrirhugaðri samein-
ingu fyrirtækjanna fímm.
Eignarhaldsfélag i eigu Olíufé-
lagsins_ hf., Samvinnulífeyrissjóðs-
ins og íslenskra sjávarafurða keypti
öll hlutabréfin í Norðurtanganum
og sagði Halldór þetta vera milli-
skref þar sem nýja fyrirtækið, Nýja
Básafell, hefði ekki verið stofnað.
„Þegar það er tilbúið þá yfírtekur
það þennan samning og töluverður
hluti af hluthöfum Norðurtangans
kemur inn með sinn hlut úr Norð-
urtanganum í þetta nýja félag.“
Seljendur hlutabréfanna eru þau
Guðmundur M. Jónsson, Eggert
Jónsson, Ólafía Kristjánsdóttir og
Jón Páll Halldórsson með 20% eign-
arhlut hvert, og loks Ásgeir Guð-
bjartsson og fjögur systkini hans
með 4% hvert, eða samtals 20%.
Samkvæmt heimildum Morgun-
blaðsins eru eignir Norðurtanga
umfram skuldir um 500 milljónir
króna og hver 20% eignarhlutur
miðað við það að andvirði um 100
milljþnir króna.
„Ég sé ekki forsendur til annars
en að þetta verði gríðarleg lyfti-
stöng fyrir byggðarlagið og þetta
er það skref sem menn hér hafa
verið að bíða eftir og hefði í raun
og veru átt að stíga fyrir tíu árum,“
sagði Halldór Jónsson.
ísafjarðarbær mun greiða
fyrir sameiningunni
Kristján Þór Júlíusson, bæjarstjóri
ísafjarðarbæjar, sagðist mjög
ánægður með það ef af sameiningu
Norðurtanga og Nýja Básafells yrði.
„Ef við lítum blátt áfram á þetta
þá er þarna þorskkvóti upp á um
þrjú þúsund þorskígildi. Ef þessi
þorskígildi hefðu horfið héðan þá
hljóta allir að sjá það sem vilja sjá
hvað það hefði þýtt fyrir þetta
svæði. Allt sem getur komið í veg
fýrir það er í mínum huga af hinu
góða,“ sagði Kristján.
Sem fyrr segir er ísafjarðarbær
einn af þremur stærstu hluthöfum
í fyrirtækjunum fjórum sem sam-
einast í Nýja Básafell og sagði
Kristján að hlutafjáreign bæjarins
hefði verið notuð til að greiða fyrir
sameiningu fyrirtækjanna og það
yrði gert áfram. Þá tæki bærinn
af heilindum þátt í sameiningunni
við Norðurtanga.
Framboð Péturs
Kr. Hafstein
Kostnaður
umfrarn
tekjur 14,5
millj. kr.
HEILDARKOSTNAÐUR við fram-
boð Péturs Kr. Hafstein til forseta
íslands nam 35.510.397 kr. sam-
kvæmt endurskoðuðum reikningum
sem gerðir voru opinberir í gær.
Þar kemur fram að kostnaður
umfram tekjur vegna framboðsins
nemur tæpum 14,5 millj. króna en
í fréttatilkynningu frá stuðnings-
mönnum Péturs kemur fram að sá
kostnaður hefur verið greiddur með
lántökum.
Pétur ber persónulega ábyrgð á
þeim skuldbindingum sem til var
stofnað en söfnun stendur yfir á
vegum stuðningsmanna hans.
Rekstrartelgur um 21 millj. kr.
Stærstu útgjaldaliðirnir voru
rekstur kosningaskrifstofu um 5,5
milljónir kr. og úrvinnsla og birting
auglýsinga í ljósvakamiðlum um 6,5
milljónir kr.
Annar auglýsingakostnaður, s.s.
í prentmiðlum og vegna útiauglýs-
inga, nam um 6 milljónum kr.
Kostnaður við markaðskannanir
og úrvinnslu þeirra var um 3 millj-
ónir kr. og svipaðri upphæð var
varið í prentað mál og merki.
Rekstrartekjur námu um 21
milljón kr. Helstu tekjuliðir voru
fijáls framlög einstaklinga um 10,5
milljónir kr. og 8,5 milljóna kr.
stofnframlag Péturs ..
Tekjur vegna happdrættis námu
tæpum 700.000 kr. og um 900.000
kr. söfnuðust vegna fjáröflunar-
kvöldverðar til styrktar framboði
Péturs.
Sæstrengririnn slitnar
Alnetssam-
band Intís
rofið í sól-
arhring
SÆSTRENGURINN milli íslands
og Evrópu slitnaði ellefu kílómetra
undan strönd Þýskalands í fyrra-
dag og voru alnetstengingar Intís
sambandslausar í tæpan sólar-
hring, eða þangað til rétt fyrir
hádegi í gær. Talið var að skip
hefði slitið strenginn með akkeri
eða trolli.
Strax eftir að strengurinn slitn-
aði var hafist handa við að koma
símtölum yfír á varaleiðir. Fullt
símasamband til Evrópu var komið
á klukkan sjö um kvöldið. Gervi-
tunglasamband við Kanada náðist
klukkan hálfátta og alnetsgátt sem
Póstur og sími hefur þangað komst
þá í Iag. Fjórðungur símtala til og
frá landinu fer ætíð í gegnum
Skyggni, og að sögn Hrefnu Ing-
ólfsdóttur, upplýsingafulltrúa
Pósts og síma, var því aldrei síma-
sambandslaust við landið.
Alnetssamband Intís, sem flestir
alnetsnotendur eru háðir, var
áfram í ólagi, því varaleið þess til
miðstöðvarinnar í Svíþjóð virkaði
ekki, vegna bilunar í fjarskiptastöð
í Bretlandi. í gærmorgun, um
klukkan hálftólf, tókst að koma á
alnetssambandi um sæstrenginn
til Danmerkur. Símasamband er
áfram um gervihnött og ekki er
ljóst hvenær hægt verður að koma
því um strenginn. Viðgerð á streng
með kapalskipi tekur að jafnaði
10-14 daga.
-
1
í
i
!
II
I
;
I
í
b
f