Morgunblaðið - 15.10.1996, Blaðsíða 11

MORGUNBLAÐIÐ
ÞRIÐJUDAGUR 15. OKTÓBER 1996 11
hagsmunir sveitarfélags og starf
félagsins í þágu almennings fara
saman. Loks vil ég gjarnan nefna
mikið sjálfboðastarf kvennadeildar
Reykjavíkurfélagsins, þar sem 300
konur sjá m.a. um bókasöfn á
sjúkrahúsunum. Kvennadeildin hef-
ur gert þetta í rúm 20 ár og er
sjálfri sér nóg með peninga, því hún
heldur basara og rekur verslanir í
sjúkrahúsunum. Rauði krossinn á
einnig 8 íbúðir fyrir sjúklinga og
aðstandendur þeirra."
Guðjón segir að nú sé svo komið
að Rauði krossinn þurfi að fara
að velja sér verkefni. „Hingað til
höfum við tekið verkefni að okkur
ef við höfum haft peninga og
mannafla til að sinna þeim. Nýj-
asta viðbótin eru skipulagðar heim-
sóknir til fanga, sem hefjast í nóv-
ember og eru viðbót við ágætt starf
Verndar. Grundvöllur starfs okkar
er að hjálpa þeim sem minna mega
sín.“
Áhugaleysi heil-
brigðisyfirvalda
Ef einhveija eftirsjá er að greina
hjá Guðjóni eftir tíu ára for-
mennsku, þá er það einna helst
þegar talið berst að sjúkrahóteli
Rauða krossins við Rauðarárstíg.
„Við höfum rekið hótelið í tíu ár
eða frá því að við keyptum Hótel
Heklu. Við ætluðum okkur að bæta
úr brýnni þörf og héldum að við
gætum tekið allt húsið í notkun
sem sjúkrahótel. Heilbrigðisyfir-
völd höfðu hins vegar engan
áhuga. Þar fannst mér ég bregð-
ast, því eg gat ekki beitt mér sem
skyldi. Á þessum tíma starfaði ég
sem aðstoðarlandlæknir og síðar
sem skrifstofustjóri í heilbrigðis-
ráðuneytinu og það setti mig í erf-
iða stöðu. Ég tel mikil mistök að
heilbrigðisyfirvöld skyldu ekki taka
þann kostinn að nýta sjúkrahótelið,
fremur en miklu dýrari pláss ann-
ars staðar. í Vestur-Evrópu er sú
skoðun að hasla sér völl að félaga-
samtök eigi að taka við rekstri af
þessum toga, en hér ríkir tor-
tryggni og menn telja að félaga-
samtökin ætli sér að græða á öllu
saman. Það má einnig vera að
embættismenn telji sér ógnað, þvi
völd þeirra skerðast ef félagasam-
tök taka að sér rekstur sem áður
i hefur verið á þeirra könnu.“
Guðjón segist þó sannfærður um
að skilningur muni aukast á gildi
þess að fela félagasamtökum í
auknum mæli samfélagsleg verk-
afni.
Að lokum kveðst Guðjón vilja
íota tækifærið og þakka fyrir að
lafa sem sjálfboðaliði fengið að
^ ieiða hið mikilvæga starf Rauða
krossins. „Ég þakka sérstaklega
ánægjuleg kynni og samstarf við
| gott fólk, sjálfboðaliða og starfsfólk
Rauða kross íslands," segir Guðjón
Magnússon.
feril" segir Anna Þrúður. „Ég
hlakka til að takast á við spenn-
andi verkefni og vona að mér tak-
. ist að axla þessa miklu ábyrgð.
Allan þann tíma sem ég hef starf-
að innan vébanda Rauða krossins
) hefur ég kynnst mörgu góðu fólki
og ég finn mikinn hlýhug. Mér
finnst gaman að bijóta þetta blað
í sögu félagsins, að verða fyrsta
konan til að gegna starfinu. Það
má segja að ég sé ólæknandi hug-
sjónamanneskja og það er í mínum
huga ótrúlegt ævintýri að hafa
fengið að vinna að svo mörgum
spennandi verkefnum með góðu
I fólki á vegum féiagsins."
I Ávallt viðbúin
Nýkjörinn formaður Rauða
krossins segir mörg verkefni fram-
undan, m.a. við að byggja enn
frekar upp starfsemi deilda félags-
ins víða um land. Félagið hefði
ákveðnum skyldum að gegna í
almannavarnastarfi og mikilvægi
! þess hefði sýnt sig í snjóflóðunum
á Vestfjörðum á liðnu ári. „Við
erum á eilífri vakt, verðum alltaf
I að vera viðbúin og fólk verður að
vita hvert hlutverk þess er.“
FRÉTTIR
Morgunblaðið/Árni Sæberg
Undirstöður dráttarbrautar reistar
með stálhertri steypu í Slippnum
Steypt neðansjávar
VERIÐ er að reisa mikið mann-
virki neðansjávar við Slippinn
í Reykjavíkurhöfn. Um er að
ræða endurbyggingu undir-
stöðu undir nýja dráttarbraut.
Aðstæður við framkvæmdirnar
eru um margt sérstakar. Þar
vinna kafarar við að beina
steypudælu í mót undirstöð-
unnar sem aftur hvílir á mikl-
um steyptum stöplum sem
reknir voru niður fyrr í sumar.
Vegna þess hve undirstaðan
nær langt út hefur einnig orðið
að grípa til þess ráðs að dæla
úr steypubíl í landi yfir í annan
steypubíl á pramma sem aftur
dælir steypunni niður á hafnar-
botninn.
Reykjavíkurhöfn hefur veg
og vanda af endurbyggingu
dráttarbrautarinnar á nýjum
undirstöðum en Stálsmiðjan sér
um smíði nýrrar og fullkom-
innar brautar. Bjarni Thorodds-
en, rekstrarstjóri Stálsmiðjunn-
ar, segir að ákveðið hafi verið
að ráðast í framkvæmdir eftir
að óhapp varð í Slippnum fyrr
í ár en þá gáfu undirstöður sig
þegar verið var að hífatogar-
ann Otto Wathne upp. Áfalla-
laust gekk að bjarga skipinu en
dráttarbrautin skemmdist
nokkuð. Þá kom í ljós að undir-
stöður voru illa farnar. Bjarni
segir að 70-80 steyptir stöplar
hafi verið reknir niður í hafnar-
botninn. Ofan á þá er steypt
undirstaða sem brautin er lögð
á.
Tvenns konar steypa er not-
uð við framkvæmdirnar, neð-
ansjávarsteypa og sérstök há-
styrkleikasteypa sem blönduð
er stáltrefjum. Einar Einars-
son, verkfræðingur hjá steypu-
stöðinni BM Vallá, segir afar
fátítt að steypt sé neðansjávar
á Islandi. Venjulega sé reynt
að þurrka upp svæði þar sem
steypa á og reka stálþil niður
til að halda vatni burtu. Einar
segir að stálherta steypubland-
an sé nýnæmi en hún hafi verið
sérstaklega löguð af þessu til-
efni. Sú steypa á að þola þung
högg og mikinn núning.
Vestfirðir og Norðurland
Hálka og ófærð
HÁLKA var víða á vegum í gær, Þungfært var um Hellisheiði
einkum á Vestfjörðum og á Norð- eystri, Þorskafjarðarheiði og á
ur- og Norðausturlandi. Ófært Ströndum. Slæmt veður var á
var um Hrafnseyrarheiði og Lág- Vestfjörðum og samkvæmt upp-
heiði en Öxarfjarðarheiði var lýsingum vegagerðar var ekki
mokuð í gær. ráðgert að moka þar í gær.
með færanlegum rímhim
HURÐIR HF
Skeifan 13 • 108 Reykjavtk • Sími 568 1655
_ Þakskífurnar eru sérstaklega fallegar og setja glæsilegan
svip jafnt á ný hús sem gömul.
_ Þakskífurnar frá BM»VaIlá eru viðhaldsfríar. Þær ryðga ekki
og þær þarf aldrei að mála.
__ Þakskífurnar eru mjög þéttar og auðvelt er að leggja þær.
Kynntu þér þetta hagkvæma og spennandr þakefni.
Pantaðu ókeypis bækling með ítarlegum upplýsingum
m.a. um lögn og frágang.
Pantaðu bækling í síma 577 4200 • Grænt númer 800 4200 • Netfang: bmvalla.sala@skima.is
GÆÐAKERFI
|S
IST ISO 9001
Þakskífur
úr steini
fyrir íslenskt
veðurfar.
Þakskífur úr steini hafa lengi verið húsaprýði í grannlöndum
okkar. BM»VaIlá framleiðir nú þakskífur sem þróaðar eru
sérstaklega fyrir íslenskar aðstæður og standast ströngustu
kröfur um frostþol og endingu.
BM-VALIÁ
Söluskrifstofa
Breiðhöfða 3
112 Reykjavík