Morgunblaðið - 15.10.1996, Blaðsíða 16

16 ÞRIÐJUDAGUR 15. OKTÓBER 1996
MORGUNBLAÐIÐ
LANDIÐ
Morgunblaðið/Sigurður Aðalsteinsson
Seinni göngum á Vesturöræfum lokið
Vaðbrekku, Jökuldal - Seinni göngoim á Vesturöræfum inn af Hrafn-
kelsdal er nýlokið. I seinni göngum eru fangaðar þær kindur er
komast undan smalamönnum í fyrstu göngum og gengur þá á ýmsu.
Vigfús Hjörtur Jónsson sést hér á myndinni eftir að hafa fangað
eina fjallafáluna í gili við Desjará en þar ætlaði hún að dyljast fyr-
ir gangnamönnum. Vigfús hafði samt betur í þetta skipti og snaraði
fálunni á herðarnar, bar upp úr gilinu og lét hana í jeppakerru er
flutti hana til byggða.
Stykkishólmur
Samningar um borun
eftir heitu vatni
Nýr nemendagarður
á Hvanneyri
Morgunblaðið/Davíð Pétursson
GUÐMUNDUR Bjarnason, landbúnaðarráðherra, tók fyrstu
skóflustunguna að nemendagarðinum.
Stykkishólmi - í um það bil ár hafa
staðið yfir rannsóknir á því hvort
nýtanlegt heitt vatn kunni að
finnast í nágrenni Stykkishólms.
Þessar rannsóknir hafa verið sam-
starfsverkefni RARIK og Stykkis-
hólmsbæjar og hefur RARIK ekki
áður unnið að svona málum í sam-
starfi við aðra. RARIK hefur einng
staðið fyrir leit að heitu vatni í
nágrenni við aðra byggðakjarna á
norðanverðu Snæfellsnesi og í Dala-
byggð.
Astæðan fyrir þessari leit hjá
RARIK er, að sögn Erlings Garðars
Jónassonar, sú að til að sinna fram-
tíðarorkuþörf á þessu svæði þarf
að bæta flutningskerfið og er ekki
mikið um umframorku ef áætlanir
um stóriðju verða að veruleika. Því
vill RARIK kanna til þrautar hvort
nýtanlegt vatn sé á þessu svæði sem
hægt er að nota ti! upphitunar húsa
og komast þannig hjá að leggja
nýjar kostnaðarsamar raflínur.
Á undanfömum mánuðum hafa
verið boraðar 28 rannsóknarholur
frá Drápuhlíð og niður í bæjarland
Stykkishólms. Segulmælingar hafa
sýnt að hitastuðull á Þórsnesi er
hár, um 400 gráður pr. km. Hefur
verið staðsett vinnsluhola í landi
Hofsstaða í Helgafellssveit og eru
jarðfræðingar afar bjartsýnir á að
þar sé heitt vatn að finna. Aldrei
áður hafa verið gerðar jafnmiklar
rannsóknir áður en borun vinnslu-
hola hefst.
Nú hefur verið samið við við Jarð-
boranir hf. um boran vinnsluholu
og hefjast framkvæmdir strax.
Holan á að vera um 1.000 m djúp.
Er áætlað að boranin taki 35 bor-
daga og að kostnaður við rannsókn
og borun verði þá kominn upp í um
30 milljónir króna.
Miðvikudaginn 9. október voru
undirritaðir samningar varðandi
borun eftir heitu vatni í landi Hofs-
staða. Annars vegar var undirritað-
ur samningur milli Stykkishólms-
bæjar og RARIK og landeiganda
Hofstaða og hinsvegar við Jarðbor-
anir hf. um borun vinnsluholunnar.
Voru samningsaðilar bjartsýnir um
góðan árangur en árangurinn skýr-
ist ekki fyrr en á næsta ári þegar
búið er að rannsaka vatnið sem
vonandi finnst og arðsemisútreikn-
ingar hafa farið fram.
Grund - Landbúnaðarráðherra,
Guðmundur Bjarnason, tók fyrstu
skóflustunguna að fjórða nemenda-
garðinum á Hvanneyri á dögunum.
Húsnæðismál nemenda búvís-
indadeilda vora löngum mikið
vandamál og ekki í annað húsnæði
að venda en heimavistina sem er
ekki hentugt húsnæði fyrir nemend-
ur sem dvelja langdvölum í skóla
og í sumum tilvikum fjölskyldufólk.
Þessi mál voru því mikið rædd og
lausn þeirra hugleikin nemendum
og starfsfólki skólans.
Hugmynd að stofnun sjálfseign-
arstofnunar til að eiga og reka
húsnæði fyrir nemendur búvísinda-
deildar Bændaskólans á Hvanneyri
kom fyrst fram á árinu 1984 og
tengdist breytingun^ á löggjöfinni
um Húsnæðisstofnunum ríkisins.
Nemendagarðar búvísindadeildar
voru síðan formlega stofnaðir á
árinu 1986 um leið og hafist var
handa um byggingu fyrstu nem-
endagarðanna. Eigendur Nemenda-
garða búvísindadeildar eru Bænda-
skólinn á Hvanneyri, Nemendasam-
band búvísindadeildar og nemenda-
félag búvísindadeildar. Af þessu
má sjá að bæði eldri og þáverandi
nemendur tóku virkan þátt í að ýta
þessu verki úr vör.
Fyrsta fjármagn sem kom til
byggingar nemendabústaðar kom
annars vegar úr happdrætti sem
þáverandi nemendur deildarinnar
stóðu fyrir og hins vegar af fram-
lögum eldri nemenda deildarinnar.
Alls námu þær upphæðir sem söfn-
uðust með þeim hætti kr. 1.200
þúsund á verðlagi ársins 1986.
Þann 12. október 1986 var tekin
fyrsta skóflustunga að fyrstu nem-
endabústöðunum. Þann sama dag
var tilnefnd bráðabirgðastjórn sem
í sátu Sveinn Hallgrímsson fyrir
Bændaskólann, Þórólfur Sveinsson
fyrir nemendasambandið og Þorgeir
Hlöðversson fyrir nemendur deild-
arinnar. Verkefnisstjóri við bygg-
ingu nemendagarða var ráðinn
Magnús B. Jónsson og var hann
einnig prókúrahafi. Þessi stórn
vann að lokafrágangi á stofnun
nemendagarðanna ogþann 12. des-
ember 1986 var stofnskráin sam-
þykkt og ný stjórn skipuð. í henni
sat Sveinn Hallgrímsson fyrir
Bændaskólann og var hann jafn-
framt formaður, Þorgeir Hlöðvers-
son fyrir nemendur en Grétar Ein-
arsson kom inn í stað Þórólfs
Sveinssonar fyrir Nemendasam-
bandið.
Þann 5. júní 1987 í tengslum við
brautskráningu kandídata úr búvís-
indadeild voru húsin afhent fullbúin
án húsbúnaðar. Hlutu þau nöfnin
Árgarður og Hlégarður. Þeir nem-
endur sem unnu mest í því að koma
nemendagörðunum af stað nutu
þess því aldrei að eiga þar heimili.
Á fulltrúaráðsfundi í desember
1990 er samþykkt tillaga um að
fela stjórninni að kanna möguleika
á byggingu nýs nemendagarðs.
Sótt var um heimild til byggingar
þriggja íbúða raðhúss til Húsnæðis-
stofnunar á árinu 1991 og á full-
trúaráðsfundi 9. september 1992
var samþykkt að hefjast handa um
bygginguna og síðan var unnið að
málinu þann vetur og í mars var
byggingin boðin út og að því loknu
var ákveðið að ganga til samninga
við Loftorku í Borgarnesi um fram-
kvæmdir og var húsið afhent full-
búið fyrir lok árs 1993. Húsið var
nefnt Ráðgarður.
Nú eru nærri 10 ár síðan nem-
endagarðar búvísandadeildar hófu
byggingaframkvæmdir á íbúðar-
húsnæði fyrir nemendur búvísinda-
deildar og hinn 10. október 1996,
var tekin fyrsta skóflustunga að
nýjum nemendagarði. Húsið er
samskonar bygging og Ráðgarður,
þ.e. þriggja íbúða raðhús. Hönnun
hússins er unnin af arkitekta- og
verkfræðistofunni Hús og ráðgjöf
og byggingaraðili er Loftorka hf. í
Borgarnesi. Áætlað er að húsið
verði fullbúið í lok janúar á kom-
andi ári.
Starfsemi Nemendagarða búvís-
indadeildar skipti sköpum um að-
stöðu nemenda til náms á Hvann-
eyri og gerir hana að mörgu leyti
mjög aðlaðandi.
SETIÐ til borðs í óvenjulegu umhverfi undir Reynisfjalli. Morgunblaðið/Sig. Jons.
150 manns í hlaðborði
Selfossi - Hundrað og fimmtíu
franskir lögfræðingar, sem voru á
ferð um Suðurland í boði franska
búnaðarbankans, snæddu nýlega
sjávarrétti undir hömrum Reynis-
fjalls upp af ströndinni í Vík.
Sjávarréttahlaðborðið var loka-
punkturinn á ferð lögfræðinganna
um Suðurland en í henni fóru þeir
meðal annars upp á Mýrdalsjökul
og í siglingu með hjólabát frá Vík.
Það var Ferðaskrifstofa Islands sem
skipulagði ferðina en starfsfólk Vík-
urskála sá um að framreiða sjávar-
réttina á milli sandhólanna undir
Reynisfjalli.
Umgjörð hinnar hrikalegu nátt-
úru sem þarna er setti sinn svip á
borðhaldið. Skammt frá svarraði
brimið við ströndina og hver hol-
skeflan af annarri sleikti sandinn
með viðeigandi gný sem svo sannar-
lega var tónlist sem átti vel við
borðhaldið. í bjarginu fyrir ofan
sátu fuglar sem öðru hveiju renndu
sér í flugferð út yfir sjóinn.
Boðnir velkomnir með hákarli
og brennivínsstaupi
Fyrst voru gestirnir boðnir vel-
komnir með hákarlsbita og brenni-
vínsstaupi en fengu að því búnu
sjávarréttasúpu áður en þeir létu
til skarar skríða við sjávarréttina
sem á borðum voru. Sá hópur sem
þarna heimsótti Vík var einn fjöl-
margra sem nýta sér þennan mögu-
leika á að gera sér dagamun á
óvenjulegan hátt, með siglingu í
kringum Reynisdrangana og sjáv-
arréttahlaðborði eftir sjóferðina.
Guðmundur Elíasson staðarhald-
ari í Víkurskála sagði að með hverju
árinu fjölgaði farþegum með hjóla-
bátnum og þeir væra sífellt fleiri
hóparnir sem kysu að panta sér
sjávarréttahlaðborð, ýmist undir
Reynisfjalli, úti í Hálsaneshelli í
Reynishverfi, í helli undir hömrum
Hjörleifshöfða eða uppi á Mýrdals-
jökli.
Bræður
með maríu-
laxa úr
Hafralónsá
Þórshöfn.
LAXVEIÐITÍMANUM er nú
lokið og menn eru misjafnlega
ánægðir með sumarið eins og
gengur. Bræðurnir Arnþór og
Jón Kristbjörn Jóhannssynir eru
ánægðir fyrir sitt leyti því þeir
náðu báðir maríulaxi sínum í
Hafralónsá síðasta dag veiði-
tímabilsins.
Arnþór, sem er 8 ára, var
ánægður með 11 punda laxinn
sinn og sagðist ekki hafa verið
lengi að þreyta hann og sömu
sögu sagði bróðir hans, Jón
Kristbjörn, 12 ára, með 8 punda
lax. Báðir laxarnir tóku maðk,
sögðu bræðurnir sem eru upp-
rennandi veiðiklær enda af
veiðimannakyni í báðar ættir
hér á Þórshöfn.
Eftir sumarið hefur Hafra-
lónsá gefið 222 laxa og 80 bleikj-
ur, samkvæmt veiðidagbók, en
úr Kverká, þverá Hafralónsár
að austan, komu 27 stórir laxar,
sagði Marinó Jóhannsson, bóndi
í Tunguseli.
Morgunblaðið/Líney Sigurðardðttir
AFLAKLÓIN Arnþór Jó-
hannsson með maríulaxinn
sinn úr Hafralónsá, 11 punda.