Morgunblaðið - 16.10.1996, Page 1
64 SÍÐUR B/C/D/E
Morgunblaðið/Snæbjöm Guðbjörnsson
Arafat efins um að samkomulag náist á næstunni í viðræðum við ísraela
Vill bandarískan her í Hebron
Nýtt fjall
blasir við
í jöklinum
TIGNARLEG sjón blasti við
þegar jarðvísindamenn flugu
yfir Vatnajökul í góðu skyggni
síðdegis í gær. Nýtt fjall, sem
eldgosið hafði myndað, blasti
við augum. Nær fjallstoppurinn
upp fyrir jökulinn. Eins og sjá
má var ekkert gos í gangi og
telja jarðvísindamenn að annað-
hvort liggi gosið niðri tíma-
bundið eða því sé lokið. Fjallið
bræðir is af jöklinum og rís
gufa upp af fjallstoppnum.
Bræðsluvatn heldur áfram að
renna frá gosstöðvunum og nið-
ur í Grímsvötn. Vatnið rennur
eftir opinni þriggja kílómetra
langri ísgjá og grefur sig svo
undir jökulinn til Grímsvatna.
Yfirborð Grímsvatna var orðið
1.504 m samkvæmt mælingum
Norrænu eldfjallastöðvarinnar
í gær. Jöklafræðingar Raunvís-
indastofnunar hafa áætlað að
1.505 til 1.510 m vatnshæð þurfi
til að vatnið nái að smeygja sér
undir stífluna sem heldur vatni
í Grímsvötnum.
Jeríkó. Reuter.
HUSSEIN Jórdaníukonungur varð
í gær fyrsti leiðtogi arabaríkis til
að heimsækja sjálfstjórnarsvæði
Palestínumanna á Vesturbakkanum
sem tilheyrði Jórdaníu þar til Israel-
ar hertóku svæðið í sexdagastríðinu
fyrir 29 árum. Yasser Arafat, leið-
togi sjálfstjórnarsvæðanna, kvaðst
efast um að samkomulag næðist á
næstunni í viðræðunum við ísraela
um Hebron á Vesturbakkanum en
sagði að til greina kæmi að leysa
deiluna með því að bandarískir her-
menn vernduðu 400 gyðinga sem
búa meðal 100.000 araba í borginni.
Árafat var á meðal farþega í
þyrlu konungsins sem flaug frá
Amman til Jeríkó. Hundruð manna
fögnuðu konunginum sem hélt aftur
til Amman eftir fjórar stundir. Jórd-
anir hafa ekki gert tilkall til Vestur-
bakkans frá árinu 1988.
„Stagast alltaf á öryggi“
„Hingað til hefur enginn árangur
náðst,“ sagði Arafat um gang við-
ræðnanna á blaðamannafundi með
Hussein. „Því miður klifa þeir alltaf
á sömu setningunum og sömu kröf-
unum.“
Benjamjn Netanyahu, forsætis-
ráðherra Israels, hefur ekki viljað
flytja ísraelska hermenn frá Hebron
eins og kveðið er á um í friðarsamn-
ingum Israela og Palestínumanna
nema gerðar verði frekari ráðstaf-
anir til að tryggja öryggi gyðing-
anna í borginni. „ísraelar stagast
alltaf á öryggi, öryggi," sagði Ara-
fat. „Ég sagði við þá, allt i lagi,
ef þið treystið ekki sameiginlegum
sveitum okkar og ef þið treystið
ekki eigin hermönnum eða okkar
hermönnum, hvers vegna biðjum
við þá ekki um alþjóðlega friðar-
gæslu með þátttöku bandarískra
hermanna?"
Arafat sagði að bandarískir her-
menn hefðu verið sendir til Sínaí-
skaga í Egyptalandi og fleiri staða,
þannig að fordæmi væru fyrir slíkri
lausn.
London. Rcuter.
STÖÐUG hækkun olíuverðs gæti ýtt undir
verðbólgu víða um ,heim fyrr en talið hefur
verið. I gær hækkaði verð á viðmiðunarolíu
úr Norðursjó upp fyrir 25 dollara fatið. Hefur
verðið ekki verið hærra í sex ár eða frá því
í Persaflóastríðinu.
Fatið af Brent-olíu úr Norðursjó hefur hækk-
að um 7 dollara frá í júní, einkum vegna ótta
við pólitíska spennu í Miðausturlöndum og
þess, að birgðir húshitunarolíu á Vesturlöndum
eru a.m.k. 10% minni en á sama tíma í fyrra
en þá þóttu birgðir í lágmarki. Olíufyrirtækjum
er kennt um að hluta en þau hafa reynt að
draga úr kostnaði með minnkun birgða.
Einnig á það sinn þátt í hækkun olíuverðs
Hækkun olíu
ýtir undir
verðbólgu
á árinu, að eftirspurn eftir olíu hefur vaxið
um 2,5% á einu ári í ríkjum OECD.
Ekki er búist við, að ríki í samtökum olíu-
framleiðenda (OPEC) muni bregðast við vax-
andi eftirspurn með aukinni framleiðslu. Sér-
fræðingar hafa reiknað út, að umframtekjur
OPEC-ríkjanna vegna verðhækkana á þessu
ári nemi 25 milljörðum dollara, 1.675 milljörð-
um króna.
Miðað við, að verð á olíufati haldist í 22-24
dollurum næstu þijá mánuði gera hagfræð-
ingar ráð fyrir því að verðbólga hækki í Frakk-
landi um 0,7% og 0,6% í Bandaríkjunum, en
gert er ráð fyrir, að verðbólguáhrif olíuverð-
hækkana verði hlutfallslega mest í þessum
tveimur ríkjum. Víða er almennra verðhækk-
ana tekið að gæta vegna dýrari olíu, m.a. í
auknum flugfargjöldum í Bretlandi og búist
er við, að senn hækki fargjöld bandarískra
flugfélaga einnig af sömu ástæðu.