Morgunblaðið - 16.10.1996, Qupperneq 9
MORGUNBLAÐIÐ
MIÐVIKUDAGUR 16. OKTÓBER 1996 9
FRÉTTIR
Sportittling-
ur í Garði
ÝMSIR fuglar, sem yfirleitt sjást
ekki hér á landi, hafa borist hing-
að með vindum undanfarnar vik-
ur og virðast margir una sér
ágætlega. Fjórir sportittlingar
sáust í Garði nú í vikunni, en slík-
ir spörfuglar heimsækja Suður-
nesin að vísu af og til. Samkvæmt
Fuglabók AB er sportittlingur-
inn fargestur umhverfis Eystra-
salt og á Bretiandseyjum, en
flækist allt til íslands og Færeyja
og suður til Ítalíu. Fuglaskoðari
náði þessari ljósmynd af einum
sportittlinganna í Garði.
Morgunblaðið/Yann Kolbeinsson
*
Fyrsta opinbera heimsókn Olafs Ragnars í næsta mánuði
Viðskipti og at-
vinnulíf í öndvegi
SÉRSTÖK áhersla verður lögð á
málefni viðskipta- og atvinnulífs í
fyrstu opinberu heimsókn forseta
Íslands, Ölafs Ragnars Grímssonar,
en hún verður farin til Danmerkur
um miðjan næsta mánuð. Seinasta
opinbera heimsókn forseta íslands
til Danmerkur var árið 1981.
Forsetahjónin og fylgdarlið, sem
samanstendur meðal annars af ut-
anríkisráðherra, ráðuneytisstjóra,
forsetaritara og fulltrúum viðskipta-
lífs hérlendis, halda til Danmerkur
að morgni 18. nóvember næstkom-
andi.
Ræður í beinni útsendingu
Ekki er búið að móta dagskrá
heimsóknarinnar í smáatriðum en
hún stendur frá mánudegi til mið-
nættis á miðvikudag, auk þess sem
forsetinn mun sinna öðrum erindum
í íslands þágu fimmtudaginn 21.
nóvember.
Tekið verður á móti forsetahjón-
um með móttökuathöfn á Kaup-
mannahafnarflugvelli að viðstaddri
Margréti Þórhildi Danadrottningu,
prins Henrik eiginmanni hennar og
Jóakim prins og ráðherrum í ríkis-
stjórninni. Forseti og fylgdarlið
dvelja í Fredensborg, höll sem er um
hálftíma akstur frá Kaupmanna-
höfn, en þar býr Danadrotting frá
apríl og fram eftir nóvembermánuði.
Sama dag munu forsetahjónin
snæða hádegisverð með drottningu
og manni hennar en að því loknu
er ráðgert að forseti opni sýningu
sem helguð er Norður-Atlantshafinu
og sitji móttöku fyrir erlenda sendi-
herra í Danmörku, en margir þeirra
eru einnig sendiherrar landa sinna
á íslandi. Um kvöldið býður drottn-
ing til hátíðarkvöldverðar í höll sinni
og er stefnt að því að danska sjón-
varpið sýni ræður þjóðhöfðingjanna
í beinni útsendingu.
Stórframkvæmdir skoðaðar
Þá er stefnt að því að forseti og
fylgdarlið kynni sér framkvæmdir
við risavaxna hengibrú yfir Stóra-
Belti og jarðgöng þar undir, en von-
ir standa til að þau verði tekin í
notkun á næsta ári. Ólafur Ragnar
verður fyrsti þjóðhöfðinginn sem
skoðar göngin, að sögn Kornelíusar
Sigmundssonar forsetaritara. Þá
verður bærinn Koge heimsóttur og
merkar minjar þar skoðaðar og fyr-
irtæki.
Forseti íslands efnir síðan til
kvöldverðarboðs til heiðurs drottn-
ingu á þriðjudagskvöld, en þar verð-
ur borinn fram íslenskur matur og
annast íslenskir matreiðslumeistarar
matseld og notast alfarið við íslenskt
hráefni.
í heimsókninni mun forseti jafn-
framt leggja blómsveig á minnis-
varða um þá Dani sem féllu í seinni
heimsstyijöld, að viðstöddum ætt-
ingjum nokkurra þeirra sem létust,
mönnum sem börðust í stríðinu og
hljómsveit danska hersins.
Einnig er búist við að forsetinn
heimsæki sambýli fyrir vanfæra eit-
urlyfjasjúklinga, en markmiðið með
þeirri starfsemi er meðal annars að
reyna að gefa börnum kost á að
fæðast í heilbrigðu umhverfi án eit-
urlyfja, og danskan grunnskóla þar
sem sex ára börn taka á móti íslensk-
um gestum.
Síðar heimsækja forseti og fylgd-
arlið danska þingið, kynna sér
stjórnarskrá landsins undir leiðsögn
forsætisnefndar þingsins og snæða
hádegisverð með forsætisráðherra
Danmerkur í Kristjánsborgarhöll,
auk þess sem þeir sitja saman blaða-
mannafund.
Útflutningsmál rædd
Forseti og fylgdarlið sitja síðan
hringborðsumræður hjá félagi
danskra iðnrekenda, þar sem mátt-
arstólpar í dönsku viðskiptalífi verða
samankomnir, og skipst verður á
skoðunum um hvernig Dönum hefur
tekist að ná jafn góðum árangri og
raun ber vitni á sviði útflutnings.
Seinasta kvöld opinberu heim-
sóknarinnar býður Dansk-Islandsk
Samfund og að líkindum íslendinga-
félögin ytra til samkomu, en heim-
sókninni lýkur formlega á miðnætti.
Forseti og fylgdarlið munu hins
vegar heimsækja Stofnun Arna
Magnússonar á fimmtudag, svo eitt-
hvað sé nefnt, danska stórverslun
sem hyggst bjóða íslenskar vörur
og hús Jóns Sigurðssonar. Jafnframt
þessari dagskrá verður efnt til form-
legra viðræðna utanríkisráðherra
landanna tveggja.
Haust/vetur 96-97
Nýr bæklingur
Mikiö úrval af
kerrum og vögnum
m
Sflf&Zli ALLT FYRIR BÖRNIN
Fjölbreytt úrval ríkisverðbréfa
Sniðin að mismunandi þörfum sparifjáreigenda
• Fjölbreytt úrval ríkisverðbréfa sem uppfylla óskir fjárfesta um ávöxtun, lánstíma, öryggi, verðtryggingu o.fl.
• Ríkisverðbréf eru markaðsverðbréf, skráð á Verðbréfaþingi íslands, og eru því auðseljanleg hvenær sem er á lánstímanum.
• Ríkisverðbréf eru boðin útvikulega.
Ríkisvíxlar
Ríkisvíxlar
Ríkisvíxlar
Ríkisbréf
Ríkisbréf
ECU-tengd
Árgrei&sluskírteini
Spariskírteini
Spariskírteini
Spariskírteini
3 mánubir
l 6 mánuðir
■ 12mánuðir
3 ár
5 ár
I Óverötryggð ríkisveröbréf
! Verötryggö ríkisverðbréf
20 ár
Hafðu samband við ráðgjafa Þjónustu-
miðstöðvar ríkisverðbréfa og fáðu nánari
upplýsingar. Sími 562 6040.
ÞJONUSTUMIÐSTOÐ
RÍKISVERÐBRÉFA
Hverfisgötu 6,2. hæð, sími 562 6040, fax 562 6068.
Hvað sem þú gerir - sparaðu með áskrift að spariskírteinum