Morgunblaðið - 16.10.1996, Page 31
MORGUNBLAÐIÐ
MIÐVIKUDAGUR 16. OKTÓBER 1996 31
I
I
I
I
1
I
I
;
i
i
1
í
I
<
<
<
i
<
<
<
<
<
<
<
<
FRÉTTIR
Fundur um forvarnir
gegn fíkniefnum
BREIÐABLIK heldur opinn fund um
fíkniefnaneyslu unglinga og lyfja-
notkun íþróttamanna í Smáranum,
félagsheimili Breiðabliks við Dal-
smára 5 í Kópavogi miðvikudaginn
16. október kl. 20.15.
Astæður þess að félagið heldur
þennan fund er sú óhugnanlega staða
sem upp er komin vegna sívaxandi
fíkniefnaneyslu ungs fólks í Kópa-
vogi, eins og reyndar annars staðar,
og vegna þeirrar staðreyndar að
lyfjanotkun íþróttamanna hefur vax-
ið á liðnum árum, segir í frétt frá
Breiðabliki.
Á fundinum verða haldin fram-
söguerindi af ýmsum sérfróðum aðil-
um um þessi málefni. Eftir að Logi
Kristjánsson, formaður Breiðabliks,
hefur sett fundinn mun Magnús Ein-
arsson, yfirlögregluþjónn í Kópavogi,
og Bjöm Halldórsson, yfirmaður
fíkniefnadeildar lögreglunnar, fjalla
um fíkniefnavandann í Kópavogi frá
sjónarhóli Iögreglunnar og refsiþátt-
urinn. Sigríður María Tómasdóttir hjá
Jafningjafræðslunni fjallar um jafn-
ingafræðslu, hvað hún hefur gert og
hver sé árangurinn. Birgir Guðjóns-
son, iæknir, fulltrúi Islands í lækna-
nefnd LAAF, mun fjalla um lyfjanotk-
un íþróttamanna og afleiðingar henn-
ar. Loks mun Ingi Bæringsson, for-
vamarfulltrúi SÁÁ, fjalla um forvam-
arstarf heima og íþróttafélaga.
Eftir framsöguerindin verða pall-
borðsumræður undir stjórn _ Karls
Garðarssonar, fréttamanns. í pall-
borðsumræðunum taka þátt þau sr.
Gunnar Siguijónsson, formaður
áfengisvamarnefndar Kópavogs,
Vanda Sigurgeirsdóttir, knatt-
spyrnukona og þjálfari, Björn Hall-
dórsson, lögreglufulltrúi, Þráinn
Hafsteinsson, íþróttafræðingur,
Gunnar Klængur Gunnarsson, deild-
arfulltrúi fjölskyldudeildar Kópa-
vogsbæjar, Dagbjörg Baldursdóttir,
fulltrúi unglingadeildar Kópavogs-
bæjar, og Skapti Hallgrímsson,
blaðamaður hjá Morgunblaðinu.
Fundarstjóri er Ingibjörg Hinriks-
dóttir en fundurinn er opinn öllum
áhugamönnum um þessi mál.
■ ÚTSKRIFTARNEMENDUR
1966 og 1967 frá Núpsskóla í
Dýrafirði ætla að fjþlmenna og rifja
upp góðar stundir í Olveri, Glæsibæ,
föstudaginn 18. október nk.
LEIÐRÉTT
Samþykkt með þremur
atkvæðum
RANGHERMT var í Morgunblaðinu
í gær að tillaga heilbrigðisnefndar
um undanþágu frá ákvæðum um
hljóðstig í mengunarvarnareglu-
gerð vegna nýbygginga við Kirkju-
sand hefði verið samþykkt með
tveimur atkvæðum fulltrúa R-list-
ans. Hið rétta er að allir þrír fulltrú-
ar R-listans í nefndinni veittu henni
samþykki sitt.
Röng dagsetning
brúðkaups
í brúðkaupstilkynningu hjónanna
Berglindar Skúladóttur Sigurz
og Sigurðar Valtýssonar í blaðinu
í gær voru þau sögð hafa gengið í
heilagt hjónaband 7. október sl., en
það gerðu þau hinsvegar 7. septem-
ber sl.
Ekki kært
Ranghermt var í fyrirsögn fréttar
um meinta nauðgun sem birtist í
Morgunblaðinu í gær, að búið væri
að leggja fram kæru. Stúlka sú sem
um ræðir, tilkynnti um nauðgun til
lögreglu en ekki hefur verið lögð
fram kæra. Málið er í rannsókn hjá
RLR.
Fyrsta
danskeppni
vetrarins
DANSSKÓLI Jóns Péturs og Köru
stendur fyrir danskeppni nk.
sunnudag 20. október. Keppnin fer
fram í íþróttahúsinu á Seltjarnar-
nesi.
Keppni þessi er opin öllum þeim
sem stunda dansnám í dansskólum
landsins og verður keppt í öllum
aldursflokkum, bæði í dönsum með
grunnaðferð og með frjálsri aðferð.
Þetta er fyrsta danskeppni vetr-
arins og er hún styrkt af Supdance
skóumboðinu á íslandi, að því er
fram kemur I fréttatilkynningu.
Húsið verður opnað kl. 12.
Keppnin hefst kl. 13 og henni lýkur
kl. 17. Aðgangseyrir er 400 kr. fyr-
ir böm, 600 kr. fyrir fullorðna og
sæti við borð kosta 1000 kr.
Haustfagnaður
framboðs
Guðrúnar
Agnarsdóttur
STUÐNINGSMENN Guðrúnar Agn-
arsdóttur halda haustfagnað föstu-
daginn 18. október, í Rúgbrauðs-
gerðinni, Borgartúni 6, til þess að
hittast og styrkja ijárhag framboðs-
ins en gjöld umfram tekjur þess eru
enn um 5,6 milljónir króna.
Boðið verður upp á málsverð, fjöl-
breytt skemmtiatriði, uppboð og
happdrætti, en aðgangseyrir að há-
tíðinni er 2.500 kr. Meðal skemmti-
atriða era söngur, danssýning, tón-
list, rímnakveðskapur og leikþáttur.
Veislustjóri er Þórhildur Þorleifsdótt-
ir, leikstjóri, og uppboðshaldari er
Samúel Öm Erlingsson, íþrótta-
fréttamaður. Húsið verður opnað kl.
19, en borðhald hefst kl. 20.
Björn og Egill
á Kringlu-
kránni
TRÍÓ Bjöms Thoroddsen ásamt Agli
Ólafssyni leikur á Kringlukránni mið-
vikudaginn 16. október. Aðaluppi-
staða tónleikanna er lagaflokkurinn
Híf opp sem varð til í samvinnu
Bjöms og Egils á síðastliðnu ári.
Tónlistin, sem er fjölbreytt, er
með ívafi ýmissa stítegunda s.s.
djass, rokk og latin-tónlist og einnig I
eru áhrif frá íslenskum þjóðlögum. I
Flytjendur auk Egils og Björns
TRÍÓ Björns Thoroddsen eru þeir Ásgeir Óskarsson á tromm- '
ásamt Agli Ólafssyni, ur og Gunnar Hrafnsson á kontra- í
söngvara. bassa. Tónleikarnir hefjast kl. 22.
Dagur fæð-
unnar í dag
MATVÆLA- og landbúnaðarstofn-
un Sameinuðu þjóðanna hefur til-
nefnt 16. október Alþjóðlegan dag
fæðunnar. Þennan dag ár hvert er
þess minnst að holl og næg fæða
er undirstaða velfarnaðar og heil-
brigðs lífs en í ár er dagurinn sér-
staklega helgaður baráttu gegn
hungri og næringaskorti.
Samkvæmt upplýsingum frá Mat-
vælastofnuninni eru 800 milljónir
manna vannærðar í heiminum, þar
af 200 milljónir undir 5 ára aldri.
Rúmur helmingur dauðsfalla meðal
barna í þróunarríkjum á þannig rót
sína að rekja á einn eða annan hátt
til lélegs viðurværis og ófullnægj-
andi næringar, ekki síst tíðari og
alvarlegri sýkinga meðal vannærðra
barna.
Árið 1992 var haldin alheimsráð-
stefna um næringu á vegum Samein-
uðu þjóðanna. Yfirlýst markmið eft-
ir ráðstefnuna voru meðal annars
að fækka vannærðum börnum í
heiminum um helming fyrir árið
2000 og útrýma bæði A-vítamín-
skorti, sem veldur blindu og augn-
sjúkdómum, og joðskorti, sem er
útbreiddasta orsök heilaskaða sem
unnt er að koma í veg fyrir.
Nokkuð hefur síðan áunnist í bar-
áttunni við skort á þessum tveimur
næringarefnum. Hins vegar hefur
ekki gengið jafnvel að. vinna bug á
vannæringu meðal barna.
Dagur SÞ gegn fátækt
á morgun
Sameinuðu þjóðirnar hafa valið
daginn á morgun, 17. október, al-
þjóðlegan dag baráttunnar gegn fá-
tækt. Jafnframt hafa SÞ helgað árið
1996 alþjóðlegri baráttu gegn fá- j
tækt. Áratugurinn 1997-2006 er j
tileinkaður sama markmiði.
í fréttatilkynningu segir að þessi ’
vandi sé ein meginundirrót ýmissa í
annarra meinsemda sem hijá mann- 1
kyn, svo sem vopnaðra átaka, sjúk- j
dóma og hungursneyðar.
Hinar ýmsu sérstofnanir SÞ, sem i
vinni að þesum málum ásamt al-
mannasamtökum á borð við Rauða
krossinn og Hjálparstofnun kirkj-
unnar, hafi í áranna rás þróað að-
ferðir til þess að sinna þessum mál-
um á raunhæfari og skilvirkari hátt
en áður tíðkaðist, en megináherslan
hvíli nú á hjálp til sjálfsbjargar.
Einnig sýni leiðtogar í heiminum
þessu máli sívaxandi áhuga.
Hafnargöngu-
hópurinn á
bíóslóðum
HAFNARGÖNGUHÓPURINN held- *
ur áfram að ganga á milli starfandi j
og horfinna kvikmyndahúsa í mið-
vikudagskvöldgöngu sinni 16. októ-
ber. Að þessu sinni verður gengið á
milli horfinna kvikmyndahúsa í
Kópavogi og Hafnarfirði í fylgd
kunnugra.
Mæting er við Hafnarhúsið kl. 20.
Síðan verður farið með AV, strætis-
vögnum Kópavogs og Hafnarfjarðar,
suður í Fossvog að göngubrúnni.
Sjálf gangan hefst við bautastein í
Skógræktinni kl. 20.30 og verður
gengið yfir skógræktarsvæðið suður
á Digranesháls. Þaðan niður á skipti-
stöð AV á Kópavogshálsi og farið
með þeim suður í Hafnarfjörð og
Strandgatan gengin. Til baka verður -
farið með AV. Allir velkomnir.
Til leigu 60 fm
verslunarhúsnæði
í Norðurbrún 2, Reykjavík, við hiiðina á nýrri
ELLEFU-ELLEFU verslun.
Upplýsingar í síma 557 3131 eða 893 0731.
FUNDIR - MANNFAGNAÐUR
1 IA r\'A RFJA RDARL EIKHÚSIÐ
w HERMÓÐUR OG HÁÐVÖR
Leiklistarnámskeið
fyrir börn á aldrinum 6-12 ára
verður haldið í Hafnarfjarðarleikhúsinu alla
laugardagsmorgna fram að jólum.
Námskeiðið hefst 26. október. Leiðbeinandi
verður Sigurþór Albert Heimisson.
Nánari upplýsingar í síma 555 0553 milli
kl. 16.00-19.00 alla daga.