Morgunblaðið - 16.10.1996, Blaðsíða 4
FOLK
■ GUÐMUNDUR Benediktsson
og Kristján Finnbogason, knatt-
spyrnumenn úr KR, eru búnir að
stofna keilulið ásamt tveimur öðr-
um. Þeir kalla liðið C-lið KR og
leikur það í 3. deild íslandsmótsins
í vetur.
■ IAN Ross, fyrrum þjálfari Vals,
KR og Keflavíkur, hefur verið rek-
inn frá skoska 2. deildarliðinu
Berwick en þar var Ross þjálfari
síðustu mánuði. Honum var sagt
upp eftir þijú töp í röð, nú síðast
á heimavelli 1:2 fyrir Stranrear.
Áhorfendur á þeim leik voru 313.
■ ALBERTO Tomba, ítalski
skíðakappinn frábæri, lýsti því yfir
í gær að hann myndi jafnvel sleppa
nokkrum fyrstu mótum heimsbikar-
keppninnar í haust. Þetta er reynd-
ar nánast árlegt brauð, en keppni
hefst í Austurríki um aðra helgi.
■ MARCO Gabbiadini, framheiji
hjá Derby í ensku 1. deildinni í
knattspymu, hefur verið lánaðar til
Birmingham í einn mánuð.
■ SKOSKA félagið Hearts er að
reyna að fá enska landsliðsframheij-
ann fyrrverandi Mark Hately. Hann
er 34 ára,v lék með Rangers um
tíma, þar sem hann gerði 115 mörk
í 217 leikjum, en hefur ekkert geng-
ið síðan hann kom til QPR. Hann
var lánaður til Leeds um daginn en
nú er Hearts sagt tilbúið að greiða
600.000 pund fyrir hann.
■ RON Atkinson, knattspyrnu-
stjóri Coventry, hefur fengið leyfi
forseta félagsins til að eyða allt að
10 milljónum punda - andvirði rúm-
lega milljarðs króna - í nýja leik-
menn. Coventry er í næst neðsta
sæti ensku úrvalsdeildarinnar.
■ ATKINSON hefur þegar keypt
leikmenn fyrir 18 milljónir punda
síðan hann tók við stjórninni, and-
virði nærri 1,9 milljarða króna, en
forsetinn er tilbúinn að láta hann
hafa meira fé því hann getur ekki
hugsað þá hugsun til enda falli lið-
ið í 1. deild. Þá verður það af um
10 milljónum punda — þar er um
að ræða greiðslur fyrir sjónvarps-
rétt og fleira.
Atli Eðvaldsson, sem hefur þjálf-
að ÍBV sl. tvö keppnistíma-
bil, var í gær ráðinn þjálfari 2. deild-
arliðs Fylkis og er samningur hans
til eins árs. Atli verður einnig áfram
þjálfari landsliðs leikmanna 21 árs
og yngri.
Bróðir hans, Jóhannes, var um
leið ráðinn markaðs- og kynningar-
stjóri félagsins. Meginverksvið
markaðs- og kynningarstjóra eru
tengsl við stuðnings- og styrktarað-
ila knattspyrnudeildar Fylkis.
„Það er spennandi að taka við
Fylkisliðinu og ég bind miklar von-
ir við það. Áhugi er mikill hjá félag-
inu og það er góður efniviður í
yngri flokkunum. Stefnan er að
sjálfsögðu sett á sæti í fyrstu deild
að ári,“ sagði Atli.
Jóhannes, sem var framkvæmda-
stjóri Reynis Sandgerði sl. sumar,
sagði starfið spennandi í Árbænum
og sagðist vonast til að geta gert
eitthvað fyrir félagið. „Félagið hef-
ur góða aðstöðu og á að hafa alla
möguleika á að vera sterkt hverfa-
félag þar sem allir geta gengið á
völlinn og stutt við bakið á liðinu.
Ég vona að ég geti miðlað af reynslu
minni,“ sagði Jóhannes.
Atli sagðist ekki geta hugsað sér
betri mann að vinna með en bróður
sinn. „Ég mun örugglega geta þeg-
ið ýmis ráð frá honum. Við komum
úr ólíku knattspymuumhverfi, hann
frá Skotlandi og ég frá meginland-
inu,“ sagði Atli, en þeir bræður
Morgunblaðið/Þorkell
BRÆÐURNIR Atll, til vinstrl, og Jóhannes Eðvaldssynir, fyrrum landsliðsfyrirliðar, hafa verið
rððnlr tll Fylkls. Verkefni þeirra verður að koma llðinu aftur upp í 1. delld.
voru báðir fyrirliðar íslenska lands-
liðsins á sínum tíma, sem kunnugt
er.
Ásmundur Halldórsson, varafor-
maður knattspyrnudeildar Fylkis,
sagðist ánægður með að hafa feng-
ið þá bræður til starfa. „Við reikn-
um með að halda óbreyttu liði frá
því á síðasta tímabil, nema að Þór-
hallur Dan er farinn til KR. Aðrir
hafa gefið það út að þeir ætli að
vera áfram hjá félaginu. Ráðning
Atla og Jóhannesar er fyrsta skref-
ið í að endurheimta sætið í 1. deild,"
sagði Ásmundur.
KNATTSPYRNA
Bræðumir Atli og Jóhann-
es Eðvaldssynir til Fylkis
KÖRFUKNATTLEIKUR
Jón Kr. Gíslason landsliðsþjálfari hefurengu gleymt
Níu stoðsendingar
að meðaltali í leik
Jón Kr. Gíslason, landsliðþjálfari
og leikstjómandi Grindvík-
inga, hefur greinilega engu gleymt
í körfunni. Eftir þijár umferðir er
hann efstur á lista hvað stoðsend-
ingar varðar, gefur að meðaltali 9
stoðsendingar í leik. Jóhannes
Kristbjömsson úr Njarðvík er í
öðru sæti með 7 stoðsendingar að
meðaltali og Ómar Sigmarsson úr
Tindastóli hefur gefið 6,7 stoð-
sendingar að meðaltali í þeim
þremur leikjum sem liðið hefur
leikið. Það sama hefur Tómas
Holton hjá Skallagrími gert og
KR-ingurinn Champ Wrencher
hefur átt 6,3 stoðsendingar að
meðaltali í vetur.
Stigahæsti leikmaðurinn eftir
þijár umferðir er Andre Bovain
hjá Breiðabliki en hann hefur
gert 104 stig, 18 með þriggja
stiga skotum, 54 stig með tveggja
stiga skotum og 32 stig úr víta-
köstum. Bovain hefur gert 34,67
stig að meðaltali í leikjunum
þremur en í öðru sæti er Fred
Williams hjá Þór með 98 stig,
32,67 að meðaltali. Damon John-
son úr Keflavík er í þriðja sæti
með 81 stig, Euan Roberts hjá
KFÍ hefur gert 79 stig, Tito Bak-
er hjá ÍR er með 77 og Tottey
John hjá Njarðvík hefur gert 71.
Hermann Hauksson er fyrsti ís-
lendingurinn á lista yfir stiga-
hæstu menn, er í sjöunda sæti
með 69 stig, stigi meira en Jef-
frey Johnson hjá Tindastóli.
Erlendir leikmenn liðanna raða
sér í níu efstu sætin í fjölda frá-
kasta en Páll Kristinsson úr Njarð-
vík er í tíunda sæti með 9 fráköst
að meðaltali. Efstur trónir Fred
Williams úr Þór með 18,3 fráköst,
Euen Roberts úr KFÍ hefur tekið
14,7 fráköst að meðaltali, Damon
Johnson úr Keflavík 13,7, Andre
Bovain úr Breiðabliki 13,0, Alex-
ander Ermolinskij hjá ÍA, Torrey
John hjá Njarðvík og Shawn Smith
hjá Haukum hafá allir tekið 11,3
fráköst að meðaltali í vetur, Jef-
frey Johnson hjá Tindastóli er með
10,3 og Herman Myers hjá
Grindavík 10, en hann hefur að-
eins leikið einn leik.
íslenskir leikmenn eru í tveimur
efstu sætunum á lista yfir að ná
bolta af móteijum sínum. Óskar
Kristjánsson úr KR hefur 13 sinn-
um „stolið" bolta í tveimur leikjum
og er því með 6,5 í meðaltal og
Eiríkur Önundarson úr ÍR er með
6,0 í meðaltal en hann hefur leik-
ið þijá leiki og 18 sinnum krækt
í bolta frá mótheijum sínum. Tóm-
as Holton úr Skallagrími, Andre
Bovain úr Breiðabliki og Yorick
Parke úr Tindastóli koma næstir
með 4,3 „stolna" bolta að meðal-
tali.
Morgunblaðid/Kristinn
JÓN Kr. Gíslason, leikstjórnandl Grindvikinga, meó knöttlnn
í lelknum gegn Haukum í fyrstu umferð úrvalsdeildarinnar.